柴門西餐廳

Open Now

Now Closed

今日因為要探朋友去關係嚟到柴灣食飯 今次嚟到呢間環境幾好嘅柴門西餐廳食午餐先睇個menu 午餐嘅選擇都好多, 餐會跟前菜沙律,湯同埋蒜蓉包 份量都幾多下 再加18蚊加一份紐約芝士餅做甜品落完單之後餐廳就好快送上前菜，餐湯同埋蒜蓉包畀我哋 當日餐廳嘅前菜就係沙律配泰式魚餅 啲蔬菜都幾新鮮餐湯就係一個忌廉湯 飲落都幾creamy蒜蓉包嘅蒜蓉味都幾足 點一點忌廉湯再食亦都係一種滿足食完前菜 終於上主菜 我哋就分別嗌咗一份烤美國優質肉眼牛扒 配薯菜牛肉濃汁同一份烤德國香腸配薯菜德國酸菜兩份食烤美國優質肉眼牛扒 配薯菜牛肉濃汁 ($168) 係午餐時段食到呢塊肉眼牛扒都幾驚喜 個生熟程度啱啱好 唔會太生都唔會太熟 唔使太用力就可以鋸到塊牛扒 調味方便 調教得幾出色 值得一試 薯菜方便有整整一個薯仔 配上芥末同埋牛肉濃汁 更添牛扒嘅肉味烤德國香腸配薯菜德國酸菜($108)德國香腸擺設非常靚 用上傳統嘅螺旋形式上碟 肉味非常香 幾適合鍾意濃味嘅人食 薯菜方面就有蕃薯同半個薯仔 旁面仲配上芥末醬 同埋德國酸菜 更添德國嘅風味旁邊仲有一個live band嘅show stage 問咗店員平時星期四五嘅夜

柴灣工業區搵飯食。中午食飯時間唔多去咗隔離大廈間餐廳試下，餐廳個名都相當型棍，叫做柴門。幾有藝術感，亦幾霸氣，似社團個名。中午嚟都係食套餐，聽同事講話係openrice 訂枱有8折優惠添，都幾抵食。裝修格局幾公整。地方細細，但五臟俱全，如果係度搞個party 都幾唔錯。先嚟上個餐湯，唔似一般忌廉湯，多咗d鮮味；旁邊個沙律，介紹話個蘑菇係有機，當日由八鄉送過嚟嘅，食落又確係出色醋+油。西餐廳必備。薯菜+牛扒，5成熟，略嫌塊扒稍為薄d，但味道相當好外邊又好香脆，菜牌話係美國🇺🇸prime 級牛扒，確係有水準。表面幾香脆。咖啡，香濃，無得頂。奶茶又夠滑溜。呢個不得了，硬芝士蛋糕，未試過咁硬嘅蛋糕，但味道確係香濃頂瓜瓜

今日早上同媽咪去柴灣探朋友， 之前一日媽咪話想食西餐，所以我已經預早訂定枱 帶媽咪到柴門食lunch。 我們大約一點鐘到達， 餐廳已經坐滿客人了， 好彩我一早訂定枱。 入到店內見到有live band 擺設， 原來逢星期六日晚上都有live band表演的。我們各點一個午市套餐，蒸三文魚配忌廉菠菜，蕃茄莎莎$108，烤美國優選肉眼牛扒配薯菜，牛肉濃汁$168。 套餐還有柴門特色沙律， 蘭度豆忌廉湯配健康麵包和餐飲。 之後加一件紐約芝士餅$16同媽咪一齊食。蘭度豆忌廉湯配健康麵包～ 忌廉湯熱辣辣配麵包好好味，沙律菜好新鮮。烤美國優選肉眼牛扒配薯菜～ 牛扒點了七成熟，烹調的時間剛剛好， 切開見到淡淡粉紅色， 肉質嫩滑，牛肉味極濃，點埋牛肉濃汁一起吃， 令到牛扒的味道更加出色。蒸三文魚配忌廉菠菜， 蕃茄莎莎～ 平時出面食煎三文魚就食得多， 好少見到有蒸三文魚， 所以一於試一試。 蒸的時間控制得剛剛好， 肉質非常嫩滑， 還有忌廉菠菜和番茄莎莎， 令到口感更加豐富。紐約芝士餅～ 食完主菜好想食番少少甜嘢， 加$16點了一件芝士餅， 香濃的芝士味，啱曬芝士控的我。餐茶我們點了一杯熱咖啡和一杯熱齋啡

