煲師傅砂鍋小菜

Open Now

Now Closed

旺角林林總總嘅雞煲烤魚放題店，煲師傅最為突出，味道好服務好，姨姨會周不時嚟睇下我哋啲雞，幫我哋炒兩炒，同埋會嚟睇下火喉會唔會太大太細。最最最特別條可以食晒3款味道嘅雞，啲雞仲要係任加！芝士味雞煲芝士味好正，芝士加熱後可以做到拉絲嘅效果，再炒多一陣，就可以整成芝士脆片添！講返個芝士雞煲。啲芝士好香，同啲雞好夾，同埋芝士唔膩，可以嗌多兩轉雞。啲雞表面本身煮到少少脆身，但内裡就好滑，食到一種外脆內軟嘅口感！奇味雞煲 之後就嗌咗奇味醬，因為可以順便拎嚟打邊爐。個奇味醬超香，食得出有啲豆豉味，啲雞連埋啲奇味醬一齊炒，啲醬味好出，而且包住咗啲雞，每一啖都食到奇味醬。之後用嚟打邊爐，都夠味！打邊爐享受完雞煲之後，就可以加湯打邊爐。因為奇味醬本身都夠味，所以唔洗轉其他湯底，用返清雞湯就可以。不過就算轉，都得加$28，咁就有個新湯底，都幾抵！配料打邊爐嘅配料都多選擇，肉/海鮮/丸/菜/麵，都有齊晒。美國肥牛啲雪花本身已經好靚，啲肥肉都好平均，食落啲肥肉仲有好香嘅牛臊味，呢啲時侯點豉油就更加正！牛舌牛舌好爽口，仲有啲牛臊味，點蒜蓉都好食！炸枝竹第一次食炸枝竹，初頭以為係響鈴咁樣，點知原來唔同，佢啲枝竹好香

喺旺角工作嘅朋友帶我去食呢間新開無耐嘅雞煲放題，每位$218位任食兩小時，免加一，經濟實惠。去到見到除咗雞煲，重有烤魚～如果揀雞煲放題嘅話，就可以任食芝士、麻辣同埋奇美雞煲😍平時食開嘅任食雞煲放題，通常係雞煲加任食打邊爐，但係呢度連雞煲都係任食！不過因為朋友上次已經食過雞煲，所以今次我哋就揀咗烤魚，望落都幾吸引😆 條海鱸魚比想像中大條，職員拎上枱嘅時候都話條魚過晒兩斤😳條魚本身係炸過嘅，所以魚皮食落好香口，魚肉嘅肉質亦都相當嫩滑，冇乜細骨，啱晒我呢啲懶人；酸菜湯底我哋揀咗小辣，酸酸辣辣噉好惹味😋烤爐魚本身都有好多配料，有鴨血、豆腐、蒟蒻同金菇等，已經煮到入曬味🤤其實淨係食呢個烤鱸魚我哋已經飽飽地，另外再追加咗幾款火鍋配料，有肥牛，羊肉同牛舌等，最後重有每人一杯Häagen-Dazs雪糕作結，呢一餐真係好豐富好滿足👍🏻👍🏻

餐廳位於旺角女人街，旺中帶靜。餐廳一半都是卡座，座位闊落，坐得舒適。晚市來到，可選擇雞煲任食或者小菜。一眼看過去，很多人點了雞煲，好似好吸引，但今晚比較想食鑊氣小菜，雞煲還是留待下次啦。先送我地2碗冬瓜例湯。啫啫生蠔雞煲一上枱，不但熱辣辣出緊煙，仲有唔少氣泡滾出來，真係新鮮滾熱辣。雞肉係一口size,入口啱啱好。生蠔脹卜卜，夠飽滿。醬汁有葱有蒜，惹味之餘，仲令生蠔唔會有腥味。啫啫蝦醬通菜蝦醬味頗香，啫啫聲，夠鑊氣，味覺同嗅覺都打通了。通菜脆嫰，除左蝦醬，仲有少許辣椒調味，相當唔錯。肝腰合炒合炒了豬肝豬腰同露荀。醬汁特別惹味，辣椒，蒜片同薑爆香，辣得黎更開胃。豬肝薄切，唔嚡口。腰花脆嫰唔會臊。仲有爽脆露荀和雲耳，增加口感，整個餸都好出色。大杯檸檬茶係珍寶size,好大杯呀，見到已經覺得超值了。煲仔餸惹味開胃，送飯一流。

