Cocina 3 Tapas Restaurant & Bar (Closed)

這間位於奧海城的西班牙餐廳，有多款傳統的西班牙小食供應，而且還提供酒水，地方寬闊座位舒適，可供朋友聚會談天的好地方。坐下後會送上小食，$40一碟可以任添。西班牙炸車打芝士波一份六大粒，兩個人食份量較多，新鮮時外脆內軟，芝士呈拉絲狀，放了一陣再食就比較油膩，但芝士味濃郁。西班牙香燒乳豬仔乳豬仔以青瓜配多士，表皮香脆，表皮下薄薄的油脂及嫩滑的肉味被多士吸收，而青瓜則可減膩。龍蝦汁大蝦海鮮闊條麵闊條麵彈牙，每條都沾滿了濃郁的龍蝦汁，蝦香味十足，帶點蝦殼焦香，不過大蝦就比較多沙，而且唔太新鮮。西西里海鮮薄餅餅乾底焗得香脆，略欠點海鮮汁，以致薄底略為乾身，但味道不俗。Virgin colada椰香味略蓋過菠蘿香，味道都比較甜香。

自己自問都好鍾意食西班牙菜，但係一直都搵唔到有一間好似馬德里咁好食，但最類似嘅，就係呢間Cocina 3。之前都嚟過食幾次，但係今次真係第一次為佢寫食評。...可能由於最近疫情關係，餐廳都更加注重衛生。每一張枱嘅距離亦都非常充足。佢仲有消毒用品送。由於而家有限酒令的關係，我本來想飲酒，但職員提醒，一定要連埋其他熟食一齊落單。..我叫咗Sangria and Sex on the beach. 兩杯酒嘅酒體都幾Fruity，Sangria紅酒味都算突出，但又唔會好dry，冰度適中；另一杯就較甜，糖水較重，但酒味都依然突出。..佢呢度有餐前小食，$40，無限refill，是Nachos 配沙律醬，絕對適合送酒用。.之後嚟到主菜，我地叫左西班牙海鮮炒飯，同埋德國腸拼盤。西班牙海鮮炒飯，個汁炒得好香濃，而且每一粒飯都好分明，亦都沾滿晒醬汁，海鮮味好突出。.之後就係德國腸拼盤，我覺得啲腸整得比較好食，因為裏面烤焗得鎖左左好多肉汁，肥肥嘅腸裡面全部都係熱辣辣嘅汁，好正，再配埋啲醬料一齊食，就更加好食。.最後我哋叫咗個西班牙焦糖燉蛋，面頭的焦糖非常脆，燉蛋非常滑。不錯。

朋友介紹奧海城有間唔錯嘅西餐廳，黎到門口見到門口同入面裝修都幾grand,入面坐位都幾寛闊，大多數都係梳化櫈。餐前小食原來係墨西哥薯片，仲可以無限refill,呢個薯片配埋佢地自家制嘅沙律汁，都幾好味，個沙律汁酸酸地，好開胃。龍蝦汁海鮮闊條麵，一上枱已經聞到勁香嘅龍蝦味，個醬汁真係超濃嘅龍蝦味，條條闊條麵都沾滿晒醬汁，而麵條都好有口感，煙煙韌韌，完全冇overcook,而海鮮都有好款，包括有大蝦，青口同魷魚，d海鮮都非常新鮮，爽口彈牙，好鮮甜。蘑菇帕爾馬火腿pizza，個pizza餅底好脆，上面鋪滿茄醬同大量芝士，所以攞起pizza有勁長嘅拉絲，而帕爾馬火腿都幾好食 ，唔會太咸，好香火腿味，仲有大量鮮蘑菇喺面，非常足料。美國頂級西冷牛排，呢個牛排係烤過，我見面頭有格仔紋，呢個煮法真係好香口，塊排面頭有少少焦焦地，我叫咗5成熟，雖然佢係烤過，不過冇overcook,切開真係5成熟，牛排食落好juice,好重牛味，呢個排仲配埋薯蓉，西蘭花同紅蘿白，非常抵食。

