全記海鮮菜館

Open Now

Now Closed

約了近一個月的海鮮飯局大日子終於來臨。原本一心光顧通記，但最後因為有相熟朋友介紹，所以轉陣到鄰旁的全記。我們選的是海傍街那間分店。店面為一般中式酒家，除地下街鋪外，還有二樓及加建的三樓天台。店鋪外一如其他海鮮食肆般放滿一個個魚缸供客人選購海鮮。甫坐下三樓天台角落位置，先點一個前菜沙薑雞腳，再急不及選了個八人套餐；得到熟人介紹，再另外點了瀨尿蝦和花枝兩個推介小菜。 沙薑雞腳：很好，夠沙薑味，主菜未到時可先做做「熱身」。 豉椒炒蟶子：肉厚肥美新鮮，豉椒汁也夠香濃，一流。 薑蔥炒肉蟹：薑蔥炒得不錯，但蟹不是當做，不夠多肉，一般吧。 果皮蒸鮑魚：鮑魚算大隻及肉厚，尚算鮮味。 椒鹽瀨尿蝦：大大隻瀨尿蝦斬開三件，椒鹽味夠重，但亦蓋不過蝦肉清甜，果然是推介必吃之選。 芝士焗龍蝦伊麵底：芝士味濃，伊麵滲透芝士汁很惹味，但相對來說龍蝦略嫌太鹹，鮮味全被蓋過了。 蒜蓉蒸鮮瑤柱：第一次吃新鮮瑤柱，相對扇貝份量很小，而且鮮味亦不及扇貝香濃，下次決定叫回扇貝。 清蒸大青斑：蒸得剛剛熟，很鮮嫩，不錯。 椒鹽花枝：薄薄粉漿包著花枝片，炸得非常香口，配以淡淡椒鹽，非常好吃。 辣酒煮花螺：表面看似很辣，但

兩年一次，都會同個FRIEND一起去食一次海鮮，今日又走左入來全記。一如以往，新鮮海鮮，只係在食法上，總是沒有更新的點子。不過，花雕蛋白蒸蟹就是我們的心頭好；因為o的肉蟹真係好當造！正！如果唔係入來，都唔知原來至到九月份都是「西貢美食節」，所以九折埋單！所以比想像中比左小小。招乎上，雖然伙計唔係多，不過可能人客都唔係多，所以都係快手快腳的，個姐姐還好細心的同我地講，如果D菜涼了，入去同你蒸返熱，就係LEE下，好多酒家都唔會同我跟啦！還會好心同我講一句咩！小小心意，唔承敬意，里D先至係SERVICES嗎！

以前去過"興記",本來今次都要去,因為菜色選擇較多,但想換"全記"試試.因為想看風景,侍應推介坐天台. 景色很好,又能吹風.我地叫左二人套餐,HK$239,2支啤酒(一支好似$30)!炸花枝沒有很酥,芝士焗龍蝦伊麵都係"興記"好味,因為醬汁吃不出來有忌廉or芝士! 扇貝有4隻,幾好~因為隔離台兩個印度人可能係單點,只有2隻.其他味道都OK!不過下次都係想去"興記",因為菜色較多!但呢間最好0既係...廁所很乾淨!

