Cocina 3 Tapas Restaurant & Bar (Closed)

澳海城有很多商店，食店也不少，今晚於有露天坐位與室內坐位的西班牙餐廳用餐，內外有不同氣氛與感覺，看到有一對男女，用完餐便拿著飲品走向露天雅坐方向，應該是繼續談心吧！🤭坐下不久便送上脆香【粟米片Nachos】 ，原來20大元便可享無限添食，還有醬汁提供，又。首先吃 【Cocina 3 公司沙律】， 少油少鹹的清甜沙律菜，配鴨胸與亞枝竹，青橄欖，黑醋帶少甜。吃過蔬菜便來【天多尼雞肉薄餅】，薄餅相當香口熱烘，芝士味濃，還可以拉出長長的芝士絲，微辣雞肉，洋蔥甜紅椒也不錯。再來吃支豬肉吧【陳醋會豬仔脾】，豬仔髀有三支，肉質腍軟，陳醋汁包圍著豬仔脾，輕酸味讓我不會有膩口的感覺，薯條炸得香口，還有少許沙律菜。最後點了很久沒吃的【肉醬千層麵】，蕃茄醬汁頗濃郁，肉碎也有相當份量，千層麵煙韌一點會更好味，因醬汁香濃味道不錯，這點已值得加分。

之前去🇪🇸西班牙旅行，事隔半年依然念念不忘！喜歡她的狂熱，⚽喜歡美斯，喜歡Gaudi⛪,但天生為食種🤤......中毒最深，當然是西班牙美食！🍻今次去奧海城食Cocina 3 就係要回味西班牙🏝！餐廳暗暗地有情調，配上大紅大梳化，地方闊落，🦦坐得C服！ 開餐了，先來個tapas ～西班牙香燒乳豬仔🐷，皮鬆化但帶點煙韌，烤走了脂肪🐖但不會乾爭爭.....🧐乳豬果然是西班牙國食！另叫了招牌 Cocina 3 公司沙律🥗，果然不負所望.....鴨胸🐤很肥美配上沙律的清新....絶配！🥁隆重登場~西班牙海鮮飯, 真係大鑊了🥘有4人份量！米飯以高湯加上海鮮一鑊熟......鮮甜到不得了Yummy! Cocina 3 的用料好正，🦐大蝦超大隻超上鏡......D蝦膏好爆好鮮！青囗大到手板👋咁，仲有多種海鮮，魷魚🦑、蜆.....令味道更加複雜有層次！🦉仲有好多tapas 都好有趣，可惜為食，但肚子有限🐡....下次再來回味西班牙！

🌟🌟🌟🌟🌟🌟🌟🌟🌟🌟🌟🌟🌟🌟🍽 Cocina 3 Tapas Restaurant & Bar (大角咀)📍大角咀海泓道1號奧海城三期地下G22號舖🌟🌟🌟🌟🌟🌟🌟🌟🌟🌟🌟🌟🌟🌟為咗慶祝男朋友GPA過3，特登book咗呢間係奧海城商場內既Cocina 3 Tapas Restaurant & Bar同佢慶祝一下💖環境寬敞舒適，裝潢設計風格都有西斑牙特色✨美國安格斯頂級斧頭扒 Grilled Donald Rusell HKD798呢塊美國安格斯頂級斧頭扒成40oz架！一上到枱大塊到LOL 我地2個食肉獸都哇哇聲🤤燒既紋路好靚，欣賞完一輪之後就開始鋸呢塊超厚超大塊既安格斯頂級斧頭扒！😍😍😍肉體切開呈粉紅色，好完美既五成熟👍🏻食落肉味好濃郁好juicy，仲好結實彈牙，食得出係一塊好上等既頂級斧頭扒🥰如果個邊冇咁焦就更perfect啦😛伴菜沙律同薯條都勁正！！！薯條薯味超級香濃，好正！！沙律菜好新鮮，同肉一齊食正好減到肉既油膩感~~✨如果喜歡我的文章，可以關注我及讚好以作鼓勵喔✨

今晚去奧海城睇戲，睇完行到奧海城三期，見到間西班牙餐廳唔錯，食物種類選擇多，又有酒飲，裝潢頗有格調，座位舒適，環境唔錯～踏入餐廳就聽到輕快既西班牙歌，令成餐飯既氣氛都好放鬆又舒服，好岩一班人或情侶坐底飲野傾計～點餐前侍應奉上nachos，口感酥脆，仲配埋酸忌廉，滋味十足！每兩人一份HK$40，可以無限添加，超正！！古秘魯海鮮沙律HK$148第一次試秘魯名菜 - 海鮮沙律，酸醃生魚口感Q嫩，八爪魚仔、大蝦仁、帶子粒等口感則較實，拌以橄欖油、檸檬汁等，感覺相當清新又特別，將海鮮鮮味帶出，幾開胃，係唔錯既海鮮冷盤～西班牙原粒燒白菌HK$78原粒白菌菇味濃郁，咬落去鮮嫩多汁，而且口感紮實～西班牙傳統陳醋燴豬仔脾HK$138豬仔脾燴得入味，肉質腍軟，口感嫩滑～配上酸甜陳醋汁，開胃又惹味，有效中和肉膩。伴以炸至金黃酥脆薯條，好邪惡啊！牛油果蝦肉pizza HK$108薄脆餅底好似餅乾咁脆，切成長條形八塊夠哂方便～濃濃芝士仲可以做到拉絲效果，蝦肉彈牙爽口，牛油果醬香軟可口，正！

