川熙樓 (Closed)

店鋪位於君怡酒店內，從地下扶手電梯上一層便見到。甫坐下，店員便奉上一壺清茶及一碟鹵豆腐乾。手工擔擔麵 $52淡淡的辣味帶有花生香， 唔太食得辣嘅朋友都可以食。麵質爽彈幾特別，有別於一般的軟稔麵質。配料是典型的肉碎和花生，份量也很多。鹵肉麵 $68湯底看似平平無奇，味道卻十分濃郁，鹵肉是超多的，肉稔而且香甜，麵質跟擔擔麵的一樣。口水雞 $78口水雞都幾辣，辣中帶著的香味令人回味。唔食得辣嘅同行朋友都讚不絕口，還要將雞放入湯麵的湯中減辣，以求多吃幾件。涼涼的雞肉很鮮嫩，配菜有青瓜絲和花生，青瓜絲醮滿香辣的醬油汁，是伴麵吃的絕佳選擇。鮮菌紅燒豆腐 $128醬油汁好特別，嘅有蠔油的鮮味，又有麻油的香味，豆腐和鮮菌的份量十分多，我哋兩個人都食唔晒，還附送了幾條新鮮的菜心呢。菜心又爽又甜，豆腐很滑有豆香。要特別一讚呢度嘅店員。我哋食唔晒問店員拎咗個外賣盒，店員送上外賣盒嘅同時還幫我哋用新嘅筷子將剩餘食物入盒，十分貼心和殷勤！

本身好鍾意食辣，偶然行過見到川熙樓有四川火鍋任食，係酒店入面，價錢唔貴，當然要試下啦！ 點左鴛鴦湯底，分別係麻辣清酒鍋同蕃茄薯仔牛肋鍋，湯底真材實料，絕無欺場，清洒鍋麻香味濃，蕃茄牛肋鍋清新醒胃，果然冇㨂錯。安格斯肥牛色澤鮮豔，極重牛香，回味無窮，麻辣牛肉口感嫩滑，加上很香川味醃料，爽口之餘，齒頰留香，最重要係其地方未食過，非常新鮮獨特，所以我地重覆點左四次，其餘五花腩片油脂多，啖啖肉，鴨血鵝腸新鮮爽口，花雕雞件，花雕味好重，雞肉滑滑溜溜，好食。而手打雞滑及墨魚滑十分彈牙，真材實料，另外薯粉一定要，因為配上麻辣湯湯底好入味，薯粉煙韌，吸收整個湯既精華，簡直絕配。環境好舒適，特別張枱非常大，可以放滿好多食物，下次一定再食過！

在酒店內找到$298 兩小時川鍋邊爐放題麻辣清油鍋+苗家酸湯魚鍋今晚決定黎個酸辣對決 刺激一下自己既味蕾麻辣清油鍋 佈滿密密麻麻火紅嘅辣椒 仲有唔同嘅香料 川味特色濃厚 又香又麻 芳香撲鼻苗家酸湯魚鍋 湯底配料豐富 有時令蔬菜 啖啖肉嘅魚塊 湯底酸酸的非常開胃湯底都幾特別 有川菜特色唔同時段有唔同收費 火鍋配料需額外收費 及有加一服務費餐廳帶點懷舊氣氛 以木製傢俬及紅色作為主調 座位舒適空間寬敞放題形式 見到鍾意食嘅就點 唔使考慮咁多 好快我哋就話到一枱都係嘢食 等我介紹下我覺得較為出色的火鍋配料啦墨魚滑 雪白亮麗 晶瑩通透 面頭放滿密密麻麻嘅蟹仔 入口彈牙 鮮味十足醉雞件 清幽嘅酒香 雞件非常入味 雞肉嫩滑肥瘦適中蟹棒 係靚貨 唔會食到成口粉 一梳梳地蟹肉 完全吸收細湯底嘅味道 好吃鴨血 質感嫩滑 唔會一夾就散 亦冇血嘅腥味鵝腸 彈牙爽口 口腔充滿著非常香嘅鵝脂香味 而且清潔得非常乾淨 完全食唔到異味韮菜餃 隻隻肥美飽滿 皮薄餡靚

