泉章居

Open Now

Now Closed

同合作夥伴有要事傾，通常無咩所謂既我，今晚主動發板話食泉章居。老字號既泉章居，見證住香港昔日繁榮時代，根據叔叔描述，當年香港百業興旺，基本上各行各業貿易都賺到盆滿缽滿，泉章居就係一個中高產階級食飯聚會之地，老闆們都會大手筆比tips，侍應們服務態度殷勤無比（因為個個都有tips嘛），食完飯就會直落桑拿，小姐數千元起。來到今日，泉章居基本上係平民都可以進出用餐既地方。鹽焗雞，泉章居馳名小菜，雞肉一如意料中嫩滑，咸度剛剛好。豉汁蒸白鱔，嫩係嫩，感覺落生粉有點多，食落明顯滑溜溜得滯。$348二人餐，可以選擇鹽焗雞（例）/霸王雞（例）/河鮮一條（約一斤），加兩個小菜（款式多元化），人均100幾有咁既質素，絕對可以接受。偶爾清淡食番中菜，為忙碌生活增添一份安穩的感覺，唔知你地有無咁既體會呢？

團年飯，好難搵位，結果搵左上環呢間泉章居先有位。霸皇雞必食，雖然呢個年代好多地方都有。另外其他小菜都好好味既，只能說，競爭對手多左，令佢地無之前感覺咁權威同殿堂級。

今天放午飯，與朋友到上環泉章居食。此處午市有碟頭飯，我當然叫金牌鹽焗雞飯，雞肉好嫩滑、肉質軟腍。而我朋友叫鼓汁排骨炒麵，這個炒麵相當有水準，明顯有用心炒，麵質脆口，不像其他餐廳用求其炸乾就算。而且仲包免費茶葉茶。

本人超愛吃中菜。第一次食呢間， 有好印象呀🤣一行11個人黎食，叫左好多餸，可以試好多款唔同既菜式實在太開心。我好鐘意食個炸鮮奶、雞、同咕嚕肉，仲有個湯。😋😋😋😋其他菜式仲有魚香茄子，蒸魚，梅菜扣肉等等，都做得好好。我地在場每人都加左一碗白飯， 而且因爲d餸送飯一流，食曬😂😂😂😂——————服務方面我覺得距地好有禮貌之餘，每個得閒既員工見到你冇茶冇水啦，又會幫你fill返。見你地就食完又會幫你地大碟換細碟，以便有空位放新菜式。值得讚揚。👍🏼

這裡絕對是聚會好選擇，以中式酒樓來說，這間泉章居服務我給滿分💯很久沒有在香港一般食肆遇到這樣好的服務💁🏻‍♀️當晚我們想點一席$2,980，但侍應提議我們點半席$1,880，我們一行10人，當中又有幾位男士，都懷疑半席不夠，但原來每碟份量足夠，最後還是有伊麵可以打包🥡😋整體來說都很滿意，食物質素都不錯，星期六晚飯時間入座率大約只有六七成，所以坐得也舒服，亦不覺嘈雜，是吃傳統中菜的好選擇👍

今日同中學同學飯聚，十幾人所以就黎左呢度食，因為對上幾次食都幾好味，而且價錢都算合理，叫咗客家豐盛自選套餐 ($2980)。金牌鹽焗雞 : 自己本身對切雞油雞興趣不大，不過試試也無妨，出奇又真係幾滑下啲雞肉。西檸芝麻蝦球 : 平時食開都係西檸雞多，蝦球就未試過 ; 口感同味道都幾好，不過西檸略酸了少少，整體黎講不錯。蒜香燒汁牛柳粒 : 燒汁好正之剩，份量又大碟而且牛柳粒好嫩口，必食。清蒸沙巴𧄌 : 肉質嫩滑，無腥味。客家煎炆豆腐 : 每件都好大件，厚厚既豆腐微微煎過，口感結實。瑤柱扒雙蔬 : 豆苗幾新鮮，可惜草菇無拖水，食落有陣怪味。👎🏻 👎🏻鮑參翅肚羹 : 普普通通，無話特別之處。炸物雙拼 (脆皮炸大腸，脆皮炸鮮奶) : 呢個可以話係今晚主角，炸大腸炸得好脆口超正，而炸鮮奶可以話係兒時回憶，依家可以食既地方真係買少見少，兩樣都做得好好。總括黎講，除咗草菇問題之外，其他都做得幾好，上菜快，份量多，收費亦算合理，不過如果有得間房就重正。

