重慶燒燒烤專門店 (Moved) New Location

在朋友FACEBOOK見到重慶燒食物相片頗吸引,於是跟朋友試下味道Order了以下食物1. 大眼雞 --- OK2.燒茄子--- 唔夠味及唔夠熱3.燒金菇 --- 唔夠熱4.鰻魚飯團 --- 其實係鰻魚汁飯團(只有少許鰻魚碎)5.蜆 --- 唯一係熱既食物6.燒鱔 --- OK7.芝士焗蠔 --- 還可以8.燒粟米 --- 好乾9.蒜蓉包 --- OK有部份食物忘記了

這食評寫既時間正正係我另一食評皇室甜品之後, 或者可以講因為朋既老婆係咁講話想食甜品所以係等位時就去食甜品, 所以以幾飽既肚去食lee間食店. anyway, 對我呢隻肥牛無影響來食之前已經聽到lee間店既評價唔錯, 所以都幾多人排隊, 有時候門口有無人排隊, 都可以反映到間店好唔好食 就算之前已經食左甜品, 飽飽地, 不過難得同人出來食, 就叫多d唔同野來食, 食飽一點盡興一點我地叫左好多野食, 首先來到既係焗蠔同雞軟骨, 個蠔落左好多蒜泥, 很香口, 但係內裡既蠔好細隻, 或者可能多蒜泥係用來蓋住蠔細隻吧? 不過味道唔錯就是了. 無後悔~雞軟骨最初會以為係同其他串燒店咁會沾上好多濃郁既沙爹醬, 不過上牒既係沒沾醬汁, 以香粉乾燒既雞軟骨, 呢個真係我既至愛, 乾身既雞軟骨特別爽口, 有咬勁, 香味濃郁, 如果係飲酒談天既, 雞軟骨絕對係絕配~ 我叫左好多"草食系"會食既野, 冬菇係我必食既主菜, 佢地既菇都幾香口, 拾到好處, 但是無好好味既感動, 只可以話普通以上, 雞肶菇就只係一般, 大份多肉, 但係並無燒烤特有既特色..韮菜就比到我好感, 佢既韮菜係多左d楂, 不過並唔係佢地

第二次光顧。是日吃了- (小辣)燒牛舌 VERY GOOD (還再叫了一串)燒雞腎 GOOD燒粟米 GOOD (最好走辣, 辣粉蓋過粟米的甜味)燒翠玉瓜 GOOD (個人食串燒必點)燒羊架 GOOD (第一次來太生, 再燒有點過熟, 但味道OK)蒜香石蠔 - GOOD 燒青魚 - OK 燒香蕉 - OK 燒墨魚嘴 - D: 不會再叫.特地寫食評是因為我在吃之前脫下了耳環, 想要吉IPHONE張SIM卡. 點知食到一半先醒起唔知擺左去邊.店員姐姐很好, 桌子椅子搬來搬去幫我找.最後找不到, 留了電話給他們第二天收到他們的電話說找到了.非常謝謝!!

擒晚同侍衛去圓方睇戲後, 侍衛建議不如去燒燒燒.........差不多10時, 整條街仍很多人, 店鋪看似滿座, 幸好最後也不用等位..... 燒雞翼/菠蘿 ~ 菠蘿燒到鎖住d汁, 很甜, 好正!! 雞翼亦很有味, 皮脆, 一咬便是熱騰騰雞肉, 正燒娃娃菜/九菜/茄子 ~ 娃娃菜太咸, 而且只得4小片, 份量小得過份 九菜不過不失, 也是略咸燒茄子~原隻茄子分開一半, 茄肉燒得很稔及入味, 好味 燒雞腎/豬頸肉/羊肉 ~ 雞腎咬落爽, 其餘2款調味料重了點, 沒有肉味燒蠔 ~ 最正呢款! 蠔size ok, 而且配上蒜蓉, 很好味驚唔夠飽, 叫了碗酸辣粉! 不過略嫌不夠辣, 但麵有咬口, 不錯過程中, 店員把一串燒羊肉放錯在隔離枱, 客人發現, 但等了一會才有店員拿走, 再過一會放在我們枱上, 但羊肉串已經凍了, 亦沒有更換 !! 埋單時, 不知他是否老闆, 我們沒有給任何小費, 竟然即時變臉(黑面)以這樣的價錢及食物質素, 不給小費是很正常的

第1次黎食已經係兩年前..朋友介紹兩年後再黎..雖然水準稍為下降..但仍然好好味!!蒜燒美國石蠔...最正!!又唔腥芝士牛油焗海中蝦...芝士牛油加埋錫紙焗,好好味其他仲有..燒原條茄子,金菇肥牛卷,雞軟骨,燒檸檬黃金雞中翼,牛仔骨,牛肉,燒菠蘿全部都好好食除左..牛脷..考牙力!清酒煮蜆..太重酒味..唔識欣賞日式燒飯團..一舊飯唔知想點@@仲可以選擇辣同唔辣..辣會更加好味!唯一服務可以改善

