春風三月 (Closed)

《春風三月》📍元朗千色匯地下G34號鋪—————————————————其實係想試個珍珠先黎 每日有幾款口味新鮮自家製造🔹岩鹽芝士奶蓋復刻紅茶加芋頭珍珠 $35首先講下個芋頭珍珠：芋頭味好淡 口感好似迷你湯圓咁 QQ地再到個岩鹽芝士奶蓋：淡淡地嘅鹽味 唔算咸 但我都係鐘意一般好香好濃嘅芝士奶蓋多d最後到個紅茶：連埋茶包放入杯 但茶味唔濃 有d普通💬整體係珍珠較特別 但其他一般 同埋價錢較貴—————————————————ByT: 6.8/10instagram: 90sfoodieshare #食在元朗#芝士奶蓋系列

本來只是經過，之前有試過經過但沒有去買，因為上一次實在太多人等候，今次見到人數不太多，可能今次在早上時間，我去看看menu見到跟平常的台式飲品有點不同。我見到有不同味道的珍珠，真的很少見，珍珠的味道有火龍果、芋頭、玫瑰bailey 等等。而我今次選擇左桂花，味道幾清香，又不會太甜。而飲料方面我選了烏龍桂花，整體的配合不俗。而我如果下次有機會再試則想試一試火龍果珍珠，唔知味道會否很特別。但如果較其他台式飲品而言，價格我感到相對地貴了一點，但我個人認為可再一試

春風三月🥤， 揀左無咖啡因既果萃茶，夢幻果茶（士多啤梨🍓+雜莓）$24走冰少甜，玻璃睇到全部珠珠店內人手造，仲有芋頭，玫瑰，黑糖等等既珠本來想試紅火珠珠，（紅火龍果），不過話而家唔係當造所以無。桂花珠珠好好食🤤， 店鋪話佢地既茶包由台灣直送✈️。但我家姐叫左杯double 芋頭奶無冰又唔凍，話無得少甜，最後杯野甜到嘔，飲左一半掉左😓😓

話說其實早前《春風三月》尼間店出既芋頭珍珠吸引左我來試飲因爲係原來新鮮芋頭做珍珠，剛新開一定好多人所以最近等熱潮過左先來了買店鋪都收得幾入原以為一去到千色店就會見到點知搵左一陣最後要問千色店職員先知係邊搵到店見到吾係太多人都滿心歡喜諗住吾洗等好耐但都等左差不多十分鐘叫左個《芝士奶蓋綠茶芋頭珍珠》$36轉芋頭珍珠要加幾蚊，一杯飲料🥤36真的不算便宜但諗住係新鮮製珍珠所以照試試等左十分鐘左右結果超失望，加左錢既芋頭珍珠職員無幫我加到之餘仲求其放番珍珠落去就算，令到上面奶蓋沈晒底，好嘔心超不認真的製作咁都算啦芋頭珍珠無芋頭味，茶只係放個茶包，不過勝在芝士夠味，吾係真係成杯野無味今次真係貼錢買難受😣搞暈左個樣先好d但味真係淡都吾抵飲

行過千色店見到開咗一間台式飲料叫春風三月，望望個Menu好似幾特別咁，因為有不同味道嘅珍珠，黑糖、玫瑰、芋頭、桂花等。見佢哋標榜每杯都不添加茶精，所以制作需時，咁諗會有番一定嘅質素啦。店員介紹Double芋頭奶落（已配芋頭珍珠），完成Order後大概等咗8分鐘先有得飲。飲落口第一啖係好重芋頭味，但有少少冰未打碎同有啲啲渣。再啜下一啖試試啲竽頭珍珠，都算有竽頭味，煙靭度都做得適中。杯飲品甜度可以唔洗咁甜嘅，而份量方面都算大杯喎~

閒日下午去完全無人唔洗排隊，復古珍珠奶茶轉香芋珍珠，$28+$5（？！），唉，貴個麥記一個餐！滿心期待，飲第一啖，我心諗唔係呀話！淡如水！從未飲過咁難飲嘅珍珠奶茶！復刻古早味？我唔識欣賞，香芋珍珠尚算可以，但未至於好食，飲左兩啖掉左啦！bye~諗住叫最傳統嘅實穩陣，實無死啦！點知........................其實都係媒體講到有幾好飲，珍珠幾好味幾特別，都係呃like飲品啦！我都唔會俾多次機會你架啦！又貴！

