竺扶大班燒味

Open Now

Now Closed

灣仔一日遊接近尾聲，想去利東街睇聖誕佈置前食d野，咁就食個早少少嘅晚飯，見到間鋪頭排曬長龍，就梗係要睇下食乜咁厲害la，原來係賣燒味，招牌仲要係燒鵝添，咁就排下隊挑戰下港島區"竺扶大班燒味" 嘅燒鵝先⭐️黯然銷魂鴛鴦飯半肥瘦叉燒+冰燒鳳凰雞+煎雙蛋，大將燒肉汁+鳳凰辣汁叉燒半肥瘦，甜度啱啱好，味道好平均，冰燒鳳凰雞食落個皮甜甜地，雞肉食落唔un，個雞肉跟埋個獨特嘅醬汁，令雞肉食落與眾不同，又有另一番風味，煎雙蛋係流心嫁😍撈飯一流⭐️至尊古井燒鵝+燒腩仔佢嘅梅醬似係自家制，酸味重d，好啱我口味，酸d又可以解燒鵝嘅膩；腩仔嘅皮香脆鬆化，同埋佢個芥末同平時食落嘅味有d唔同，好食。另外，li度有瀨粉，轉黎試下先，個湯好熟悉，男朋友話係雲吞麵嘅湯底⭐️老火靚湯青紅蘿蔔豬骨湯，好足料，個湯好入味，飲落好清甜，飲到尾仲飲到陳皮味，好特別，好好飲😋⭐玫瑰豉油皇乳鴿燒乳鴿就食得多，豉油皇乳鴿真係第一次食，好入味，好鐘意li個口感同味道嘅乳鴿😍

灣仔充滿着當地美食店，尤其係茶餐廳都有各。今天來灣仔最主要的目的，就是要好好品嘗最近火紅火綠的竺扶大班燒味！實在聽過太多好評，話佢嘅燒鵝叉燒燒肉尤其出色，今日就過嚟試試佢😋在下午茶時間依舊人山人海，在門口攞飛後，門口的員工👯‍♀️細心地安排好坐位，偌大的鋪面有著4個樓面，只要客人有需求，員工門都會迅速的幫忙並解答顧客的問題💨而現場遊客眾多，就觀察而言，中文英文普通話都可以一概包辦，以致下單情況格外順利。今日試咗呢幾款美食，食物質素優質🫰🏻🍚切雞腩仔飯 ($46)🍚叉燒腩仔飯 ($44)🪿燒鵝上莊 ($138)🍹凍檸茶少甜($7)叉燒有著脆脆的外圍，肥瘦鮮明又多肉汁的內圍，完全沒有那種放了很久變乾的感覺👌🏻至於最吸引人的，莫過於名氣最大的燒腩仔與燒鵝，表皮暖暖的，一口放進口裏咬下去，crispy的口感並不僅限於爽脆的牙感，稱覺上的享受更加令人回味無窮🤤。而味道方面，點解亦同樣地細心的安排了不同的醬料給食客享用，但細細品嚐之下，無論切雞，燒腩仔，叉燒及燒鵝的味道早以達致平衡，其實不用沾醬也絕對完善了這一次的味覺盛宴。實在是灣仔站的一個必吃食店👍🏻下午茶時段仲有下午茶嘅份量，適合啲食得比較輕巧

今日就同朋友去左灣仔既竺扶大班燒味餐廳由藍帶廚師創立, 朝早已經大排長龍冰燒鳳凰雞飯無骨既鳳凰雞, 肉質嫩滑, 配上獨特醬汁, 用左菠蘿、紅黃椒、青檸、蒜蓉等制成, 酸酸甜甜, 剛好解膩鎖魂叉燒飯煎蛋既蛋汁流唒出嚟,叉燒肥瘦適中, 微微燶邊, 肉質好腍身, 呢個組合夠唒邪惡古井燒鵝用咗 5 斤半既雌鵝，同自家祕制既陳皮醬醃制，燒鵝外皮香脆, 肉香甘甜, 滿滿古早味另外每日都有老火靚湯老黃瓜赤小豆煲豬骨湯, 飲落清甜, 超足料羅漢果茶味道甘甜，滋潤解渴