跟男友和一友人(共三人行) 入去西貢搵嘢食慶祝我生日,, 我們沿路行看看食邊間好!!?中途就給兩間海鮮飯店的侍應攔截拉客,, 我們給第二間"全記"的不放棄精神打動了,他先給我們看看單張上的套餐介紹有什麼抵食~~~他主動推銷把一個四人套餐($689)改為三人套餐(減為$522),, 任選當中 5 款小菜, 另加 $20 則多一碟豉椒炒蜆.....又不斷說明免收茶芥, 免收加一 @@卒之我們就叫了這個三人套餐@@ (1) 椒鹽瀨尿蝦 都幾大隻, 肉地好厚(幾好肉), 不是全隻的而是斬件式, 份量唔多, 但最重要的椒鹽味完全唔得~~~~好淡而不濃烈, 這方便最為失色 (2) 芝士焗龍蝦伊麵底 芝士味幾香濃杰度適中, 跟伊麵撈得夠混夠多, 龍蝦都好多舊, 舊舊都好好肉, 肉味幾鮮甜. (3) 薑蔥炒蟹 好差好差 蟹的 size 極度細小零零碎碎咁炒埋一碟, 蟹肉極之少, 肉質好梅唔多新鮮, 又全無薑蔥味道, 淡得可憐. 食到反胃. (4) 清蒸海上鮮 條魚肉質好滑好鮮甜, 略厭蒸魚豉油比較淡口清甜. (5) 清蒸鮑魚 有 6 隻 >&#

與老友駕車入西貢食海鮮,聽聞全記海鮮出名,於是我,老婆及老友三人坐下,叫了六個送:1,椒鹽瀨尿蝦味適中度唔錯,新鮮及不太咸2,豉椒聖子幾入味,新鮮唔錯3,清蒸星班,蒸的時間似乎過了些小火位,味度唔錯4,豉椒炒蟹,其味度不差,可以一試5,薑蔥焗生蠔,其味度都算適中,也吃出鮮蠔味度6, 豉椒通菜,與一般無異但覺得要俾加工費於每碟送上,似乎貴了一些不過對住個海,可以望海,環境唔錯

Easter Holiday的第二日天氣很好兩人高興地駕車到Sai Kung 行下到了六時左右正在想應回市區吃晚飯還是吃Sai Kung有名的 Sea Food見到全記好多人 就想試下叫左二人餐4個dishes 1) 香蔥炒crab: 唔熱 mini crab 唔新鮮 好似死左一段時間2) lobster with cheese: d cheese 汁怪怪地 似奶油多D 3) steam fish: 話係倉魚 等左1.5 hours 吹左幾次 黎左條養班 無乜鮮味4) garlic 墨魚: 等左好耐 around 1 hour 普普通通5) 炒通菜：無黎到，伙計係咁問 "d野齊未？" 好想我地走 但d野又唔黎'問咩未來：答左10次 都未有得食唔要，叫埋單都埋好耐見到周圍同時間入座的都係咁 要cancel 野 黑晒面咁走浪費時間 仲要人地死追難追 令到我大好的holiday 同心情 蒙上污點一定不要去去 SAI KUNG 唔食 Seafood 可能會開心d

工作多...好耐無陪父母出外食餐好既...原本想去中大新開既酒店食個 brunch, 可惜 full 了, 於是車子直達西貢"刷"海鮮!暫時忘記什麼什麼敏感戒口....四人散叫了椒鹽攋尿蝦, $1x/兩, 約$200 - $300, 件頭不大, 每人一件起兩件止, 有點到喉不到肺, 味濃, 鹹味幾重, 幾香口!粉絲蒜茸蒸扇貝, $18/隻, 味道剛好不鹹, 肉質彈牙!蒸鮑魚, $14/兩, 約 $250, 幾鮮味, 剛好不韌, 爽口, 可惜父親那隻較大, 帶韌!蒜茸炒西蘭花, $58, 不油, 不過鹹, 略腍!魚粒炒薑米飯, $78, 以為是乾身, 原來是打獻汁上, 有點失望, 早知叫蛋白炒飯!菠蘿生炒骨, $68, 這個反而做得幾好食, 脆漿厚了一點, 但汁醬調得剛好, 不過酸過甜!以上各餸菜, 除了生炒骨, 樣樣也不是最熱的時候上菜, 因為餸菜要送上二樓, 首先等齊幾碟先運上來, 放在二樓大枱上, 再等了一會兒, 才上桌, 至好食的餸菜也要減分了! 埋單約共 $860, 價錢真的見仁見智, 正直假日又是遊客區, 海鮮種類不算多, 大家也可試試吧!

