清潭韓國餐廳

Open Now

Now Closed

座位都寬敞，坐得舒服叫咗幾款嘢食，味道同平時香港食嘅韓國菜會有啲唔同，佢會偏酸少少我哋叫咗醬油蟹紫菜飯$270，呢份整到飯團波波咁，有六粒好可愛好得意，上面佈滿韓式紫菜另外隻醬油蟹都好大隻仲有叫咗海鮮豆腐湯$130，呢個好食幾鍾意，係平時食開韓式海鮮豆腐湯嘅味道，好惹味好好送飯，不過都有少少辣泡菜煎餅$160，呢個煎餅都係偏酸少少，如果你鍾意泡菜嘅酸酸地嘅味，應該會幾鍾意另外，佢仲送咗啲韓式醃製菜俾我哋，不過呢個泡菜就有好多唔同嘅菜種類，可以食到好多款唔同嘅菜，酸酸地幾開胃

𓈊 𓈊位於尖沙咀海港城對面新開了一家正宗韓國餐廳 — 清潭韓國餐廳。由韓國人主理，店員和大廚都是韓國人。除了傳統韓國料理菜式，還有鍋物和烤肉。除了室內還有戶外露台座位，二人小酌或朋友聚會都可享受到正宗韓國風味。𓇷 牛肋骨湯飯 $198個人私心推薦。非常清淡順口的湯，牛味香濃的牛肋骨配上清甜的蘿蔔，湯頭不用額外調味都非常好喝！𓇷 炸醬麵 $130炸醬麵份量非常足，兩人吃都綽綽有餘。Q彈麵條，配上五花肉、洋蔥和青瓜絲，調味不會死鹹，正宗韓國口味。𓇷 泡菜煎餅 $160必點推介！泡菜煎餅粉漿不厚，煎得剛好有一點脆脆的。看顏色那麼紅，可不要以為很辣，其實只是香辣。泡菜爽脆口感讓人一口接一口的吃光光！可能因為店員是韓國人的關係，招呼都滿滿韓國人的豪爽好客熱情，真有讓人置身韓國清潭洞的感覺。值得一去！𓈋 𓈋

今日同韓國朋友食飯，有韓國人帶路，先知道呢間正宗高級韓國料理入到去地方好企理，周圍都系韓國食客，應該系唔少韓國人聚會的好地方角落有酒櫃陳列左唔少made in korea 的好酒供選擇，三三知己or 公司聚會黎都好適合海鮮煎餅$180超大份超多蔥，鐘諗食蔥的話必叫煎餅個餅漿做得好好，餅身軟Q濕潤有彈性海鮮豆腐鍋$130海鮮鍋少少辣，豆腐吸左辣醬味，食落好開胃石鍋拌飯$150石鍋拌飯勝在咩都有D，攪埋一齊食滿足到大食妹咩都想食的慾望

最近尖沙咀開左間韓國餐廳位於廣東道 outdoor一望落去就係名店街算係頗有特色嘅夜景呀🌃裝修傢俬都好舒服好Chill 前菜韓式小菜有7款 🧆有泡菜 韓式炒粉絲 薯仔 豆芽等 好豐富泡菜煎餅🫓 $160煎得金黃香脆 相當吸引加埋酸酸甜甜既泡菜 好有口感😆辣牛肉及八爪魚鍋🥘 $480用料豐富 份量滿足香辣惹味既湯底加上八爪魚🐙鮮嫩大隻 口感好彈牙！ 上菜既時候店員會幫手切碎另外仲有滿滿既牛肉🐄辣牛肉好喜出望外 肉質香甜 好惹味！😋仲有好多金菇 海鮮菇 大蔥 洋蔥 翠玉瓜 菜等等蔬菜毫不吝嗇 突然覺得飲食均勻左😂呢個鍋真係好滋味 捧住個肚行出嚟🤰🏻

近排食韓國菜食多咗，自己本身中意食，今日行開海港城見到對面新開咗間韓國餐廳，有興趣試吓。餐廳設有室外座位，望出去街景好開揚，成個人即刻放鬆曬😊有多款正宗韓國料理，烤肉、火鍋、料理、湯飯。韓籍員工十分好客，先為我地呈上涼拌前菜，比較特別嘅有魚仔乾🐟青豆牛肉🐮蔬菜煎餅🥬用黎送飯一流。海鮮煎餅好大份，有魷魚、帶子，海鮮都幾新鮮，煎餅煎得香脆熱辣辣。石鍋拌飯系好傳統嘅韓國菜式，相信有吾少人中意食，有雞蛋🥚青菜、芽菜、紫菜、紅蘿蔔🥕加一種肉類，撈埋韓式甜辣醬頗美味。牛肉湯飯有牛𦟌同粉絲，呢個菜式味道較清，牛𦟌幾軟稔，厚薄度屬薄身，粉絲滑嘟嘟，有兩樣材料送飯吾錯呢。