想帶狗狗去晚餐，上開飯揾到呢間評分唔錯，一於揸車去試下，打電話去訂定露天位置。去到，枱冇預留比我哋，不過好在有位，最先係一位幾有禮貌嘅男侍應招呼我哋，睇睇餐牌，價錢中上。三大兩小，就叫左五樣食物，其中Pizza味道唔錯，豬手都可以，皮脆但肉質比較咸，公司沙律全部都用來伴碟嘅菜加幾片鴨胸，收$108😱。個西班牙炒飯，完全食唔到係西班牙炒飯嘅味道！之後轉了個女人侍應，枱面冇哂水冇人refill，碟亦冇人收，叫嗰位女侍應幫忙加水，佢竟然話叫我哋自己攞隻杯埋畀佢如果要的話，佢唔夠手長逐個逐個refill🙄，又可以自己行去水吧位置有水可以自己refill，我以為自己去咗快餐店🙄埋單成千蚊，快餐店嘅服務，食物好一般嘅質素，我唔會再去

每次黎親大角咀我都會諗起呢間餐廳😍😍因為坐得好舒服，氣氛好好，食物種類又多🥳🥳重點就係方便泊車啦😚😚因為揸咗車嘅關係所以冇得嗌酒飲唯有下次啦，我哋嗌左幾樣嘢食share😍😍芝士焗釀大菇上面既配料好多呀😋😋芝士好香，好有拉絲既效果，煙肉唔會好乾配合芝士同洋蔥岩岩好，最最最重要既係香菇夠juicy夠香，一口咬落去配料同菇既配料既組合真係不得了，個人私心推薦🤪🤪美國頂級西冷牛扒12安士，五成熟上枱大大塊同夠哂厚，表面燒出黎既網紋，其實內有乾坤，切完西冷入面仲係粉紅色既肉，外觀完美，不但止食落口仲有好香既牛肉味口感亦夠，西冷既肥瘦度適中，肥既部分有好香既牛油味，不論火候同味道都好好，加埋份量唔少既薯菜，係抵食既🥰🥰😍作為一個好鍾意食香腸嘅我，一定要嗌嘅就係德國紐倫堡腸拼盤😍😍有雞肉腸同牛肉腸，大大盤，每種腸都各有特色，最重要係夠哂熱呀，香脆嘅表皮加，好多分，呢個拼盤嗌得過呀😜😜

午餐冇乜選擇，沒有西班牙風味，整體啲嘢食冇調味，冇層次，有啲嘥我quota, 家人食完咀藐藐。 冇a la carte, 只可以揀set lunch。 焗豬扒飯冇炒飯底，個汁冇茄味、唔夠芝士,豬扒淡、硬、冇肉汁。漢堡包唔juicy, 唔夠熱、賣相唔吸引。最差係個risotto,飯冇味，應該冇用上湯煮，又冇加cream, 個sauce唔掂，啲豬肉又係硬。整體而言，食材、煮功都不理想。以午餐不使$100/set, 性價比略低。不過啲員工尚算有禮

兔子今晚OT，收工後餓到嬲，只想極速醫肚，一下子衝左入奧海城嘅Cocina 3。入到去坐定定睇清楚先知餐廳主打西班牙菜（人哋嗰名都叫Tapas Restaurant & Bar，真係餓到眼殘），小食、主菜、海鮮飯、各式draught beer, cocktail特飲都有齊晒。餐廳座位寬敞、環境都算係咁，啱晒收工吐苦水。同事一坐低叫左杯Murphy黑啤、兔子就叫左杯mocktail（士多啤梨、橙汁、石榴），外表美觀，啱晒影相呃like。最重要係，兔子極餓情況下上菜極快，仲要一坐低就有$40無限任添nachos（指定小食），立即舒緩左收工嘅悶氣。招牌公司沙律雖然真人同餐牌嘅圖片有出入，但沙律菜依然新鮮，合格；雞肉辣肉腸燴飯份量十足，美中不足係辣肉腸少左D，希望老闆之後可以鬆手少少；豬仔脾香口、啖啖肉極為豪氣，配罪惡美食炸薯角真係難以抗拒。菜式選擇豐富、環境舒服輕鬆，可能未必算係十分正宗嘅西班牙菜，但氣氛搭夠，夠chill，係同事、朋友嘅圍爐之選。

