松記糖水店

Open Now

Now Closed

1️⃣ 榴槤班戟($39)推介！一上枱！超濃郁既榴槤味😝簡直係榴槤控既天堂！🤩 班戟皮薄而不破😚軟糯Q彈😜班戟皮包裹著滿滿榴槤果肉🤓一口咬下去😜冰涼榴槤肉在口中融化😊香甜濃郁😋 2️⃣椰皇海底椰鮮奶燉花膠小丸子($79)椰皇燉品用料十足🤓非常養顏滋潤💪椰皇清甜☺️再加上鮮奶既醇厚😍口感豐富有層次🥥🥛 花膠小丸子Q彈爽滑☺️入口即化😊每一啖都充滿膠原蛋白滋潤✨飲完之後感覺好暖😋非常舒服😌絕對值得一試！👍3️⃣ 鮮雜果芒果益力多綿綿冰($69)🍧 綿綿冰口感好似雪花咁輕盈☺️入口即化😌❄️ 新鮮菲律賓呂宋芒果果肉🥭🥭🥭香甜多汁😜益力多酸酸甜甜🤨再加上豐富雜果😛蜜瓜🍈西瓜🍉 仲有爆珠同啫喱粒粒🥳勁多料😆⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🌟想知道更多美食🤪記得follow@mochicouple_hk啦😍🎉📸📍 佐敦白加士街23號地舖🚇 港鐵佐敦站C2出口,步行約2分鐘🕒Mon - Sun:12:00-00:00

《童年回憶甜品屋🥰》———————————————-#松記糖水店 🍮-🥛 鮮奶燉蛋最近有啲凍啱晒食暖笠笠嘅甜品，先叫咗呢碗鮮奶燉蛋，熱辣辣上枱，蛋香味突出🥰-🖤 擂沙三色湯圓三色湯圓有奶黃、花生同黑芝麻，餡味道濃郁，湯圓口感軟糯，暖笠笠，每一啖都能感受到滿滿嘅幸福😘-🥭 雪芒芒果水晶粉小丸子芒果味道鮮甜，而且大大嚿，水晶粉好滑溜，加埋雪糕口感相當滑順😘-🌴 椰皇海底椰鮮奶燉蛋白小丸子椰皇嘅香氣同燉蛋嘅滑嫩結合得幾好🥥上面佈鋪海底椰口感清新，裏面仲有好多煙煙韌韌嘅小丸子，相當豐富！-⭐價錢參考：鮮奶燉蛋：$30雪芒芒果水晶粉小丸子：$64擂沙三色湯圓：$35椰皇海底椰鮮奶燉蛋白小丸子：$69🍌抵deal 指數：7/10

《松記》歷史悠久嘅糖水店，提供冷熱糖水，今次來食左:✨️海底椰鮮奶燉花膠小丸子海底椰鮮奶勁香滑，飲落順候緩胃。最估吾到係花膠有一大片，味道鮮而不腥。另外仲有多粒小丸子，細細粒但很有咬口。✨️Summer雪糕二大球，配有新鮮生果 和 西米，仲有二條朱古力卷條，好味之餘其外觀也很睛。✨️雪糕雜果豆腐花雪糕一大球，雜果新鮮。豆腐花很滑溜，可以自行按自己需要而落庶糖。✨️腐竹雞蛋糖水腐竹煮到溶於糖水中，而糖水中有原隻雞蛋，味道微甜，滋潤養顏。

細細個屋企人就會帶我地黎松記食糖水，尋晚食完年夜飯出黎經過見到，就入左去食！餐廳裝修簡單樸素，每樣都好足料。  ⦁雪耳津梨燉海底椰 $61椰皇內包含嫩滑的雪耳，清甜的津梨和爽口的海底椰，口感非常清爽，非常適合秋冬乾燥的時候飲，清潤一下！  ⦁雪糕心太軟 $68心太軟外層酥脆的餅皮，包裹著柔滑的朱古力醬，配埋雪糕，甜而不膩，吃上一口讓人心情愉悅。  ⦁D24榴槤班戟 $59班戟是松記signature的甜品，有芒果、榴槤可以選擇。薄薄的班戟，包裹著濃郁的D24榴槤餡，香氣四溢，口感細膩。

年初三同親戚去咗一家評價不錯的甜品店，期待能品嚐到美味的糖水，卻遭遇了極大的失望。我點了一碗海底椰芋圓西米露，原本以為會香濃滑口，卻發現芋圓的口感相當硬，完全沒有應有的Q彈感。而西米露甜度方面也不夠，整體味道平淡無奇，沒有椰香味，十分普通。最讓我哋失望係員工的態度。我親戚向服務員確認甜品時，對方態度十分惡劣，甚至還用冷漠的眼神回應我，讓我地感到被忽視。這種服務令到整個用餐體驗變得好趕客，應該唔會再嚟😖👎🏻

