城大食坊

Open Now

Now Closed

系午飯果陣叫左個雪菜肉絲忟米，心諗應該難食得有個譜，點知成碟野系完全無味的，食食下仲咬到d沙既野，我即刻吐出，成碟野系凍的，我一食就知佢不新鮮，有咩可能搞到雪菜忟文都噤難食，所以我一向都盡量系屋企食都不回校食。我一向都會清晒成碟野的，但今次太難食了，我放棄左。

城大飯堂地方可以說是見證我三年大學成長生活的地方，今日再次重臨真的百感交集，幸好它沒有很大的轉變。一場來到當然要吃燒味飯，出名平價好味道，是任何快餐廳都不能取代的，$18有叉燒紅腸雙拼飯，學生價很感動！叉燒和紅腸的份量都不少，跟在外面茶記吃到的差不多，當然質素也幾好，不過白飯略嫌少了一點，可能是出來工作後胃口大了吧！雖然可以自行要求加飯，不過最終都沒有，這餐就當吃得輕盈一點。城大飯堂是一個價廉物美的好地方，讓人重拾不少昔日學生情懷。

晚上約了同事，說要九龍塘把交件給他。他約了教授在城大，而我就入埋去城大找人。正經事做好，不正經的事就要開始做了。特意地要求同事帶我入SU，好讓我拜訪一下城市大學的canteen。同樣是不打算多吃，所以食既份量，就要是一個下午茶的份量。在學生canteen有度好，就是主食，小食，都是全日供應的，在六點幾七點呢一個時段，去茶餐廳或快餐店都唔會俾到呢一樣野你淨叫。而這個就是可愛的雞脾啦。九龍塘的油脾，相信不少新界東人都記得在火車站同地鐵站中間的那一家小食店。如今這店已成為絕唱，九龍塘站的小食三文治亦已變成了大家的集體回憶。不過，油脾呢一家野，原來並未有在九龍塘成為絕響，只是這油脾，由火車站跑到去大學飯堂而已。行去conter，看見一個充滿了鹵水的電飯煲，而雞脾就是從這個香味十足的鹵水中夾出來。色澤均勻，而此等香味，亦只有落得足夠五香粉同八角才有的獨得香味，皮是晶瑩的豉油色，肉也被美味的豉油沾到帶點棕色。一看已能令人垂涎三尺。雞脾香滑，份量亦不細，啖啖肉的雞脾，內外都充滿了豉油香，無得彈。大學的奶茶不算美，用來去去吃完雞脾後的油脂肥膩感，也是不錯。吃罷，去廁所洗乾淨隻手以消滅罪證，再踏上入新界

城大飯堂地方大，座位多，人流旺，食物款式也非常多，有中有西，豐儉由人，是一個樸實而且跟得上潮流的Food Court。五年來第二次來到城大，第一次是朋友帶我來，這一次是自己來，打算吃過飯後去聽講座。因為很久沒有吃燒味，我買了一碟叉燒油雞雙併飯，份量不少，大大件叉燒，半隻油雞肶，薑蔥任加，只是飯粒太細小，吃起來不夠軟糯，以我的胃口，吃光所有餸，吃兩口白飯已夠。還有點時間，再買來一份生果盒及蛋撻，生果盒有西瓜、蜜桃、蜜瓜和哈蜜瓜，蜜桃可能是罐頭食品，味道甜如蜜餞。最後是蛋撻，價錢並不算便宜，味道普通，不喜歡奶味太重，欠缺蛋香。至此我已經吃到十分飽，或多或少對品嚐蛋撻有影響。

到城大上課，肚子餓餓，買了個椰搭填肚~~$3.5的一個椰搭，價錢適中，椰搭的體型屬飽滿咬一口仍是溫溫的椰搭，椰奶的香甜，曲奇皮的脆....實在好吃極了第一口咬下椰搭的外皮，那皮是爽脆的，如同曲奇餅般第二口咬下內裡，椰奶的香濃味即發~~不可收拾再試，一定得再試!!!這個水平的椰搭只售平民價，實在太便宜了!!!!

短評。環境：就是飯堂的模樣，優點是多大學的美眉或帥哥。食物：點了一個雙餸米線，有紮肉+白菜水餃，看相片便知道賣相不討好，味道其實也不討好，但亦未至於下不了口。紮肉一般來說也不會難吃，水餃長期浸在水中，煮得太耐，皮爛了，餡也很少，沒甚麼味道。價錢：當到某些快餐店叫了一碟珍寶腸拼豬扒飯也要$52蚊時，絕對是超值。總括：味道並不出色，但一碗米線只需要$18蚊，計上價錢的話，這個質素絕對可以接受。

