春風三月 (Closed)

知道元朗多左好多新的野食野飲店，星期日有時間就入左去試下新野！經過元朗千色見好多人都拎住一杯兩杯，天氣咁熱我都忍唔住想叫返杯黎飲。見開左間新的春風三月，主打有6款唔同口味的手作珍珠，覺得好特別！天氣咁熱想飲d清d的飲品，所以冇叫到黑糖系列，反而係試左佢的「Double 玫瑰綠茶」Double 玫瑰綠茶$29手作珍珠真係好有心思，每粒珍珠都有玫瑰花係入面，一咬就有淡淡的玫瑰清香！不過可惜的位係綠茶唔太特別，同玫瑰珍珠味道係分開，所以最特別就只係佢的手作玫瑰珍珠下次可以試返濃d 的奶蓋系列

今天是大暑天，早上好好天，可惜下午開始下雨了，天氣變得又悶又焗又潮濕。我約咗朋友喺元朗食飯，但又未人齊去搵食，咪同一齊早到嘅朋友去元朗的千色買杯嘢飲解解暑先，近期春風系列起元朗咁Hit，一場黎到，點都要試一試啦！今次就試春風三月🤤因為女仔唔好飲凍野，我就點左熱既黃金果茶，而我朋友就點左凍嘅特濃芋頭奶😋平時喺其他手搖飲品店點嘅熱飲，一定唔可以即時飲，因為太熱，熱到入唔到口。但係春風嘅熱飲竟然唔會熱到入唔到口👍🏼👍🏼👍🏼👍🏼太好了😻可以即時飲，解解喝😽😽呢杯黃金果茶茶香果味濃好飲👍🏼朋友話佢杯特濃芋頭奶好滑👅👅芋頭分量十足👍🏼絕無溝其他野，以為係凍飲實有冰啦，點知裡面一粒冰都冇但又夠凍，讚👍🏼送外賣都有實在太方便

今晚約咗朋友係元朗食飯，但朋友大遲到，咁我唯有同另一個早到朋友行下啦。行到千色匯，諗住買杯野飲都好喎。千色匯都幾多野飲下，但飲天x飲到悶，咁就試下呢個春風三月啦！見佢今日推介黑糖珍珠撞奶，珍珠仲要係手製，就揀咗佢。飲落真係好有驚喜奶味好香濃，每一啖都係帶有黑糖甜味既奶，好鍾意！至於珍珠，手製關係，唔擺得耐所以好新鮮，唔係雪到實晒果啲。珍珠好彈牙，甜甜地。口感好好。另一杯係夢幻果茶，入面有士多啤梨同雜莓。

入元朗千色店搵朋友，咁啱經過附近有賣台式野飲嘅舖頭，就諗住試下。因為我都算早嚟到，所以唔算多人排隊，等咗大概5分鐘就已經可以拎到我杯飲品 。呢排興黑糖珍珠鮮奶，咁我梗係唔執輸，係度都試翻杯！黑糖珍珠鮮奶最重要係個掛杯，呢間春風三月又做得唔錯，而且店員細心咁提醒我要盡快飲，否則黑糖會好快溶晒。啲珍珠煮得啱啱好，唔會太硬或者太軟，同鮮奶嘅味道又真係幾夾，飲落一啲都唔覺得膩。另外值得一讚嘅係個杯口有個轉轉比我可以飲到奶蓋！唔洗特別打開個蓋好貼心。

店舖地點好方便，就係千色樓下，可能因為下雨天去買，人流都唔算多，服務員態度好好！嗌左兩杯野飲，嫩仙草奶凍（$28）同黑糖珍珠鮮奶（$32），整得好快，唔洗5分鐘已經有。個杯幾高身，幾鍾意個design, 好環保，可以再用，好有台灣風味，岩晒打卡，大大杯，夠飲成個下午。嫩仙草奶凍d仙草好香滑，有龜苓膏味，略甜，有好濃黑糖味。黑糖珍珠鮮奶甜味剛好，d珍珠好滑，濃濃既黑糖味，咬感十足，珍珠量頗多，會再買！