今日我地成家去左遊車何中午就係呢度食海鮮我地叫左椒鹽瀨尿蝦,蒜香蝦,蒸魚,炒蜆椒鹽瀨尿蝦:呢幾樣野之中最好食就係呢個,未上碟已經聞到香味,隻蝦好多肉,加埋d椒鹽就一流蒜香蝦:我都唔係幾記得佢叫咩名,但係都幾好味蒸魚:味道一般炒蜆:好好味,我食左勁多,好正既辣味,但係唔夠椒鹽瀨尿蝦好味果度既環境都ok丫我12點幾去到,坐左一陣就勁多人仲有生果送,good我好少去西貢食野,都係一年一次但呢間野既椒鹽瀨尿蝦就令我難忘

依家我係全記食梗飯, 何解得閒係度無端端發癲上網係因為d野食差到冇人有. 我連食都唔想食, 忍唔住要即刻開部notebook, 上網, 寫食評今日屋企人同我, 同家姐慶祝生日, 唸住去西貢食海鮮, 一向我地都幫襯開通記, 但家姐之前試過全記話好okay, 咁我地 一行七人就唸住去試試. 點知, 唔試好過試首先, 黎左個豉椒炒白蜆, 一見到牒野, 我地以為係殼炒殼, 咁就叫左侍仔黎睇, 佢地係咁解釋話d肉炒哂出黎, then我地真係即時將殼揀出黎, 我地搵到的殼around有15-20隻, 但當然肉就唔見有15-20隻喇. 咁佢地就話幫我地downgrade左牒野之後黎個幾樣野都唔係咁好, 而且我地叫之前問左個d瑤柱有幾個隻, 佢地個陣話12隻, 上到table得6隻, 問返d侍仔, 佢話係得6隻, 仲話同我地講話解釋個條友唔係好清楚d野. then我地忍唔住, 走去問返答我地個個人, 之後佢知衰左, 就補返6隻俾我地. 當然, 我地都火火地再黎個芝士焗龍蝦, 我可以形容係芝士湯+龍蝦頭炒尾. 因為冇肉, 而且d 芝士的味好怪, 總之牒野似係人地食剩炒埋的, 之後我地又出聲, 個侍仔都可

同女朋友去西貢遊玩順道諗住食海鮮，見到好似間全記當眼就揀左呢間。因為我地唔識揀海鮮所以就食左個兩人套餐。我地揀左薑沖侷肉蟹，龍蝦伊麵，蒸鮑魚 同 椒鹽墨魚。果個薑沖侷肉蟹完全可以係欺騙來形容，應該叫薑沖侷蟹蓋!碟野完全可以話無肉，好似將人地食淨d殼比返你食咁，如果唔係就一定係死蟹!好老實講我已經唔expect太多，但係都唔好咁過份!其他三樣還可以但係真係係市區求其一間都好食過佢!食完真係幾嬲，決定將我係openrice第一遍食評獻比呢間野!我就一定無第二次，亦呼籲各位唔好有第一次!

九月十六日(星期一)去完塔門行山,老公仔是議到西貢食海鮮,我們一行五人就乘車到貢,幾經格價,最後選了全記,老公仔係海鮮專家,見到一個四人餐,有龍蝦和另外四個餸選,只售六百多元,都有了心理準備這餐不會太好食…一如所料…龍蝦伊麵 一如所料,跟餐的龍蝦伊麵怎會是好呢?!是龍蝦仔開邊,無肉而且龍蝦亦沒什鮮味,肉質唔彈牙,個汁都只是過得去, , 伊麵亦太林,頗失望椒鹽墨魚是較有水準的一碟,炸得金黃色的,又不太油膩,墨魚肉爽口彈牙蒜蓉粉絲蒸瑤柱這碟亦唔錯,加上粉絲,配上瑤柱的汁,令人很開胃,當然,瑤柱是細了一點炒蜆嘩!嚴重營養不良,好不容易才能”發現”蜆肉,完全試不出好不好味…不吃也罷蒸鮑魚仔真是很”仔”,幸好鮑魚肉尚可,幾彈牙义燒喜出望外…居然好好味呀,可能唔係跟餐,所以質素好些,肥瘦均勻糖水係薏米糖冬瓜，清甜唔錯食海鮮,都是自己親自選的好,質素簡真是天壤之別…雖然價錢亦然…不過,好味的海鮮的確值得的!希望下次可以豪食一番!