今天向大家推薦一間中菜老店，多年經營屹立不倒一泉章居，此店有多款不同人数的套餐，二人、四人、六人等等，食物質素O k ，本人通常例牌會選擇它們的鎮店之宝一風沙鸡，夠大碟不同其他店舖收起鸡肶或配给背脊位，味道也很好，其套餐價錢也不貴，大概三百至八百多，不妨一試

星期五晚同事收工後，我哋六人去上環間泉章居食晚飯，。第一次去上環這間食嘅我，覺得上環嘅職員態度及店內環境都比銅鑼灣好。同事坐低後，好快就揀咗個六人套餐，要例湯(節瓜章魚湯)、霸王雞、梅菜扣肉、西芹腰果肉丁、粉絲雜菜煲及百花蒸釀豆腐，然後每人都叫咗一碗白飯。例湯最快嚟到，大家都趁熱飲，不過個湯就略鹹，如果淡啲會更加好，跟住就嚟埋霸王雞全隻，所以好大碟，另一個最受大家歡迎嘅係梅菜扣肉，用嚟送白飯，真係好好味，其餘三樣餸都可以，沒有特別驚喜，同出面食嘅都差唔多。去到九點食客都開始少咗嘅時候，成間酒樓都清淨咗，大家傾偈都傾得比較舒服，最後埋單$968，唔算特別抵食，亦沒有甜品糖水附送，優勝在於近地鐵，食物質素亦有一定水準，唔會太差

是次來到分店- 上環店，就在港鐵出口旁邊， 一定可以找到。我們訂了座，要走一條長樓梯，如帶老人家要注意安全哦。全晚最好吃！最推薦的就是梅菜扣肉。肥的部入入口即溶，瘦的部份既入味，又黏著少許肥膏，口感一點都不單調。不過梅菜不多，所以不會很咸。蛇羹像碗仔翅，個人不太喜歡吃蛇也覺得好吃，而且吃完身體很暖呢！西芹炒蝦球，正常菜色，蝦球彈牙。脆皮炸鮮奶，炸大腸，份量很多，炸鮮奶一顆都已經很夠，建議要很多人吃才叫。炸大腸一般，有點炸得太乾。今天的蒸魚很失望，可能太大條，很難掌控時間，有點不熟，很浪費。西蘭花炒魷魚，正常菜色。聞說鹽焗雞是招牌，雞肉很滑，很夠味。不過個人對雞肉一般，所以沒多吃。總結：關門時間早，想坐久一點不要來。每碟份量很多，要注意點菜份量。

在外國居住家姐全家回來玩，今日約出來吃午飯，家姐同姐夫也一致想吃泉章居。 上年佢哋回來吃過泉章居霸王雞，吃完令到佢哋回味無窮。 最愛它的套餐，價廉物美，份量足味道好。每次例湯也十分足料，好有屋企煲湯味道。粟米魚柳塊，魚炸得十分香脆，淋上了粟米汁也能保持香脆度魚柳好厚又大塊，好有滿足感。霸王雞，係好多人心中皇牌美食。秘製蜜汁蒜子骨，師傅菜式，蜜汁夠濃蒜子骨夠脆。梅菜扣肉，味道依然美味，送飯一流。豉汁帶子蒸豆腐，今趟豆腐蒸到有點粗糙，味道也可以。