天氣凍，做完野身心疲累好想飲杯又甜又熱嘅台式飲品獎勵下自己。之前睇介紹有報導過呢間手造珍珠好有特色就一於去試下先！今日去到未見人龍，小貓幾隻但由於壞咗個tv menu ,個個圍住個counter睇menu鍾情芋頭嘅我，一見有double 芋頭奶噤正就當然叫啦！甜度冇得選擇。等候時間都幾長，諗住佢可能要加熱會耐。終於等到喇！一拎上手微溫，以為個杯隔熱功能噤勁點知一飲，好微溫，唔可以叫熱飲，好失望。溫度已失望了，再試真D啖芋頭奶，重失望。奶粉味好重，而且少少漿住喉嚨，有D難呑。但珍珠係好食的，QQ的，質感好好👍只不過芋頭奶實在太失望，重要價錢進取，冇下次了。。

台式飲品店好似越開越多，而且各有特色。一杯三十蚊都走唔甩，雖然唔係平，但都一定吸引唔少人幫襯。春風三月又係因為被傳媒報導而被人認識。店舖位於千色地下，因為係較少人路過嘅一邊，都要揾吓！店舖主打手工珍珠，人手做，新鮮，天然，味道獨特。每日都有限定嘅珍珠款式。冬天就買了一杯熱嘅Baileys 復刻紅茶。因為唔想煩，但其實珍珠同茶嘅口味都可以自由配搭，幾好。作為熱飲，溫度略嫌未夠熱，只係暖。珍珠確係做得不錯，咬落會有一絲絲甜酒味，而且好有咬口，個人幾鐘意。紅茶係以獨立茶包沖嘅，飲到紅茶味外，仲有一陣烘焙嘅味道。茶味唔會太濃，同珍珠好夾。甜度揀半糖，已經好夠，清清地，又飲到茶香。

初嚐有花茶係珍珠入面既春風三月👀👀點咗杯奶蓋復刻玫瑰珍珠紅茶🌹呢間店既賣點係佢每杯茶都有一個茶包唔係煲完一兜再一杯杯沖 再加佢d珍珠係有唔同既花茶味🌺🌿雖然無叫到小甜 但佢既甜度都係適中唔算甜 可能因為主要都係紅茶既關係la😽 奶蓋唔係好厚好濃郁嗰種 都係感覺清清淡淡比較清新既感覺最重點都係佢個珍珠！！真係好好味🤣 覺得珍珠係正過天仁！ 個玫瑰珍珠真係每粒都有啲玫瑰花瓣係入面 小小甜 好有花茶香味😚 可能比起珍珠奶茶小好多糖既關係 就算飲完成杯都唔會覺得好heavy😖🤭 值得一推🤤

搵下元朗近來有咩好食先，就找到春風三月。上班前有空一於到訪一下！款款珍珠都有特色，都想試一下😋先試的是未聽過的 Baileys珍珠！配上奶蓋復刻紅茶。一喝是驚喜以為只是特別在其名稱，事實上整杯都有驚喜！奶蓋不是一般的鹹香，是多了一分又似焦糖又似紅茶的甘香！茶方面也有相當水準，飲飲下仲發現原來加了一塊大茶葉Baileys 珍珠不是虛有其名，的的確確是濃香的Baileys 甘甜且Q彈軟糯近年很多這類型店舖，這間確是叫人驚喜的！會有下一次的

平時飲開的奶茶店太多人，諗住試下新野，睇見假期都會排哂長龍，就等平日先買黎試下，唔敢叫太花巧野，已經揀左最基本既珍珠奶茶，唔知復刻珍珠奶茶係咩味，但齋睇杯野都覺得好稀，水同茶分開兩層咁。聽見隔離有兩個客人試飲一啖話中伏，已經心感不妙。結果係好甜，無奶味，亦都無茶味。珍珠一點都不彈牙，無咬口，一咬就爛。不知所謂，28蚊一杯好貴，唔抵飲。名過於實，改名改到幾花巧都無用，好難飲，唔會再買。飲左一啖即想掉，嘥左28蚊。

行過元朗千色後面🤨見到人山人海🤨🤨🤨好啦！等我試試佢先傳說中新開既lee 間鋪係sell 自家製珍珠🤔🤔🤔🤔 (如圖示有6種）我既選擇係baileys 味既珍珠配經典紅茶🥤（$29)朋友選擇左仙草奶凍🥛（$28)等左大約15分鐘左右就到我個杯啦紅茶味道唔錯，有一個茶包係上面，濃濃的紅茶配baileys 珍珠，珍珠同我想像既有出入，口味既野，好個人，我就下次會試第2 種珍珠🙊🙊🙊🙊🙊🙊🙊🙊🙊🙊🙊🙊仙草奶凍就合格率高既😸黑糖有驚喜🤪兩杯我地比較喜歡既都係傳統野仙草wins😋😋😋😋😋