原來松記 @chungkee_dessert_jordan屹立香港30幾年啦！係香港做生意真係唔容易架啪啪啪啪👏🏻👏🏻👏🏻掌聲鼓勵⍥ 椰皇海底椰西米露芋圓加湯圓+ 蘆薈⍥ 雪糕咖啡木糠布甸養生 vs 邪惡你點揀？天氣涼涼地 養生椰皇一睇就知係我揀😌香濃又清潤 甜度剛好 我仲加配左蘆薈肉 一冷一熱ok喎🤩足料抵食 好飽又夠晒暖笠笠！另外木糠布甸自選雪糕 我地揀左Oreo 木糠布甸係咖啡味 咖啡帶奶香 我食到🤪要襯「凍」食🤣唔係雪糕就融架啦～

「開花不結果又有什麼？是魚就一定要游泳？」 一 蘇打綠《飛魚》小編今次就黎到佐敦，同大家介紹一間，至今走過叁拾肆年，開業於壹玖玖壹年既港式連鎖糖水鋪 一 松記糖水 @chungkeedessert松記，亦算系小編自己既私心推介，小編初中已經開始幫襯，那些年，曾經的懵懵懂懂，走過了多少個春夏秋冬。驀然回首。多少年了？忘了。真的忘了。🌟芝麻杏仁糊+湯丸 $45芝麻糊香濃幼滑，亦食得出芝麻香氣杏仁糊帶杏仁獨有香氣🤤👍🏻👍🏻🌟芝麻合桃糊+湯丸 $46合桃糊質地稠杰香濃，湯丸煙煙韌韌🤤👍🏻👍🏻🌟綠茶雪糕蘆薈涼粉 $49涼粉加入蘆薈粒、花奶，搭配綠茶雪糕🤤👍🏻🌟椰皇海底椰鮮奶燉蛋白小丸子 $69椰皇香甜，燉蛋口感香滑，加入清甜既海底椰同煙煙韌韌既小丸子🤤👍🏻👍🏻📍松記糖水店地址：佐敦白加士街23號地舖#佐敦 #松記糖水店 #甜品 #湯丸 #糖水 #芝麻糊 #合桃糊 #杏仁糊 #糖水舖 #甜品時間 #飯後甜品 #佐敦美食 #香港甜品 #香港探店 #烘焙關注組 #椰皇燉蛋白 #佐敦甜品店 #香港甜品店 #芝麻合桃糊 #甜品系另一個胃 #綠茶雪糕蘆薈涼粉 #椰皇海底椰鮮奶燉蛋白小丸子#sweetsoup

聽聞這裏的甜品最近熱門的是用一整個椰皇做碗子，終於有時間可以食到啦！興奮之下點了這些甜品：海底椰鮮奶燉蛋白小丸子（熱），一片片爽脆又彈牙的香甜海底椰肉有足夠驚艷，燉蛋白完全充滿椰香，濃郁的椰香味與奶蛋白及煙韌的芋圓小丸子確定是絕配！海底椰鮮奶燉花膠小丸子（熱），養生滋保的椰香鮮奶燉花膠，鮮奶吸收了花膠的膠質，飲起來黏滑黏滑的，花膠非常大份，2大件花膠每件都肥厚過刺身的程度，合起來足足與少女的手掌差不多大小。這個感覺不論起床抑或睡前進食均有美顏作用！楊枝甘露豆腐花（凍），非常嫩滑的豆腐花，簡直入口即化，加上大量芒果肉及西米，每啖都是芒果肉與豆腐花的交響樂沖擊，香甜萬歲！食完後，決定下次再點椰皇系列，感覺養生~

老薑番薯糖水見到薑湯底 金黃色，番薯係橙黃色，睇色澤已經覺得好好味。唔辣就唔夠好味，可能因為係老薑，所以薑嘅辛辣味夠濃，如果少啲甜會更好。隔離澳牛已收鋪，好彩呢間仍然有營業。

松記糖水店，地址: 佐敦白加士街23號地舖。 我一向都係松記粉絲，有多間分店，但每一間嘅水準都唔同。 今次在三號風球下試下佐敦分店，雪糕雜果豆腐花$49、 芝麻杏仁湯圓$45。 🔸雪糕雜果豆腐花$49 ～ 曲奇味雪糕， 雜果有西瓜、哈密瓜、蜜瓜和芒果， 豆腐花口感軟滑。 🔸芝麻杏仁湯圓$45 ～ 湯圓餡可以選擇，我揀了奶黃味， 淡淡的杏仁香氣，芝麻唔會太搶味， 口感綿密。 整體甜品的質素不錯， 但價錢唔算抵。🏷️溫馨提示～ 整個用餐體驗均屬個人分享意見， 只作參考😊。

