都會坊餐廳

Open Now

Now Closed

某日晚上朋友同我講旺角砵蘭街附近有一間好抵食既牛扒餐廳，呢條街平時真係好少行，但原來附近都幾多餐廳，朋友介紹果間餐廳仲有兩層甘多，門面都幾別緻，有個好靚既餐廳招牌，由於疫情關係，只能安排外賣取走，餐廳食物選擇都幾多，款式都係以扒類西餐為主，最吸引既係原來餐廳仲做緊推廣第二件牛扒賣半價，今次就只係叫左個芝士焗半隻波士頓龍蝦拼美國安格斯西冷牛扒配薯菜，跟左餐湯羅宋湯同凍檸茶，芝士焗龍蝦新鮮熱辣仲好多蝦膏，肉質彈牙，芝士味香濃，西冷牛扒大大塊，好抵食。

同老公去左信和買game，仲帶我去以前佢返office時成日食既餐廳🍴。餐廳燈光柔和還有好多食物種類選擇，我地揀了石燒牛跟吉列牛套餐，還order了二款特飲😋30度天氣飲柸冰涼疏打岩灑👍🏻解渴！冰藍香橙疏打柚子青檸龍眼疏打套餐有餐湯蒜蓉包，個蒜蓉包幾香口夠灑脆！配埋蕃茄味濃羅宋湯，不錯呢！吉列牛扒椰菜絲沙律配紅酒汁上菜時吉列牛巳經切好，加d蒜溶及醬汁燒熱佢就食得！吉列牛肉口感豐富燒到6-7成熟左右，燒至吉列外皮酥脆而牛肉腍身就剛剛好了，肉質都幾juicy，好味😋日式西冷牛肉汁薯菜大大塊西冷牛扒，老公最拿手係石燒，今次由佢操刀！燒到七成熟左右加埋黑椒和蒜蓉，很野味！西冷肉質腍身同幾嫩滑啖啖肉，好鮮味😋餐廳原來做緊第二款餐半價，抵食有質素，下次會再幫襯呢！

今日下午去咗郎豪坊行街，行到攰攰地，就走去搵野食醫肚，行經砵蘭街，見有間餐廳，門口貼滿餐廳推介美食相，鍾意食牛的我，就決定食個扒餐點咗石燒吉列牛扒，加＄20仲可加配湯、飯、沙律沙律菜～幾乾爽，加上柚子醋，係一個好好嘅開胃菜羅宋湯、蒜蓉包～羅宋湯味帶點蕃茄酸酸甜甜，跟一片香脆蒜蓉包，非常美味吉列牛扒～肩胛肉，表面用薄薄吉列包裹，吉列牛扒放上熱石，發出吱吱聲，自己再燒自己鍾意的熟度，入口外脆、牛扒肉質鮮軟，有牛味，加上新鮮蒜蓉，牛味更出，另蘸黑椒醬汁，更加惹味巨峰鮮菓冰茶～有啖啖茶香，加上巨峰嘅酸甜味，非常清爽解渴餐廳宜家仲做緊優惠，只要點一個正餐，另可以半價點一份西冷牛扒，最後仲有，呢度冇加一服務收費，真係好抵食

今次叫咗兩個餐一個係吉列牛扒，另外一個呢係西冷，依家叫第二個餐係有半價架，加埋飲品除番開百幾蚊一個人，都算抵食丫~每個餐都有餐湯同埋一個配菜，佢啲餐湯正正常常嘅偏甜羅宋湯同粟米忌廉湯~ 不過個蒜蓉包就一個脆一個有啲淋，如果2個都脆卜卜會好啲🤔之後就係主菜喇，首先嚟嘅係西冷扒，佢係有個石板返俾我哋慢慢燒嘅，所以真係全生咁俾我地又生燒到熟。西冷扒好厚身，望落去都有成寸厚，係有啲驚喜。食落又幾淋，不過唔算係好重牛味。吉列牛佢都有幾多舊，不過就細舊咗少少，比起之前食過幾間都細舊🥺 鐵板燒落去真係香噴噴，肉質都唔錯幾淋，比起西冷，吉列牛牛味重啲，我覺得好味啲😎不過2個牛餐都有個石/鐵板嘅缺點，就係缺點鐵板好快唔熱/ 等左好耐都唔熱，都唔知係咪因為我坐正冷氣位😭如果鐵板快啲熱會更好囉。咁好彩依度嘅侍應好話頭醒尾，識得自己幫我自動自覺換鐵板，做野又好快手👌🏻所以可以自己動手燒係幾好玩嘅，而且第二份半價嘅優惠下又唔貴，特別係西冷大大份，食到好飽呀👍🏻

