Cocina 3 Tapas Restaurant & Bar (Closed)

西班牙餐廳平時好少食，在奧海城有一間裝修不錯的餐廳，是三五知己相聚的好地方。今個晚上比較少人，餐廳播著古巴風的西班牙文音樂，牆上有些彩色瓷磚，非常有情調。叫了一個西班牙香燒乳豬仔，西班牙小食拼盤及西班牙海鮮炒飯。西班牙乳豬個配搭很好，中間有塊青瓜剛剛好中和番乳豬的油膩，而且底下仲有塊多士，又有少少豬油可以落到塊麵包，乳豬皮的脆度剛剛好，得四件真係有點唔夠喉！西班牙小食拼盤，有辣肉腸，炸芝士波、草菇及香煎蟹餅等等。芝士波好邪惡，一啖放進口內香氣滿溢，辣肉腸味道還可以，草菇也是比較正常的味道，蟹餅的味道也不錯，相對上我個人還是喜歡炸芝士波的濃濃的味道！西班牙海鮮炒飯有好大隻虎蝦，仲有青口魷魚等海鮮。隻虎蝦好新鮮，好好味！ 個飯唔會太諗又唔會太乾，海鮮的精華都入曬去飯粒，同埋個份量好大份，三至四人都夠食。

幾年無來過大角咀，相約朋友食餐飯，見到奧海城有間西班牙餐廳，試試距。頭盤，帕爾馬火腿配蜜瓜沙律🥗 火腿肉質嫩滑，配蜜瓜一流！🍈 反而伴碟沙律如加上沙律醬會更好。 西班牙香燒乳豬仔齋睇燒豬仔有點中式，不過配上青瓜同最多次都係第一次食，成個口感爽脆，飽感大增。西班牙炒道辣肉腸有點似外國臘腸，偏鹹👅 但脆脆地，煙韌有口感！法式焗田螺最討我歡心係大大隻田螺，底下蒜蓉好滑，一啖一滿足。 After 辣肉腸，中和一下味蕾感受。Queen Beauty 🍸- 荔枝味好香，加粒荔枝肉點綴，賣相不錯。 $68都係一個飲得過既價錢。

週五晚上在家裡附近找了一家西班牙菜，環境還不錯，室外坐着还算舒服，点了一个西班牙海鲜饭，份量倒是很足，海鮮也算新鮮，但是味道一般般，點了一個芝士焗菇，菇鮮嫩多汁，但是芝士量不足

在大角咀這間西班牙餐廳都好有特式，位置係大角咀某一個商場裹面都好方面，搭車都好就脚，餐廳裹面好夠情調、好舒服、好清静、唔錯、可以試吓!至於食物方面睇得吓!ok！食物方面最喜歡邊款食物、其實樣樣都好正！魚子醬蒜蓉飽好特别！食落口味道好正！配答一流！正呀！回味無窮😋😋😋巴拿馬火腿伴蜜瓜 108蚊西班牙奄列 88蚊白酒忌廉煮青口118蚊西班牙松露蒜蓉包 68蚊Snow Ball 68蚊Cinderella 68蚊

最近唔知點解好想食西班牙菜，朋友就攞介左這間位於奧海城2期的餐廳一齊試下。餐廳基本上係坐得好闊落，好有空間感，至少你坐入去已經覺得好舒服。咁我同朋友就先叫一份西班牙烤乳豬配麵包的小食試下，咁係烤得好香的，每啖都肉汁四淺，不過畫龍點睛的係青瓜。青瓜的爽甜中和左乳豬的油膩感，令我地食落去唔會太濟，個人認為係全晚最好味的菜式。我哋叫的主食反而沒有那麼驚艷，朋友點的安格斯牛扒的肉味唔算好出，但木烤味好出，食落都好有格調，至於我點的西班牙炒飯則太濕，食落冇乜味道。

見到假日都有set lunch 於是決定試下。我自己叫咗個雞肉芝士漢堡，個漢堡包嚟到嘅時候覺得佢有啲細，但係識落係好食嘅，包皮外表好脆，咬落去好柔軟，雞又唔會話好乾，入面都juicy嘅，再加埋啲用咗嘅芝士醬番茄同埋生菜一齊食，非常好食，值得推薦，薯條都揸得好香脆，每一條都好粗好大，質素唔錯👍🏻男朋友就叫咗個砵酒豚肉粒燴意大利飯，呢個飯嘅味道就認真麻麻，佢感覺唔太似燴飯，個醬汁唔係好夠，唔係每一粒飯都沾試嗰隻汁嘅顏色，食落去感覺似比較濕嘅炒飯多啲，同埋個醬汁唔係好好食，豬肉咬落都好硬好乾，最後個飯都冇食晒🤦🏻‍♀️其實仲可以加$12就有出面嘅沙律吧，但係今次我哋就冇試到。總體來講某啲嘢食係好食嘅，但係個意大利飯就真係麻麻，大家可以唔使試