正宗韓國料理， 6 人食一上小菜有6 碟，份份都有份量，泡菜來講都算地道正宗。牛肋骨飯， 部隊鍋麵， 炸醬麵都很出色， 牛肉好嫩滑一咬就溶化口中，好特別部隊鍋麵濃湯火鍋味道結合泡菜午餐肉口感好濃郁炸醬麵好耐之前係韓國食過， 微甜易入口，大人小孩都喜愛這口味， 韓式中華料理中都算受歡迎，個味道也不陌生⭐️開張了一個月左右，午飯時間人流不算多🌟環境有室內仲有埋outdoor , 直接望到廣東道， 車來來去去個view 都不錯

全店上下都由韓國人主理的「清潭」開業不久，已經有兩、三個同事推薦给我，主要是食材嚴謹、新鮮就連任添的自製泡菜也款式多樣化又正宗🥰餐廳不但座位寬敞，而且還有一個露天大露台天氣許可的話，坐在露台，也有另一風味。韓烤：牛排骨牛排骨就是我們平日說的牛肋骨，有分醃漬或原味兩種今天選了不經過任何調味的牛肋骨，沒有調味的牛排最能吃得出好壞。牛肋骨油脂分布均勻，色澤鮮豔，剛放上烤盤的牛肋骨，一下子就發出陣陣肉香。大火快速烤兩面，烤至表面焦香，內裏半熟，牛肉本身的鮮甜味道得以完全展現，咬下去的口感十分鮮嫩多汁。用生菜包著吃，如果你喜愛原汁原味的高級燒烤牛肋骨，這道牛肋骨絕對值得一試。韓式海鮮火鍋這家韓式海鮮鍋的湯底選用了昆布、洋蔥、大蔥、芽菜等多種食材，再加上甘筍、高麗菜、小魚乾和韓式辣醬等調味料，味道豐富而不失鮮味。湯鍋裏的海鮮更是精選來自韓國的八爪魚、魷魚、白籽、白蝦、太平洋鱈魚等海產。美麗的韓國小姐細心為我們剪開八爪魚等大件的海產，方便我們進食。八爪魚肉質緊實有嚼勁，入口後鮮味十足；魷魚則口感柔軟，帶著淡淡的甜味，配上湯底更是美味。鱈魚白子則是口感鮮甜，肉質軟嫩，入口即化，讓人回味無窮。白蝦則是肉

晚餐去咗新開嘅清潭韓國餐廳， 喺海威商業中心，尖沙咀站附近！ 餐廳裝修得好有韓國氣氛， 仲有戶外露台好靚，店員友善，都係韓國人！ 燉牛排骨🐮有四大舊牛排骨， 啖啖肉好淋身一啲都唔柴， 醬汁甜甜地，有紅蘿蔔同白蘿蔔，非常惹味， 餸飯食一流😍😍😍炸醬麵🍝炸醬麵份量好多， 材料豐富， 炸醬味好正宗，同喺韓國食嘅一樣，麵質煙韌唔會淋晒😋😋😋Peach juice 🍑韓國品牌罐裝桃汁好清涼解渴🥤👍🏻👍🏻

🇭🇰清潭韓國餐廳  - 中港城附近正宗韓菜口味：4/5服務：4/5環境：4/5性價比：4/5推薦？：😋服務殷勤 - 舖入面留意到唔小Staff都係韓國人，而且好好人好誠懇咁介紹左有咩推介野食。另外佢重點推介左餐廳既露台仔，係咁話好特別可以出去Chill下(點知一望，竟然係對住海港城啲名店😳) hahahhaha位置近尖沙咀碼頭 - 可能新開張，星期五晚人流都唔算多。而且佢位置唔近地鐵站都要行一段路，又係樓上舖。大廈大堂同Lift 位其實都有點普通。口味幾好 - 食物黎講都叫幾正宗，餐前比既前菜都幾多😳😳😳😳 而且仲有gimbap 飯卷試下。我地兩個女仔叫唔到太多野食，不過都覺得Overall味道唔錯，可以再黎。1. 醬油蟹 - 好好好多膏，而且醬油味好濃，用黎拌飯好好食😋2. 薯仔排骨鍋 - 其實每次食韓式鍋，感覺食落去味道都係差唔多 hahaha 夠濃味而且薯仔好淋3. Makgeolli - 舖頭都係有得比食客叫平時係韓式超市買到既樽裝甜酒價錢 - ～HKD7002個人尖沙咀食晚餐黎講算幾抵，而且依家新張期間仲有discount。地址：尖沙咀廣東道116-120號海威商業中心4樓

