雲來軒 (Closed)

黎到大年初10🎋 又係情人節🌹 公司同事又齊人，老闆就提議食開年飯🥢。呢間中菜一向出名 又多明星名人來吃飯，而我身為吃貨當然也有吃過，想不到今天公司開年飯選址也是這裡。午飯時間有套餐，價錢經濟而食物質素好，真的不錯。套餐已包括數款小食`小菜`點心`主食`中湯`糖水`茗茶。以這個價錢來說，真的是超值呢。今日小食有牛𦟌粒`芝麻醬豆腐；小菜有豬頸肉茄子`臘味炒甜豆`腐乳生菜；點心有鯪魚肉燒賣`蒸菜餃；主食有炒伊麵；中湯大概是雞湯；糖水今次係薑汁蕃薯糖水，很夠薑呢 很愛。位置不算難找，食物有水準，服務也好，難怪深得一眾食客愛戴呢。下次有機會來這邊，一定會再到訪呢。..祝各位新春愉快🎋 悄人節快樂🌹

同朋友吃中餐。朋友推介，星期二晚8點已經好多人。好彩之前一晚訂了檯。等了一陣就有位。前菜是腰果👍🏻👍🏻👍🏻👍🏻👍🏻👍🏻香口。一口一口不知不覺食完。😜😜😜😜😜😜香片茶唔濃。又不錯喎👍🏻👍🏻新年時間餐牌。樣樣都係精選。2人選擇都唔困難😛蜜汁叉燒，真係估唔到。不太甜。望好厚身。食落好淋。用黑豚肉最靚部份整。不錯安格斯牛河。唔油。河粉爽滑。牛肉真係入口即咬開，帶有XO醬小小辣。正最後叫了碗30年陳皮紅豆沙。又係岩晒女生不甜。香滑。堅正。

同屋企人訂了位在雲來軒吃團年飯，8點多去到已經full晒，好彩有預早訂了枱雲來軒以傳統粵菜飯店裝潢，位置尚算寬敞，環境舒適！牆上還掛了很多明星照，網上口碑不錯！拖地蜜汁黑豚肉 $128半肥瘦的黑豚肉，咬落去外脆內軟，肉汁豐富，肉感入口即溶，配上蜜汁甜甜地，真是好吃！蒜泥白肉 $88 蒜泥白肉賣相很好，瘦瘦的白肉包著濃郁的蒜蓉，很香，有點辣辣的，很開胃！醒胃話梅雞 $188 （半隻）話梅雞半隻份量非常多，用砂鍋上菜，熱騰騰的！內裡有雞件外，還有紅椒黃椒青椒等，特別之處是豐有濃郁的話梅香味，吃每一啖雞件都能吃到話梅甜甜酸酸的味道，而且雞件炆得很入味，肉質鮮嫩，雞皮滑溜，味道酸酸甜甜令胃口大開！四川水煮魚 $218看起來熱騰騰的樣子，未吃先興奮！水煮魚魚肉鮮嫩，雖然加了很多辣椒，但仍然不會遮蓋了魚的鮮味，辣椒味很香，但吃不了辣的朋友，吃了一件已經吃不下去，哈哈，蠻辣的，但對我來說辣度剛好，非常好吃！乾菌窩蛋牛柳粒石頭飯 $168這個飯份量非常多，我們四個人也吃不完！用石鍋裝著，熱騰騰的我最愛！內裡有牛柳粒外，還有乾瑤柱，味道剛好！總括來說雲來軒食物質素不錯，服務也很好，媽媽說下次要來飲茶

老友聚會都係離不開飲飲食食，近來鍾意搵啲無咁多人既地方，一黎唔駛行去餐廳前好似過5關斬六將咁，二黎可以坐得舒舒服服，食下傾下同朋友已經食過幾次呢間中式餐廳，就係喜歡佢坐得舒服，食物同水準都好餐廳位於尖沙咀，搭地鐵K11站過對面就到了，十分方便椒鹽八爪魚$98上枱時已香氣撲鼻，炸皮薄脆，十分岩食拖地蜜汁黑豚肉$128有點像細個食既燒排骨，香口但肉質幼嫩，好難得，每件肉都重份量，十分適合食極唔飽既大胃王，可惜我地唔係，食左2/3已被KO靈芝野菌燒豆腐 $138岩曬想食菜又唔想咁清淡既我地，有菇有豆腐有菜，好味得黎又感覺健康，正