前幾日同左家姐去食柴門，見地方雖然係較一般餐廳細，但勝在環境格局有格調，而且去當日仲有現場Band show，唱嘅歌多以英文老歌為主，以jazz風重新演繹，十分chill，除左有味覺享受之餘仲有埋聽覺享受🎤🎼～而喺晚飯時段，餐廳只會準備一份餐單，有三款主菜選擇，而我地就各點左一份羊架同魚排😚😚。 頭盤係芝士焗蠔烤雞配Melon and Parma Ham，三樣之中最欣賞係個焗蠔，本身以為佢只係隻普通焗蠔，點知原來係內有乾坤，除左有好濃嘅芝士味之外，仲有淡淡嘅芥末味，蠔底嘅波菜吸收哂D鮮味，非常之開胃！另外個沙律係配芒果汁，食落個味好夾好清新。大蝦又好鮮甜好爽，食得出食才都好新鮮，抵讚🧡🧡！另外，個餐湯係西洋菜海鮮忌湯配法包，法包烘得好脆好重牛油味，而餐廳亦十分有心思地由侍應係餐桌上為客人倒湯，十分特別😳😳。到我最中意嘅主菜喇，我點嘅係煎焗海上鮮魚排，首先廚師十分貼心地將檸檬去一半皮，方便客人榨汁，而且魚肉好鮮甜好重牛油味，焗得好嫩好滑，但要小心會有幾條大骨～試埋羊架之後覺得佢地時間控制得好好，切開仲好JUICY，食落好有羊味，但個人黎講都係鍾意魚好D🤩！最後就到我最期待嘅甜品喇！甜品賣

終於有時間放假可以去食返餐好，而家工廠大廈開食肆開到成行成市，今次就去左柴灣地鐵站附件覓食，就係之前好有名的“家嫂”隔離，叫做“柴門”--感覺好似係柴灣的門，幾有意思呢到夜晚仲會有現場live band, 真係幾好feel同朋友一齊去食個lunch, 每人叫左一個餐侍應仲介紹話每星期既午餐款式都會唔同，真係好有心午餐套餐會有包前菜--餐湯同沙律+主菜+飲品，相當豐富餐湯係薯蓉忌廉湯，一飲落去就好濃郁薯仔味，而且好creamy沙律真係幾有特色，有一個蘑菇漢堡--用冬菇同本菇夾住泰式魚餅，加上烚好的芽菜同菠菜，配上柚子汁十分開胃肉眼牛扒--小編唔太喜歡太生，所以叫了7成熟，果然整得係岩岩好，切落去唔會有血水，食落牛肉味濃郁，肉質好嫩口肉軟腍仲帶少少油脂香又唔太肥呢到薯菜好特別，唔係用薯仔或薯角，而係用日本蕃薯仔，食落好清甜，又健康三文魚煎得金黃色且香脆，而肉質唔會煎得過火，食落好鮮嫩但又唔會好腥，最正係個魚皮好香脆且帶油脂香最正係個白酒忌廉汁，白酒可以辟腥，更提升鮮味亦減少油膩感小編見到隔離枱就甜品癮發作，一於就加$16叫左件紐約芝士蛋糕，食落細緻滑溜，加埋鬆脆扎實既餅底，好有口感不過小編

