春水堂 (新城市廣場三期)

Open Now

Now Closed

Holiday🥰去左沙田行下食個下午茶~放假心情真係好好❤️.📍春水堂.🥤凍胚芽珍珠奶茶($37)-🙆🏻‍♀️好耐無飲過珍珠奶茶!!難得去春水堂見到個個都點杯珍奶又無理由唔飲返杯😌珍珠分開上好特別落幾多自己決定🤪當然就梗係落哂唔好嘥啦!奶茶唔錯喎~有茶味叫左微糖唔會太甜啱啱好😆珍珠偏細粒但幾有咬口喎🍱滷汁排骨便當($82)-好日式好精緻🤣多菜都幾健康嘅~塊豬扒無骨個味又醃得幾好食喎!!🙆🏻‍♀️覺得碗湯好正~係紫菜貢丸湯😍🐮麻辣涼拌牛肚絲($38)-呢個都幾辣但個味唔錯😆個底唔會好多油係度👍

今日係長假期第一日，女朋友講左好耐話想食台灣野，預左會勁多人，所以一早5點幾已經黎到睇下咩料到。果然一預所料，6點未到，已經有十幾人排緊隊。入餐廳前量體溫係例牌，佢仲會要求一定要用埋搓手液先俾入，而且位與位之間都算隔得開，感覺都食得安心。我地叫左4樣野 1. 半筋半肉番茄牛肉麵：湯底濃郁，牛筋好林好入味，只係舊蕃茄生左啲 2. 豬手魯肉便當：已經係第2次食，水準依然，豬手出色，便當份量亦大份，男人都夠食 3. 珍珠鐵觀音雪糕吐司：女朋友叫的，有驚喜。鍾意飲珍珠奶茶嘅朋友一定會鍾意，而且呢個係香港限定先有，甜品控必試 4. 翡翠香柚茶：小清新，非常refreshing 2人埋單$305，價錢合理，會再翻啅😋不過大家想試建議預早時間排隊羅位！

朋友介紹話唔錯，所以黎試一試環境唔錯，幾舒服，畢竟新裝修完，而且坐位數目都唔少紅燒牛肉麵(半筋半肉)非常推介，湯底好濃郁，同牛筋牛肉好夾，好惹味❤️❤️慢煮豬手愛豬手者可以一試，自問唔係成日食豬手，不過呢隻好林好入味，朋友食完都話唔錯魯肉飯呢個係今餐相對普通既一味，算係正常既魯肉飯吧珍珠鐵觀音奶茶這絕對要一試茶底香，珍珠都好QQ，好香滑，非常推介🥰食完對牛肉麵同奶茶都好回味絕對會再去幫親👍🏼

食完吐司唔夠飽，經過春水堂心思思想食，等左一陣就有得入座了。第一次試台式芋米糕，入口好香米既微甜味，但係佢成件事係勁油，所以最後我地無食曬。紅燒牛肉麵既麵量同肉量都適中，男仔可能會唔夠飽，麵質還好，可能我地個人比較鍾意厚身粗身有咬口果種台灣麵多 d ...手工素麵條，可能因為係用碟上，感覺份量好似少 d 咁？肉碎偏向濕 d ，唔係行乾拌麵既路線，味道都可以的，有 d 麻油既香味。珍珠鐵觀音奶茶 & 珍珠茉香奶茶都好飲，話曬都係始祖茶香奶香都唔會搶左大家既位置，珍珠既份量亦好足，煙韌有趙頭。

同gf去沙田新城市行街 行到攰攰哋 就去左春水堂食個tea大約5 點幾 都要排隊 好多人 大概20 分鐘先入得去 因為就黎要番屋企食飯 所以叫左少少野做個tea咁我地叫左個珍珠奶茶toast share食 件toast好軟好鬆化 配奶茶味既雪糕一流 同埋細粒既珍珠同埋cream成個配搭係剛剛好 甜度同埋口感都配合到 推薦一定要試然後叫左杯珍珠綠茶 (因為唔飲得奶) 飲左咁多間 覺得呢間個綠茶最清同埋重茶味gf叫左個matcha latte都唔錯差不多一百蚊左右 會再去