我最鍾意食嘅泡國菜 😆呢度仲有店員全部係韓國人好親切🤗呢間餐牌可選韓燒同有傳統嘅特色韓國菜食飽仲有outdoor可以坐低同朋友一齊飲酒傾吓偈🫰🏻💯一坐低就已經有最傳統嘅韓式前菜有青瓜、泡菜、芽菜、茄子、魚皮、韓式粉絲仲有菜心。前菜覺得每款嘢都好食，好似家的感覺住家菜🫰🏻ღ人蔘雞湯人蔘湯經過多個鐘嘅烹調熬製，濃縮咗人蔘雞湯，湯底比較濃厚雞湯嘅味，飲咗一碗湯加咗少少鹽，提升咗鮮肉味道，湯底仲要加咗珍珠米，令到湯飯索晒雞湯嘅精華😳先講佢嘅雞肉好嫩，雞肉分離好容易撕開，入口即溶化💕😋整體，超好味☺️💯ღ鐵板烤豬肉飯用鐵板烤好嘅豬肉先用洋蔥炒到爽口，薄薄一片豬肉好腍配上、香蔥、燒烤醬帶辣好惹味☺️✨ღ燉牛排骨牛肉骨經過好多個時間燉口感啖啖肉，咬一口即刻撕開融化，汁料索晒紅、白蘿蔔嘅味道好甜又濃郁，愛上咗呢款烤牛排骨😍😍😍

想試地道嘅韓國料理，係咪一定要去尖沙咀韓國街？最近同朋友試咗喺海港城對面一間上樓嘅韓國料理，味道超正宗！仲有韓國太太主理自製泡菜等韓式醃菜、配菜等小食，食完都忍唔住讚嘆真係好耐未試過食咁好味嘅泡菜！除咗係距離地鐵站8分鐘步程，仲有獨立嘅梳化卡位可以坐，一張卡位我覺得可以坐到六個人，環境都非常闊落舒適！當日晏晝約咗好耐冇見嘅朋友，我哋分別點咗一份鄉村清澤煎魚野菜套餐，一份人蔘雞湯，同一份燉牛排骨，另外再叫咗兩罐果汁，桃汁同梨汁，韓國帶返嚟嘅桃汁仲有果肉，可以一邊飲一邊啜嚟咬㖭！⭐️清潭野菜套餐除咗可以品嚐唔同種類嘅清潭野菜，重有香煎魚非常香脆，肉質仲保持微汁嘅狀態，仲會有一份韓式豆腐湯，除咗足料，辣辣地重好開胃！⭐️人蔘雞湯雖然未到人蔘嘅味道大爆發，但蔘香味已經相當濃郁，甘香甜味穿透了整道雞湯，重點係雞肉，一啲都唔解「鞋口」，相當嫩滑！底部仲有糯米飯融入了雞湯當中，令湯底質感更加有層次同棉密！⭐️燉牛排骨亦都係非常豐盛嘅牛排骨套裝，雖然我唔食牛，朋友話呢個牛排燉得非常軟滑，話牛肉味好濃郁，見佢用咗唔駛十分鐘清咗，應該係相當之美味🤭

尖沙咀家庭風味韓國菜由首先上左6小碟伴菜： 茄子，醃辣明太魚乾， 炒魚糕，炒粉絲， 煎餅，涼拌西洋菜，如果肚餓都可以浪下肚先，另外仲有碟淥過嘅椰菜，仲好爽脆， 懷疑係用嚟包烤肉食。Vegan食野菜拌飯一流，有兩種醃菜， 翠玉瓜西洋菜紫菜煎蛋， 整爛個蛋仲有啲蛋黃流出嚟添， 建議撈曬成個飯再加啲辣椒醬， 因為淨係撈半個飯有啲咸。 食完仲可以飲埋個海帶湯。牛肋骨湯飯滿滿一大碗，仲有三大嚿煲到軟綿綿嘅牛肋肉， 食落有啲脂肪好咁香， 沾上豆瓣醬食更開胃惹味， 蘿蔔煲到淋曬仲幾清甜。燒黃花魚估唔到咁肥美，油香四溢，一個字，香。食完飯仲有個甜品雪米糍， 糯糍糍。叫咗三樣都冇中伏，呢間韓國餐廳可以再嚟試下其他菜式。 走嘅時候落大雨，然後老闆同姨母們都叫我哋留多陣仲沖多杯茶畀我哋飲，等細雨啲先走❤️______________________________🏠 清潭韓國餐廳📍尖沙咀廣東道116-120號海威商業中心4樓‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

