春風三月 (Closed)

同男友人都好鍾意飲手搖飲品，行過千色店見到後面新開左間，叫春風三月，好台式加日式嘅感覺，我地當然要買黎試下。男友人試左月貴妃，即係荔枝綠茶，荔枝同綠茶都係佢最愛，啱哂佢。喺杯入面有個茶包，飲落好清甜，雖然係茶包但茶味都夠，唔錯！我就試左夢幻果茶，叫左走冰少甜，入面又係有茶包，係士多啤梨同雜莓味，飲落似平時食嗰隻扁身紅色好長嘅酸糖味，飲落一啲都唔甜，酸酸地，有好濃嘅莓味，好正，原本諗住加珍珠，但店員唔建議，唯有下次再試！

元朗又開咗間新嘅飲品店係千色店地下買台式飲品，店名都好「台灣」🤣日頭晏晝嘅時候通常都好多人排隊今次夜晚約9時經過，就幫襯下😂店員話奶類飲品已經賣晒😓😓😓只有純茶的選擇就揀咗一杯桂花烏龍店員都好細心主動問是否少糖少冰桂花烏龍好鬼大杯🤪🤪🤪基本上一個人係好難飲得晒如果細杯啲就會更加好第一次見有埋個茶包係入邊真係真材實料👍🏻✨可以自己加水添飲🤣🤣🤣桂花味都好濃，配埋烏龍都好清新，不會甜，解渴消滯！下次有機會一定會試吓特色茶品！😊

珍珠奶茶專家不是我, 是男友!他愛珍珠奶茶的程度, 大約是每週3杯吧!身為元朗人的我, 早前已聽過頂頂大名的春風三月, 但當時人潮太多, 不太想帶男友來排隊~但近期人潮已遷移到他的分店: 春風撞奶, 所以終於可以試春風三月啦奶蓋Double玫瑰綠茶 ($34)即大馬士革綠茶配玫瑰珍珠+奶蓋, 杯中有茶包, 肯定是現沖的茶味多了層次, 比平想飲到的更清爽! 而我亦大愛玫瑰珍珠, 玫瑰味香濃, 又不會過甜!奶蓋則不太突出, 我認為不夠咸香, 但如沒奶蓋, 就只有茶了~夢幻果茶 ($24)即士多啤梨&雜莓+茶, 可能因為我點了小甜, 所以味道有差~感覺上, 茶只令到果味減退, 但卻飲不到茶味, 有點失望但大家都可以試試正常甜度, 可能只是小甜的禍害

唔知點解，行街就會心思思想飲手搖杯，今日行開千色匯，見到這間春風三月有手作珍珠😍每天新鮮手制，今日有黑糖，芋頭，玫瑰，桂花，Baileys口味珍珠，好似幾得意，甘岩我又鐘意飲珍珠😂又選擇困難症發作，選擇口味很多，由珍珠奶茶到花茶，水果茶都有，不如就試下芋頭，我是芋頭控 Double 芋頭奶$36價錢不算平，但是超級大杯，夠兩個人飲，而且杯的設計好靚，硬身，可以重用。試下先，有驚喜啊這款的甜度，冰量都唔可以自選，開頭擔心會好甜，完全唔會啊，（我好怕甜）好濃的芋頭味，芋頭蓉，最驚喜是芋頭珍珠，好煙韌的珍珠，似芋圓的口感，好台式，我鐘意👍下次想試下黑糖或桂花珍珠，都幾吸引😍

呢間野唔知係新開，定係平時行過唔多覺眼，夠膽開在千色店附近，佢都算有勇氣，皆因千色店內都有一間天仁茗茶，日日都客似雲來，要同它分一杯羹，生意經營必須要有其特別之處才可。舖頭門面好細，標明係台灣正宗傳承，夠膽咁樣寫應該有D料到，望落乾淨企理，飲料選擇都0k，有純茶，花茶，果茶同特別調配飲品。見到飲品牌內有特色的芋頭奶，仲要加芋頭珍珠，咁有噱頭，當然揀佢啦⋯⋯雖然係$36一柸，都幾貴，但係又真係好大柸喎；柸蓋用了非密封式的膠蓋，個蓋可以揭得開，方便把珍珠撈起來食。飲品甜度及冰量雖然是既定的，但兩者均好適中，飲品不會太甜，飲落口有好香芋頭味，而且仲能感受到好幼細的芋頭蓉，奶味並不太重，但能有效地帶起飲品的幼滑感，至於D珍珠，都是用芋頭做的，所以叫芋頭珍珠，食落冇傳統珍珠咁煙靱，但口感就好似食緊台灣芋圓咁樣，都係好好味，鍾意果種芋頭味嘅人一定會非常鍾意呢杯飲品！