由佢喺西九開第一間分店時試過佢杯鐵觀音珍珠奶茶之後就愛上佢❤️去坐高鐵必定要買黎飲。之後馬鞍山開都有飲過，到依家沙田開咁方便就一定要捧場啦😋鍾意呢杯飲品嘅原因係佢茶味香濃之餘仲有餘溫，啖茶吞左之後會有淡淡嘅茶甘味，但又唔會蓋過奶嘅味道‼️細粒珍珠夠煙韌彈牙，甜味亦足，所以就算叫半糖都好夠味🤤（利申：本人唔鍾意飲太甜）另一樣值得讚嘅係，So far試過3間嘅同一杯飲品都係一樣水準，唔會有參差嘅問題出現👍🏻

以前係台灣工作，成日去春水堂食飯。當春水堂登陸香港，當然要試試啦！下午茶時間人不多，好快入坐。點咗個以前成日食既功夫麵加珍珠奶茶！ 有啲似肉汁撈麵，肉汁有油香同菇味，麵身寬而彈牙，配上肉碎、香菇同台灣肥芽菜，撈勻就食得！食落吾會好寡，因為功夫麵既味道層次不少！100個推介🌟 我飲走甜，但奶同珍珠本身都有甜味，所以幾好。珍珠比較細粒，而且QQ。但比較其他奶茶店，珍珠奶茶水平一般。

今日出左沙田新城市食新開既春水堂叫左珍珠奶茶，鹽酥雞，牛肉面。珍珠奶茶有別卡其他出面果d。佢茶味重d，我比較中意，又唔會太甜。而且係我中意既細粒珍珠😌鹽酥雞好脆！牛肉面個湯底好濃好好味（牛肉面可以再食呀！正👍🏻）

這商場裝修完後 第一次到來 3樓的一角 不同國家的餐廳林立 有台菜 有西餐 有新加坡菜最後與家人選了台菜 都要少排一會兒 排頭位置都等了10分鐘 這時勢要排隊的餐廳真不多 証明這餐廳挺受歡迎的坐圓枱位置 椅子旁有布籃 可供放袋 小小的店依然有這貼心服務 不錯《珍珠茉香奶茶》《珍珠鐵觀音奶茶》茶味超級香 與奶茶的比例剛好 不會太甜 而且珍珠煙韌 量多 👍🏻《魯肉飯》這小碗 適合胃口小的朋友當晚餐 或大家想喝珍奶時 配這飯當下午茶亦可 當中的肉碎有瘦有肥 十分滋味 只需$28性價比高《鹽酥雞翼魯肉便當》看似挺豐富的 有菜 有菇 有蛋 當中必定要提及主角鹽酥雞翼 酥脆的外皮 內裏仍保存雞汁 肉質幼嫩 正《御品三寶牛肉麵》三寶為牛肚牛展牛筋 三者口感偏軟 味道濃郁 連湯底都含啖啖的牛肉味 愛牛者必食人均$120 台菜來說 價格算高 但好食 都值得😋

今天跟友人來到這家分店吃下午茶，我點了麻辣牛肉麵，湯底是香濃的牛肉湯，再加些麻辣粉和紅油，個人認為不太夠辣和惹味。牛腩和牛筋各半，份量適中。價錢大約80左右，覺得比較貴，如果跟餐有飲品比較合理。另外，點了熱鐵觀音奶茶，少甜，一喝之下奶茶不是太甜，而且有香濃的鐵觀音味道，而且我覺得奶味不是太濃，本人很喜歡💕而且份量也挺多的，價錢合理。下次如果想找個地方吹水，飲嘢，可以來這家新店，過一個寧靜的下午。

每次去台灣我都一定會幫襯春水堂，佢已經嚟咗香港一段時間，終於有機會去食個下午茶。店舖裝修格局唔錯，坐得舒服嘅，不過我個位嘅地下有啲殘餘食物同餐具冇執，呢樣應該要留意返整乾淨先安排客人入座。打開餐牌發現飲品選擇冇台灣咁多，但就有香港限定甜品😋珍珠鐵觀音雪糕吐司呢個有驚喜😆 雪糕真係有濃厚嘅鐵觀音味，配合滑滑嘅奶油一齊放係吐司上，甜度適中，好味😋春水堂嘅珍珠就唔駛多講啦，一向都煙韌Q彈，係我最鍾意嘅😍黃金香酥雞店舖推介之一，的確值得推嘅。雞好滑，炸粉適中一啲都唔會好似出面咁厚到冇肉食，食落亦唔會好油膩，唔錯唔錯😋蕃茄蜜凍飲呢個唔可以話唔好飲，但同想像中有點出入，冇乜蕃茄味，比較似蔬果汁。胚芽奶茶，紅豆鮮奶茶胚芽奶茶味道正常。紅豆鮮奶茶相對比較特別，好香紅豆味，而且起晒沙，正。茉香珍珠奶茶正常茉香珍珠奶茶應有嘅味道，同台灣飲嘅一樣😁今次下午茶時間試唔到其他食物，下次會再嚟過。

