潮州人 (Moved) New Location

Fb Follow 左呢間店一段時間，好欣賞店主信念，真香港人。最近有時間就過黎試下呢間小店。點左一個花膠併酒蜆米粉，加龍眼蔘蜜。最欣賞佢個湯底，清甜，無味精，住家湯feel。飲完都唔會口渴。我飲哂成碗🤣花膠煮得入味，夠淋。滑lulu！米粉夠脆口。好可惜嘅係，d蜆真係唔新鮮😢有酒味，但唔夠味，加上蜆唔新鮮，蓋唔過陣味。碗粉唔太大碗，食完唔太飽。🥺🥺餸都唔太多。半舊花膠，2隻蜆。最驚喜嘅係蔘蜜！好重蔘味，而且又有蜜嘅甜味。飲完喉嚨好舒服。

以為潮州人賣潮州食物，看餐牌在猶疑要吃什麼。 既然花膠米粉是這裡的招牌，就不用費心思。新竹米粉比其他米粉更得我心。花膠用蠔油煮過，炆得入味。湯底清甜無味精。原價$16 的龍眼花旗蔘蜜，點米粉只需加$12，順喉清潤。 看似簡單的一餐，幸好仍有誠意小店密密耕耘。

店舖坐位不多，幸運地兩個人坐四人枱坐得幾舒服，不過枱面痴笠笠感覺不太乾淨👀。二人套餐（$168）包兩款米粉/飯、一份菜、兩樽龍眼花旗蔘蜜同小食醉雞腎。我地揀左招牌花膠米粉同廣島蠔米粉，廣島蠔米粉唔記得左影相😂兩款米粉湯底比較清淡，有兩塊花膠扒炆得幾淋同入味，四大粒廣島蠔飽滿肥味，有鮮味火候亦掌握得剛剛好，兩者我推介廣島蠔👍🏻，醉雞腎份量唔少咬落爽口酒味出，菜係娃娃菜正常發揮。龍眼花旗蔘蜜一開始有少少驚花旗蔘味好濃因爲自己唔算太喜歡花旗蔘陣味，飲落花旗蔘味出但唔會好勁，而且飲落清甜好舒服。米粉份量不多，男仔唔夠飽，整體味道中規中矩，唔駛特登過黎食。

有時候出街唔一定想食大餐，小店其實更得我心。位於太子嘅潮州人就係其中一間，舊年食過一次，之後由於唔就腳就無去到，今次特登約朋友去食。餐廳老闆係空手道教練，但同時鍾意下廚，於是就開咗間小店。叫得「潮州人」，但唔係賣潮州菜，反而用老雞湯作招徠，配搭新竹米粉，再加上唔同配料。招牌花膠米粉 $53花膠都算大舊，而是好腍，咬落有啖啖膠質，仲以蠔油煮過，湯底清甜，大推！清酒大蜆米粉 $48蜆粒粒鮮甜又無沙，而且算厚肉，呢個湯底反而帶少少酒香。甘香醉鮮蝦 $48有四隻鮮蝦，鮮味夾雜酒香，肉質爽口彈牙，值得一試！媽咪龍眼花旗蔘蜜 $16呢個真係有驚喜，唔會太甜又飲到陣陣蔘味，如果冬天有熱版就正啦！

💛潮州人💛..............................👧🏻想食呢間潮州人好耐啦 超級大期望終於得閒走去試下佢係咪真係咁好食😍但員工態度都幾差 如果大家唔介意都可以一戰.🔅想知黃店原因請Dm💛..............................🍽手切肥牛米粉 $53（👏🏻8/10）.牛肉係切到條狀 都算厚切 肉味幾濃但係好多嚿都有筋 同埋分量都幾少😣😣米粉方面係用新竹米粉 食落好有咬口同埋都幾索湯 都唔錯😋不過分量都真係偏少 連👧🏻咁細食都食唔飽店家話係無味精湯 係自己熬製嘅雞湯底但網上面有人影過幾箱濃湯寶搬入廚房信邊個就交翻畀大家 我地覺得飲完唔口渴嘅不過就比較清淡 啲辣油好香 好推薦大家加😳.🍽 清酒大蜆米粉 $48（👏🏻7/10）.啲蜆真係大大隻又幾厚肉 食落幾鮮甜🤤一碗有4隻蜆 叫做對得住個價錢米粉就唔多講啦 都係同上面一樣🤣湯底就比手切肥牛好味 多咗啲清酒味不過都係偏淡 似係行健康路線🤣🤣都係強烈建議食得辣嘅朋友要落佢個辣😈.🍽 溏心醉蛋 $18 （👏🏻6/10）.酒味都幾濃 聞到好香花雕味 食落都有酒味不過就唔係好夠鹹味 除左酒就食唔到其他味🙁.題外