餐廳裝修簡潔明亮， 最吸引是親民的熱石燒套餐，以牛肉為主打，安格斯牛排系列，第二份更有半價優惠，令人心醉。進入餐廳前需量度體溫及有搓手液提供，非常貼心。石燒吉列牛扒 $108石燒手法合我心意，厚切牛扒油色澤鮮紅，邊緣吉列外層可口。我迫不及待將吉列牛放在石板燒上，香脆程度自己控制，先把吉列煎封，熱辣辣之餘，入口脆卜卜。份量有十多塊，品嚐純樸的牛香，配上同樣酥脆的炸薯塊，令人食指大動。石燒加$20可升級為套餐，我們選擇跟配忌廉湯、蒜蓉包及飲品。忌廉湯入口香甜、順滑，內有大量粟米和火腿，蒜蓉包蒜香濃郁，沾上忌廉湯，別有一番滋味。石燒安格斯西冷 $53 (第二份半價優惠)安格斯西冷肥厚嫩紅，吱吱聲的石燒，散發出陣陣誘人的肉香，令人垂涎。數十秒後，把牛肉翻至另一面，肉質變成深褐色，熱燙燙的牛肉，入口牛味濃郁，用刀緩緩切開，呈現粉紅色，肉汁四溢，嫩滑細膩。牛肉沒有多餘的調味，保持原汁原味，但卻是最佳滋味。沾上日式燒汁或蒜蓉，和熱呼呼米飯一起享用， 十分滿足。鮮奶朱古力，拌勻奶泡，香甜順滑，迷人的朱古力香，令人甜思思；荔枝紅茶令人清新解渴。

今日去左位於砵蘭街既都會坊食下午茶，叫左個雞脾拼薯角，同埋叫左一個lunch set 既芝士白汁炒帶子意粉。呢度嘅雞脾都幾好食，雞脾夠大隻，炸得皮脆肉嫩，食起上黎熱辣辣，而且雞皮又脆卜卜，食落有油香和肉汁，雖然係好熱氣，但炸雞髀真係我下午茶既至愛。配埋薯角食，食完都好夠飽。芝士白汁炒帶子意粉雖然芝士無拉絲。但醬汁都有濃濃芝士味，帶子有成八隻咁多，勁足料。意粉煮得啱啱好，唔會太淋，唔錯！叫埋特飲兩個人加埋都係$100左右，幾抵食

今日去旺角玩玩，餓了就去砵蘭街找🍽平民美食！見到都會坊做緊 promotion 👉🏼第二份牛扒半價，作為食肉獸🦁又豈能執輸呢！🐂安格斯西冷牛扒 250g 半價只係 🙆🏻‍♀️ $53 勁著數，另加$20 變 Full Set!忌廉粟米湯🥣好creamy,好多粟米粒粒🌽，將脆脆蒜蓉包浸落去......極滿足！🥩西冷牛扒來了，係用熱石上的！ 所以我點燒🔥都得💪🏽! 西冷的脂肪較少，但口感鮮嫩，我只要烤熟表面，內裡保留嫩嫩的5成熟！牛味濃郁，只需加上點點香蒜🧄就已經搞掂！👍🏻再來吉列牛🐂，外脆內軟帶點Juicy ! 吉列牛係切成一口一片，輕燒兩面口感最正！😋最後嚟杯冰凍嘅爆泡黑加倫子特飲.....好味啊！🐿

有一日放工同老公想喺旺角行街食飯時而經過既地鋪餐廳, 望落最吸引都係個鐵板燒.不過老公話之前自己黎過一次, 但係坐樓下, 而今次佢第二次到訪, 也是我第一次 - 但到我地入去食時, 樓下已經FULL HOUSE, 所以就上左樓上點餐同用膳.我同老公一個鐵板燒-職員向佢推薦左吉烈牛, 賣相中等, 但個爐同自己燒真係都算望做到基本呢個套餐既條件.我既鐵板燒豬扒就係個薯角最好食.總結- 第一次去呢個地方既我- 覺得卡位D 擺設幾可愛, 但始終都好少特登喺砵蘭街呢一帶出入, 所以再黎試其他野既機會並不大