平時好少機會食到西班牙野今晚一於打破平時嘅悶局呢度嘅環境都幾靚，有分露天座位同埋室內座位餐廳嘅內部都好大 可以睇到廚師喺吧枱嘅位置燒嘢食，好有火喉！最後選擇左燒乳豬仔是日精選翡翠螺冷盤同埋大大兜嘅西班牙海鮮飯一坐低侍應就送上薯片幾貼心另外有幫我地量體溫，比信封我哋，同埋幫我哋噴酒精搓手液今晚最好食既一定係燒乳豬仔 配多士外皮脆卜卜 油脂好香肉好嫩 層層唔同既質感咬入口溶為一體另外都好食既係翡翠螺大大粒好鮮甜彈牙 有海水既鮮味海鮮飯超大碟多到要打包！岩哂4個人share有兩隻大蝦係面 又有青口 魷魚等等cocktail都調得好好飲 好chill下次都會再嚟食多次而家打打下又好掛住嗰個乳豬仔！ 超好食呀

喺疫情期間一切運動地方都關閉，只有奧海城有開室內高爾夫練習場，所以呢段時間經常喺奧海城出沒，今日練完波有啲肚餓所以喺度食埋飯先至返屋企。喺奧海城三期商場地下，大部份餐廳都有室內同埋室外位置，坐起上嚟零舍舒服及安心，見到呢間主打西班牙菜式，裝修有品味，現決定試吓。晚餐散叫為主，基本上無套餐選擇，但款式都算好多，小食都有10款，酒水選擇亦10分多元化。龍蝦汁大蝦海鮮闊條麵，一放上枱龍蝦汁香氣即刻飄出來，香濃吸引，叫得大蝦隻蝦嘅size真係都幾大，仲有青口同魷魚等海鮮，味道有少少酸。法式焗田螺水準唔錯，底下有好多薯蓉，分量足夠當為主食。德國蜜糖燒豬手，個份量大得有少少嚇人，我老公隻手掌都超過八吋，比起上嚟都唔夠隻豬手大，個豬手皮炸得好香脆，食落去卜卜聲，豬手又唔會太肥，皮連肉一齊食都唔會覺肥膩。有咁多美食加埋一杯啤酒簡直係絕配。

好吸引的bar & restaurant 🤩感覺好舒服，令人坐得樂而忘返。餐牌上選擇眾多，都多特別同吸引的食物。一口炸芝士粒好正，新鮮炸起熱辣辣又有拉絲，芝士味好香濃！係我最喜歡的啤酒，奧地利品牌，唔係每地點都有呢款，大家都可以試吓，好有花香味！肉醬千層麵，好夠汁同千層麵好滑。松露蒜蓉多士，好脆，蒜味香濃惹味，松露相對會失色左，但依然好味架！Parma ham pizza, 餅底感覺好似食緊厚底餅，但勝在夠脆，火腿好香，其他配料好夾！最後叫多份田螺薯蓉，田螺清甜，薯蓉更甜！整體唔錯，只係可能地方大，好難叫到侍應。

搜尋大角咀有咩食第一位就是這間，少有來到這附近就試試number one的呢間吧！來到這餐廳，裝潢不錯。紅色大大張的梳化，坐得舒服。一坐下脆片和dip已經奉上在枱上，豪不客氣邊點菜邊吃著邪惡的零食果然特別好食Kind reminder: 原來這小食是要收費的，cost $40陳醋燴豬仔脾 $138 急不及待就吃，一咬下去軟綿綿，不用多咬就已經骨肉分離😂 非常入味，陳醋味獨特又突出，酸酸甜甜，層次豐富，大有驚喜配菜有小紅蘿蔔和西蘭花，味道也不錯，極力推介！慢煮牛面肉闊條麵 $138友人想吃闊條麵，選了慢煮牛賣相頗好，慢煮牛煮得軟腍，入口即化，味道濃郁，牛的份量比我們預計多滿足！每條闊條麵都掛上足夠的汁，啖啖滋味。西班牙奄列 $88 吃到這裡其實都有七分飽，但這裡食物好食，口痕痕又點了這款前菜，西班牙奄列，即叫即烘，所以要等一會兒奄列才熱騰騰送上。奄列香氣四溢，明明已飽也被香氣忍得口水直流，每件奄列都大大件，脹卜卜份量十足，厚身滿滿的餡料，好食！$88抵食，推介！西班牙燉蛋 $58奄列太好食，我們又點了個甜品，西班牙燉蛋。不會太甜，份量不少，不錯！餐廳地點方便，食物質素高，服務態度好又抵食