相信好多人都唔太清楚奧運站附近有咩餐廳只懂得去大角咀、旺角食野🤣今次係朋友推介之後去食Spanish食物一坐低就會呈上芝士味薯片 #Nachos 😁全間餐廳播放西班牙歌整體氣氛好舒服 好寫意😌。🍖陳醋燴豬仔脾 $138🍖豬仔脾燒得剛剛好雖然肉只有三條 但勝在離骨🦴陳醋的酸味不重 適合怕酸的朋友仔😍旁邊配上沙律 西蘭花 蘿蔔仔 粗薯條 。🥩炭燒澳洲頂級肉眼扒 12oz $228🥩12oz不算多也不算少 兩塊左右#肉眼扒 與 #西冷扒 相比🤔西冷扒係牛的腰脊 肉質有彈性肉味最濃 但同時都會比較多筋😇而肉眼係牛胸背脊與肋骨之間的肌肉🤤肉質比較幼滑 而且比較多汁😘。🥘肉醬千層麵 $128🥘唔好睇佢細細地 其實好夠飽芝士 蕃茄 豬肉碎 都好夠份量🥳可惜我略嫌蕃茄太新鮮 有點酸😛。🍮西班牙燉蛋 $58🍮#cremebrulee .睇相完全睇唔出原來咁大份🤩以為係平時與普通餐廳的西班牙燉蛋一樣細細碗作為飯後甜品 完全適合兩個人食😚你應該會對西班牙燉蛋刮目相看事關啲蛋勁滑 勁creamy 😋如果喜歡焦糖的話 表面上的焦糖勁多好似破冰船般要用力敲碎😂

奧海城商場野食多到數唔曬，行經呢邊，見到間餐廳幾有異國風情，於是同朋友入去食下西班牙菜。餐廳環境大，仲要有户外地方，氣氛都唔錯。order左個水煮蛋凱薩沙律，初諗住食下沙律健康d，點知太多醬，搞到個沙律比較咸。而龍蝦汁大蝦海鮮闊條麵就唔錯，即刻加哂分。龍蝦汁濃濃鮮甜，麵條又可以掛到汁，海鮮又多又新鮮。炭燒澳洲肉眼扒叫左五成熟，火喉恰到好處，肉質軟淋，味道都唔錯，缺少少許牛味，但配菜出色。最後，叫左個西班牙燉蛋，燉蛋軟滑，為呢餐畫上完美句號。

約左朋友happy hour，今日試下奧海城的西班牙餐廳，環境不錯，紅色沙發凳很有西班牙風格，感覺很有氣氛。西班牙特色野食選擇多，不乏Tapas，我地當然要試下啦。首先主食，我哋揀左卡邦尼意粉，要撈下個汁，咁就好味了，很juice,蛋汁豐盈，煙肉好夾，意粉軟硬適中。乳豬仔Tapas,肉嫩且厚切，口感一流，帶有少肥豬皮，爽脆香口，夾著一片青瓜，不油膩。雞肉菠菜卷，很有特色，烤雞伴有芝士，同菠菜融合，好香口，雞肉嫩滑脆香。好鐘意菠菜餡，綿密又營養豐富。普羅旺斯燉雞，用左特別的香料，雞肉晤鞋，雞髀雞翼更嫩滑，好好味。西班牙churros，正宗！有肉桂香，沾上朱古力醬，真的好好味！

現在接近年尾，大型商場都各出奇謀地布置迎接新年，往年奧海城佈置都很有新年氣氛及特色，所以今年也過來行嚇。晚飯當然在奧海城食了。這間西餐廳Cocina 3 Tapas， 紅色的軟梳化，令餐廳顯得非常雅緻。門口的招牌扒餐及雅緻的裝修吸引了我。坐下後餐廳先送上一個薄脆小食，可以一邊食一邊揀菜式。板燒西班牙黑豚肉10安士$248板燒西班牙黑豚肉，伴碟有沙律菜及薯條，薯條炸得外帶少少脆內帶鬆軟。板燒西班牙黑豚肉，一格格的網紋，面上的肉汁及黑椒調味料，顯得份外吸引。黑豚肉要了全熟，雖然入口有少少鞋，但點上蒜蓉汁，都很入味。美國頂級西冷牛扒12安士$268美國頂級西冷牛扒，與板燒西班牙黑豚肉的配菜一樣，有沙律菜及薯條。美國頂級西冷牛扒要了七成熟，廚師燒得剛剛好，西冷牛扒厚切，肉質帶著嫩紅，秘製的黑椒醬汁，再加多一些黑椒，令牛扒更為美味。

收工到奧運三期與友人 慶祝生日 看來很多朋友都愛到這餐廳慶生 因為有煙花🧨蠟燭 真的很吸睛 影相公佈於社交平台一流《西班牙炒飯》海鮮都挺多的 海蝦及青口走不了 魷魚圈亦挺多的 但這炒飯如我以往吃的 有點不一樣 可能椰味較重 但整體都不錯的 份量挺多《啡菇》不得了 兩個肥大的啡菇 足有掌心那麼大 切開已感覺到內裏的汁要湧出 加上表面的芝士及火腿令整體更滋味😋《法式焗田螺》超難吃 吃下口的一刻已接受不了 要吐出 相信已壞了🙄立即向員工反映 取消了 海鮮真的要妥善處理 不然很易變壞 希望這店多加注意最後決定不轉食物 轉場吃甜品更好 因此最後一飯一小吃 結束這一餐