今日原本打算係旺角隨便食一餐，點知搵到依間勁抵既扒房！都會坊餐廳係旺角朗豪坊附近，不本以為係普通平民茶餐廳，睇真d餐廳原來有好多唔同款式既石燒牛肉套餐，而且價錢一d都唔貴，諗都唔諗就入左去🤣🤣🤣我就梗係揀吉列牛排啦！跟餐有送餐湯同蒜蓉包，蒜蓉包脆卜卜好香口。成個套餐超豐富，除左牛肉外，仲有半份白飯同意粉。牛肉肉質好嫩滑，放係石板上燒十秒左右己經夠，再加上芥末醬，充滿日式風味😋😋😋另外仲點左依家做緊特價既石頭西冷，西冷超大塊啊，好厚身所以要燒耐d，西冷扒好juicy而且肉味好濃，都幾高質！👍🏻👍🏻👍🏻依度既特飲都好特別，顏色好靚😁😁😁Glass Grossshopper同Srawn Driver食咁多野埋單每人都係百幾蚊，抵到爛啊！今日原本打算係旺角隨便食一餐，點知搵到依間勁抵既扒房！都會坊餐廳係旺角朗豪坊附近，不本以為係普通平民茶餐廳，睇真d餐廳原來有好多唔同款式既石燒牛肉套餐，而且價錢一d都唔貴，諗都唔諗就入左去🤣🤣🤣我就梗係揀吉列牛排啦！成個套餐超豐富，除左牛肉外，仲有半份白飯同意粉。牛肉肉質好嫩滑，放係石板上燒十秒左右己經夠，再加上芥末醬，充滿日式風味😋😋😋另外仲點左依家做緊特價

抵食石燒牛，砵蘭街度有！——安格斯西冷($53)而家做緊半價，$53就食到石燒牛🤣超級抵！咁平嘅價錢黎講，係唔錯，幾厚😍牛肉好淋，我仲嫌佢有d太淋😂上嘅時候係三成熟左右，本身已經調好味，只需要自己燒兩燒就食得！$53黎講好唔錯啦！.石燒吉列牛扒($108)肉質一樣係淋，味道唔錯！個吉列皮有進步嘅空間👻.+$20有餐～薯角好脆好好食😍推介！.餐廳有卡位，唔會同其他人坐埋一齊，有自己嘅空間黎燒👍🏻.Overall: 6.3/10Value for money: 4.3/5——📍都會坊餐廳旺角砵蘭街128號地下

呢間西餐廳都係食牛為主，喺朗豪坊附近，我食過都唔止一次。以前食牛小排，但呢期佢出咗新野，所以就試吓佢個新推出嘅吉列牛。佢覺得吉列牛套餐係$108，加多$20可以配三款東西，包括椰菜沙律、意粉、餐湯、飲品、薯菜，任擇其三。如果另外加$10就可以要多其中一款。我就揀咗椰菜沙律同埋意粉同埋飲品同埋餐湯。餐湯係忌廉湯，其實好多餐廳都一樣，稀啲嘅汁就係白汁或者忌廉汁，濃啲嘅，就會變成湯。所以佢個湯都幾濃。配埋蒜蓉包一齊食，鹹鹹的都幾唔錯。之後就到佢個主菜吉列牛套餐，一送上嚟嘅時候，都真係幾有日本嘅風味，有一個爐喺度燒緊，吉列牛外層有一層炸粉，佢會俾埋個夾你，可以逐塊逐塊放落個爐到，然後再點佢嘅Wasabi汁，似honey mustard，再放落口食，就幾唔錯。牛肉嘅質感幾嫩口。另外一題嘅就係椰菜沙律，椰菜沙律佢用胡麻醬去整，所以作為開胃前菜，又幾清新。最後飲品係佢嘅綠茶🍵，幾甜，但作為食濃味野後的飲品，反而我覺得幾適合。