說起香港人氣燒味店，不時聽過竺扶，其是大埔分店灣仔午市長期多人排隊🥹 這次能早點來到，等了10分鐘便可入座。銷魂叉燒、燒腩仔 配上湯瀨粉 $54招牌叉燒肥瘦均勻，外層有點燒焦，肉質好腍且不會黐牙。燒腩仔皮很脆薄，一半脂肪一半肉也不感油膩。上湯瀨粉的湯有鮮味，瀨粉挺彈滑！乳豬五寶飯 $98【乳豬＋油雞＋銷魂叉燒皇＋玫瑰紅腸＋鹹蛋半隻】很豐富，食物色澤均勻。乳豬外皮很脆薄，由雞肉肉質挺嫩，以鹹蛋拌飯十分香口。凍羅漢果茶 $7小枝裝的，跟餐挺划算，好清甜！凍檸檬茶 $7價錢不貴且份量相宜，等候時間相對其他人氣燒味店較短，店內還播90後的流行歌曲！這家可以一試！ps 太飽了，唯下次來吃鵝汁撈麵和燒鵝！

🔹️每次中午經過灣仔三角街 “竺扶大班燒味‘’也大排長龍, 深受附近上班一族歡迎👬👫👭 而且很多遊客來港試試的😋 由藍帶廚師主理👨🏻‍🍳 主打高質燒味😍 店員有禮、效率高🧑‍💼👩🏻‍💼 價錢合宜💰🔸️銷魂义燒皇+豉油雞配粗麵🐷🐔🍜义燒肥瘦適中, 色澤紅潤、滿滿肉汁, 再加上幽幽的鹹甜香氣與鬆軟口感, 豉油雞鹹香滋味, 豉油不會蓋過雞本身鮮味, 配彈牙粗麵Yummy😋🔸️至尊古井燒鵝+汾蹄配飯🦢店舖選用5 斤半比雌鵝, 用自家秘制陳皮醃制內籠, 充滿完美復核古早🤤外皮香脆、 肉質幼滑, 汾蹄爽口, 富有膠質👍🔸️霹靂燒腩仔🐖燒腩仔皮脆肉嫩, 豬肉也醃得相當入味, 燒腩用新鮮豬, 肉質鬆化夠幼腍, 肉汁豐富🤤🔸️冬瓜薏米白豆豬骨湯每天有不同款湯水, 大碗足料 、清熱健脾👍🔸️凍檸蜜滋味解喝😊

竺扶大班燒味係灣仔一間好出名嘅燒味鋪，成日都見到附近街坊嚟排隊買外賣或者堂食，特別係lunch時間，真係排到長龍咁滯😋。呢度嘅燒味真係好有水準，特別係佢哋嘅古井燒鵝，用自家秘製陳皮醬醃製，味道超惹味，食過一次就會念念不忘🤤我試咗佢哋嘅至尊古井燒鵝配化皮乳豬，真係一試難忘😋燒鵝皮脆肉嫩，陳皮醬嘅香味滲入每一口肉，真係好滋味。乳豬皮脆得嚟唔會太硬，入口即化，真係一流👍。呢個組合真係完美，兩樣都係燒味界嘅頂尖之作，食完真係滿足到不得了🤗另外，我仲試咗佢哋嘅燒鵝五寶飯，真係好豐富😋。呢個飯有齊燒鵝、呢度相當出名嘅燒銷魂叉燒、燒腩仔、玫瑰紅腸同埋半隻鹹蛋，真係每一口都係驚喜。燒鵝同之前講嘅一樣出色，叉燒肥瘦均勻又有少少燶邊，燒腩仔皮脆肉嫩，玫瑰紅腸香口，鹹蛋亦都好入味。飯仲可以轉米粉或者係瀨粉，真係好貼心，滿足唔同人口味🤗總括嚟講，竺扶大班燒味真係灣仔一寶，無論係燒鵝定係其他燒味都係一流，難怪成日都咁多人排隊😋