從朋友推介得知這間重慶燒，一直都想搵個機會黎試下。幾日前剛好與女友搵嘢食，於是就黎左呢度試下啦！首先黎左個烤羊架，香料既香味，加上燒得剛剛好，香而不韌，味道不錯。再黎左個燒肉眼根，由香料帶出豬肉味道，算係OK，然後叫一個蒜燒蠔，相當好吃。跟住叫左一堆燒蔬果：燒菠蘿，唔會燒得太乾，咬落仲好juicy，菠蘿夠新鮮。燒翠玉瓜，燒茄子，燒雞脾菇，都有水準。好啦，讚完輪到提出要改善既地方：1.食燒烤無水供應，唯有飲其他野。啤酒價錢還可以，其他飲品略貴。2.我仲叫左燒7吋海蝦，燒大眼雞魚。呢兩種燒烤食物我係第二度食過好正，所以好期待，點知......唔知點解，兩樣食物都無左鮮味；燒海蝦味道淡，係得個殼燒得靚，無用！燒大眼雞魚，翻開魚皮有水出，好明顯燒之前用其他方法加熱，完全無左魚味。3.等既時間好耐，但部份食物用取巧方法加熱再燒，我估係做唔切要省時間，吃不出燒烤的精粹，失望！整體黎講，中規中矩！

朋友帶我黎lee 度試重慶燒...好似未認真食過lee d 餐廳既重慶燒wor...好似都行好遠先搵到...不過d 野都幾好味啦!!但2個人食左好多野先夠飽...定係我太大食??食左燒香蕉, 燒蠔, 燒九菜, 燒牛肉, 燒蕃茄, 燒粟米, 燒大蝦, 燒脆肉瓜, 燒魚等等...多不勝數....因為這些串燒燒烤食物真係好難飽肚...要食好多串才夠飽...如當飯吃就要貴一點啦!!這些串燒都幾有水準...唔算好乾,燒得岩岩好!!不過我鐘意味濃少少的....所以我多數都有加多d味粉的呢~如果只食剛燒好的...我覺得味道不夠囉!!但整體來說...以重慶燒來講...這一間值得推介

臨去食之前睇一睇 Openrice ge朋友們對重慶燒的 comment.....見到幾個食家都話要等好耐先有食物送到...都算la...自己有定心理準備先...鬼叫壽星公提議去e到食...但意想不到, 當我地剔好哂食物遞紙之後唔洗五分鐘...食物已經一碟又一碟陸續送上...快到我唔信.....後尾我仲同個女侍應講...食物可唔可以慢d先上.....因為張枱已經於唔落, 要加快食速先得.....(但越食越飽, 好難話快就快到丫嘛><" )講到食物味道方面, 由於去食之前已先參考了大家寶貴意見...去到都唔洗點諗, 直接剔哂大家話好食果d 美食出黎.....最後當然係非常滿意la...芝士焗蠔, 芝士焗帆立貝, 燒羊架, 金菇牛肉卷, 都好正!! 香辣田螺, ....太辣, 唔食辣ge人唔岩食, 我地食左3成都無就放棄了...好浪費...壽星公就揀左燒矮瓜, 燒香蕉, 燒牛舌.. 講真, 除左燒牛舌我覺得唔錯之外, 其餘兩樣我覺得麻麻地=_="本來仲叫左芝士焗西蘭花, 但佢地可能落漏了單, 我地又見飽所以都無出聲..haha...唯有留返下次再試...已經唔記得仲有叫左d

早幾日的一個晚上, 兩口子擺脫了兒子 (好彩媽媽幫忙照顧, 偷得了一個晚上同老公撐枱腳), 到了佐敦的重慶燒食野入座之後, 侍應會遞上餐單, 自己用筆揀選想食的東西, 一看之下, 種類繁多, 多得樣樣都想食啊我地揀左芝士西蘭花, 牛仔骨, 雞脾肉, 大眼雞同焗蠔, 再配以蒜蓉包同飯團食蒜蓉包都係燒的, 但如果燒耐少少會好味, 溫度不夠熱噢 不過個蒜蓉味好香, 幾好食, 飯團都係燒的, 味道就普通, 只可視為填肚的工具主菜遂一上桌, 先來了芝士西蘭花同牛仔骨, 西蘭花用錫紙包住燒, 芝士同蒜蓉的味道都已被充分吸引, 好好味, 牛仔骨加上了川式的調味粉, 味道幾特別, 份量適中, 眨眼就給我兩掃清了之後係雞肶肉, 同樣用了川式調味粉, 啖啖肉, 都不錯的; 大眼雞比較失色, 可能燒得過熟, 肉比較乾同O鞋焗蠔係甘多樣之中最好味的, 蠔肉多汁, 加少少檸檬汁食, 效果更好座位比較迫夾, 但街坊小菜就是這個格局, 不可要求太多, 反正店內氣氛都好好的