話說石燒牛越嚟越流行 不過價錢又唔算平 今日我哋喺油麻地就發現左一間超平石燒牛餐廳外表😆 餐廳裝修幾懷舊幾特別 入面多數都係卡位👍🏻我哋叫咗一個石燒吉列牛餐 依家餐廳做緊優惠 叫一個主食就可以用半價$53 試到一份石燒西冷😍 真係超抵食👍🏻 加$20可以要套餐 可以揀飯/意粉/薯角/餐湯餐包/餐飲 5揀3 餐湯嘅羅宋湯同忌廉湯都幾足料 忌廉湯有好多粟米同紅蘿蔔🥕 而餐包就係蒜蓉包😊石燒吉列牛算係新推出 店員會建議每一次燒4塊 每一邊大概燒1分鐘 咁就食得啦🤤 跟餐已經有蒜蓉同埋日式燒肉汁 好豐富👍🏻 石燒西冷有成200g 好厚好大塊 可以自己控制熟度 口感幾好👅飲品我地就加左特飲 記得要攪均d 唔係飲落就會好甜架啦🌟

位置：便利，在油麻地和旺角中間，屬於旺中地區，在那邊有很多餐廳，相信是美食的集中地。環境：有兩層，只是坐在地下那一層，空間不大，但坐得舒適，而且較隱蔽，最欣賞是餐廳所播的音樂是九十年代的老英文歌，感覺像回到小時候，好正！服務：服務員態度和藹，主動介紹最新優惠，惠顧任何扒餐，就可以半價吃到西冷牛扒，超值套餐！所以我們都選了這個優惠。食物：餐湯：忌簾湯和羅宋湯餐包：蒜蓉包吉列牛扒$108配檸茶⭐️⭐️⭐️以往都吃過吉列牛，今次見到有，就看看有甚麼特別。今次的吉列牛肉質嫩，好快會煎熟，所以要留意時間。不過牛肉外圍是用麵包糠炸，所以再煎就會硬，味道一般，所以我覺得一點不配合牛肉，值得再改善。半價西冷石燒牛排$53配檸茶⭐️⭐️⭐️⭐️這個扒簡直是超值，因為大份量之餘，牛肉質素不錯。醬汁有蒜蓉和紅酒燒汁，不過我覺得不點汁都可以，因為牛肉味重，已經很美味！薯條厚炸，只是牛扒就已經吃飽了。

近年石燒牛愈來愈流行，但係因為價錢比較貴，所以一直都唔捨得去試，直到早兩日朋友介紹我黎「都會坊」，呢度既裝飾既懷舊又有少少舊扒房既感覺，最重要係有石燒牛可以試🤤餐廳做緊一個優惠🥰叫一份主食就可以用半價$53試到一份石燒西冷，另外我再加左$20轉套餐，套餐係5選3，可以揀飯/意粉/薯角/餐湯(羅宋湯/忌廉湯)+餐包/餐飲，都幾抵食－－－－－－1. 石燒吉列牛扒 $108 7/10主角石燒吉列牛🤤上菜既時候會有一個小既石板，服務員話3塊3塊燒會易啲控制火候，燒出黎五成熟岩晒我口味，但係就略嫌吉列外皮較厚，呢度就扣左少少分🙈2. 石燒西冷 $53 7.5/10份量唔馬虎，上菜時牛扒係熱石上發出吱吱聲，非常吸引🥰肉質軟滑，切開時係呈現三成熟，再放卡熱石上燒到岩自己既口味就可以開餐啦，配上蜜糖Wasabi醬，更加刺激味蕾😋3. 蜜桃綠茶 7/10蜜桃味唔太重，唔係好甜，有清爽既感覺，夏天好岩飲👍🏻

餐廳：都會坊餐廳 (旺角)地址：旺角砵蘭街128號地下近住朗豪坊嘅砵蘭街有一間平民大眾化茶餐廳🍴，佢地其中一個賣點就係扒🥩，同朋友下午茶時間去到，叫左兩個邪惡下午茶餐share黎食🤤下晝5點幾果頭都幾多人幫襯，餐廳有兩層，所以都招呼到唔少客人邪惡雞髀配薯條 $38雞髀係生炸嘅🍗，size適中，無加任何調味料，可以食到雞髀嘅原汁原味😋，皮脆肉嫩，好香口👍🏼吉列豬扒配薯條 $38吉列豬扒嘅外皮有少少厚，但切開都見到一層粉嫩嘅豬扒🐷，呢到嘅薯條都幾好食唔鹹又唔會好腍，都值得一試跟餐+$10可以要杯薄荷朱古力，濃濃朱古力唔會太凍，岩哂我呢啲唔鍾意飲品太凍嘅人🥶，面頭加上忌廉同薄荷醬🌱，攪勻後就可以品嚐到清新嘅薄荷香