旺角嘅煲師傅砂鍋小菜，主打兩個菜系，川菜同埋粵菜！今次試吓佢嘅川菜，烤魚、雞煲放題每位只需$218，任飲任食兩個鐘！烤魚、雞煲放題 $218/位可自選烤魚或雞煲，仲有唔同口味揀，食完就可以加湯打埋邊爐！香麻辣烤海鱸魚大大條海鱸魚，開邊都勁厚肉，只帶少量魚刺，食起上嚟啖啖肉，唔錯！香麻辣湯底可自選辣度，以香為主，內含大量配料如鴨血、京蔥、金菇、芽菜、豆腐等，全部勁索湯，滋味十足！火鍋配料多款火鍋配料無限添食，豬牛雞羊、内臟、腸丸、蔬菜等一應俱全！主打嘅特選美國肥牛，肥瘦相間，質素唔錯，可以瘋狂encore！自助飲品區連啤酒都係任飲，抵玩！甜品每位包名廠雪糕一客！

今日收工後同朋友去了旺角行街，順道去吃雞煲。我們選了三重芝士雞煲。聞到非常香的芝士味，又好多雞件，幾正幾好食，非常邪惡👿。D雞又夠滑，幾正。之後就輪到選火鍋料，是放提任叫。選了娃娃菜和白蘿蔔，幾清甜，幾好食。另外我們還選了蒜蓉腸和芝心丸，2樣都幾好食，不錯。蒜蓉腸應該是台灣腸來，個味都幾特別。另外芝士丸都幾好食。特選美國肥牛：肥牛質素都不錯，重牛味，又幾好食，幾正。仲有叫埋新鮮海蝦，都不錯，蝦🦐肉都幾彈牙，新鮮，幾好味！不錯雞煲放題真係好抵食，有好多種不同的火鍋料任叫，都真係好抵，又可以食到好多不同種類的食物。而且價錢都只係每位$218，而且比足2小時食，一定夠食，性價比都好高，值得一去的。

剛剛去完旅行，約左朋友食飯比手信。行過去女人街附近，見到間新開餐廳，食雞煲放題幾抵，都係2百令蚊，另外食完雞煲仲可以打邊爐，咁我哋就揀左佢。餐廳都幾大，幾乾淨。呢度除左食雞煲放題，仲有烤魚放題，都係一樣價錢。另外唔食放題，都可以叫小菜，想食邊樣都得。飲品：在外面自取，同樣任飲。雞煲：有兩款口味，分別係三重芝士雞煲同麻辣奇味雞煲。我哋比較傳統，都係揀麻辣奇味雞煲。呢個雞煲係用秘制醬汁炒香，入味得黎唔鹹，少辣，惹味，有半隻雞，份量真係幾多，食極都有。湯底：食完雞煲再加雞湯打邊爐，原有雞煲已經夠晒味，用黎打邊燈無問題。特選美國肥牛及澳洲牛舌：肥牛油脂豐富，朋友就比較鐘意食呢款。牛舌味道幾濃，口感OK喎。海蝦 (限量每人兩隻)：size大，新鮮帶甜味。魚皮：夠大塊，唔會碎濕濕，輕輕一浸湯已經可以。其他火鍋配料：蔬菜有西洋菜同生菜，洗得乾淨，淥完都夠綠爽口。凍豆腐一口一舊剛剛好，吸埋湯汁幾好味。雞肶菇味道正常，蒜蓉腸係台灣腸，甜甜地幾好食。甜品：每人一杯haagen-dazs雪榚，食埋佢就飽晒。

同同事放飯經過呢間試吓 個出面好少見嘅水煮蠔仔 有得自己揀辣 D蠔仔幾鮮甜嫩滑 份量都好足 加埋一碗白飯啱啱好 辣度夠麻夠香 真係勁正！送白飯一流另外仲嗌左個椰菜花炒腩肉 都唔錯