因為實在太想食西餐嘅關係，星期六下午就嚟咗呢度食野。 呢度嘅服務員好友善，又好夠人手，會不斷幫手refill 水，又會過嚟問吓你啲嘢啱唔啱食。 呢個係4月1號至4月6號嘅餐牌。 揀咗個B餐，平平哋，又飽肚嘅意粉（因為好肚餓嘅緣故）。 每個餐都會跟呢一份前菜，有湯有包，有沙律。 最值得一讚嘅係西蘭花蜆肉忌廉湯，蜆肉味好重，好入味。 而呢個Pesto 意粉，有菇，有三隻大蝦，小帶子 ，紅椒、黃椒。 隻蝦好大隻，成個意粉都整得好入味。香蒜味好重。個 pesto 味道再濃d 就會更好了。 埋單時，電話訂位，有8折。成個餐 只需要 $88。 好抵。

一個極需要放下工作的星期六，朋友預先在柴灣訂了一間環境舒適的餐廳，頓時令整個人變得放鬆！（電話訂枱有八折優惠！！！）午餐款式有很多選擇，最後兩個人每人各自叫了一個套餐，因為希望嘗試不同款式的食物。一吃頭盤，便有怦然心動的感覺。柴門特色沙律的蔬菜非常新鮮，西蘭花青口忌廉湯配健康麵包更是一絕，忌廉湯非常creamy，西蘭花的口味十分清新，細滑的口感令人想再三回味！烤英國天然豬扒配薯菜、蘋果燒汁（$138）- 餐廳採用由英國直送的有機豬扒，肉質鮮嫩多汁，配搭蘋果燒汁的感覺很清新，我和朋友都讚口不絕！烤美國優選肉眼牛扒配薯菜牛肉濃汁（$168）- 肉眼牛扒的火候控制相當合宜，可見廚師的功力雄厚！牛肉濃汁更帶出牛的鮮味，非常美味！最後當然要吃甜品（+$16）滿足自己。芝士蛋糕餅身厚重，餅底鬆脆，而蛋糕入口香滑，芝士味濃，非常「芝」味啊！

今日假期同屋企人食個午飯，見最近柴灣開咗好多新餐廳，屋企人又想食西餐，就去柴門西餐廳。餐廳位於東貿廣場六樓,又近柴灣地鐵站，真係好方便。一入門口，有小驚喜，餐廳雖然唔係好大，但居然有個舞台可以玩音樂。追問之下原來每星期都有個音樂之夜，有live band music ，不過係逢星期五六先有。另外，餐廳亦都裝修得較為古典，不像旺角那些樓上餐廳超級簡單簡陋，所以我屋企人好中意個餐廳環境。我們各點一個午市套餐，有餐湯，小食，主食，同一杯餐茶，大約都係百零蚊，價錢好公道！前菜🍵西洋菜青口忌廉湯+一片法包+特色沙律🥗西洋菜青口忌廉湯超好飲，好重忌廉超滑，加上有少少青口味，上面仲加左麵包粒加強口感，真係好出色。沙律有青瓜，少少沙律菜，蕃茄片，最重要個醬好健康，又清新。🍽蒸三文魚配忌廉菠菜，番茄莎莎呢道菜好岩追求健康，減肥人士。蒸三文魚好嫩滑，用蕃薯，蕃茄等配菜，仲有忌廉菠菜都好入味。🍽烤英國天然豬扒配薯菜，蘋果燒汁近期好多餐廳都加入豬鞍去供客人選擇，亦係我近期大愛，所以見到有煮必點。呢隻豬扒都算大份，肉質好幼嫩，而且烤得剛剛好，未食已經聞到好香的香味。加上蘋果燒汁的鮮味去帶出豬鞍的肉味。你仲可以叫