好足料嘅花膠湯飯😍😍😍而且無味精，成碗湯都飲哂，另外叫左個貝類食品，不過係時令無得揀，仲有叫左花膠米粉，同湯飯好唔同，湯飯清淡鮮甜，而米粉配醬汁食好濃味！不過我最欣賞佢個花旗參飲品，好重花旗參味！價錢又實惠！

昨日睇完生果報道第二日馬上放飯飛的去花膠撈米：太重蠔油，食完成條脷都充滿味精，建議如果可以將呢個醬汁換成用一點金華火腿說豬肉雞造成的醬汁會更加香濃而且一般人香港都接受到食拉麵的價錢不可以把價錢提高而且又可以把質素提升，達致雙贏的局面，主角花膠比較單薄同埋的一小塊，米粉沒有特別只是新竹米粉醉雞翼：酒味不夠，不入味，雞肉沒有做到嫩滑的感覺蔥油蠔 ： 與我想像的相差甚遠，清澈的白湯水完全感受唔到哪裏可以看到蔥油，蠔也有一點腥味雞油盪菜 ： 完全感覺到雞油存在主角份量太少，就算坐我旁邊的OL也要求米粉家底可想言之可惜今日沒有牛肉湯米要預訂特登飛的嚟有點失望，如果你係一隻路過蜻蜓係冇得選擇下尚算OK，相機食先噱頭尚可但味道真的要改善

手切肥牛肉湯飯湯味清甜 冇味精 牛肉有咬感 有質素嘅Like !!!!龍眼花旗蔘蜜滋補養顏 清甜正！清酒煮大蜆仲有一味 師傅醉流心蛋忘記影相，都做得幾出色唔錯唔錯 👍🏼👍🏼

.主打花膠同無味精湯底嘅粉麵💛bookmark左「潮州人」好耐，終於有機會去食！.✨ 招牌花膠米粉去得就緊係要試下餐廳招牌 — 花膠！🥰花膠都幾大片，炆得幾淋同入味，而且口感滑溜湯底係雞湯，都幾清甜～.✨ 清酒大蜆米粉蜆真係好大隻，肉質飽滿，食落啖啖肉，仲有四隻咁多！味道都幾鮮甜，而冇沙呢啲當然係基本啦～大蜆用左清酒煮，呢碗嘅湯底有淡淡嘅酒味😋.✨ 師傅醉雞翼雞翼煮得非常入味，酒味香而唔苦澀🤩肉質都幾滑，凍凍地，幾好食！.✨ 媽咪龍眼蔘蜜、有機鮮豆漿兩款飲品都唔錯㗎，尤其係龍眼蔘蜜，真係好重蔘味鍾意花旗蔘味道嘅應該會好欣賞呢款飲品～.招牌花膠米粉 $53清酒大蜆米粉 $48師傅醉雞翼（3隻）$28媽咪龍眼蔘蜜 $16有機鮮豆漿 $10———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛🤍推薦指數 👾: 💛💛💛💛🤍———📍潮州人 Ciuzauese太子界限街12號A地舖———

第二次幫襯潮洲人，今次同上次都係唔記得影相，因為顧住食😂⋯⋯今次叫咗花膠米粉加廣島蠔、甘香醉蝦米粉加醉雞翼同雞油燙菜。花膠米粉個湯底有濃濃的花膠味，超足料，好想知老細有冇錢賺架，咁足料....蠔大大粒，都新鮮。醉蝦同醉雞翼都有好香嘅酒味，不過如雞翼再淋少少會好啲...個湯底都好好飲，無味精，差唔多飲晒。菜個度加嘅雞油都好香，正！上次就叫咗大蜆米粉、廣島蠔米粉、醉蝦小食同雞油燙菜。個蜆好新鮮同無沙，湯底當然又係差唔多飲晒