經過好多次都好多人排隊，今日星期日兩點幾嚟到都係要排隊！大概15分鐘，終於有位入邊好多遊客喎，平日見到嘅係上班一族！究竟點解可以本地居民同遊客都嚟？ 銷魂叉燒皇 + 👍🏻👍🏻豉油雞叉燒的色澤紅潤，外焦內嫩；豉油雞肉質滑嫩，醬汁渾厚，非常入味。搭配白飯係絕佳選擇，讓人一口接一口，回味無窮！重點係性價比超高，雙拼係港島區只係$54咋！👍🏻👍🏻至尊古井燒鵝瀨粉燒鵝外皮脆口（真係脆！）肉質鮮美，配上特製的醬汁十分醒味。瀨粉的Q彈口感吸收了鵝肉的精華，讓整體口味更加豐富，無論是當主食或是小吃都非常合適。暫時係我食過最好食嘅燒鵝！🫶🏻😋👍🏻熱奶茶 + 凍鴛鴦熱奶茶香濃順滑，是的經典選擇，而凍鴛鴦就OK啦。總括而言燒鵝同埋豉油雞必定要食！你會食得出超值選擇！真心大推介！

好耐冇食過燒味飯，今日喺灣仔經過呢一間超級多人嘅燒味，而且見到櫥窗位好靚仔，一於入去試吓！雖然下午茶時段又好抵食嘅燒味套餐但係見到佢哋嘅燒鵝髀超級吸引，於是就嗌咗個最貴嘅燒鵝髀加乳豬飯加多$6有呢一個是日例湯係粉葛赤小豆煲豬骨估唔到呢個老火湯超級足料，而且仲好好飲，一啲都唔係味精重頭戲呢個燒鵝髀真係靚到冇得頂，入口仲好香脆肥瘦適中，燒鵝勁滑乳豬同樣出色，乳豬皮好脆，而且肉質嫩嫩滑，配埋乳豬醬一齊食，真係滋味無窮，最抵比較讚係佢哋嘅米飯都煮得好好軟硬適中，食到咁上下店舖越嚟越多人，呢度果然係好出色！有機會都好想再嚟試埋佢哋嘅叉燒同油雞

餐廳：竺扶大班燒味地點：灣仔三角街菜式：港式燒味餐牌：大班燒味飯、燒味雙拼飯、斬料翻屋企、飲品上枱一次過，餸放係大大碗粉麵上面。至尊古井燒鵝+銷魂叉燒皇 $62銷魂叉燒皇大概有7件，唔會太肥或者瘦，都好淋。至尊古井燒鵝係燒鵝胸，平時要加錢，食落多汁。伴有菜心一開二。至尊古井燒鵝 $55至尊古井燒鵝有好大隻脾肉，皮脆肉多汁，非常唔錯。伴有菜心一開二。原隻玫瑰豉油雞脾 $63原隻玫瑰豉油雞脾一客七件切好，皮滑肉嫩好入味。伴有菜心一條。飯可轉上湯粗麵/瀨粉/米粉，唔洗加錢。瀨粉滑不留手，粗麵好似雲吞麵店既出品，好正！加有蔥花。晚飯時間前有好多人斬料或者外賣。餐廳裝修光猛乾淨衛生，枱面上面有紙巾。

这是本次香港之行的最后一晚，怎么能不吃一顿叉烧饭呀！这也是我的第一篇openrice评价。来香港之前，我心里还多多少少有点忐忑的。可是来了之后我发现，香港的朋友是很友善可爱的，我在旅途中遇到的每一位朋友都很nice，对待自己的工作很认真很专业。香港的食物也是有温度的，食材一看就是精心挑选过的，烹饪过程一定也非常用心（这在吃惯了预制菜的我来说真的是太难得啦），服务贴心有爱，总之这是我吃过的最好吃最满意的叉烧饭啦！另外还有一段小插曲，临走的时候不小心把手机落在了座位上，好几位服务员冲出来叫住我，好感动哇！老板可爱又温暖，还打趣我是不是爱上了她哈哈哈。超级满意的一次就餐体验，我爱这家叉烧饭，我爱香港，有机会还来！祝生意兴隆哦