偶然的情況下，與朋友在港島商談新的教學計劃，在近地鐵站口的地方踫上了柴門，好好彩地品嚐到有心的美食小女子職業病經常發作，食飯第一件事就講感覺。餐廳的Waiter 禮貌的態度，絕對可以打開我的味雷跟餐的小食，以及蘑菇湯都幾好味。我朋友點了英國豬（似佢😆），而我點了美國Prime rib。一上菜，朋友就大讚配菜有番薯有菠蘿，好開心! 我的美國牛排熟嘅程度，以及溫度，與我同呢個朋友嘅關係一樣，可以講係啱啱好！之後嘆個熱檸水，食個唔漏但芝士味濃郁嘅cake，欣賞下餐廳的佈置、牆上面嘅油畫，感覺relaxed 滿足！聽聞週末夜晚有live band, 應該幾正啊

上回講到，怪客要減肥，要絶跡天涯，今日在我多番邀請下，怪客其實叫阿怪，她對食材要求及對食物之間的配搭十分講究，絶不會胡亂放東西入口，喜歡追問食材來源，對廚師的要求甚高，她表示:"一碟美食之所以是美食，不是靠其價錢可判斷出來，是看它的配搭及產生出來的味道，可否留住食客之心。"憑她一番話，我知我不會胡亂介紹美食給她，至少有位於柴灣的柴門西餐廳的質素，才敢介紹她，已聽了朋友說了多次，這間鄰近地鐵衹有三分鐘的路程，座落於商業大厦的一角，試過之後，我夠膽說它已有酒店式的水平但沒有酒店的價錢，剛開張一段時間的他們，希望在這區站穩陣腳，用心製作及希望回饋一班食客，即使美食也可以平民化，所以現在午餐照單八折，晚上也可有租場開party ,台上樂器也可以照用，真的貼心到娛人又娛己！店裝潢很有藝術風，以掛藝術畫作佈局，親切老闆大談有關椰菜畫的畫家心思……從揶菜中浮現生命及支撑人生等等！跟阿怪叫了兩份set lunch ，在名畫下找尋驚喜:1.(前菜)西蘭花青口忌廉湯: 將西蘭花打蓉，配上細緻的青口，口感濃郁，好細緻的配搭，令人開胃非常，另加上泰式魚餅，驚喜萬分2.烤美國優質牛排: 選料來自US Pri

今天在柴灣利眾街辦點事，同事就帶我去了這間位於東貿廣場六樓柴門西餐廳吃個午餐，由於附近工廈區食肆不多，中午時份客人特別多，好彩訂咗位，安排入座也挺方便，入內見裝修唔錯，不似一般工廠食堂，反而是有特式有性格西餐廳！仲有Live band 罷設，原來星期六日晚上有音樂節目助興！我地各點一個午市套餐，有餐湯，小食，主食，同一杯餐茶！我點咗蒸三文魚配忌廉菠菜，番茄莎莎！餐湯是西蘭花番茄青口忌廉湯，一片法飽又有泰式煎蝦餅、微辣，味道可口！蒸三文魚好嫩滑，用蕃薯，蕃茄等配菜，顏色好鮮艶，色香味俱全！朋友喜歡食牛，點咗烤美國優質肉眼扒配薯菜，濃牛肉汁，估唔到午餐都咁大塊牛扒，而且肉質好幼嫩，加上濃牛肉汁淋在牛扒身上，鮮甜肉味，醮上芥末，特別滋味！餐後再來一杯冰凍檸檬茶！這一頓午餐感覺十分超值和滿意！埋單時才知預早訂位有八折優惠！真是有點驚喜！

今日同男朋友放假 決定去啲隱世工廈到覓食今次去到柴灣 見到樓下有一啲單張見到呢間西餐廳好似唔錯入到去店員很有禮貌我哋睇咗午餐嘅餐牌見到有兩個好吸引第一個就係 烤英國天然豬扒 第二個就係美國優選肉眼扒首先嚟咗餐湯同埋沙律我哋今日嘅西洋菜餐湯 好濃好夠味好creamy個包都好正個豬扒完全係厚切 而且仲有部份脂肪一咬落去啲油咇晒出嚟 但係好特別嘅係又唔會覺得好油 只會覺得好香另一個肉眼扒嘅生熟程度控制得好好好好食而佢嘅薯菜係番薯 好健康而最後我哋仲加咗個芝士蛋糕都好好食啊預先預約好似仲有八折添