今日放工經過見到依間餐廳環境幾好，好適合傾計就入左去。點完餐之後侍應會即刻拎盤nuts過黎，可以食住等。叫左個陳醋燴豬仔脾，有三大舊，煮到淋淋地，好入味，又冇肉膻味，嫩滑juicy。仲有薯角、紅蘿白同西蘭花做伴碟。個蘑菇帕爾馬火腿pizzza好脆，又多料，芝士仲可以拉絲添，成個pizza啲味都好夾。至於個牛肝菌熗飯啲飯就粒粒分明，軟硬度適中，又有勁多菇，令啲飯索哂菇既香味，口感豐富。而個龍蝦汁大蝦海鮮闊條麵口感煙韌，有二隻大青口同一隻大蝦，青口啲肉勁肥美又鮮。入面仲有好多海鮮，有蝦、蜆、魷魚。見到我地食飽仲主動比幾杯水我地，服務態度好好。

朋友喺奧運站附近返工地今晚同佢食慶生飯都特登揀咗喺奧海城裏面食，為左迎合鍾意食西班牙菜嘅佢， 就揀咗呢間cocina 3 tapas~南瓜忌廉湯香滑嘅忌廉湯有陣陣嘅南瓜香味 口感豐富綿滑！黑松露醬炒野菌野菌與黑松露醬拌炒 菇炒得口感爽脆 還伴隨著黑松露醬迷人氣味 令人食得津津有味美國頂級西冷牛扒肉眼脂肪會少d 不會如 幼嫩中帶少許咬口 口感滑 牛肉味道亦相當香濃 而且份量大份 兩個人食啱啱好檸檬cheesecake&西班牙吉拿棒特地食飯前已致電餐廳 同佢講買咗生日餐廳爽快答應可以安排上次嘅時候餐廳突然間響起生日歌 店員捧住畫有祝福字句 插住蠟燭 嘅甜品到來 朋友相當驚喜！啲甜品亦唔淨只係得賣相 食落去仲好好味 唔會偏甜添！

又黎奧海城食飯啦, 今日又暖番少少, 想係outdoor慢慢食個chill晚餐, 諗起奧海城出面排outdoor餐廳, 所以再次黎到cocina3食西班牙菜Nachos可無限refill既零食, 坐低後店員就會擺低, 哩個時間梗係一路食一路睇menu啦。西班牙原粒燒白菌原粒白菌無特別落調味, 但因為原粒白菌本身已經好香, 而且因為係原粒既關係所以好juicy, 一粒一粒食幾過癮, 如果加d牛油落去炒應該會香到不得了。凱撒沙律配水煮蛋經典沙律, 水煮蛋做得唔錯, 一切開就流出蛋汁, 略嫌醬汁多左少少, 成塊菜都有醬所以有少少咸。龍蝦汁大蝦海鮮闊條麵闊條麵均勻沾上龍蝦汁, 唔太杰質感岩岩好, 大蝦肉質結實, 不錯。西西里海鮮pizza主要有蕃茄醬同魷魚, 面頭既芝士都焗得好香, 而餅底有別於平時食開既pizza, 佢既餅底係比較乾身, 脆卜卜咁, 用黎送酒感該幾合適。龍蝦湯濃郁美味既龍蝦湯~見到隔離枱有人慶祝生日, 店員送上蛋糕仲有煙花蠟燭, 仲主動幫手影相, 似乎係度慶祝生日都唔錯喎

為了跟家人慶祝普天同慶的聖誕節，費盡心思，千挑萬選之下，才挑選了這件充滿歐陸風情的餐廳。餐廳裏的裝潢富有歐陸色彩，無論牆上的裝飾、設計，以及一磚一瓦，都滲透著濃厚的西班牙特色和格調，令人仿似置身其中。餐廳空間寬闊，和高高樓底成強烈對比，在視覺上給人一種輕鬆自在、寬敞舒適的感覺。一坐下，侍應立刻送上一碟Nachos, 少少咸，多多脆，配以沙拉醬，感覺清新，層次分明。我們首先點了一個西班牙香燒乳豬仔，菜式賣相相當吸引，乳豬配上一塊青瓜，恰巧中和了乳豬本身的油膩，提升了整體的口感，清新自然。乳豬表皮香脆，甘香可口，入口即溶。接著就是西班牙海鮮炒飯。炒飯份量十足，足夠3至4人食，食材新鮮，富有口感，尤其是大蝦、青口和魷魚，肉質彈牙。每粒飯沾上濃濃的醬汁，十分惹味。最後就是美國頂級西冷牛扒，為了安全起見，我們選擇了全熟。雖然全熟，但牛味依然濃厚，肉質細緻香嫩，鬆軟可口，分量足夠，肉質分佈平均，非常美味。