最近未返到鄉下，去左尖沙咀新開既清潭韓國餐廳食韓國菜解下鄉愁😗清潭韓國餐廳係地道既韓國餐廳，餐廳職員同客人都係韓國人，去到好有返左韓國一轉既感覺😚💫 前菜呢度既前菜Set好豐富，同樣食完可以refill👍一黎就上左8式前菜😍包括蜜糖薯仔、泡菜、醬漬茄子、涼拌菠菜、辣魚仔、魚糕、韓式粉絲同蒜心，聽講前菜亦會轉款，味道亦同韓國當地食到既一樣🤩正正子～💫 炸醬麵 $130一見到剛上枱既炸醬麵就好開心了🤭因為真係同韓國果啲一樣超多份量🤭炸醬麵麵質好彈牙，醬汁完全鋪滿麵條，裏面有大量既洋蔥、豬肉粒、翠玉瓜，超足料👍撈勻後再食，甜甜既味道令人忍唔住食完一碗又添一碗😆💫 人蔘雞湯 $160唔知大家有無聽過韓國以熱攻熱既概念😝天氣熱就梗係要飲蔘雞湯啦🥰一黎到石鍋上既雞湯就冒哂泡泡咁夠哂熱👍一份裏面大約有半隻雞🤤雞肉好嫩滑🤭而且雞湯完全吸收哂雞肉既鮮味，味道好鮮甜~加少少准鹽味道更加提升，裏面仲加有紅棗、人蔘，味道唔算好強，感覺亦幾滋補~湯飯索哂湯都勁正!

最近去了一家位於尖沙咀廣東道韓國餐館，深深感到了他們的熱情和好客。店裡的老板、廚師和職員都是韓國人，對客人非常有禮貌，地方闊落，坐低有麥茶飲用，令人感到非常舒適。餐廳有各種前菜，你叫每一個套餐嘅時候，都會奉送。而且材料絕不馬虎，是日前菜，除了韓國泡菜，仲有墨魚餅、薯仔沙律、魚乾、芋頭韓式牛肉火鍋這家店其中出名是韓國烤肉及火鍋。牛肉火鍋，裡面有大量的韓國牛肉和牛腱肉。當火鍋上桌時，我被這份豐盛的韓國牛肉所震撼了。牛肉一片片的鋪滿了整個火鍋，看起來非常的美味。這份火鍋的份量實在是太大了，我想即使是兩個人也吃不完，大概得四個人才能吃得完。每次夾起來的牛肉都有三份這麼多，令人感到非常的驚訝。餐廳會另外有一點新鮮生菜、蒜頭、青椒，可以夾喺入邊一齊食。除了牛肉外，火鍋裡還有青菜、蒜頭等配料。如果你和我一樣愛吃蔬菜，他們還提供了大量的娃娃菜和蘑菇，非常的美味。火鍋底全部都係牛肉，食極都仲有，非常滿足😂除了肉和蔬菜外，這家店的湯底也是非常的美味。他們用大量牛肉煮成的湯底非常的香濃和豐富這份湯底可以單獨飲用，也可以配上白飯一起享用。飲品選擇了提子燒酒😽凍飲

由韓國人主理的韓食店，可以食到正宗韓國地道菜，裝修有格調，而且基本上都係闊落嘅卡座，坐得舒服。還設有室外露台，晚上還可以觀賞霓虹光管景色進餐，別有一番風味。點餐之後，可以邊吃小菜邊等，店家送上來的多款小菜，擺滿半張枱子，韓國人就是有這份温度，讓我感到自己好像被寵愛的孩子一樣。除了有我最愛的吃的泡菜之外，還有洋蔥、茄子、大豆芽、菠菜、翠玉瓜、薯仔和小魚仔，超送飯，味道全部都好好味😋燉牛排骨👉🏻好耐冇食過咁高質素嘅燉牛排骨，唔單止味道非常地道正宗，嗰種輕輕一咬骨肉分離嘅狀態，肉質軟綿綿之中又可以keep到少少彈牙，然後每一下咀嚼都可以feel到肉汁滿滿，甜甜嘅醬油味都掩蓋唔到當中嘅香濃肉味，當下立時覺得好幸福🥰果然美食真係令人感覺好療癒！烤鱸魚👉🏻呢款平時比較少食到，魚肉都好嫩滑，伴有炭火香，都幾好味嘅。人蔘雞湯👉🏻這個雞燉到超軟綿綿，好似中咗化骨綿掌咁，連雞骨都可以直接咬到粉碎，超誇張，添加左糯米，所以吃起來還有淡淡米香，飲落啖湯真係好濃郁，還滿滿人蔘味，用嚟補身養生真係一流！