最近愛上左食川菜，今晚趁住約左無辣不歡既朋友食飯，當然搵返間坐得舒服而又有好野食既川菜館啦。位於君怡酒店既川熙樓，晚飯時間有得揀任食邊爐同埋小菜，鍾意食各式各樣川菜既我地，當然揀小菜啦。餐廳地方不但闊落而且舒適，佈置仲好有格調，帶俾人中國古色古香既感覺。水煮魚水煮魚有大同埋例牌兩個份量，我地人數唔多，只係叫左個例牌。上菜時散發出陣陣麻香味，雖然面層佈滿辣椒同紅油，但係入口無想像中咁辣，魚塊唔單止無骨，而且鮮嫩軟滑，而且相當入味。除此之外，鍋裡面仲有各式各樣既配菜，好似青瓜，雲耳，芽菜，薯粉等等。薯粉既彈牙又滑溜，吸收晒湯底既味道後，入口又麻又辣，感覺非常過癮。辣子雞丁碟上佈滿辣椒，雞丁炸得香脆，味道辣之餘亦非常麻，一粒一粒食食到停唔到口，不過味道有點濃，適宜拌飯食，亦都係拌酒佳品。重慶酸辣粉湯底呈紅色，酸辣粉用左薯粉，口感煙韌彈牙，加埋肉碎同花生，入口又酸又麻，吸收左湯嘅味道後非常好味，香味十足，簡單既配料反而令酸辣粉更有層次感。呢度既食物相當有水準，環境亦都好舒適，適合一大班人黎食，咁就可以叫多D唔同既食物啦。

今年生日，同朋友黎呢到打邊爐～地方寬敞～坐得好舒服唔洗逼住～坐底無耐，店員就拎咗調味料俾我地揀，唔洗行出去～仲有六款～對我黎講，最唔少得既當然係蔥、乾蒜同辣椒，有諗過試唔試中間嗰樣野，但唔知咩黎我又無問，都係放棄咗lu~任食火鍋選擇都唔少～我最愛既牛當然唔少得啦～其中一個真係好少喺出面見到，就係麻辣牛肉～我同我朋友第一round就叫晒兩款牛～仲有響鈴、魚皮餃等等，安格斯肥牛片雪花分佈得都算平均～牛味都好出～麻辣牛肉個超正～麻辣味當然有啦～食下食下我諗起以前細個成日食既零食～一包包係超市買到既牛肉乾～～個味勁似～唔好以為佢好韌呀～～一啲都唔覺～魚皮餃其實我一向都麻麻地鍾意食～覺得多數都太鹹～但我估如果下次我再黎呢間，魚皮餃會係我必選食物之一～佢皮薄，一咬落去爆汁～唔會好似出面嗰啲咁鹹～而家諗返都想再食～土魷魚，淥咗幾耐都好爽口～花雕雞件，雞勁滑～～唔知係咪我地放咗好多落去，個鍋都有少少酒香味～啲粟米好甜～～佢個菇菌拼盤都有好幾款菇～～墨魚滑好彈牙～～呢到唔算太嘈～我同我friend邊食邊吹水～～超正～～

當放工諗唔到食咩嘅時候，又不知不覺去左尖沙咀川熙樓，今次兩個人閨密聚會😏名乎其實2個辣妹😝首先有女人恩物十全大補湯🤣＂當歸燉羊肉湯＂一上枱已經聞到濃濃嘅藥材味，燉湯果然入味好多，連羊肉都食埋🤤好暖胃又滋陰👻＂鹽燒海蝦＂雖然唔辣，但蝦肉新鮮有彈性，用粗粒海鹽調味，驚覺呢度燒物同樣出色👍🏻😎＂麻辣筍殻魚＂同＂辣子羊丁＂係上次返炒，水準依然，今次特登叫佢加辣，味道更香濃，食得辣既朋友不妨叫佢再加辣👍🏻 因為Fusion唔會係正宗四川超辣feel🌶重頭戲＂麻辣水煮魚＂份量好大呀，魚肉超滑，滿滿麻辣係舌尖翻騰，底層重有粉皮，勁入味～唔洗再order飯都飽飽😎👍🏻

今日女友黎尖沙咀搵我食Lunch, 問佢想食咩，竟然話要打邊爐，真係難題中既難題咪住先，好似早排同事話附近真係有lunch做火鍋既餐廳wor, 立即打電話求救!原來係一間系酒店入面既川菜，午市提供小火鍋定食，$88一個自選火鍋跟飯同飲品，尖沙咀黎講都叫做抵食既我同女友分別叫左麻辣雜錦鍋同當歸羊肉鍋，份量都好十足，火鍋料一d都唔慳，雜錦鍋要咩有咩，羊肉鍋十分香，肉又多，真係不得不得了！下次再同班同事黎Encore!