星期日遊船河之後，一上岸就揀定食全記。係等緊位既時候，兩位友人已經去揀海鮮，十五分鐘左右就有位，係執緊檯既時候，已經叫埋其他餸同每樣海鮮既整法。值得一提既，就係賴尿蝦，大隻鮮味多肉，非常正！另外就係蒸聖子，都係啖啖肉，粉絲吸晒D汁同味，一絕。除左海鮮，佢既雞腳都係要叫既餸，真係好好味！其實今次都係第二次去，食法差唔多，無咩特別，不過二百幾三百蚊食一餐海鮮都差ok既！

近排都冇乜寫食評，但係都係穩唔住同大家分享是次好不愉快之經驗。日期 2008年07月25日。地點 西貢海傍街53號地下全記海鮮菜館 即海鮮街牌坊後面。是日在西貢游完船可，於是友人四大三小共七人諗住响西貢食飯。由於通記封舖，於是咪去全記。叫海鮮時同做開飲食嘅朋友响魚缸到真係揾唔到有乜想食。通通係養魚。最後 只好叫咗：東星一條(約一斤十兩)三斤炒蜆(係至普通嘅蜆)两斤白灼圉蝦。三隻重皮蟹(都大隻成十兩一隻)清蒸二碟炒菜例牌旦白炒鈑半只燒鵝魚過熟蜆冇味其他冇乜特別，重皮就正。但鵝由頭到尾都冇嚟，但啲伙記一共問咗六次到齊未但又冇同我追。叫黑啤飲，點知全舖都係得三支細嘅。飲完就冇啦。最後有個唔知定嘅經理嚟問第七次到齊未，結果我取消只鵝埋單走人。單價$1850，個肚唔飽但一肚氣。我冇介意價錢貴，只要係靚嘢同食得開心。同價响市區任何一間海鮮菜館都可以有好多嘢簡。是日見到D嘢都冇心程攞部相機影啦。

尋日帶左個日本朋友黎左哩間全記, 叫左個價錢$380嘅二人餐.個餐有7, 8樣餸, 可以選擇其中4樣, 加一碟菜, 於是我地叫左白灼蝦, 蒸元貝, 炒蜆, 炸墨魚同炒芥蘭.白灼蝦都OK, 炒蜆就唔夠惹味, D元貝都幾好食, 不過太細粒, 我諗直徑得1CM多少少, 碟菜同墨魚其實都幾好食, 不過居然足足等左兩個鐘先上, 已經等到火滾, 無咩食慾.另外, D員工嘅態度其差, 我諗係因為佢地唔憂做, 希望佢地可以改善下喇, 話哂都係遊客區.

叫我又愛又恨的食物(事關本人有皮膚敏感);試過好幾間之後, 現在每次西貢海鮮只選此間, 只因他們的食物質數平均,價錢合理(我每次都會找一個叫曾太幫我選料); 好材料當然好食d啦,除此之外講d我一般會叫嘅野啦; 鹽水雞腳---開餐前之選; 椒鹽癩尿蝦---超多米(膏)又爽口; 花彫蛋白蒸蟹---酒香入口亦不會有苦澀味,蟹夾仲担担肉; 象拔蚌刺身---又爽又甜; spicy酒煮花螺---唔太硬又入味; 油泡松皮蟹(即軟殼蟹)---軟殼鬆化,又有膏; 當然每次都會叫碟菜(清清地嘛)