尋日入去大西北探表姐 食完lunch去左千色店行下街 順便消化下一去到見到有人拎住大大杯野飲 自己又想飲埋一份 就上網揾下間野 點知原來就係千色店後面 即使拉左表姐去買去到見到個餐牌真係心大心細 仲有6款唔同口味嘅手作珍珠 都幾特別不過見lunch食得有啲飽 糾結咗一輪之後 就嗌左baileys復刻紅茶成杯野好大杯 入面仲真係有個獨立茶包係到 紅茶都幾甘香 飲耐左仲越飲越好飲 停唔到Baileys珍珠係乳白色 好煙韌 偏硬少少 不過我都幾鐘意 貪佢夠口感 咬落去仲有啲奶油嘅味 幾驚喜台式飲品嚟講真係唔錯 夠特色同有心思 下次要試下佢嘅奶蓋先

元朗今年開咗好多間飲品店，除左d 大牌子 貢茶天仁茗茶等，都有好多小店進駐。春風三月主打不同特色既珍珠，好有創意，鄭系聽個名都好想試，如桂花珍珠、玫瑰珍珠、火龍果珍珠及百香果珍珠等。上次系春風三月試過桂花珍珠，清清地，有陣桂花清香味。今日同朋友一起ShareDouble 芋頭奶同奶蓋Double 玫瑰綠茶。Double 芋頭奶一個字講曬，飽! 除了有芋頭珍珠仲有好多芋頭味珍珠仲好芋頭蓉，珍珠有口感但芋頭味唔太出，反而鍾意芋頭蓉。由於呢set 無得選甜度和少冰，我覺得比較偏甜，但如果肚餓叫呢杯一定有飽肚感。而另外一杯奶蓋玫瑰綠茶都好有驚喜。海鹽奶蓋咸咸地，好得意，忍不住連續都吸了幾淡，反而將佢搞埋落杯野飲感覺又一般，因為成杯茶都朦曬，觀感不好。玫瑰珍珠一樣有咬口，但玫瑰味唔出。我都系喜歡桂花珍珠多。兩杯飲品承惠$70，系元朗可以食2碗雲吞面啦，都唔平! 不過偶然輕食Lunch ，省點錢來買飲品開心下都唔過分。總括來說，茶底唔咩特別但珍珠奶蓋有驚喜!

係炎熱嘅夏天入面，最正一定係飲珍珠奶茶啦行街咁啱經過千色滙出面呢間珍珠奶茶店，見到佢店面好靚，d嘢飲又特別，就買咗近日大熱嘅黑糖珍珠鮮奶啦！佢用嘅鮮奶味道較淡，可以襯托出黑糖鮮奶濃郁嘅黑糖味，黑糖鮮奶入面嘅黑糖珍珠好有咬口，唔會太硬又唔會太淋，令人想飲多幾杯添啊下次有機會真係想試哂佢唔同味道嘅珍珠！總括嚟講，呢間珍珠奶茶店嘅店員服務態度非常之好，杯嘢飲好大杯，物超所值，非常推薦大家去元朗個陣一試！

午飯後路過千色，見到商場後面有間春風三月，都有人龍喎，熱辣辣去試番杯先我哋兩個人分別揀咗兩杯新款嘅飲品，一係黑糖珍珠鮮奶，二係超級珍珠奶茶。好鍾意佢既黑糖珍珠奶茶，可能平時飲開果d都係白糖溝的，所以特別覺得味道好唔同，而且好飲好多。有飲緊凍中式糖水咁正，而個鮮奶就正正配合到黑糖既甜味，令到整杯飲品又甜好香奶味! 另外，佢d珍珠都好煙韌， size唔太大，就算啜到一口都係都好容易咀嚼得到， 味道確係唔錯呢! 另外要提一提嘅就係佢個杯蓋，已經轉咗扭開嚟飲嘅設計，咁樣就可以慳番一支飲筒， 非常環保!我決定下次試埋非奶茶飲品

近期潮流興不同口味的手作珍珠，咁岩經過元朗呢間春風三月，見到個名幾得意就排隊試一試春風三月，令我諗起一隻歌：春風親吻我像蛋蛋蛋蛋撻有多款不同口味的珍珠選擇聽講紅火珍珠好快就會賣清光，所以如果想試嘅朋友仔記得要早啲嚟排隊試吓啦！餐牌上邊亦有多種特別調配的奶茶和純粹茶，飲茶又得飲奶又得，得左喺千色廣場附近，行兩步就到一啲都唔難搵大概兩點黎到，未算多人排隊奶蓋bailey復刻紅茶 ＄32奶蓋奶味濃郁，非常細滑，紅茶茶底味道回甘，同奶蓋一拍即合！bailey珍珠真係有百利酒味嫁！特濃芋頭奶 ＄34朋友就叫咗芋頭奶，睇落有淡淡嘅薰衣草色不過真係少女心爆發，用嚟打卡就最適合不過啦杯芋頭奶絕對唔係用芋頭香精溝出嚟，係用新鮮香芋調配，真材實料，仲食到有啲芋頭蓉添

