泉章居

Open Now

Now Closed

本人平時好懶惰，唔會寫食評，今次的起心肝寫，係因為唔想有人再中伏。上一次幫襯泉章居係五年前左右，當年係幫襯旺角嗰間分店，味道的確唔錯。今晚去咗上環嗰間（因為冇得選擇，只係整得呢一間），去之前已經有朋友同我講話呢間嘢唔好食。我抱着爛船都有3分釘嘅心態去試吓，叫咗四餸一湯，點知得到以下結果：梅菜扣肉嘅扣肉係好”鞋”，同埋又好鹹，啲梅菜中帶點酸味。炆煎釀豆腐嘅豆腐都係好”鞋”，讓啲肉落去又好少，冇乜味道。魚肚羹又冇乜魚肚，直頭少到食唔出，感覺好似係用好多粉開啲好杰嘅糊出嚟。啲莧菜食都好”老”。碟雞又冇乜雞味，好明顯係雪藏雞。本人一定唔會再嚟幫襯。

這是一家著名的中式菜館，其餐點以精湛的廚藝和新鮮的食材而聞名。筆者曾多次到店堂食，這次則是與朋友共用外賣套餐，共享美食。這次的套餐包括了多款中式菜式，其中沙薑雞讓筆者印象深刻，鮮嫩入味，香氣四溢，繼續保持了店內菜式的水準。其他菜式也十分不錯，包括中式牛柳、鹹魚雞粒豆腐、雞湯和西蘭花等，全部合口味，讓我們一行人都非常滿意。雖然我們只點了外賣，但食物的份量和品質都十分充足，而且價格十分抵。這次的套餐價格只有六百多元，而且足以供應四個人享用，十分經濟實惠。總括而言，上環泉章居的中式菜餚非常值得推薦，無論是堂食還是外賣都非常美味。如果你想品嚐正宗的中式美食，這裡絕對是一個不錯的選擇。

去吃下午茶，真係食到一肚氣，點解：1. 樓下無位，被安排上一層，比一張有污積枱布嘅枱我哋坐，因為大把枱，所以我哋要求坐隔離嗰張，嗰位態度極其惡劣嘅男部長用D負氣態度話嗰邊唔開，迫我哋坐有污積枱布嗰張，話D積係洗唔去喎，好啦，之後見到有對老夫婦黎，話識得嗰厨師要揾佢，嗰個男部長就比佢哋坐窗口位，因為識人嘛，幾好服侍2. 見到嗰對老夫婦比咗D少費嗰態度極其差嘅男部長後，有傾有講之餘，當嗰對老夫婦話D湯同d鷄凍左，佢就二話不說，即刻攞入厨房同佢哋返熱，嘩！真係好服務到呢！3. 下午茶時段5時先完，我哋都未食完（大摡2:50）就吹我哋埋單，原因並不是有人等位（大把枱），係因為要比嗰收銀同事落埸，最好笑係另一個女部長話可以走時係下面埋單，但另一個員工就攞緊張單埋黎吹我地比$，下午茶想食得舒服D都唔得，相反，嗰對老夫婦可以唔駛趕住埋，因為嗰男部長同收銀同事話佢哋食完先係下面埋單，此剛好印證正其中一個食客嘅評語，無小費，彩你都傻今時今日噤嘅服務態度，真係無語了，佢哋應該無睇劉華廣告相比係隔離嗰間“大頭蝦“餐廳，佢哋D員工態度好過泉章居真係好好好多囉，嗰次我哋已經叫左下午茶餐，但又想食想越式春卷，叫

舊同事因疫情關係已經有一年多沒有聚餐，疫情前差唔多每個月都有一次聚餐，今次因放寬堂食限制所以立即相約一會，大家都好期待，為了方便大家今晚聚餐選了上環泉章居，一間主打客家菜又有歷史嘅餐館，八個人叫了個六人餐再加咗兩樣食物。食物評價如下：鹽焗雞- 雞肉嫩滑，唔點沙姜汁都好夠味，果然係招牌菜。粟米魚肚羹- 味道都可口，唔會話好稀。梅菜扣肉- 另一味客家菜經典，扣肉唔會好肥但梅菜就幾鹹下，有啲先準。檸汁魚塊- 一般般，如果換咗粟米魚塊可能會較好。椒鹽鮮魷- 鮮魷入口唔會靱，火喉掌握得唔錯，味道都幾好。支竹火腩煲- 味道幾濃下，稍鹹，火腩份量算多。錦滷雲吞- 雲吞應該有蝦同豬肉，但就食唔到有蝦，佢係用咗傳統嘅醬汁，有五柳絲、蝦肉、青紅椒絲、洋蔥末、豬雜等煮成，味道甜甜酸酸，味道唔錯。客家炒飯- 飯炒到粒粒分明，屬水準之上。