近區得食見春水堂開到入沙田區渴望多時終於抱著戰戰兢兢帶著口罩的心情全程不15分鐘的用餐冒險一試｡｡｡ 位置其實很集中周邊圍繞完全係食肆,設有堂食與外賣,其實開業之時也有掠過但由於是新春期間與及正正開始疫情所以完全沒有想到置身於內,今次入座不多不少間接由於一田超市要買食品才路經此地,擺位不算太過狹窄但由於疫情所在，如果可以我還是希望與鄰枱之間客人有一段距離,帶位亦深明此理在下午茶時段亦沒有婉拒我的要求~先來是一個紅燒牛肉麵HK$82. 餐牌推介之作上枱極為快速牛肉本身感覺是牛展與及牛筋的所在,軟稔程度實在令無牙的我不亦樂乎，而且亦相當入味,麵條屬於幼身狀口感上只屬一般,身旁的兩條小唐菜更是硬得要命,雖則是小節位但深信廚師應該要為關注~另一個是店內的原味奶茶HK$30.茶,這一點對於我而言由於之前已經在其他分店外賣過,味道上我沒有質疑因為我很喜歡他打在頂頭的奶泡，入口順滑，要來少甜少冰來者剛剛合個人心意~整體來說是不是可以的但價錢若然在這個時勢可以更為大眾化一點應該更為吸引,眼見周邊有一些連鎖店已經因應措施已做出優惠這間過江龍未免太高估自己, 幫襯一次止止痕應該算了。☆店内附加一服務費☆

心血來潮想食重口味台灣菜，自新城市裝修完都未行過去，今日既然有心所以一試。麻辣牛肉麵湯底濃情化不開，牛份量比想像中多，而且半筋半肉，麵質煙韌，一流之作手工麻香麵線麵質普通較淋，味道亦不見得份外麻香只係水準以下黃金香酥雞呢個不得之了，夠熱夠脆，明顯即叫即炸(雖然此乃極度平常，但依家好多餐廳尤其台式店，炸物一早炸好哂)，而且雞肉嫩滑多汁，亦是一流之作不過純以台式餐廳來說偏貴，但計埋地段...裝修都算可接受範圍內，值得一試

沙田友終於唔使出觀塘食啦今日諗住自己一個黎試一試剛開業嘅沙田店可能係因肺炎影響 午市時段仍有不少空位 環境尚算舒適 略嫌坐位之間有小小擠迫 店員十分友善地安排張清靜小小嘅位置比我 說來也巧 認得很久之前光顧觀塘店也是這位高馬尾可愛小姐姐帶我入座呢 一個人食試不到太多小食 點了必吃的牛肉麵同香酥雞和一杯新品香蕉朱古力奶茶 食物依舊保持水準 但我最期待一試嘅飲品卻等咗半個鐘都未有 男職員話幫我跟進 但我等到野食食曬都未有得飲 隔離有對情侶也是追了幾次先有飲品 結果我足足等咗9個字 實在係等不下去了 唯有下次再試

春水堂咁出名，加上本人係珍珠奶茶愛好者，一直都好想黎試下。係疫症其間，一田大部份舖都冇咩人，我三點幾黎到，估唔到竟然滿座，果然非常有人氣。嗌左碗牛肉麵，幾鍾意呢個牛肉麵，比珍珠奶茶有驚喜，牛肉一啲都唔老，煮得好林，湯好濃，不過唔夠辣。另外一提，佢份量真係偏少，我一個女仔食都略嫌唔夠。最期待既珍珠奶茶，其實味道有點似茶湯會😂好似冇叫少甜，佢冇一般既台式奶茶咁甜，甜度係岩岩好。味道係ok，不過冇驚喜，價錢黎講都幾貴下。