燉奶蛋白（$30）無鮮奶香味，椰青蛋白圓子芋圓($69)實在過甜燉奶蛋白無鮮奶味，可能係因為蛋白沖淡咗奶味。所以我只食到甜同滑。不如叫碗豆花好過！本身椰青水燉蛋白已經甜，上面加海底椰似用糖水浸過，芋圓似乎又加咗糖去搓粉團。白色圓子似乎無用油同茶一齊搓，所以糯米粉味好重。我衰，對哩個價位有不設實際嘅期望。或者係我味覺太敏銳，再淡味嘅食材，我都可以食出佢哋天然嘅味道。但哩兩款甜品，我最多食得出椰青嘅味咋！為咗解渴，去咗超市買茶飲。見到凍柜嘅即飲椰青同鮮果盤，價錢仲要平過甜品好多，我有種貼錢買難受嘅感覺！

服務員黑口黑面， 已經試過多間分店， 佐敦這一間建議不要去， 朋友都說非常太甜 。由落 order到離開 感覺服務員都不願招呼， 不知服務員為什麼要這樣對客人呢 ，我們對松記糖水失去信心。 可能 驚好生意做親身自己， 但眼見只得三台客人。

今晚同朋友係尖沙咀飲野吹水輕食, 走時8點幾仲早, 所以我地就行去佐敦搵下有咩糖水食, 行經松記糖水舖就試下啦, 第一次試呢間的, 朋友叫左西瓜芋圓仙草- $43, 好普通, 食到底好甜.我就叫左D24榴槤芋圓紫米露- $53, 一黎到個賣相已經唔吸引, 食落芋圓勁硬, 要好用力咬先可以吞到, 第一次食到咁唔腍既芋圓, 食左幾粒, 最後放款, 紫米露好稀, 榴槤雪到好硬, 一開頭筆唔到黎食, 要朋友幫手整開佢.......真係呢......咁既價錢呢個質素, 仲要限時食糖水, 好失望.我專登叫佢俾返張單我用黎寫呢篇食評, 證明我真係有幫襯~ 不過咁講啦, 都希望店家之後可以有所改善啦~我自己就唔會再黎啦~

去長洲玩完一日好攰，但係都特登搭車去佐敦呢間食。我同女朋友分別嗌咗曲奇雪糕紅豆芋圓仙草凍同鮮奶燉蛋（熱）。我碗仙草凍來到瀉晒，雖然觀感頗差但係我還接受到，因為的確幾滿下，味道尚可。因為啲雪糕融咗會唔好食，所以我碗嘢唔可以慢慢食，食完後店員就即刻拿拿臨收走。之前來過呢間食，已經知佢哋係唔會提供水畀客人，咁諗住就咁坐多陣休息下，點知店員直接趕我哋走，話出面有人等緊，唯有埋單囉。未試過食糖水食到咁折墮，以後唔再幫襯。

話說今晚同朋友久違咁聚一聚，食完飯想食甜品就嚟咗呢度上餐效率高！啱啱order完冇幾耐就有甜品幾好食，我叫咗芒果芋圓仙草，但係啲冷氣都幾大😹着完一件褸都覺得凍，至於服務態度方面，成個用餐體驗俾我嘅感覺係「甜品澳牛」啲嘢食放低嘅時候入邊嘅嘢係會有少少瀉咗出嚟唔係話佢要好小心咁放低喺我張枱度，但係我係聽到「啪！」一聲，個人覺得力度可以細少少😹🤝同埋張單應該有寫到限時用餐30分鐘，但係喺未夠30分鐘嘅時候有位男職員喺我哋附近問我哋食完未，佢唔係喺我哋張枱隔離，都有少少距離，然後用宏亮嘅聲音問我地嘢食到齊未同埋食完未，我唔否認佢有機會冇惡意，但係同我一齊同行嘅三個人，包括我本人，都覺得佢喺度趕我哋走，成個用餐體驗比我嘅感覺就係好忙、好急、同埋要好快聽到佢咁講之後我哋都即刻執嘢走，我朋友覺得嚴重被冒犯，喺埋單嘅時候直接同個男職員講唔洗咁惡，然後嗰男職員O咗個嘴話冇咁意思，最後我地都冇再講其他野走咗。先莫論佢講呢句說話嘅語氣，嗰陣時我地檯面個碗全部都收晒，我就唔係好明點解因為我哋食完未😹張檯咩都冇，餐廳又唔係好大，啲嘢食又係你捧俾我哋嘅，你覺得我哋食完未？再加上時間未到，喺呢種情況之下語氣又唔好，