小店座位唔多，所以今日星期六特登早啲出嚟食晚餐，六點前入座，唔使等位😎叫咗一碗招牌花膠米粉，加$8可以轉雙併我就加咗廣島蠔🦪🦪塊花膠都好大塊，米粉屬於幼身，好滑。個湯底好好飲 係清雞湯，冇味精，飲晒啲湯都得。隻蠔有少少腥味。清酒大蜆米粉一碗就只有四隻蜆，蜆肉細細粒，其中一隻食到有沙。呢個湯底就真係充滿清酒味，好香！！總括嚟講，我覺得兩碗嘅湯底都好好飲，好好食，不過米粉嘅份量唔算好多，大蜆相對上細隻，份量多啲會好啲，老實講食完唔夠飽，所以我哋行過去深水埗食埋糖水先走😛

招牌金黃色，好搶眼，店舖唔大，大概容納16人。✨味道77分，價錢較貴，份量較少，個人認為唔太抵食。.🔸清酒大蜆花膠米粉($61)兩粒清酒大蜆，食落好鮮甜，一粒沙都冇，花膠有塊，好稔，好入味，咬落黏口，感覺骨膠原好重，米粉較少，食一碗唔夠飽。。。。。有提供XO醬調味，佢個XO醬唔係好辣。.🔸師傅醉雞翼(3隻) ($28)凍食，非常入味，雞翼好重酒味，肉質中等，不老不嫩。.💈太子界限街12號A地舖

今日星期日，特意開車過來，剛巧門口馬路有個非法位，見有人等位，裡面已經滿座，費事等喇，只好坐外面 。睇咁多人讚，我當然聰明叫招牌花膠米粉啦 $53！hubby 好搞笑以為蠔皇花膠撈麵 $68 係有蠔，其實只係蠔油 oyster sauce, 唔睇英文，哈哈！我碗米粉，花膠比他那一碗更大塊，嘻嘻 ！外賣枱有文宣卡仔 （be water) 及月曆卡。幾分鐘就有得食，對於我，份量已經夠，但 hubby 碗撈麵，又真係細碗左 ！價格有小小貴，不過都無所謂啦！

與同事聚餐上網搵咗一間幾吸引嘅小店店內裝修有潮洲風（少少）店員態度都好好初初睇餐牌我真係諗好耐唔係唔啱口味 而係隻隻都好想試最後上網推介嘅酒煮蜆就揀佢試試店內有二人餐四人餐都算抵食其實可以一戰但今次嘅我叫咗散餐一碗酒煮蜆米粉隨即送到試咗主角酒煮蜆 酒味好濃 但唔會蓋過蜆肉嘅鮮花膠好軟綿綿，厚實嘅花膠味。湯底我條脷就食唔出咩味，但都Okay米粉呢有別一般茶餐廳，有咬口又唔會太林整體來講小店一直都好用心打造美食，哩間誠意非常，實在難得。

太好了，有二人餐🥰（包二碗米粉+雞油燙菜+龍眼花旗蔘蜜二支）湯底真係無味精，我全部飲晒，回程途中完全沒有口渴👍👍抵讚～招牌花膠米粉：湯底清香而不膩，花膠夠淋，米粉偏幼身，不過，唔會勁快"索"晒d湯，可以留返最後一次過飲d 湯😘清酒大蜆米粉：湯底較清，大蜆無沙☺️酒味唔算太濃～雞油燙菜：今日有娃娃菜，菜唔老，真係有少少雞油香（但絕對唔會好肥膩）配埋d 豉油，我覺得好好味😍龍眼花旗蔘蜜：呢支勁好飲💋🧡💕非常推薦～雖然係花旗蔘，但完全無苦澀味，飲完喉嚨好舒服，正野😚P.S. 店舖乾淨企理，雖然主打湯米粉、潮州食物，但唔會有老土嘅感覺😂😂