尋日新年第一日開工，同一大班同事嚟食lunch，今次係我地第一次嚟。我地一圍枱，叫左小菜同埋幾個白飯。食物質素好一般，雞好味，但其他小菜太鹹，唔算好差但絕對唔講得上好。我地落單後二十分鐘，叫左嘅小菜都嚟晒，但幾碗白飯仍然未到。我第一次問待應阿姐，阿姐都幾好人話會幫我跟，但阿姐太忙上完菜執完枱後轉頭唔記得咗。再過十分鐘，我又問另一個待應阿叔，阿叔問完我幾多個白飯就走咗。又再過十分鐘，我地枱面嘅餸都食得七七八八，果幾碗白飯都仲未到，搵到個經理問。我問經理白飯都只係裝出嚟，點解叫左40分鐘都未到。經理串我：「唉呀無辦法啦，我地d伙記好忙㗎，要忙住同客傾偈，無人得閒幫你地裝飯，無辦法啦」我都知新年好旺好忙，我地無俾利是服務係差D，但都唔係咁樣同個客講，擺明唔俾利是就連白飯都唔俾你，真係唔怪得過年期間附近所有酒樓都full晒但佢仲有位。

同阿媽去食生日飯食嘅回憶有湯有飯有沙巴魚霸王雞例湯小炒王落樓埋單$700 如果諗住特別好食，就去返大排檔-雞肉汁嫲嫲，但勝在有醬汁-小炒王始終都係大排檔嘅撚手小菜-例湯先至係佢哋嘅專長-沙巴魚算係一個高質選擇,肉質非常好,食落份量夠

叫了四人套餐，加了一個炆豬肉，一個斑片多士，都昰㕑師推介，足夠六人有餘。套餐有半隻鹽焗雞，三個小菜，例湯。所有菜式，無論味度、分量，都做得很好…斑片有魚味，似係用新鮮魚，雞肉雖厚，但不’鞋’，炆豬肉味度有層次，送飯最好😋😋睇嚟全場滿座，侍應雖忙，但態度良好，亦非常體貼，值得一讚👍🏻👍🏻👍🏻。價錢合理，開瓶費也祇是$40@😁😁😁可以各方面都保持水準的老字號不多，絕對應該支持💪🏻💪🏻💪🏻

聽電話Reception小姐服務態度非常差惡劣...冚電話！好想趕客囉！如果唔想收Booking嘅話就唔好做啦！泉章居真係要考慮一下呢係咪需要呢請啲咁嘅員工囉令到啲顧客受氣！

和相識30年的兄弟飯聚，朋友選擇了上環泉章居，因為之前是之前飯聚的老地方。但係執下一間又一間，旺角及銅鑼灣分店都已先後執笠。有啲食肆和回憶係要珍惜下。食咗一陣先記得影相📸️，所有菜式仍保留水準，而價錢亦十分合理。霸王雞，肉質又滑又有鷄味。與蔥油十分搭配。梅菜扣肉送飯一流。蒸魚的火候亦啱啱好。整體餸菜幾滿意，但是職員的服務態度需要改善，我哋叫了霸王雞，但上了鹽焗雞。但一名職員堅持係我哋order了鹽焗雞，之後check單先至換俾我哋。但仍沒有影響我哋聚會的心情。😆

本身都抱住期望去食，冇諗到可以衰成咁我同屋企人黎食晚市，當時人唔算多，入到去見到仲有好多吉枱，但偏偏被安排左一張靠近路口位嘅枱，條通道有好多侍應拎住d餸走圍走，實在好危險，及後我們向侍應提出轉枱，她回應：你想轉咪轉lo。轉枱後，剛才那個侍應走過黎，問我地枱上d碗仲要唔要，表示唔要就收走，要就唔好張d碗疊高，要逐個逐個攤出黎放，如果唔係我會比老細鬧，聽完就係火都黎埋，點解要果客去遷就你地員工做法。d餸到齊，之後我哋想叫幾個白飯，就問侍應一個飯幾多錢，之後佢答完我價錢，丟張菜單比我，我當刻好愕然，我再問：係要寫返紙定可以就咁叫你落。佢話你要咪講lo，d態度真係世界級，講真，我第一次去呢度食，真係唔知你哋d價錢，問下啫。另外，成個用餐體驗都好唔自在，d侍應一見到我地食完就衝過黎收碟，成程係我地枱附近行黎行去，望實我地d枱，望住我地食野，好騷擾d客 ，最搞笑係當時仲有好多吉枱，有位侍應仲要走過黎我地枱黎鉛筆，須知道，支鉛筆擺左係入少少嘅位，佢要係枱與枱之間條好窄嘅通道攝入去，難道成間餐廳得我哋枱有鉛筆？最後我一叫埋單就走黎問我地d野食係咪唔要，我話係，之後佢同我清枱，連杯都收埋，本身想飲多幾杯

