全記海鮮菜館

Open Now

Now Closed

這段日子，假日出遊，必以郊外為先。今天星期六也不例外，再去西貢，先去了高流灣丶塔門，之后回黃石，回程在西貢碼頭食海鮮餐。已很久沒有在西貢食海鮮，於是與友人叫過2人餐，港幣$268- 一位，價錢也合理。2人餐可選4款海鮮或小菜，附送一碟菜及甜品。我們揀了芝士焗龍蝦伊麵丶蒜茸粉絲蒸元貝、蒸黃䲞䱽丶奇脆菠蘿咕嚕肉丶甜品是紅豆沙。龍蝦伊麵先上，龍蝦不大但新鮮，蝦肉彈牙爽口，芝士味濃。伊麵份量亦足，唔錯。😋奇脆骨即生炒排骨，出奇意料之外地好味。首先其外型不錯，有青椒丶紅椒丶及菠蘿，顏色豐富。味道亦佳，肉質爽口有豬肉味，加上酸酸甜甜的汁，很好送飯。👍🏻👍🏻👍🏻黃䱜䱽魚也蒸得啱啱好，魚肉也彈牙，不是又軟又霉，合格。😋唐生菜炒得也是啱啱好，仍然爽脆。紅豆沙很有水準，濃稠度剛好，不太甜，亦夠綿。👍🏻👍🏻總結而言，這個2人餐是合理價錢，加合格味道 ，沒有驚喜，也不會失望。

雖然肺炎，但估唔到咁多人去西貢玩。人山人海呀因為老豆驚室內空氣唔流通，所以要等一陣位鳳爪鮑汁蝦球腸粉鱔魚燜飯虎皮青椒牛伯業菜苗蝦餃鯪魚球薑汁糕好好味道 整體唔錯喎 又有海景對著食

今日，我同班朋友叫左套餐，位位五百蚊，包左間房，野飲全免，仲要玻璃樽野飲，加晒分！野食唔差既，長腳蟹幾好食，有鮑魚、田螺、扇貝等等既海鮮，仲有個幾好飲既湯，而且環境都幾好，傾計舒服，值得再食既！

讚1. 相當抵食，每人三百幾就有鮑魚、龍蝦、扇貝2. 服務出乎意料地好，所有侍應都好好笑容，不斷換碟，上茶又快，同以前真係差好遠彈1. 咪道係一般般，最好係椒鹽鮑魚，不死韌但都唔太入味，龍蝦肉好粗韌，扇貝過熟

呢間野服務態度差到一個點，泊去佢門口食野，佢有伙記打來話要返個車位。我話我係你地度食緊野，等多一陣得唔得，快食完。一句唔得，就算數，同佢果層大粒啲果個講，一句話，唔關佢事就算。冷氣唔開，成間野好似熱爐咁食。以後都唔會再幫襯。食物收成差不多300一位，不過得勁少。我地2個人食，4個餸，但係食完都唔飽。如果真係要食既你，我建議你自己選海鮮算數，咪以為餐就抵食。而且唔好上樓上，又熱又唔舒服。重要行成條長樓梯，咪話唔辛苦

心情問題，搞到個人呢排懶咗好多😅 趁住boss呢日出咗去做嘢，#小秘書 一於放自己半日假，入西貢行下輕鬆下🌻 陽光普照嘅星期五，令個人都開心啲。我哋走咗去 #全記 飲茶，無諗過weekdays都咁熱鬧🌻 差唔多兩點，#全記 依然 #座無虛席，不過好彩我哋好快就等到位。每次嚟到，#小秘書 都一定會食佢哋嘅 #牛柏葉 同埋 #魚湯鮮竹卷，愛 #鮮味嘅食物 嘅你哋都一定要試😋 #牛柏葉 同啲 #薑絲 同 #配料 一齊蒸，有一種仲難形容嘅鮮味；而 #鮮竹卷 亦都材料豐富，咬落去啖啖肉、配襯埋啲 #魚湯 一齊入口😋正呀喂！

二人套餐，價錢ok la 特濃芝士焗龍蝦，芝士味很重，但就唔夠熱辣辣古法椒鹽鮑魚，椒鹽味不重，但鮑魚幾好咬感薑蔥炒蟹冇乜肉食清蒸海上鮮，這條魚就熱辣辣，味道口感不錯😅附送油菜一碟紅豆沙一碗。總括來說食物不夠熱⋯⋯

由近期香港示威遊行次數不少，間接令到港鐵封站停駛的次數亦都增加，逼使部份市民遊客轉往「西貢墟」（不是指「西貢區」）這個未曾經舉辦過示威遊行，亦未曾出現過騷亂的小社區遊覽，間接令到西貢墟食店生意增加。例如阿媽，老豆本來想在早上，於小巴總站旁邊的「全記海鮮菜館」裡面飲早茶。結果阿媽就發現「全記海鮮菜館」裡面擠滿了食客，等了很久也輪候不到檯。最後阿媽被迫選擇，在戶外露天位置飲早茶。不過，西貢墟裡面大部分的海鮮酒家，包括「全記」、「洪X」、「通X」，近年都會有一個習慣，就是會在店外設立露天餐檯餐櫈，方便食客飲茶，而且會在戶外露天位置搭建起帳篷，避免日曬雨淋的情況發生。而且我以前，也曾經在「西沙灣」前酒家食店「海灣食坊」裡面，經常需要在戶外露天的環境下，以及在海景陪伴下享用中茶和點心食品，不過「海灣食坊」的環境沒有風扇，溫度比「全記」熱得多了。我跟老豆、阿媽她們，坐在「全記」的帳篷區裡面的餐櫈上，完全不覺得當時的溫度炎熱，而且有「全記」的巨大風扇對我不斷地吹，令我的暑氣全消。由於今次我在「全記」只是飲早茶的關係，所以不需要太過執著於自己食的食材是什麼，亦不需要食白飯，由得阿媽老豆自己去選擇點心了