泉章居有一陣子沒有來，這次再來到訪，水準依然是上上。我們今天有四個人，可以吃多一點。霸皇雞必叫是常識吧：依然霸道，水準依然，雞不會硬，肉質甚為柔軟，而且姜䓤甚為入味，份量又多，吃得不停豎起手指公。梅菜扣肉平日就絕對不會叫了，不是不好味，而是自己也覺不好意思，太不健康；但今天長輩來到，主動叫這個，自己也要尊敬長輩，沒有理由拒絕吧？嘩！咬下去不得了，越久沒有吃過的東西越想吃。告訴自己，只吃肉吧，肥毫不要吃了；吃了肉之後，看著那片肥膏，心想不吃了豈不是浪費？太可惜吧？全舊肉最好吃就是肥膏，不然就不叫梅菜扣肉了。結果老實地，不客氣地吃了四片，極邪惡但身心靈極為舒泰，值的。湯也是好喝，老火湯。金銀蛋蜆菜，咬下去連湯吃，送飯一流；我只是吃這個，也可以送到三碗白飯。嘩！又來了？八珍豆腐？八珍？太不健康了吧！真的...但看到長輩完全沒有問我想吃甚麼菜的意思，我也沒有理由頂撞長輩，當然是說沒有所謂了；而心中卻充滿期望...泉章居做這些家常小菜就是一流，所以為甚麼他們長期都爆滿，不訂枱根本就難以入座。飯後還送了這個甜品給我們吃，是甚麼名字我就不記得了，很好味的，有點像年糕，加點花生。泉章居，永遠都是這樣强

今日5個人，嚟食家常便飯😊。由於12點太多地盤工人嚟，所以1點訂咗位，都要等多陣翻枱先得👉👈。耐唔耐食吓家常便飯，就係無飯家庭嘅人，都會鍾意😍，4餸一湯，食到飽呀😄。是日例湯係粉葛煲嘅，甜到呢😋，可惜個湯唔夠熱😓。盬焗雞係呢間嘅招牌，都不過不失啦😄。咖哩牛腩就太韌喇😭，牛筋冇牙力都咬唔到😭。臘味糯米飯好香好味道😋。

嫉嫲生日一行25人去左上環泉香居食飯，兩圍大枱叫左兩個套餐，套餐系每道菜有幾款選擇，自由配搭既首先第一道菜系霸皇雞好多蔥好香好惹味，雞肉嫩滑，大家都讚不絕口呢道菜值得一試梅菜扣肉呢道菜見吾少人推介就叫泥試下，但對住得地泥講評價就一般，味道偏鹹，肥肉部分入口即溶，但瘦肉部分就過火硬身鞋口，梅菜好林一擺入口就溶蟹肉羹清清地，食到一絲絲既蟹肉絲，吾食魚翅既朋友都可以叫呢個炸鮮奶拼炸大腸炸鮮奶好香濃既鮮奶味，吾會太甜幾好味，但炸大腸炸到過火好乾爭爭，反而伴碟既酸蘿蔔好好味，酸酸甜甜好開胃客家釀豆腐豆腐吾系嫩滑既山水豆腐，系比較結實既豆腐再釀少少魚肉鮑片花菇生菜鮑片大片厚身炆到好林，花菇都好林好入味西芹腰果蝦仁蝦仁大隻爽口，份量都吾少，西芹鮮嫩無渣蒸沙巴龍躉好大條，肉質結實，蒸魚豉油味道岩岩好乾燒伊麵火喉掌握得幾好，吾會炒得太乾身，保持少少濕潤，味道吾錯客家茶粿，有別於一般食既茶粿，口感系似煙韌既包，有少少濕潤，但有平時包茶粿葉果隻葉香味最後埋單7千幾，每碟菜既份量都好大碟，值得一提服務態度好好，見有人凍會主動問需吾需要比條披肩，仲較細左我地果邊部冷氣

今天剛光顧完晚餐，4人餐的菜還可以保持水準。但我們另外加叫的一條中石斑（價值約270元）肉質奇差，相信已死去一段時間。本來滿以為可以好好招待客人，但想不到反另自己難堪。😤😤

好耐無食套餐, 今次 order 了ㄧ set. 先嚟一兜花生眉豆雞腳湯, 感覺味精多了少少, 再嚟ㄧ隻白切雞, 雞肉夠嫩, 好有雞味 蒸豆腐夠滑, 椒鹽豬扒熱辣辣, 仲有我最愛嘅菠蘿生炒骨, 甜酸度恰到好處