竺扶大班燒味灣仔三角街2-3號華欣閣地下3號舖經開灣仔，老友推介地道燒味，食材新鮮高質，果然冇介紹錯。😽木瓜雪耳豬腱湯足料老火湯鮮甜滋潤，鹹度適中，配料豐富，星期一至星期七都唔同款式，好有heart。💖原隻至尊古井燒鵝脾古井燒鵝脾鵝油豐富，皮香肉滑，爽口彈牙，自家秘製陳皮醬醃製得恰到好處，香氣四溢，吃到中段，加酸梅醬提升層次，回味無窮，推薦！🤤黯然銷魂鴛鴦飯大廚嚴選半肥瘦叉燒，口感鬆軟，肉汁豐富，大醬燒肉汁甜度適中，開胃惹味。冰燒鳳凰雞口感煙韌，加鳳凰酸辣汁，效果更佳。油菜新鮮爽口，煎雙蛋即叫即製，蛋味濃郁，加適量醬油餸飯一流，必食！😍 竺扶大班燒味 環境舒適，食材新鮮夠地道，侍應服務態度好，還會再來！😎🤘🏻

之前睇米紙見過，今日行行吓街見到排晒長龍，唔執輸試吓。待應風格懷舊，友善唔造作。餐廳乾淨，唔係油立立。 ✦ 至尊古井燒鵝 + 銷魂叉燒王 HKD62 ✦燒鵝同叉燒嘅火喉控制好好。燒鵝皮脆肉滑，一啲都唔柴，亦唔會太肥，陳皮醬醃製復刻出古早味。叉燒望落雖然薄，食落有驚喜，有入口即溶嘅軟熟感。✦ 冰燒鳳凰雞飯 (無骨) HKD52 ✦ 個人比較喜歡呢味菜，起晒骨啖啖肉，唔肥、滑溜溜。味道香香甜甜，似嫩滑版蜜糖燒雞，加埋個秘製鳳凰辣汁又變成海南雞。 值得一題，個湯好有住家味，濃郁得嚟冇乜味精，湯料豐富。喺港島區食5、60蚊個燒味飯(下午茶仲要4、50 蚊搞得掂), 仲要有咁嘅質素，夫復何求 (*‘ v`*)

每次經過灣仔一燒味店都看到長長人龍，趁着週未前往一試至尊古井燒鵝用自家秘製陳皮醬醃製五斤半比雌鵝冰燒鳳凰雞配上菠蘿、紅黃椒、青檸及蒜蓉等獨特醬汁燒味餐廳主理人曾獲頒法國藍帶美食會會員勳章燒味雙拼搭配的主食有飯、粗麵、瀨粉、米粉、撈麵等，顧客可根據喜好選擇組合店內自設太空爐，每日新鮮出爐各款燒味，霹靂燒腩仔、金牌銷魂叉燒皇應有盡有大班玫瑰豉油雞按古法製作，味道甜身，做法講究老火靚湯味道清甜，真材實料，完全無加味精

呢間燒味餐廳的外賣價格比附近一般嘅燒味舖貴出一大截，但其食物質素與其高昂的價錢絕對唔成正比。買過幾款唔同的外賣，包括义燒，燒鴨及燒肉，只屬中規中矩。义燒的味道比較單調，只留在外層，且不夠入味；燒肉味道則偏鹹，燒鵝比較其他燒味做得出色，應該算係呢間餐廳嘅招牌菜。其實附近有好多更好的外賣燒咪檔選擇，例如灣仔道的老舖環球燒味，價格實惠之外，每樣食品的味道都做到恰到好處，燒肉更是一絕。而且又好禮貌，實屬外賣首選！

想再補充，呢間嘢嘅師傅真係刀工一流斬出嚟啲燒味已經細分㗎啦，仲要件件細細件雞同叉燒都薄嗰張紙，一係斬嗰啲剩係得舊骨連皮嘅位。已經唔係第一次中伏，真心唔明點解你哋貪方便要縱容呢間舖頭繼續可以喺呢個逆市環境底下生存。再喺唔喺度消費你哋自己決定。莫非師傅就係老細？你有佣分？斬多件叉燒要入你數？呢間嘢嘅做法，我會一直宣揚開去，比廣大市民睇到你哋營商手法係。希望你哋都可以公道收到呢個價錢俾返有質素嘅食物你嘅客人。