春風三月，呢個名好有詩意不禁令人停下來見到佢d珍珠係有特別味，本來想叫桂花試下但又唔想飲茶見到有double芋頭奶，好似好吸引咁，仲配埋芋頭珍珠就叫呢個試下飲落去，好濃，仲食到d芋頭蓉，好足料！芋頭珍珠好煙un，不過因為杯嘢飲味道已經好濃，好芋頭，所以唔係好食到d咩味呢杯嘅甜度同冰度係固定咗，冇得轉飲落去係凍，完全冇碎冰影響口感，非常好不過我自己覺得飲到半杯左右就有d甜，但愛芋頭嘅朋友真係值得一試！隻杯嘅設計係for飲奶蓋見到menu有奶蓋baileys紅茶都幾吸引，下次試下

那天跟朋友人在元朗逛街，天氣快要熱死人，口渇極了，剛巧見到這間台式珍珠奶店大排長龍，心想試下也好! 正值排隊瀏覽春風facebook 專頁，原來它的茶包由台灣直送，除了黑糖珍珠，重有其他口味珍珠如百香果、芋圓、火龍果、桂花等口味選擇，我揀了超級珍珠奶茶，一喝之下，真好爽，夠冰凍，香奶茶香餘韻綿綿，茶底夠滑，茶味和奶味十分平均，與甜味清淡，我選了 桂花味珍珠，是自家製造，不算太大粒，吃時十分煙韌，有淡甜的桂花香，又軟綿又香，三十多元又份量足，真不錯! 友人的奶蓋Baileys 復刻紅茶，我也搶著要喝友人的，那是芝士奶蓋，先足濃濃帶少少咸的芝士，然後是冰凍的紅茶，好match! 紅茶的茶香和清甜很怡人，好像帶㸃酒香啊，原來奶蓋的芝味更能提昇茶味，令口感幼滑，好一杯台灣珍珠奶茶，喝罷讓人如沐春風，三月的春天果真來了!

黎開元朗食千色附近食完LUNCH,行過見到呢間春風三月都幾多人排,之前係網上見到佢宣傳已經想試架喇,今次咁順便就排隊試下啦!排隊加埋拎野飲大約15-20分鐘左右..Order左超級珍珠奶茶 同 月貴妃加桂花珍珠~月貴妃其實姐係荔枝綠茶,佢係直頭有個茶包係杯入面架,好特別~呢款茶清清地,係元朗咁熱真係岩哂,好解渴!反而桂花珍珠有驚喜, 口感煙煙UN UN, 有淡淡既桂花味,唔會太甜,推介!朋友飲個杯超級珍珠奶茶茶底係比較濃郁,珍珠係充滿黑糖味~本人好鍾意食珍珠,呢間有好多出面冇既口味.例如玫瑰珍珠,Bailey’s珍珠,火龍果珍珠等等.下次可以試埋!

跟表妹元朗共聚，在元朗街頭吃過小吃，炎炎夏日，好想喝杯凍飲。踫上這間小店，車水馬龍，決定要嚐，因小妹從未嚐過台灣珍珠奶茶! 超級珍珠奶茶，真是份量十足，我也等了很久才拿到，原來台式珍珠奶茶茶底好醇厚，入口好滑，奶味較重，每啖的茶香好濃好濃甜味淡雅，跟港式的奶茶又有點不同，加上可以品嚐的粒粒粉圓，是黑糖味的，軟軟韌韌的粉圓，好好吃。表妹的奶蓋Baileys復刻紅荼，她選了Baileys 珍珠，她說紅茶清甜又淡香，很冰凍，混著芝士奶蓋多了奶咸芝味，同紅荼味混得好㚒，珍珠也有咬口帶甜甜的，連表妹仔也愛上台式飲品小鮮肉耶! 其實如此大杯，也值回票價。