終於得閒出嚟食好西🥹旺角通菜街不嬲都多嘢食,咁啱見呢間餐廳打住任食雞煲嘅招牌於是就入左去!雖然我係衝住雞煲入去😂但呢度都可以叫小菜食,都幾多選擇,賣相吸引👍🏻晚市套餐都好抵食入面環境幾光猛乾淨👍🏻環境唔會好嘈吵放題飲品任飲,有竹蔗茅根可以清熱,又有茶可以解膩,仲有啤酒👍🏻我地叫左奇味雞煲,雞肉分量我地覺得啱啱好唔會太多!呢個份量食完仲有quota可以食埋其他味同打邊爐😝雞件大部分都係雞腿,咬落啖啖肉又少骨👍🏻雖然望落去冇乜醬汁,但係咬落去好濕潤入味👍🏻好惹味!Encore完雞煲就可以加湯打邊爐!~~一嚟我哋就叫咗一大堆嘢😂叫咗少少丸類、牛肉、菜、水魷等~冰豆腐好好食,吸唒啲湯底精華!牛筋丸幾爽口,娃娃菜好新鮮,水魷爽口彈牙👍🏻美國肥牛油脂分布平均,食落唔會肥膩而且幾香滑👍🏻另一樣我好鍾意食嘅嘢係呢度嘅薯粉!薯粉煮咗一陣之後開始變腍同變半透明顏色,夾起身嘅時候見到好似可以拉絲咁就知佢好煙靭😂果然食落去冇失望,超級煙韌🥹而且又係索啲湯汁好好味呢度嘅水餃係自製嘅,外皮都幾薄,而且餡料飽滿,韭菜味好香👍🏻唔錯食到飽唒最後每人仲包一杯雪糕添!!😋.抵食!

真係無諗過旅客區既女人街有咁抵食既雞煲放題任飲任食2個鐘只係 $218. 9點後入座仲要有折去到 $188!!!!雞煲有3款口味, 三重芝士, 麻辣同奇味可以不停ENCORE轉口味另外仲有烤完選擇, 但就不設加魚如果5位同行呢就可以揀2條魚或1魚1雞!今日試左三重芝士同埋奇味雞煲芝士係極香! 特別鍾意佢慢慢煲住令部份芝士變左脆脆. 每次既雞份量大概係3份1隻雞多D, 唔算十分多所以可以試多個口味奇味雞煲就係行惹味路線既, 所以食完就用呢個底加湯打邊爐45款配料無限添加, 胃仔有限試唔晒咁多款但有幾款真心推介肥牛 / 羊肉絕對唔HEA, 脂肪同肉比例正常, 無冷藏味而且仲有肉味!黃喉勁爽脆, 出面單叫都好貴, 回本首選!飲品係自助形式, 有茶有汽水,有齊基本要求甜品就有一人一杯哈根大師雪糕

放工經過女人街見到有間新開嘅雞煲放題「煲師傅砂鍋小菜」，任飲任食無限refill雞煲都只係$218位，除咗雞煲之外，仲可以選擇烤魚，任食40幾款配料，咁抵食嘅價錢今晚就一於試吓佢😋店員話11am-7pm 更加抵食，只需$188 仲免加一添👍🏻奇味雞煲我地嗌咗小辣，醬汁味道非常濃郁，雞煲入面嘅雞件全部都係雞腿同雞胸部份，每一啖都啖啖肉，雞件預先炸過再放入醬汁去翻炒，雞皮炸到脆卜卜而且一啲都唔肥膩，雞肉嫩滑充滿肉汁，超水準嘅質素👍🏻三重芝士雞煲必點推介🉐食完奇味雞煲，我地再嗌咗個招牌三重芝士雞煲，上面鋪滿三種芝士，加熱後等芝士溶化，每一件雞件上面都鋪滿咗芝士，香濃creamy，而且仲可以拉絲添，鍾意食芝士嘅朋友仔一定唔好錯過😋食完雞煲已經差唔多半飽，我地再嗌咗一啲火鍋配料Round 1海蝦、美國肥牛、黑豚肉海蝦新鮮大隻、肉質爽口，肥牛肥瘦相間、雪花紋路色澤紅潤、入口軟腍，黑豚肉帶少許脂肪、充滿肉味Round 2自家製豬肉餃、黃喉、午餐肉、烏冬豬肉餃每日新鮮包製，見到店員仲不停包緊，每粒嘅餡料都非常飽滿👍🏻黃喉爽脆有咬口😋Round 3豬皮、牛柏葉、魚皮餃、芝士腸食完火鍋，仲會送一杯Häag