這間最近開的茶店在元朗千色店的後門，雖然人氣沒有如千色內的茶店，但他們以特色珍珠及芝士奶蓋作招徠。其實之前經過好幾次，不過排隊的人不少所以作罷。今次經過沒有太多人排隊，所以一試店面用橙黃色做主色，很吸睛。再細看餐牌，每種茶都配上不同口味的珍珠，揀選飲品也需時心大心細之下，最後選了最邪惡的「奶蓋double玫瑰綠茶」要讚一下，店員哥哥好貼心的問我要不要少甜少冰，當然say yes啦！好有誠意的茶！透明硬膠杯，清晰見到杯裡面的一切。有超厚的奶蓋在茶上面、隱約看到一個茶包、還有大約四分一滿的玫瑰味珍珠！杯身印有有如何享用這杯好茶的方法要喝奶蓋的茶，當然是先打開杯蓋，呷一口充滿誘惑並且非常邪惡的芝士奶蓋，再喝一口茶，然後再拌勻，連玫瑰珍珠一起喝double奶蓋有很濃的芝士味，邪惡！綠茶很清新，而且百分百肯定是茶包沖出來，不是茶粉，有heart！（選少甜是對的）自家獨有玫瑰珍珠，好特別，咬落珍珠，裡面玫瑰醬就會咇出來，頓時滿口甜蜜。不過珍珠餡比較甜，配茶一齊吃會比較好。總評：好幸福的茶！是有一點小貴，但有心思而且特別！值得再試

呢間飲品店最特別嘅係多口味珍珠，聽聞新開張至少要排30mins😧⋯ 我份人對於排隊冇乜耐性，等到而家人潮過咗就去買杯試飲吓！🤔今次先試呢杯入面有芋頭奶&芋頭珍珠嘅，我平時都會飲ShareTea嘅手感芋頭鮮奶，今次都算係想兩者比較吓⋯🤓 芋頭味唔假！食到唔少芋頭碎&芋頭珍珠偶爾食到芋頭粒添！🤤 而ShareTea芋頭碎都唔少，只係用普通珍珠⋯ 呢round春風三月贏！😋 奶味方面，我真心覺得春風三月係個伏！🤦🏻‍♀️ 畢竟賣成$36, 但奶係用奶粉沖成，明顯飲到奶粉味，大大扣分！😕 ShareTea賣$28, 鮮奶係溝咗水，但奶味都飲得到，至少真係落奶唔落粉啦！🙊 打和～春風三月喺珍珠味道真係好有心機👍🏻，但芋頭奶真係唔得⋯冇下次！🙈 但有機會想試茶底加奶蓋嘢飲！😗

春風三月,開店沒多久就出了名,被雜誌社報導過後,更是多人為了這杯珍珠來到元朗。我也是為了這堆珍珠,出名的地方是珍珠的口味,有士多啤梨珍珠,火龍果珍珠,百香果珍珠,香芋珍珠,BAILEYS珍珠,桂花珍珠和玫瑰珍珠。每種口味都各有特色,對珍珠著迷的我很想全都試試看,茶的款式反而不多,要奶茶的話要另加三蚊鮮奶,我就點了熱的黃金果茶+桂花珍珠。黃金果茶是蘋果加不知什麼酸酸的,淡淡甜味是喜歡的,另外桂花珍珠是真的很香桂花味,而且質感非常彈牙,沒令人失望的珍珠!!!有好也有缺點,珍珠即場製的關係,等待時間非常長,有些珍珠缺貨店員會告訴你要等30分鐘,我點的沒缺貨,但等了15分鐘後,出現了冷的黃金果茶+珍珠,然後我告訴他我是要熱的,原來是店員看錯單,結果又等了10分鐘,天氣很冷的強風下等了25分鐘,想要的心情都冷卻下來,然後得來的...是微溫的黃金果茶....茶要熱的啊!還有的是店員出錯單的問題真的很嚴重,在等待的過程看到了不少出錯的,漏了珍珠的,還有是數十杯飲品做好了放在一旁等收銀員叫NUMBER的,不能好好的找另一個員工叫號嗎?飲品就這樣冷掉了。建議買了飲品後去逛個圈才回來吧,或者不要在寒冷的天