見此店食評不錯，11/5/2022於上環泉章居購買了一個$508的六人餐，如下：霸王雞半隻梅菜扣肉脆皮炸釀豆腐椒鹽鮮魷外賣自取回家後，也許是外賣包材的限制，「六人餐」的份量不算很多，最令眾人大失所望的竟然是：梅菜扣肉變質了！本想致電到該店，告知上述情況，但想到這也是於事無補的。最後，唯有將這道梅菜扣肉丟掉且說服自己接受：花了$508，買了一個切身的教訓！

老闆在星期五帶了一個12人盆菜回公司做團年午餐，個盆菜包裝得好企理， 蔬菜另外用膠盒裝好， 盆菜是用錫紙蓋頂， 再用一個厚身的環保袋將成個盆菜袋住， 及另外有兩膠樽的盆菜汁， 因個盆都好多食材， 要花20分鐘時間將盆菜翻熱到滾起， 一路煲緊時， 香味充滿了成公司， 大家都好心急想快快揭盅起筷了～因是12人盆菜， 好多食物都是12件， 鴨腳， 鮑魚， 蠔豉， 中蝦等等， 鮑魚size比想像中大， 而且是炆得好似紅燒咁， 好入味， 總之色澤上好似炆冬菇的顏色， 睇得出是花過心機去炆的。冬菇， 蠔豉，蘿蔔， 鴨腳好入味， 扣肉5層肥瘦平均分佈， 用南乳炆過的顏色，扣肉厚切都入口即溶， 個扎肉條好好食， 諗左好耐都唔知佢點整， 中蝦隻隻爽口彈牙，無梅的蝦出現， 咁嘅時侯個盆菜仲用中蝦， 蝦的來貨價都真係海鮮價， 呢點真係好唔簡單了。我覺得個盆菜汁調味適中，好味， 類似紅燒鮑汁， 而不是一般的南乳紅糟汁。芋頭腩肉都好好味， 腩肉夠林， 芋頭大件得黎，用筷子夾起都唔散， 好夠粉和不糊口。蔬菜包裝得好企理， 方便處理。 隻雞好味， 雞胸都唔鞋， 可能泉章居招牌菜是鹽焗雞， 處理雞呢方便絕對難唔到佢。

同朋友晚飯敘舊，諗起泉章居客家小菜，三人立刻起行。揀了套餐，點了半隻霸王雞，沙嗲牛肉炒芥蘭及梅菜蒸鯇魚。另外送例湯。霸王雞份量不少，蔥同薑絲份量多，另上沙薑粉同食，雞非常滑，冇得頂。沙嗲牛肉味道上佳，沙嗲味非常濃郁，牛肉份量多，入口香滑，芥蘭亦非常嫩，很不錯。梅菜蒸鯇魚size亦非常大，梅菜落得非常重手，鯇魚蒸得剛剛好，魚肉非常滑，很不俗。埋單400多元。難得係每碟小菜水準非常好，價錢亦算平，老店嘅服務亦改善不少，一定下次再嚟。

同同事食飯就揀咗泉章居一齊叫小菜食！ 佢個霸王雞仍然係咁好食！不過有啲鹹，餸飯就岩岩好另外仲叫咗酸菜魚米線，味道非常有驚喜！份量都好多，食極都有😂😂雜菜煲清清地又幾好食！

今晚去咗很久冇去的泉章居。我們叫了霸王雞、花甲蒸蛋、聖子豉油王炒麵冬瓜盅等。我兒子最喜愛霸王雞。他本來足不吃蔥的也吃了。聖子比起西貢海鮮酒家整的還要好美。第一次吃花甲蒸蛋也是很美味。一家人度過了愉快的晚上。