是日跟屋企人做節，選了位於尖沙咀棉登徑的中菜館「雲來軒」，店內貼上不少大廚與名人的合照，原來大廚是大有來頭，曾經係電視台烹飪比賽冠軍難怪晚上都Full house各款精緻的中菜，價錢不貴琥珀安格斯牛柳粒，軟嫩濃香的牛柳粒入口即溶，醬汁調味適中，底層擺了一排翠綠的碗豆，旁邊炒香過的合桃另點了蒜蓉炒娃娃菜，蒜味濃郁，娃娃菜炒過依然保持清脆爽口，不錯雞油菌白飯魚煎蛋亦同樣出色，薄薄的蛋餅煎至金黃色，送飯一流

同長輩食飯，自從離左職之後好耐冇見。今日邀請左佢嚟到尖沙咀棉登徑嘅一間中菜，叫雲來軒。雖然地方比較隱蔽，但係入邊有好多卧虎藏龍嘅菜式，令人眼前一亮，又有驚喜。之前曾經同屋企人嚟食過，今次係第二次來訪。坐低之後先揀咗茶，有鐵觀音、壽眉及普洱選擇。前菜方面，點了一味胡麻醬鮮淮山出面好少地方有得食鮮淮山，淮山性平，適合大部份人食。而且仲對腸胃好好。麻醬令前菜味道更豐富！食落去都幾爽口！領獎水芙蓉蒸明蝦球經理推薦一定要點呢一個曾經係比賽獲過獎嘅菜式。水芙蓉，顧名思義即係蒸蛋。配上好彈牙嘅蝦球，蛋真係蒸得好滑，一點也不老。火候真係好重要！話梅雞話梅雞上枱嘅時候，用咗一個燒紅了的鍋，所以吱吱聲。話梅的酸酸甜甜，配上雞件，好開胃。蒜蓉炒蕃薯苗番薯苗係出面嘅環境都比較少食，呢一度特別俾咗啲話梅醬比你點。點落去特別吊出番薯苗的香味。咁樣食法都係第一次。另外要讚嘅係，呢一度嘅職員換碟嘅速度都好快，都好有禮貌。最開心嘅係長輩竟然都覺得呢一餐飯都算唔錯，介紹咗一間餐廳俾佢，等佢可以遲啲同屋企人嚟食！

中式酒樓一盅兩件就試得多，不知道明星常去的酒樓大家有沒有試過？早兩天巧合地有機會去嚐嚐這間雲來軒的手藝。地點靜中帶旺，是尖沙咀區難有的地段，在鐵路站附近的位置，都幾方便可以前往。我們點了最基本的午市精選套餐，88元一位免加一，已有好幾味餸菜，十分吸引。一開始來了青瓜及炸春捲，青瓜爽口得來亦不會飽肚，加上配上酸酸的醬汁，十分開胃。炸春捲送來時還是新鮮炸好，所以外脆內暖，洽到好處，吃多一點也不會有多油的感覺，配上同時附上的醬料，吃起上來有咸咸酸酸的感覺，特別開胃。然後來了一籠點心，內裡有菜苗餃及燒賣，內裡配料比以往其他地方吃的豐富，吃起上來不同味道，同時攻入味蕾，十分特別，值得一讚的是菜苗餃的皮真的十分薄，裡面的配菜看得一清二楚，表皮吃上來時不會覺得難咬的感覺，因為它的表皮真是10分薄。亦在同時，上了主菜，包括蜜椒土豆牛柳粒，杞子鮮雞湯浸菜苗及豉油王銀芽炒麵及腸粉，最令我印象深刻的是土豆牛柳粒，土豆吃得出是先炸過再連牛柳粒一起炒，口感及味道超水準！而另一道鮮雞湯浸菜苗也很不錯，雞湯味道超濃，不像味精湯喝後令到非常口乾，忍不住喝完一口又一口。最後還附上了渣渣糖水作套餐的終結，總括88元有那麼