(｡ì _ í｡)今日去奧海城行街，見好多人推介呢間西班牙菜，就決定一試。首先要讚下員工好細心，唔單止會量體溫，中提供信封比客人裝口罩，特別衛生！食物方面，叫咗卡邦尼意粉， 多汁，仲有龍龍嘅忌廉味，煙肉份量都唔少，份量夠大份，兩人share食都夠，抵食！之後叫咗西班牙黑豚肉，一上枱真係好驚喜，冇諗過咁大塊同厚，食落超Juice一路的滴汁一路食，正！最後，甜品叫咗焦糖燉蛋，都好驚喜，竟然咁大杯都只係$58 ，真係超抵食，質素又唔錯！

屈係屋企悶悶地，同朋友相約食個豐富d開心一下，第二次黎呢間西班牙餐廳了，可以食我們最鍾意既橄欖西班牙火腿，揸車關係今晚不能喝酒配火腿了。我們order了火腿、西班牙奄列、豬仔脾同燉雞。帕爾馬火腿片配黑橄欖火腿片肉幾嫩襯埋橄欖更顯得咸香，好香火腿味還帶有小小香草味道，用焗得脆脆既法包和橄欖一起吃，份外鮮味，當然若果配合白酒更美味😋西班牙奄列金黃色，煎得蛋既外層脆脆，充滿蛋香。奄列入面材料都幾多好香口，有薯蓉、蕃茄、洋蔥、煙肉粒和翠肉瓜，奄列還帶點黑椒香草味道，熱騰騰最滋味！陳醋燴豬仔脾薯條豬仔脾有三隻，啖啖肉，份量適中，豬仔脾肉炆得腍身，陳醋味道濃郁完全滲入左落脾肉入面好入味，酸酸甜甜又野味，配菜是清清地既疏菜及小甘筍，口感不錯呢！普羅旺斯燉雞第一次品嚐燉雞有驚喜的，眾所就知普羅旺斯係傳統法式蔬菜料理，雞肉很入味而雞肉口感嫩滑，滿滿的香料及蔬菜味道，也有蕃茄的甜，和朋友也很喜歡這一道，推介呢！食物質素好坐位舒服，價錢唔算貴大概每位300左右，下次會再幫襯！

心血來潮想食西班牙菜 黎到人流好似會比較少既奧海城餐廳裝橫有格調 以黑色紅色為主調 樓底夠高 環境闊落 大大張既梳發凳 都坐得幾舒服 還設有室外位置▪️墨西哥脆片 $40/份(二人一份)⁣入座後 店員就會放底一碗墨西哥脆片 香脆惹味 而且係任添 完全食唔停⁣▪️西班牙海鮮炒飯 $268⁣海鮮飯份量比想像中大好多 完全係三人份量 面頭有兩隻大蝦 鮮甜彈牙 青口同樣幾大隻 帶淡淡海水鹹味 飯粒熟而不軟爛 米飯唔會粘埋一堆 海鮮炒飯有唔少配料 蜆 西班牙辣香腸 魷魚 食落無咩雪味 可惜對於我呢啲食慣重口味既人而言 味道偏淡唔夠重口味⁣▪️西班牙傳統陳醋燴豬仔脾 $138⁣豬仔脾用上傳統陳醋燴 酸酸甜甜 好開胃 好岩好鍾意食醋既我 肉質軟冧唔柴唔韌 配菜既薯角 炸得幾脆 旁邊仲有沙律菜紅蘿蔔同西蘭花⁣⁣▪️Cocina 3 公司沙律 $108⁣沙律菜份量好多 新鮮無苦澀味 有幾塊煙燻鴨胸 厚彈軟嫩 沙律用上黑醋調味 酸酸地幾開胃 當中仲有爽口青瓜 番茄仔 橄欖⁣

西班牙菜一坐低佢俾咗兜粟米片一路食一路睇餐牌黎到餐廳食一定要食扒淨係扒會都分好多種因為我想食牛淨係西冷都分兩種你入門口會見到雪櫃裏面有好多扒今次我哋揀咗隻炭燒西冷牛扒佢塊扒其實都算大塊再加埋薯菜兩個人食都有少少飽所以我哋冇嗌意粉同飯叫咗個黑松露菌醬炒雜菇佢個炒雜菇汁唔會話好流而且幾開胃分量來講其實都幾多佢除咗炒雜菇之外裏面有啲蒜頭蒜頭一片片咬落去又唔會話好蒜食唔落最後我哋用咗個甜品收尾岩燒提拉千層蛋糕其實佢就係等於Tiramisu嘅千層蛋糕千層蛋糕就好難唔好食嘅佢個環境氣氛其實幾舒服經過奧海城又有多個選擇