今日約左朋友去尖沙咀食午飯，佢話之前食過川熙樓入面的川菜火鍋覺得好正，就帶左我黎呢到試試佢的午餐。午市人流唔算多lunch menu-小火鍋類Lunch menu-小菜類既然朋友推薦得火鍋，我當然要試試佢的火鍋啦。鍾意食羊的我二話不說就揀左個當歸羊肉鍋，羊肉勁淋，湯底又濃又甜，真係好耐冇食過咁好食的羊肉鍋啦！估唔到食個午餐都會有意外驚喜！至於朋友就揀左麻辣雜錦鍋，香濃的麻辣火鍋是食川菜的必選菜式，川熙樓當然亦沒令人失望食過咁高質的午市火鍋都唔洗一百蚊一個人，好抵食，下次會再來！

難得星期六梗係要舒服地悠閒下啦！於是同朋友去酒店餐廳食個悠閒午餐餐廳嘅裝潢都是中式感覺的，周圍都用花瓶嚟裝飾，而且中國風味亦很重。點了一個麻辣鍋，裡面有午餐肉、粟米、豬紅、丸、菇等。而湯底是非常香味的麻辣湯底，配以白飯一碗。火鍋裡非常足料，每款都有少量，而且湯底都好香。雖然麻辣油都好多，但因為有菜吸晒油，所以素菜類嘅食物都好重味。由於點的是中辣，所以也不算非常麻，很愛辣嘅朋友可以挑戰大辣！朋友則點了清湯底的牛鍋，裡面有斯齊牛嘅配搭，例如牛丸、牛肉、牛根、牛展、牛柏葉等。湯底是清湯但充滿牛味。而且非常鮮味。最後來一點麻辣魚。貌相是不討好，但如果你愛辣又愛魚，這碟是不得不吃的。魚是炸過的，魚皮是脆的，而魚肉是鮮甜的，非常滑。而味道更是精髓，除左辣之外，更是完全配合到魚。

很久沒吃麻辣火鍋了，一向超愛吃辣的我，今天來這間酒店餐廳吃麻辣火鍋放題。這餐廳除了火鍋放題，也有小菜可以點。餐廳環境十分寬敞整潔。湯底可以選兩個，我們選了麻辣清油鍋和鴨血粉絲鍋。留意醬料是要加20元一位的，另外茶位和花生也要收費。每人大概要多付35元左右。無酒精飲品是任飲的，但酒精飲品任飲就要另外加錢。麻辣湯香料味豐富，先麻後辣，勁度十足。鴨血粉絲湯底則較為清淡, 粉絲煮太久會溶掉所以不要太遲撈起來。以下來說說各種火鍋配料。安格斯肥牛：原本我們只點了一碟6片，怎料來了一大碟。牛肉還未完成解凍，還有一點雪。在麻辣湯底煮熟後，牛味很香濃又麻辣，有點水煮牛肉的感覺。紐西蘭羊卷肉：個人認為比牛肉更美味，羊味香濃而不羶，肉質也夠嫩滑。花雕雞件：雞肉嫩滑，帶有清淡的酒香。手打墨魚滑：這是我認為最美味的配料，墨魚滑很彈牙新鮮，配了一點點蟹籽，增加了脆卜卜的口感。炸豆卜：吸收了湯底的精華，入口十分juicy。蔬菜拼盤：超級新鮮很大棵，和鴨血粉絲湯底味道較配的。

在美麗華商場做完美容已經七時多快八時，由於沒甚胃口，男友提議說吃些麻辣食品開一開胃，尋覓下發現不遠的君怡酒店有一家四川菜，位置較隱蔽要刻意尋訪，但吃過後便知道絕對值得。一進店內，環境寬敞，每一桌都有足夠的空間，合適相聚聊天。店長看我們正苦惱不知吃甚麼好，更主動前來了解我我們的口味及提議食品，十分殷勤有禮。******************************椒麻雞 (分數10/10)店長聽見我們說不太愛大辣但好麻，就推薦了這個椒麻雞作為前菜。平常口水雞吃得多，沒有吃過椒麻雞，本來我們也將信將疑，但一來到看見放滿串串的麻椒實在少見！賣相精緻，雞肉十分嫩滑入味，並且只有很微辣，實實在在的麻醉味蕾，十分痛快！愛麻食客必點！驚喜還有鋪底的青瓜及薑絲，切得很細，把汁醬都吸收了，口感清爽 ******************************辣子肥腸 (分數8/10)先不要被滿碟都是辣椒嚇唬，只吃大腸的話辣度亦只屬輕微，大腸炸得火喉十足而且不油膩，加了花椒麻椒等令辣味更有層次。 ******************************手工擔擔麵 (分數8/10)這個擔擔麵沒有平常的