尖沙咀真係好多美食，呢一間中菜係我其中一間喜愛的，因為佢嘅地點係旺中帶靜，而且餐廳嘅食物質素好高。如果尖沙咀嘅中菜，我一般都會想起鹿鳴春，但係如果兩三個人，去鹿鳴春就只可以點幾款菜式。如果人數較少，這裏是一個不錯的選擇，因為佢嘅菜式份量適中，而且選擇好多係尖沙咀來講價錢合理，而且品質唔錯，環境都唔會太侷促，所以已經第三次到訪了。今日專登帶左爸爸媽食飯， 仲安排左一個卡位，呢個位置真係私隱度非常高，而且坐得舒服，除咗卡位之外，呢度仲有大圓枱，好適合一家人食飯，加上服務都唔錯，所以已經第三次嚟。琥珀安格斯牛柳粒 $168一上枱已經好想食，因為好香好香，而且啲牛柳好入味，又唔會好多筋，又腍又好食，而且唔會太乾，又有肉汁。仲有個合桃，我平時係屋企都成日食蜜糖，今次呢隻係加咗蜜糖嘅財物圖，食個唔停。 領獎水芙蓉蒸明蝦球 $148餐牌上面話呢個係招牌菜，賣相當然靚，大蝦蒸蛋白的蛋好滑溜，唔會蒸得過時，唔會太老。蝦球都幾大隻， 爽口鮮味，一碟小小嘅家常小菜，都顯出心思。窩粑士多啤梨骨 $178呢一個菜式，喺坊間冇見過，士多啤梨味配上排骨，竟然係幾好食，士多啤梨唔會太酸，而這個排骨炸得酥脆腍滑，淋上士

來到這個旺區食飯， 吃厭了西餐，想試下中餐，又想坐得舒服，便挑選了這間餐廳。首先叫了個名廚亞保靚湯， 份量很多， 應該有九碗左右，入面料很足，很甜， 還有核桃，補腦。看網上推介，叫了個金磚豆腐， 入面勁滑，外面的㕑師弄得比一般餐廳厚身點，外面炸得香脆，很好吃。 另外叫了個梅縣客家鹽焗雞， 有一半隻雞，皮連肉吃，不會太油，很入味。其中的淹料很特別，不是單單的鹽焗味，像是有些梅子加其他漿料味，十分出色。香草芥末安格斯牛柳粒上到來很漂亮，有青椒紅椒等伴碟，牛柳粒加上芥苿很有趣，另一種特色小菜。最後因為有男生在，叫了個秘製日本黑蒜醬鮮露荀紅皮炒飯， 嘗試了一口，得濃的黑蒜味，炒得很香口。今天是平日，但怎料到都是全場滿足，果然是有水準的店。

今天與朋友聚舊，來了這間餐廳試試。我們7點半來到，但已經差不多坐滿了人。我們先點了一份名廚亞保靚湯。店員已幫我們畢好湯。每人也有兩至三碗湯。湯渣再用另一隻碟上。名廚亞保靚湯十分足料，而且十分鮮甜，我和朋友也搶坐喝。我們再點了半隻梅縣客家鹽焗雞。梅縣客家鹽焗雞焗得十分香，肉質鮮嫩，而且十分入味。我們又點了一份金磚豆腐。金磚豆腐炸得內脆外軟，而且外皮炸得很薄，絕對值得推介。我們又點了一份香草芥末安格斯牛柳粒。牛柳粒吸收了芥末的味道，但出奇地又不辣，十分特別。我們再點了一份秘製日本黑蒜醬鮮露荀紅皮炒飯。日本黑蒜醬鮮露荀紅皮炒飯黑蒜味十分濃，而且份量十足。今天真的很滿足，下次會再來試試其他菜式。

在雜誌中看到介紹雲來軒的三十年新會陳皮紅豆沙，因而吸引了我來試的。這間雲來軒原來是法國藍帶指定食肆，感覺十分高級。位置在靜中帶旺的棉登徑中，餐廳放著古色古香的器皿擺設，天花設有各有不同的祥雲圖案，沒有酒樓那般嘈吵，環境企理，侍應招呼十分周到。侍應亦會主動介紹餐廳的主打。我們2 個人就點了一個金磚豆腐，豆腐炸得金黃香脆，外脆內嫩，炸的粉漿十分薄，豆腐十分香滑。之後點了餐廳主打之一，水芙蓉蒸明蝦球，蝦球好像玻璃蝦一樣精形通透，十分爽口，加上藏紅花作點綴，但亮點是用梭羅魚湯蒸的蛋白，十分細嫰滑溜，得獎手工菜真是不得了。另一主打是日本黑蒜鮮露筍紅皮炒飯，之前都聽過黑蒜的益處，但就第一次食，食落原來甜甜的，紅皮即燒豬皮，香而不膩，飯炒得乾身，炒得粒粒分明，還製成金字塔形狀。重點來了，我就是為了這碗三十年新會陳皮紅豆沙而來的，採用三十年靚陳皮，有機紅豆煲至起沙後去皮，啖啖清幽的果皮味，還食到陳皮絲，的確水準之作。

