鍾菜館

Open Now

Now Closed

上網睇過呢度嘅菜牌覺得都幾多嘢食，專登走嚟試下，裝修就真係好靚，有中國色彩，古色古香，座位闊落，每張台旁邊都有個自助水吧，這是稻香集團的特點。另一特點就是人手極少，大廳只見到一個侍應。🙄 我哋點咗兩個餸試下先，啲價錢一啲都唔平，炒碟西蘭花都要＄128蚊，半隻鹽香雞要＄168， 貴啲都唔緊要，最緊要好食。 兩個人坐卡位，真係幾舒服，一路慢慢飲茶等送到，幸好呢度係有自助沖茶，否則搵個人都難。好快就有野食，份量不差，西蘭花炒得好香，蒜係炸到金黃色，有啲水準，鹽香雞都幾好味，雞肉有咬口，不是又肥又林哪種。 整體嚟講啲食物係唔錯，但係啲服務就真係認真差，問佢問題嘅時候，一係就唔想答，一係就好似嗌交咁樣覆你，今日咁樣嘅服務態度點得㗎 。

環境好古色古香，VIP房佈置也非常好，有一個area 是品茶地方非常好。飲茶食點心價錢抵食。春風得意腸必選，另外蝦餃一籠一粒，人少少可以容易點，蝦餃非常大皮薄餡靚👍🏻

最近和家人去鍾菜館飯聚。鍾菜館的點心和小菜味道錯。菠蘿咕嚕肉好好食，鮮菠蘿開胃，咕嚕肉香甜，我們忍不住叫了兩碟。燒鵝水準不錯，皮脆肉香，送酒一流。炸雞也美味，雞皮洒滿芝麻很香，雞肉有肉味。龍蝦伊麵龍蝦新鮮，伊麵不錯。咸水角和蝦餃都好食。炸豆腐滑。小壽包细细個一啖一個。酒樓裝飾古色古香有中國風，牆上有很多瓷畫可供欣賞。坐位舒服，服務ok。

今日去鍾菜吃午飯，除了叫點心之外，我哋仲叫咗啲孖寶。蝦餃都幾大隻，裏面嘅🦐都幾爽脆。最鍾意食嘅點心就係叉燒酥，皮薄叉燒多而且好Juicy，食落去甜甜地好酥脆水準唔錯。鮮蝦腐皮卷都好爽脆，裏面嘅🦐好多，腐皮脆卜卜，唔錯嘅選擇。鹹水角甜甜地，裏面嘅餡有好多汁好食。我覺得廚房嘅師傅功夫唔錯，我哋叫咗個星洲炒米，係我鍾意嗰種乾身嘅唔會濕立立，亦都唔會太辣，配料叉燒芽菜也不少。龍蝦伊麵都好好食，龍蝦新鮮，伊麵唔會太淋,加埋芝麻雞，好有滿足感。我哋又叫咗燒鵝，燒鵝嘅皮好香脆，咬落去好Juicy，真係好好食。妹妹好鍾意食咕嚕肉，佢嘅咕嚕肉甜酸適中，而且外面嘅粉漿炸到好脆，加埋個新鮮嘅菠蘿，極之推薦大家食。

近年來香港興起吃素，也有大量素肉品牌的出現，是外食人士的福音哦🥰，大家一起吃得健康一點，支持綠色飲食啦～ 香港首個本地研發和製作的自家素肉品牌 •🌱 植廚 ℙ𝕝𝕒𝕟𝕥 𝕊𝕚𝕗𝕦•最近聯同本港7間中菜餐廳，推出全新素食餐牌呀😍。今天就約好姊妹去灣仔的 •🇭🇰鍾菜館•試一試啦～店內裝潢懷舊，古色古香，甚有氣氛🥳，而且店員服務親切有禮，我會再度到訪的～ 「 追味素鱔套餐🍽 $588/位 」 即日起到10月31日，就可以品嚐到這個期間限定套餐😋，記得要2天前預訂哦! _松茸燉五寶 鮮甜的燉湯😍，有滿滿的材料。沒想到不用肉去煲，也會有如此清甜的效果呀～ _禪關萬丈 大大個鮮甜蕃茄，清甜多汁，作為前菜，好醒胃呀。 _上湯素豬肉釀竹笙 嚴選矜貴的野生竹笙，再釀入素豬肉，上湯完美熬入竹笙之中，好好吃呢。 _松露素豬肉焗芙蓉 道菜之中，我最愛這個松露素豬肉焗芙蓉😚。撲鼻而來的松露香，令人食指大動。加上內𥚃有滑溜溜的雞蛋、雜菇，口感豐富，拌飯都好好哦～ _白玉葡萄 超可愛的白玉葡萄，原來是冬瓜來的😳，最適合夏天吃啦。 _鍾菜素肉炒飯 最後還有一碗滿滿的健康炒飯，除了加入素肉、五殼、紅米等健康食材，更加入提