平時好少去奧海城，今次特登嚟，就係因為阿哥推介左一間西餐廳叫我去試吓。竟然門口有個懷舊扭蛋機座位好寬倘！超級舒服！一坐低，店員即刻拎咗一個餐前小食俾我哋，個墨西哥脆，配埋佢個類似TATA醬嘅嘢，點黎食超好味！牛扒餐大概200幾至三百幾蚊一位，有啲咁靚嘅黃牛餐就七百幾蚊，價位好多選擇，可以按返自己想食嘅價位黎選擇叫咗個美國西冷牛扒$268 ，佢啲坑紋燒得好靚，一上台超級香，啲牛嘅油脂香味超吸引！而且薯條份量都好多另外我仲嗌左個帕爾馬火腿配蜜瓜沙律，超級鮮味，經常再食下次一定要encore！飲品方面，我就嗌左杯mocktail叫Cinderella，個樣超級靚，味道酸酸甜甜，好適合女仔飲！呢杯就叫blue diamond 一樣好靚，打卡啱曬！

間唔中都會去奧海城睇戲，睇戲前去覓食一下，發現有間幾有情調，餐牌又超多款式既西班牙餐廳，一於試試🐷裝修風格以紅黑為主，燈光偏暗，感覺十分時尚。室內梳發位很舒適，也有室外雅座，好適合同朋友食下野飲野傾下計🥂🍹🍸一坐低就有Nachos小吃，個sour cream好開胃，唔夠喉仲可以仼添🤩先點前菜~~帕爾瑪火腿配蜜瓜沙拉。份量都算多，parma ham好食，蜜瓜又夠甜西班牙香燒乳豬仔💞 乳豬仔鹹香惹味，外皮燒得香脆，肉質又嫩滑。超推介👍🏻👍🏻香煎蟹餅~好厚身好大塊， 入面充滿蟹肉，略嫌炸粉比較厚和不夠creamy主食~~ 好少食到既慢煮芝士菠菜雞肉卷好有驚喜！！！外層鮮嫩雞肉，包芝士菠菜好好食🥰身為飯桶既我叫埋牛肝菌燴飯🍛 牛肝菌味夠濃，燴飯軟硬度適中，份量好足，好飽好滿足🤣

一坐低佢會比份墨西哥脆片+沙律醬($40)你，餐前小食，酸酸地，超開胃，食到停唔到，可以叫店員幫你再加🥰-Nuts $40天多尼雞肉Pizza $108炭燒澳洲頂級肉眼扒 $228西班牙小食拼盤 $158-1️⃣ 天多尼雞肉Pizza $108(天多尼雞肉、芝士、車厘茄、洋蔥、甜椒)⭐️⭐️⭐️⭐️Pizza餅底做得好薄，配料很多，多到好似個餅底就嚟承托唔住咁，芝士佔成個pizza份量最多，所以輕易拉絲🤣🤣雞肉都唔係好細粒咁鋪滿，雖然雞肉唔多但係每粒個size都比平時放pizza 既大。/2️⃣ 炭燒澳洲頂級肉眼扒 $228 (12安士)⭐️⭐️⭐️份量啱啱好夠兩個人食，我叫咗七成熟肉眼扒肉質啱啱好，唔會老，而且有陣炭燒味，不過唔會過分濃既炭味，亦都唔會太苦。/3️⃣ 西班牙小食拼盤 $158⭐️⭐️⭐️拼盤有炸車打芝士波、辣肉腸、草菇等

番完教會活動，跟教友係奧海城book了這家西班牙dinner傾下偈兼補祝牛一。男人果然比較喜歡吃肉！被menu吸引，我們點了燒雞、豬手和火腿片！這家西班牙菜餐廳，樓底高是西式酒吧裝橫！坐底了，店員會放好一份芝士脆片及沙律醬！細問之下原來是40元一份任食既仲可以refill！同薯片一樣食到無停口，飲酒吹水chill下一流呢，不過今日揸車就忍下唔叫得酒！等左一陣，我們order既第一道西班牙特色冷盤就端出來了。帕爾馬火腿，切得薄薄配有沙律菜、焗既薄脆面包及橄欖！有驚喜火腿竟然不太不肥膩帶小小咸用來夾住橄欖同脆包一吃食，很有特色好好味！ 火腿咸香味和二款橄欖很配，之前係咪西班牙也有吃過唔同類型大小既tapas小食！個人也比較喜歡橄欖夾住火腿來吃，最好既配搭呢！看menu巳經比燒雞吸引著！份量幾大，整份雞燒得微蕉，有兩隻雞腿🍗很香帶小小香草味道！大大隻雞腿很厚肉，燒得剛剛好入面肉剛熟夠嫩滑，不錯呢！整晚個人最期待的豬手，外皮金黃色，燒得脆脆很野味帶有香草及蜜糖甜味，外皮脆脆而入面肉質則腍身而且啖啖肉很香口，很值得一試😋豬手還配有薯條及燒烤蜜糖醬，邪惡的一道！