同屋企人一齊晚飯，大多數都㨂中菜尖沙咀棉登徑，靜中帶旺，呢條街有好多美食，而雲來軒就喺其中一間餐廳位於二樓，樓梯兩旁擺放著花瓶，牆上掛左中國油畫，裝潢極富中國色彩我們被安排喺卡位位置，舒適又比較靜，可以傾下計椒鹽八爪魚 98.00一上枱香味四溢，賣相吸引八爪魚炸得香脆，唔靱，加埋椒鹽，十分惹味，大家好快清哂徐左八爪魚，原來有粟米仔，粟米仔凊甜多汁，清新味道出哂來靈芝野菌燒豆腐 138.00豆腐十分滑溜，配埋燒汁十分惹味拖地蜜汁黑豚肉 128.00呢個菜好有驚喜黑豚肉入囗鬆化，而外面好香，蜜汁令到味道更有層次海鮮兩面黃 148.00將麵條炸成面餅，呈現金黃色，而且乾身又唔油，賣相已經好吸引，咬落脆卜卜，加埋海鮮及醬汁一齊食，十分滋味遠年陳皮紅豆沙 58.00紅豆沙煲到起沙，呈現糊狀，食落有口感之餘，重有陳皮香， 呢餐十分滿足

一早已經很想試這間酒樓，今晚終於得賞所願，與我拍檔去食好西。店舖的名字叫雲來軒，心想店主一定是希望客似雲來而命名，今晚只是平日，竟然也坐得滿滿，店主真的沒有改錯名。餐館位於二樓，要行上一條窄窄的樓梯上去，上到去原來面積也不太細，還有數間貴賓房，我們兩人俾安排坐在卡位，十分舒適。拖地蜜汁黑豚肉（$128）係網上見到很多人也會點這道菜，當然唔會放過，豚肉厚厚有口感，肥瘦適中，豚肉好有光澤，唔怪得是店舖其中之一的招牌菜式。日本花菇雞腳燉螺頭（$68）功夫茶飲得多，功夫湯卻是第一次，燉湯是用茶壺盛載，一打開蓋就已經聞到湯的香味，湯料有響螺頭、花菇等，但最難忘是入口即溶的鷄腳，值得一試。領奬水芙蓉蒸明蝦球 （$148）水芙蓉實質是蒸水蛋，所以是蝦球伴以蒸水蛋，賣相不俗，水蛋夠滑溜，蝦又很爽口。醒胃話梅雞（半隻）（$188)一碢熱騰騰的話梅鷄奉上，鷄肉夠滑，略嫌話梅味道不夠濃，否則應該來得更好。生煎金沙龍王帶子（$238）蝦同帶子各佔一半，但蝦味道較突出，配上意大利黑醋，好有fusion的特色。可惜今晚只得二人，還有很多菜式想嘗試，但實在裝不下去，吃剩的我們還打包回家，唯有留待下次！

薄有名氣的雲來軒，本來早已聽說水準不俗，可惜位於略偏的棉登徑，幸好今晚終成小局。 傳統粵菜飯店裝潢，貼上不少明星名人照片及得獎之獎狀，令人未進店已信心大增。 翻開餐牌，圖文並茂，不少創意菜式看來非常吸引，多款都很想試，奈何二人飯局，點了一湯四菜，已經十分豐盛。 日本花菇雞腳燉螺頭 $68 小巧精緻，紫砂茶壺保溫度高，細細壺但材料豐富，湯頭醇厚味香濃，二人分享淺嚐亦可，心水推薦！ 拖地蜜汁黑豚肉 $128 招牌拖地蜜汁黑豚肉，果然名不虛傳，梅肉肥美鬆軟又多汁，鹹甜味道皆豐富，外皮亦燒得有點點焦香。 領奬水芙蓉蒸明蝦球 $148 芙蓉蛋白金黃漂亮，外表已經得分，芙蓉滑溜味美，蝦之精華，明蝦球肉厚夠爽，相比想像中有蝦味。 生煎金沙龍皇帶子 $238 這一道招牌菜沒有圖片般漂亮，亦不及前三道出色， 仔細方可以看見帶子及蝦餅其實是兩層，口感分別不大，可能是帶子混入了魚肉，魚餅及蝦餅配，味道幾好，但不及期望中出色。醒胃話梅雞半隻 $188 砂鍋上菜，非常熱騰騰，雞肉炆至非常嫩而且入味，雞皮十分滑溜，但話梅似乎份量不足不夠味。 試吃找到的兩粒話梅，已經冇味、早已溶化

我明明一星期前訂左枱 有contact history shown 到我打來訂枱 佢話無訂枱無無枱又唔去揾解決方法 重係唔理 重話我無book 幾好食都無用啦⋯⋯工作態度咁不負責任