鐘菜館新出素食套餐，鐘意食齋嘅你有口福了！😋😋呢度環境裝修好中式，走廊係一個好靚嘅打卡位旋轉樓梯都唔好錯過啊！有獨立包廂房間，舒適隱私度高。👍🏻 松露數豬肉焗芙蓉🌺松露入邊有啲菇類，本身兩者好合，配埋原本冇味道嘅豆腐度，食出咗肉香嘅味道。好夾！好出色！ 上湯數豬肉釀竹笙🎋上湯係芡汁做成，有食啫哩嘅感覺。呢度菜味道偏清淡，造型可愛。竹笙做成一個小蓮藕節，十分清甜爽口。青豆蓉做成蓮蓬。 白玉葡萄🍇造型似葡萄，但其實佢係白蘿蔔做咖。芡汁做得好出色。清淡之餘又有少少薄荷汁嘅感覺。天食好適合好清爽。 松茸鄧五寶🍄紅蘿蔔，鮮蓮子，百合，羊肚菌湯味香濃，野菌嘅香味，取締咗肉味！唔講唔知真係一款全素食嘅燉湯。菇口感有食肉嘅感覺😲 鐘菜素肉炒飯🍚加入紅米飯，菜粒，粟米粒，青豆仲有紅蘿蔔。好健康！且特別係有松子，定成個炒飯更加香口，有口感。加入提子幹，增加甜嘅口味。越食越開胃！配合咋過嘅豆干食落口感真係同肉🥩冇分別 禪關萬丈🍅名起得好，有氣勢，估下係咩？其實係一個好似蘋果造型嘅大番茄，下面有萵筍絲，口感清爽，最特別係旁邊嘅腰果，有八角的味道！將原本清淡嘅呢道送升華曬！

今日同家人4人行，去北海中心嘆個下午茶，原來稻香已經轉咗手，而家轉咗《鍾菜廳》，既然黎到不防試下，可能有驚喜。全場除房間，大廳約有4張8人大圓枱，其餘係高背絨布卡座，有種高雅感。今次要反映嘅係..叫咗3籠叉燒包，全部都係凍嘅（真係唔知點解），舉手叫侍應超過一分鐘無人理，直至企起身揮手，終於有個侍應見到我，對望一眼後行走咗，再向另一位靚女揮手都係無反應，正當我想戴返口罩行出去叫人之際，有位高級d嘅侍應出現（着西裝褸嘅），我即時大叫：唔該！當然要向佢反映一番啦，之後兩位主任級嘅不時走埋黎service我地，感覺氣消了。老實講，呢間食肆唔算平，環境係唔錯，坐得好舒服，但服務真係有好大好大改善空間。

好耐冇飲茶，所以趁着同事生日就去一盅兩件，今日茶客不算多，不過我們都有預先訂枱，好興奮叫咗好多嘢食😂，侍應服務態度唔錯👍🏻，不過要留意叫點心時，是一件件計1. 叉燒包 - 熱辣辣，皮軟熟，餡料適中👍🏻2. 珍珠雞 - 糯米軟熟，餡料較為少，不過味道ok3. 豉汁蒸鳳爪 - 份量都算OK，不過不失4. Q版卡通包 - 即流心奶黃包，不算太甜，食嘅時候要小心，因為真的會流出來5. 咖啡凍糕 - 有驚喜，咖啡味較濃，入口是滑嘟嘟，陣陣香濃咖啡味融入口中，味道不算太甜👍🏻👍🏻6. 安蝦鹹水角 - 味道還可以，不過餡料較少，不知蝦去了那裏，定係安蝦是名字？😅7. 叉燒酥 - 不錯👍🏻8. 炸銀絲卷 - 一般，外皮不脆🤨9. 蒜香蝦春卷 - 還可以，不算太油膩10. 沙薑豬手 - 爽脆，不過較硬，唔覺有沙薑味11. 酥炸魷魚鬚 - 不錯，入口時還是脆身12. 鳳爪 - Ok13. 七味脆豆腐 - 無味，不脆豆腐14. XO醬炒腸粉 - 少少辣，腸粉比較軟身，不過食到底，比較油15. 鹽香燒乳鴿 - 脆皮，還可以16. 蝦餃 - 皮薄，足料，ok17. 燒賣 - 可以18. 斑蘭椰汁糕 - 少少甜，

諗住新開同朋友去試下， 價錢都公道，但是食物較咸，但係講到服務質素，個男經理真係不得不寫佢， 眼明手快（懶）到一個點， 我哋見到阿姐 服務幾張枱， 已經竭盡所能去服務客人，但都真係回不過氣， 咁我哋幾個人只有自己執碟， 因為已經有餸再嚟， 咁啱個男經理行過嚟兩手空空走嚟走去，以為佢要幫手執下啦，點知佢見到都轉頭走咗， 衷心佩服佢嘅勇氣，如果人多吃飯嘅話 ，預咗自己落手落腳

幸好母親節前社交距離措施稍放鬆，疫情亦見回落先敢同屋企人外出用膳，揀左地點前身係稻香的鍾菜館試下。我地book左位，所以唔洗點等就可以直接入座。餐館內的裝修帶中國風，的確幾靚。食物方面整體味道不過不失，但價錢偏貴，點餐時需留意食物的數量以免唔夠享用。是次叫既食物中，覺得叉燒係意外好食，揀選半肥瘦肉之餘都好林身，唯一不足是過甜；另外「流心奶黃老虎包」幾可愛。雖然覺得食物價錢略貴，不過員工服務態度好。好似見有見我地用筷子分野食時會主動幫我地剪開食物，同時收碟都快，係值得一讚之處。