每次行過奧海城，都見到有一間裝修高級豪華既西班牙餐廳。以前就只係經過，今日行完街就同朋友入嚟幫襯一下。點解我會話佢係裝修高級豪華？因為入面梳化係用紅色皮製，牆身裝修富有特色，俾人高級感覺。餐廳地方都幾大，另間開一角落用來作私人包廂。餐廳播放住西班牙音樂，令人不其然覺得放鬆。坐低打開餐牌，只見餐牌圖片非常吸引！我哋急不及待叫咗以下食物：古秘魯海鮮沙律見到好多海鮮呀！入面有八爪魚仔，海鯛魚，大蝦等。沙律同埋海鮮食得出非常新鮮，海鮮仲好彈牙。醬汁係橄欖油，所以口感食落滑滑的。碟型似條魚，幾得意！牛油果蝦肉pizza離遠攞過來時已聞到勁香！入面用蝦肉，芝士，芫茜，番茄醬製作而成，上面綠綠的就係牛油果醬。pizza已經切開左8份，方便我地攞來食。食落芝士味重，餅底烘得好脆，有口感！蕃茄醬酸酸甜甜的，頓覺芝士冇甘漏。西班牙傳統陳醋燴豬仔脾豬仔脾有三舊，肉質好淋好入味，一咬就甩骨。陳醋頗酸，但令人胃口大開。上面仲有沙律菜，蔬菜同埋薯條。薯條炸得金黃香脆，點陳醋食係一個新鮮既配搭。西班牙燉蛋好吸引既燉蛋呀！份量頗大，夠幾個人食。上面有厚厚既焦糖，一口焦糖一口燉蛋簡直係享受！燉蛋雖然吾重蛋味，但奶味十足

西班牙美食最適合女生，清淡鮮甜的海鮮菜式、賣相精緻。無論你想吃傳統西班牙菜，定喺現代西班牙菜， 係奧海城三期既 Cocina 3 Tapas Restaurant & Bar 西班牙餐廳都一定能滿足你的胃口！餐廳既面積相當大，入面勁闊落，裝潢都很外國風，昏暗的燈光和石磚牆壁，令人感覺很舒適。 入座後會有一份墨西哥脆片配上沙律醬，價值$40。主食方面我地首先決定咗要一份招牌西班牙海鮮飯 ($268)。鋪滿海鮮材料包括青口、蜆、墨魚以及藍蝦，一陣陣炭香加上底部脆口的飯焦，最緊要大大鍋上枱，香氣撲鼻，香氣撲鼻，令人回味無窮 ， 跟三五知己分享，幸福滋味。 西班牙黑松露蒜蓉包 ($68) 有獨特迷人的香氣，既高質又簡單。芝士菠菜雞肉卷（$128）原來雞肉配芝士會擦出火花，雞肉裡面再夾住充滿能量的菠菜，醬汁令菠菜和其他味道完全融合。

上年又係聖誕咁上下時間食過呢間餐廳今年朋友生日 我地又住附近 記得呢間餐廳係好食既就一早book左lu位於奧海城3期地下 門面好大 一定見到已經開始有不同既聖誕裝飾🎄 座位全部係梳化 好舒服😌空間感都好大而且有電視睇一坐底未點餐 已經有芝士片送上好脆 點沙津醬食個不停地道西班牙菜 款式都好多凱撒沙律配水煮蛋醬汁略嫌多咗少少 不過沙律菜都好新鮮 配搭麵包糠 好滋味水煮蛋 蛋黃汁一切開就流晒出嚟 做到流心效果龍蝦汁大蝦海鮮闊條麵入面既海鮮非常多 除咗見到嘅青口大蝦仲有鱿鱼等 醬汁方面非常濃郁嘅龍蝦味 醬汁濃杰惹味每條闊條麵都掛到醬汁 青口同大蝦都係食得出既鮮甜朋友點餐嘅時候睇咗網上面嘅推介都話呢個西班牙奄列值得一試入面主要配搭係薯仔同蔬菜整成食落口有小小似實d既薯蓉但因為煎得好香口 我地都好快食曬黎到主菜 西班牙黑豚肉點餐嘅時候服務員有問想要全熟定係八成熟因為好難得食豬肉係可以唔要全熟我地就試左八成 (放心 黑豚係可以唔使全熟都食得)朋友話切開嘅時候話好冧 輕輕一切都係切得開入面既肉見到係白色帶點紅紅地連埋脂肪食係有少少入口即溶嘅感覺雖然食落好有罪惡感 但成舊好軟綿綿非常值得推介