今晚約咗個喺香港過境嘅內地朋友食飯 ，佢住喺尖沙咀嘅酒店。本來諗住喺佢酒店度接佢先諗食乜，但又落大雨所以就係佢酒店裏面嘅食肆 揀咗一間坐低咗。我朋友本身係湖南人天生就鍾意食辣野。呢間係川菜館主打火鍋同埋小菜，都係食麻辣嘢為主應該啱佢口味。我哋得兩個人打邊爐食唔到好多嘢，所以都係叫咗幾個小菜。個前菜晾衣白肉話咁快就上枱。果然冇改錯名喺將幾片青瓜同埋薄切嘅白肉掛咗喺個架上邊好似晾衫咁。青瓜加埋白肉沾上個辣椒汁，辣得黎又有青瓜嗰種清新口感呢個配搭唔錯。跟住上嘅就係口水雞,係辣同埋麻嘅口感。雖然係辣同埋麻，但係啲雞肉好滑。呢啲就係川菜嘅特色。跟住上嘅就係擔擔麵，食得出係好正宗嘅川菜 做法同味道因為我喺內地都食過。佢哋呢度嘅師傅應該係正宗嘅四川人。最後上嘅就係燒椒肉末烤茄子，我第一次食呢個菜。做法係將條茄子用炭嚟烤熟，再喺上面洒啲切碎咗嘅肉碎再加辣椒同孜然粉。個菜辣得嚟好香好惹味。呢度嘅小菜係正宗嘅川式做法，同埋佢哋有得食火鍋。如果鍾意食四川菜嘅朋友呢度值得推介。

我兩口子好耐沒有食麻辣野，咁就搵下尖沙咀有咩辣野食啦，之前同老婆食過川熙樓打邊爐，今次不如試下叫小菜啦 , 我地兩口子叫左個水煮魚(大)同川式慢煮牛肋骨 (半份), 叫完之後就嘆返個茶先 .  水煮魚黎到,我見到嘩左一聲(細細聲同老婆講,好大碟呀), 之後發現內裡有勁多魚塊又有薯粉, 魚肉都好鮮嫩軟滑,不過食食下開始越來越鹹 , 希望他們有代改善啦 , 之後再來個牛肋骨,這個牛肋骨真係超嫩肉味又濃,再加埋個川味醬汁真係無得頂....

唔知點解呢排好想食川菜，但係唔係好多朋友鍾意食，難得咁啱鍾意食川菜嘅朋友得閒， 就拿拿臨約埋佢一齊去試下呢間喺酒店入面嘅川菜。首先黎嘅係辣子肥腸，好大碟，辣椒多肥腸仲多，賣相超級吸引，黎緊嗰陣已經聞到一陣麻香味。 佢啲肥腸好乾淨，係炸過嘅，炸得好香脆，亦都將裏面啲肥油炸曬出黎，食落口一啲都唔肥膩，有啲仲脆到好似薯片咁卜卜脆，辣度適中，夠麻夠香，愈食愈上癮。 泡椒酸菜魚份量都好多，泡椒味夠出，但係亦都唔會搶左酸菜嘅風頭，辣得嚟夠酸，魚肉已經起曬骨，吸曬啲湯之餘仲好嫩滑，飲一啖個湯，完全係精華所在。 最後嚟一個麻油雞麵，放低已經聞到陣麻油味，隻雞係用雞腿肉，好嫩好入味，麵夠煙韌彈牙，就算放咗一段時間都冇淋到。

正呀！！係歐洲返黎好耐冇食過川菜，估唔到搵到一間高質水煮魚～～大大碗，勁多辣椒🌶️ 見到即刻流晒口水。魚份量唔算少，好嫩～我反而更驚喜係撈撈下，原來底下有超級多料！！！！有好入味既爽口芽菜，有木耳呀青瓜，仲有我最鍾意既蓮藕同大量薯粉。真係唔洗驚唔夠飽，兩個人食真係夠。薯粉好有咬口好正好滿足。之後仲叫多左個豆腐，燒得入味，最鍾意係d菇，唔知煮法係點呢 因為食落似乾煸過 好乾身好濃菇味！！之後仲貪心咁叫多左碗擔擔麵！辣味就ok啦不過如果麻醬味比較足會更好味～～ 麵質都唔錯。