晚上要在城市大學開會，因為沒有時間，所以唯有在城大的canteen急急趕趕地買了一個叉燒酥充充飢，就去開會。城大學生的價錢和我這些街外客當然有點不同，但$12一個叉燒酥，仍然是微暖的。內裡的叉燒不是乾掙掙的，也有點肥肉，加上外面的酥皮也是鬆化。當然，若能像Starbucks般再焗熱一下的話，會更好。這個價錢，收貨有餘~

買了合桃包，一邊溫書一邊食合桃包係無合核的，但有提子同芝麻早上十一點到埗，沒什麼人，一到十二點幾就開始多工人和學生便宜又包容的城大canteen，路過的百姓總忍不住進來醫下肚

晚上因為要上課關係，放工轉東涌再轉小巴返城大。回到去都已經幾乎遲到，也只好買一盒三文治頂肚。吞拿魚三文治不是我的至愛，不過因為只有咸牛肉(本身唔食牛)，火腿蛋(早餐已吃過)，唯有局揀吞拿魚。生菜大塊，而且爽脆，吞魚拿醬就很一般，味道也很淡。麵包可選白包或麥包，當然貨源不太多，手快有手慢無。服務生就差少少，收銀買件嘢都有少少慢。$9我覺得很抵食，畢竟是為學生而設的飯堂。係放學前食少少嘢舒服啲。

約咗Fb向又一城睇戲，睇戲之前當然係食飯先啦!行晒成個又一城，周圍唔係等位等到傻，就係貴到飛起!結果行咗去城大Canteen!價錢經濟味道ok!4個人食Total 100有找!特別推介:芝士蛋糕、配酸辣粉!生滾弼!鳳爪排骨蒸飯! 好味!城大食坊可算係去開又一城不錯嘅食點!下次去開再食過!

舊街坊推介話城大入邊有平嘢食.一支公入去問"食蕉"邊度有canteen叫左嘢食,重call埋街坊來一齊食.正如街坊所言,呢度食嘢覺實價錢好平.火腿太陽蛋米+飲品($11.5):真係十一個半價錢真係平到唔信.呢份係街坊叫的,無問佢好唔好味.餐肉煎蛋通+熱好立克($11.5):賣相可以.食落,通粉唔爽口,隻蛋少少硬,湯底無咩味,落埋胡椒粉都唔多夠味原本叫腸仔,變成左餐肉,都無所謂,食落都可以.玉眼所見,呢度重有粥粉面飯,點心和燒臘飯,相信燒臘飯應是最好味的.有機會都可能會再多幫襯.聞說城大的酒樓城軒點心不錯噃.或者試吓城軒d嘢都好.讚:地方大,座位多,價錢平,坐得舒服.平平地想搵個地方hea,呢度就好ok.彈:寧願佢加多幾蚊,整得好食d.

今早到城大canteen食早餐.雞扒.炒蛋+凍奶茶.超頹D炒蛋好似放咗好耐咁,點解唔可以即炒呢?D炒蛋重要碎濕濕,係一粒粒,而且唔好講熱,一D暖都無..杯凍奶茶還可以.但都無下次.

個日去睇側田演唱會前去了又一城行街,順便去了自己的母校城大吃飯.一來想懷念自己的母校二來平.我大約六點半到.當然不用等位啦!咁大地方.叫了咖哩牛飯,米線,一個芝士旦糕.個魚角真係阿婆無TEETH到食到啊軟到無朋友.但其他都OK.好好好吃推介.OK,但我不喜歡有椰絲.咖哩也很香.

都有成9個月無食過城大canteen的飯了~聽D FD講新的canteen食物貴左而且難食左好多~佢地叫我唔好試~寧願比多少少去又一城food court食M記仲好~係咪真係禁難食好!!我不入地獄, 誰入地獄呢!!就等小弟去直擊報導啦~canteen依然係人山人海, 排左2個字, 終於可以叫餐啦~1. 單餸飯套餐 $17.5 凍飲加$1個價錢真係貴左, 我入學個時仲係$16.5,而家真係貴左$1但係算啦~canteen仲係呢頭最平個間, 所以仲有大把學生係度食飯我就choose左西檸雞, 其實又唔係真係禁難食, 都有檸味, 加上係新鮮煮, 所以D汁唔會''杰'', 中規中矩啦2. 冬瓜豆腐飯 #13我個FD就叫左呢個頹飯食, 話得明頹飯, 其實都預左唔係太好食, 結果都係同我地所想ge一樣~D汁無咩味, 而且D冬瓜把係雪櫃度太耐, 有點硬~overall, 一分錢一分貨, 質素無之前禁好, 但係某D餸仍然係可接受範圍之內。

次次去開cityu, 一定要半打藍莓酥+菠蘿酥take away返家.藍莓酥+菠蘿酥十足喵喵肉掌, 藍莓酥比菠蘿酥好味d,較香甜. 返家再焗/烘下, 好好味crispy!至於canteen其他野食就麻麻了.