是日朋友生日，為佢慶祝，約咗係重慶燒大食一餐。文英街幾十米內便開咗四間“重慶燒”，雖然都係小小間，但生意可以做到咁興隆，已經足夠叫人刮目相看。七點幾去到，已滿座，在店門口等咗十幾分鍾，滿街的燒烤味，一股股熱浪直逼過來，熱得周身沸騰，在此等位絕對係苦差事，為咗一嘗蜜燒南瓜餅，再熱都等。終於，我哋攞位坐低，攞點餐紙點嘢食，發現價錢全部作過調整，比之前都貴過一兩蚊，一餐食落分分鍾貴廿幾三十蚊。嗌嘅啲嘢食逐一上檯，大動筷子。涼拌黑木耳$20/碟，以黑醋、鼓油和辣椒醬涼拌，酸酸辣辣，幾醒胃，就算平時少吃醋嘅我都可以食入口，惟一要嫌嘅係黑木耳太過粗硬，唔似之前來食開嘅黑木耳細滑。芝士牛油焗海中蝦$48/9只，採用海蝦，這會比塘養蝦來得更有蝦嘅鮮甜味，加埋香口芝士和牛油，用錫紙包住來焗，鎖住海蝦嘅鮮味，食起來更加香甜，根本唔需要用豉油蘸住來食。蒜燒美國石蠔$84/6只，以新鮮石蠔鋪上蒜茸，調好味道，直接放在燒烤爐上燒，燒熟後點綴上蔥花紅椒絲，甚是漂亮。成只蠔連啲蒜蓉夾入口，或者蒜茸味辟走咗蠔嘅腥味，並唔覺得腥。燒韭菜$11/串，將韭菜逐條逐條串成一串，好中意用來燒韭菜的調味粉，令得平平無奇嘅韭菜霎時

去到文英街原來開左好多間重慶燒,入到其中一間座位較迫,如叫得多野食2人枱根本不夠位放,叫了酸辣粉味道還可,不過酸多過辣,再食青酒煮蜆,味道清淡還可以串燒叫左幾種款式但味粉款款都加,什麼肉味道都變了一樣最後如果太夜食野,諗唔到食咩可以一試

今次是專程到訪，試味呢所以見到乜就點乜食！我地叫左：牛舌：部份燒到變牛舌乾…有部份好正常好好咋！蒜蓉貴妃蚌：好大粒，好多肉汁，好鮮味！香辣田螺：我覺得無想像中咁好味，或者合適飲酒人士！羊肉：如果鐘意羊肉既"so"味就覺得超好味芝士焗蠔：好似分開兩種野黎食咁！龍蝦仔：這個如果有既話，必食！因為去幾次，幾次都話賣哂！雞軟骨：本人唔太好，但我見佢燒到好油林林！多春魚：條魚燒到外層好脆！值得一試！（因為食得太多，大致講講以上幾點）第一次黎既時候唔知道原來份量很多，　如果一個人食哂一串唔太好味既串燒就會好驚！唔好以為十幾蚊串就以為幾平咁，　當一串又一串其實都覺得有ｄ唔抵！（見仁見智）呢間店舖係一條街有好多分店！　唔怕話要等好耐位！　但因為佢地係主舖拎野食去第二間舖會經過馬路！　所以衛生方面都會扣左分

同一晚第2場..重慶燒 哈哈～其實大致上都係果幾十款呢度雖然多左雞全翼同雞脾之類不過要食當然就要叫d街邊少見d既先黎一碟香辣田螺($4x)個汁好香好辣螺又夠大粒不足既係..d螺入面好多螺bb d殼..仲要咁好彩我食粒粒都有男朋友就食粒粒都無\_/佢仲問我係咪玩野！！豆皮三文治 搞笑哈哈個皮好似印度薄餅咁 係乾身既中間係好香既鹹薑蔥！終於都食番正常既牛脷有得叫燒鱔既地方都會食我太鐘意燒鱔了！金菇肥牛卷大大碌又香口埋單都係$150咁上下dessert coming soon..heeheehee

We went in the resturant becaue they have several shops on the same street. With the expectation mindset, we left the resturant unhappily finally with the comments as follows.1/ Bad food: the food was cold, does not taste good at all2/ Long trun around time: We waited 40 minutes to have the first dish, but the food was cold. We finished 6 dished in one and half hours.3/ Poor service quality: the waiter & waitness are rude, not helpful4/ Environment is poor: dirty, untidy & crowded

等位無所謂，預咗，不過食物質素愈嚟愈差，味精重每次食完返到屋企都江要飲好多水。d待應服務差，唔明咁多人投訴過都唔改善？！食嘢要計算食物質素，環境同服務，而家食物已有少少退步，周圍又有其他燒烤店，真係要努力。今次食咗一round，仍然係雞翼好味，滿分，其他無提驚喜，老實講周圍都可以食無必要去呢度。今次總評比50分，剛合格！