今日嚟咗近家樂坊鴻光大廈呢間煲師傅砂鍋小菜，見到好多唔同特色野食，川味小菜、雞煲烤魚放題，砂鍋小菜等。最後揀咗雞煲放題，可以任食兩個鐘頭，仲有嘢飲同Häagen-Dazs雪糕。雞煲揀咗麻辣味，好快就上枱，雞件已經煮熟咗，好多都係雞髀位，再煲一煲得好聞到香噴噴洋蔥、芫荽、同埋花椒味，味道香香嫲嫲辣辣，同雞件好夾。食完雞煲，加咗清湯變火鍋，嗌咗好多火鍋配料。出乎意料之外，有任食黃喉、豬腰唔係普通放題可以食到。黃喉、豬腰都爽口彈牙！不限次數，叫咗幾次美國肥牛、新鮮海蝦、水魷魚、牛柏葉、蟹柳棒等等特別推介海蝦、水魷魚、蟹柳，質感彈牙，鮮甜。蔬菜類都好新鮮、叫做娃娃菜、凍豆腐、條裝萵筍、響鈴同埋薯粉，全部食材都新鮮。最後食埋雜莓味同咖啡味Häagen-Dazs雪糕，滿足嘅一餐。

香港有很多鸡煲店，也有很多炒菜店和放题店，但是既有鸡煲放题又有小菜的店就不常见了，当然如果做的还是很好吃的店就更是宝藏店啦～ 坐落于旺角通菜街的这家「煲师傅砂锅小菜」，不仅全日提供各种精美的小菜，还全日提供鸡煲放题，而且不仅鸡煲可以无限添加，还可以order不同美食～ 🐔至尊鸡煲 他们家的鸡煲有奇味、香辣还有芝士，每种的味道都十分入味，鸡肉鲜嫩，完全没得挑剔！ 🐮顶级美国肥牛 从花纹就能看出来，他们家选用的是品质非常好的牛肉，不仅牛味十足，而且脂肪分布均匀，吃起来感觉非常满足！！！而且还可以无限order哦～ 🐏蒙古肥羊 羊味十足➕肉质肥美，作为在香港火锅放题中比较少见的羊肉，这么顶级的品质真的让人十分惊喜！ 🐷西班牙黑猪肉 味道很棒，无需多言！ 🥥鱿鱼➕猪皮➕大肠 所有的其它火锅配料味道也全部在线，吃起来都很舒服哈哈哈！！！ 味道真的特别棒～以后还会过来帮衬的！

今日同朋友晏晝食飯嚟呢間師傅見佢啲小菜都幾吸引有幾特別就坐低咗試吓 一嚟就嗌咗個開胃小食蒜泥白肉 蒜味幾重夠入味 又夠晒開胃 仲加咗d芝麻另外仲嗌咗個酸菜大腸 有少少辣得來又唔會太辣酸菜中和咗個味 另外仲嗌咗個椰菜花炒腩肉正正常常都冇咩特

今天開完會，經過女人街看見有很多新的餐廳開業，咁啱經過見到呢間舖師傅，有放題芝士或者麻辣雞煲，價錢亦可以接受，$218一位，如果唔食雞煲亦都有小菜選擇，款式有很多，有辣有唔辣，因為太肚餓所以入去試吓佢的小菜，因為可能暫時新開未太忙，所以廚師煮餸的時間亦都很快，大約5分鐘蒜蓉蝦已經送到枱上，侍應拿着計時器4分鐘變剛剛煮好，因為他用Gas爐在你面前煮熟，食落去的確是新鮮蝦不是雪藏𧎚，令一個乾鍋肥腸及啫啫通菜煲也是10分鐘左右便送上來，最後還叫了兩碗白飯，值得回頭再食！