最近不宜外遊，唯有到一些有異國情調的餐廳止癢這西班牙餐廳的裝潢以紅色為主調，門面和室內牆身以不規則石塊砌成，配以圖案磚牆和彩色玻璃窗，甚有歐陸情調點餐後即送上烤乾酪辣味玉米片，香脆可口，主菜還未到已經要再添了美國頂級西冷牛扒一上桌便是炭燒香味！幼嫩中帶少許咬口， 牛肉味道香濃，估不到在西班牙餐廳也能吃到美味的牛扒不在餐牌上的限定炭燒日本水飼豬鞍肉質爽脆無菌，可以半生熟吃！飲用大量礦泉水的豬果然不帶豬臊味法式焗田螺有六大隻，底下蒜蓉很滑，每口都是滿足感結帳時侍應告知這裡七點前有歡樂時光，點了飲料後加$15就可有小食一客，難怪每枱客人都點了很多啤酒！下次一定要早點前來

帕爾瑪火腿配蜜瓜沙律（$108)Parma Ham既吃法都不外乎配酒同埋夾着蜜瓜來吃。火腿充滿鹹香，相當惹味，配以清甜的蜜瓜同沙律一齊食，係最佳選擇。炭燒澳洲頂級肉眼扒（12oz)($228)牛扒揀左三成熟，廚師煮得啱啱好，入面仲係紅紅地，牛扒外層燒得幾香，肉質夠嫩，肉味濃郁。如果配埋醬汁一齊食都唔錯！除左有牛扒之外，仲包埋薯菜，蔬菜既種類豐富，有西蘭花、紅蘿蔔、露荀、蕃茄仔等等，夠健康！ Blue Diamond ($78)edelweiss($76)(happy hour)Nuts($40)

今日難得早左放工，諗住話請個妹食飯，豪豪地請佢食返次西班牙菜~大角咀呢間西班牙菜餐廳比較近我返工，地方都好就腳~近奧運站，但都可以睇地圖行返去旺角站。講返西班牙菜，平時都比較少機會食到，入到餐廳依舊係會幫你量體溫，比搓手液你洗洗手。坐低之後會有人同我地介紹返今日有咩推薦，今日剛好推薦波士頓龍蝦同一種食素既豬，可以簡返幾成熟甘。講返d野食，我們叫左個扒，一個小食，一個薄餅，同一個意粉主食比想像中的份量仲多，食到我們好飽呢個係西班牙正宗奄列，食落除了蛋之外，有洋蔥有薯泥，混合一起既味道好好食，呢個十分推薦，上面仲灑有少少辣椒粉，少少辣得黎又提升左個奄列既味道。炭燒澳洲頂級肉眼排，呢個比我們想像中既12安士既份量仲要大，好有飽足感，我們叫左7成熟，有一點點紅但又吾會話切開有血水，熟成度來說我相對滿意。食落好有炭燒既味道，肉質鮮嫩，容易切，性價比相對比較高西西里海鮮pizza，相對黎講比較多洋蔥彩椒，由於我不是很喜歡這些蔬菜，相對來說沒那麼喜歡，但是吃落去也是可以接受，吾會話煱完之後仲係好生，我覺得以我不是很喜歡生洋蔥同彩椒既情況下，食落係有一定既甜味，同pizza入面既海鮮係夾既，係吾錯既。

住奧海城的老友話，大角咀海泓道1號奧海城三期地下G22號舖。餐廳食物質素不錯，環境寬敞，坐位舒適。現因疫情關係入餐廳前店員幫我們量體溫、噴消毒酒精清潔雙手及提供口罩袋，真值得讚。我們點左炭燒澳洲頂級肉眼扒$228，肉質嫩滑又多肉汁，牛肉味香，肥瘦均勻，配薯角和沙律🥗菜，很美味。西班牙海鮮炒飯$268，有兩隻大大蝦🍤、青口、魷魚🦑蜆肉等...很好吃😋材料十分豐富又大碟，超級抵食。店員服務態度都不錯，價錢合理。我們會回頭，下次食其他美食。