春風三月，元朗呢間聽唔少介紹話係第一間進駐香港既分店，去開元朗，決定去試下。-門面好細間，係唔太起眼既巷仔，比起大街既貢茶，無疑會少d人注意到。-佢唔多選擇，平時飲開既台式飲料好似普通珍珠奶茶、奶蓋烏龍等等都冇，不過多好多花茶，可能佢既賣點係自家製珍珠同花茶-研究左好耐，去到買既時候先發現佢冇哂奶蓋。雖然果陣都9點半接近關門時間，但作為台式飲品，仲要有唔少奶蓋口味可供選擇（藍莓、草莓、芒果...)，竟然賣哂奶蓋，真係令人好失望，扣左唔少分不過一場黎到，都幫襯下啦。-Double芋頭奶 + Baileys復刻紅茶原本叫左特濃芋頭奶，因為男朋友唔鐘意食珍珠，但最後佢好似都係黎錯左，算啦，我地冇check單，整左就照飲。佢既芋頭味好濃仲有芋頭絲係入面，唔似係粉開出黎，感覺好真材實料芋頭珍珠比較淡味，唔會太甜-Baileys復刻紅茶，佢既紅茶係好淡好淡既，一入口覺得「咦？冇味既？」，但好神奇，飲多左幾啖，慢慢會飲到好清新既紅茶味，但又唔澀，最重要係佢既Baileys珍珠好甜，配埋偏淡既紅茶，反而岩岩好-兩杯味道唔算好突出，不過佢既珍珠的確好煙韌，一路咬咬咬，味道好出，係值得一讚既賣點。可惜太遠

那天食完晚飯，到千色行街街，路過見到依間春風三月，見d飲品幾有特色，同其他店有所不同。就被吸引，叫了兩杯尼試下先！叫了一杯Double玫瑰花茶同一杯特濃芋頭奶！玫瑰花茶有淡淡清香，最特別係d珠珠，好靚！原來係玫瑰花珠珠！有玫瑰味，又有口感，勁得意，好中意呀！本人係第一次食依種珠珠，好食。第二杯，好濃芋頭味，係新鮮芋頭整的，加埋好濃的牛奶味，好正呀，芋頭溶口感十足，好飲呀。下次會再試下其他飲品，值得一試！

見ig同電視都推薦過喱間飲品店，一直都想試下所以就叫咗杯Double芋頭奶試下啦～飲完第一個感覺係好伏杯飲品好杰芋頭好粉之後將所有野攪埋一齊嘅感覺！飲咗半杯都無就垃圾桶見囉....而且杯野唔凍，可見其實喱間野製作都唔太用心...仲要$36又唔好飲其實真係唔抵飲...可能大家口味唔同啦～有人可能會覺得好飲～但真係唔抵飲....但都有讚嘅地方就係珍珠好特別嘅～珍珠好有口感～幾好食！但真係唔會再幫襯～～

元朗愈開愈多飲品店，難得黎到呢邊，當然要網上做下資料搜集先啦係春風三月同春風撞奶舖之間揀一間，但見春風撞奶舖好似比較多人話唔好飲，所以決定試春風三月。黑糖珍珠鮮奶 ($32)飲得岀係用本地鮮奶，攪咗幾下珍珠，就開始飲到黑糖味，黑糖味都幾重，飲落唔會話得鮮奶味。下面既黑糖珍珠都幾煙韌，食落較甜，但反而加埋鮮奶一齊飲恰到好處。Double 玫瑰綠茶 ($29)呢杯飲落十分有驚喜！綠茶飲落好清，仲有個茶包係入面，帶點玫瑰既甜味。 而入面用咗玫瑰味珍珠，超級特別！好重玫瑰味，仲做到十分煙韌。正

飲左3次 好淡 似飲緊奶水 3次試得好清楚了 唔好飲 已經無叫少甜 但都系淡 加上成個茶包系底 之後會澀 上面啲奶蓋似系咖啡果啲 真系得泡 又稀又無味 唔明點解仲算多人會排隊飲 附近有貢茶 又有天仁 完全無理由要排隊飲佢

成日經過見千色呢間台灣野飲舖堆滿晒人，終於放假得閒試下🤤呢間舖個Selling point似乎係唔同味道嘅珍珠~~~珍珠都有味道揀? 無錯!!!😂😂😂有桂花, 玫瑰, 芋頭, Bailey, 紅火, 黑糖等等; 呢樣係特別嘅!而我今次就揀左桂花, 算係特別之中最正常的, HAHAH🤣🤣!!   珍珠的口感唔錯, 好QQ, 唔太甜,  有D桂花嘅清香!! 但除左珍珠以外, 其他都好一般, 無咩特別, 無咩茶味, 而且價錢較貴, 珍珠唔算好多!!個人覺得試下無妨，如果下次再試的話都係為左試下其他D珍珠味，要飲野我可能都係去番千色入面排😂😂😂另外，要讚係佢個杯好靚好結實，但要彈都係個杯好結實好唔環保🙈飲完杯野好唔捨得掉個杯，好似好浪費咁，地球先生我對你唔住😭🌎🍂總括：4粒星都係比粒珍珠嘅😝