7月天同朋友係元朗行緊街，實在係太熱了，於是近近地去咗千色地下嘅春風三月買番杯台式飲品消暑。因為係5點鐘左右，所以冇咩人顧客，飲品都好快就沖好。我叫咗凍月貴妃($24)，係荔枝綠茶黎嘅。可能係因為叫咗少甜嘅關係，搞到荔枝味唔濃，好似淨係飲緊綠荼，不過飲落去開始有淡淡嘅荔枝味，係消暑嘅好推介。朋友就叫咗凍黃金果茶($24)配紅火珍珠(+$5)，黃金果茶係蘋果同苦橙皮。水果味非常重，一啲都唔苦。最值得一試嘅係佢嘅珍珠，紅火珍珠係用火龍果肉黎做，每粒都會有佢嘅黑色核，好得意~

夏日炎炎， 同friend一齊行街嘅時候 最啱買番幾杯凍嘢飲。 今次嚟到元朗呢間春風三月， 聽講佢呢度嘅珍珠好特別，款式又多，而且仲有奶個嘢飲就決定試下!元朗嘅春風三月地理位置都好方便，就喺千色嘅地下。呢度嘅嘢飲款式多多，任君選擇。而且呢個餐牌仲好詳細，有唔同嘅追加，唔同嘅甜度同埋冰量，都可以任你選擇。我就簡左凍既黑糖珍珠鮮奶，可以少冰但無得走。而我個friend就簡左呢杯有奶蓋既復刻紅茶，兩杯野飲都無令我地失望啊！即日即時既手作珍珠

今日天氣真係爆熱，又無水，所以就買左杯珍珠奶啦 千色廣場呢邊有間春風三月嘅鋪 好想試下menue 有奶茶 亦有其他茶類選擇好大一杯 黑糖珍珠佔3份1 有黑糖作掛杯 飲之前混合下黑糖同奶 混合之後變淺淺黃色 味道岩岩好 適中嘅滋味我最中意食珍珠 珍珠好重要 軟綿綿 有口感係重點 呢杯絕對meet 到我對珍珠奶嘅 requirement呢間嘅珍珠size屬於細 可以順利快速吸上黎 每啖都有珍珠嘅存在 我真好enjoy飲呢間嘅珍珠奶佢中有唔同味嘅珍珠可以簡 好有創意

係大埔食完晚飯，想趁機試下啲唔係連鎖舖頭嘅小店，行左個圈，俾我地搵到呢個門面好乾淨整齊嘅春風三月，一於試下啦。試左夢幻果茶，有士多啤梨同雜莓味，仲見佢有唔同款嘅珍珠，出面未見過，加左紅火珍珠試下。唔使等好耐就有得飲，原來個啲珍珠係白色嘅，有一粒黑點係中間，好似火龍果啲核咁。飲落酸酸甜甜，好開胃，同埋好大杯，見佢仲有其他花萃茶都好似好吸引，話係即點即萃，絕不添加任何茶精同奶精，要留返下次入黎大埔試了。

本來一路都麻麻地台式飲品，因為覺得甜得濟，飲完非常肥膩。不過正值暑天，呢幾日天氣又好焗促，呢個時候係條街度冇返杯凍野係手真係唔得掂。咁就唯有周圍搵下有冇d清淡d既野飲飲下啦，一搵就一搵到春風三月。睇menu果陣都覺得應該幾岩自己飲，最尾揀左杯雲霧玉露少糖多冰，同行友人就揀左杯黃金果茶。一飲落去就覺得冇揀錯陣味有d似玄米茶，不過又有唔會太澀，可能因為落左少少糖，有適量既甜味中和下，解渴一流。至於同行友人果杯黃金果茶，以佢描述應該蘋果mix酸橙皮既味道，實際飲落就似桃味。