屋企人喺西貢郊遊完之後，黎左全記飲茶，食飽見到而家佢地竟然都有賣糯米糍，就買咗兩盒返嚟喇。糯米糍$10一盒，一盒有兩件，只有花生餡。一件其實都唔細，可能係酒樓自家新鮮做，所以佢哋個皮係非常之軟糯煙韌。包嘅呢，就係比較傳統嘅花生餡，花生碎炒得香，都唔錯。而家Ｄ糯米糍出嘅餡款式越來越多，芒果榴槤果Ｄ咁，反而傳統嘅花生餡嘅，可能功夫多，就越來越唔常見。偶爾可以食到嘅，都有啲懷舊嘅感覺。如果行咁岩行開西貢嘅可以一試，當然就唔使特別去幫襯啦，不過買幾盒攞嚟做手信嘅都幾好嘅。

好耐無去西貢，就順便同屋企人嚟飲早茶~之前嚟過一次，覺得味道唔錯，同埋見到呢度相比其他係最多人既一間點左兩盅飯，份量都好足~菜苗餃好味，裡面好多蝦鵪鶉蛋燒賣同牛肉球都好好味。蜂巢糕如果可以配埋三花奶就無得頂啦

7/9/2019 星期六，天晴，係時候吸收一下郊外新鮮空氣，放鬆一下！揸車入西貢，搵地方飲茶。全記 飲茶出名點心新鮮，又有一些傳統點心叫，坐戶外可以望下海景，睇下人來人往活動情景。心情開懷，食得都開心😃

某日同事問我$248價錢可以吃7款海鮮，有沒有興趣去，最後我們連小孩一行十五人嚟到西貢全記海鮮。待應解釋詳情，勤換碟。。特濃芝士焗龍蝦伊麵底 - 是晚最正最多好評的芝士汁。龍蝦肉少，很多都是硬殼，伊麵13人份量來說份量比較少。古法椒鹽鮑魚 - 椒鹽煮法整的鮑魚都沒有太大期望。蒜蓉粉絲蒸元貝- 元貝大大隻，粉絲吸汁，非常彈牙，蒜蓉味濃。椒鹽瀨尿蝦 - 一隻瀨尿蝦一開四，肉質不嫩滑不彈牙， 有膏在裏面， 可是味精太濃。白灼海生蝦 - 賣相不討好，不夠鮮味，分量是足夠的， 蝦不是常見的品種。薑蔥炒蟹 - 三隻空洞洞蟹蓋， 蟹肉多有鮮味。香蒜椒鹽墨魚 - 又係好咸，好碎。$498 原隻燒鵝皇- 果然不是吃燒鵝的地方，同事吃到鴨味，海鮮比較靠譜。沙薑雞腳 - 是我喜歡吃的林身鬆化雞腳， 吮得好好味，有膠質。蒜蓉西蘭花 - 有蒜蓉，但沒蒜味。芡汁杰，花冠軟身花莖很硬。總體都合格，中上， 一分錢一分貨。但$20/枝可樂就貴左啲

好耐冇入西貢，同老公兩個入咗西貢行街順便食飯，西貢地方太多特色美食，當然揀出名食海鮮，薑蔥炒蟹，蟹肉鮮炒得啱啱好😋通菜不過不失，豉椒炒聖子，聖子炒得唔錯好爽不會太咸，其實全記去過好幾次，難得可以保持水準👍🏼，服務態度好好😊，有機會一定再去😀

今日夜晚有時間，就揸咗架車去西貢食海鮮。朋友推介話一定要嚟呢間全記食海鮮，因為足料，而且新鮮。呢個係豉椒炒聖子，聖子嘅肉質鮮嫩，入面完全冇沙，幾好食。我最鍾意食就係呢啲黃金龍蝦，鹹蛋味極重，龍蝦肉厚，夠大隻，又多肉，成碟比我清晒。之後到呢個蒜蓉蒸扇貝，扇貝嘅肉都好大粒，正嘅時間剛剛好，唔會整到個扇貝老晒，同埋啲粉絲出奇地彈牙。最後呢啲清炒西蘭花，真係好清，同啲海鮮對比之下，都可以清下個喉嚨嘅。如果加幾粒鮮尤落去，會更好囉～

大家吃海鮮一般都在鯉魚門附近，但是平價又新鮮的海鮮還是推薦西貢，可以在碼頭坐船去離島悠閒漫步後，回到碼頭，看到有漁船在海旁叫賣，買上一些石斑蝦貝類再找一間口味好環境佳的酒樓加工，同時可以配上店裏當季的新鮮品種。我們選了進口海膽做刺身，海膽肉質飽滿，金黃色的一整條入口，超級爽滑、細膩、鮮美！還有經典的粵菜及炒粉搭配起來吃到飽到走不動路。晚風吹拂，三兩姐妹在碼頭附近的酒吧坐在沙發上對著大海一起飲杯酒，卸下所有疲憊和繁雜的情緒，只想此刻永久停留。