柴灣竟然有一間咁似樣嘅英國菜餐廳，所以今日禮拜六就過咗嚟試吓～起初對間餐廳嘅期望都唔大，因為佢個價錢比一般餐廳貴，驚只係得個貴字😂一入到黎，覺得個環境都幾舒服，雖然唔算大但能夠放到個舞台係餐廳和廚房之間都記得另外呢度掛咗好多好靚嘅話，有一種令人賞心悅目的感覺。我哋一嚟到就要作出肉眼扒，原來佢係跟正式西餐廳很相似，有一個頭盤。令我覺得好喜出望外係佢個頭盤嘅味道，食得出是有心思地計劃的，他的那個泰式蝦餅也剪得10分出色，不會過分地焦至於主菜方面，一開頭對於佢嘅書才有一種抗拒，因為同平時的薯條和集材很不同，但食落覺得佢嘅薯仔和番薯也煮得非常好，熟到啱啱好。佢哋嘅牛扒真係令我10分欣賞，因為我要的四成熟他真是做到給我。而且肉質的味道比你中環一些扒房還要濃烈，而且肉質的口感也非常鬆軟～～最好嘅甜品和咖啡也不過不失，是一個非常完美的句號

呢間係柴灣工廈裡面嘅柴門。呢間餐廳入到感覺好特別，feel到老闆好有心機去佈誌。而最特別係呢度嘅staff都好熱心主動去講解。唔似一般餐廳做到基本運作到就算。先講野食： 今日去食嘅set lunch係有包一個湯同沙津首先個擺盤都好吸引而個湯好creamy，而且比較香口，甜身少少。感覺就唔似就咁用罐頭開出黎。格離個包脆口，相對唔算有咩特別。沙津菜新鮮美國優選肉眼牛排呢間餐廳講到明啲牛排係US Prime。個牛本身唔算好厚身，但係質地真係好嫩滑，juicy。而且個表面都煎得幾香口。配上牛肉汁就更加香濃。香煎三文魚三文魚有煎脆，肉都好嫩滑口感上就一流。個魚身本身就幾好味，所以個人就覺得白汁牛油汁可以點可以唔點。奶凍奶凍奶味好濃好香，唔算甜。茶凍茶凍茶味未到好濃好濃，本人就覺得淡味左少少。最後，想講一講服務。基本上而家香港好多餐廳都唔係好重視出餐次序，總之廚房整好就出，就係搞到你成枱都係野食，食完就好走。而呢一間餐廳真係好少有地會等你食完前菜再上main course，食完main course再上甜品。呢個可能食客好少留意，但係都顯得出佢地嘅好細心。

離新柴灣地鐵站，有間新開既西餐廳。見到社交媒體有人介紹過，就襯放學後近近地食個西餐。提提你，預先打電話有8折，以質素同服務黎講算係幾抵。餐廳每個星期都換menu, 我食左意大利粉同牛扒。兩種都有心思同水準。前菜，係西洋菜蜆湯，啖啖蜆肉超好食。竟然用了新鮮蜆肉，一d都冇硬冇梅到。西洋菜湯好重忌廉所以超滑。上面仲加左麵包粒加強口感。配有沙律同法包。沙律個dressing唔錯。 聽講每星期個湯同個包都喊同。個包更係自家製。海蝦麵大利麵幾重料，有蝦，小帶子，紅黃彩椒，mushroom, 食落蕃茜味重，應該意大利粉既醬汁都係自己配製。 牛扒西冷配雜菜塊牛扒要了5成熟但有部份偏7成熟。配菜種類多而好有心思。有薯仔，蕃薯，翠玉瓜甘荀。 全部好味仲勁飽