Cocolo Tokyo Cake Factory (利東街)

Open Now

Now Closed

太久沒去日本旅行好想念日本的甜點上次去東京就是甜品之旅身為甜品達人一定要去試光所有甜品今次去了灣仔利東街一間日本直送的甜品它以東森蘋果批出名的用新鮮的東森蘋果做成酥脆的批口感同新鮮度都是吸引人去試的除了主打的東森蘋果批還有各款切件蛋糕選擇今次選了兩款❤️東森蘋果批$33/件 $100/4件見到蘋果批剛出爐酥皮的牛油香十分濃郁於是忍不住買一件試試一吃真的酥到跌渣渣酥香而且牛油味重加上蘋果酸酸甜甜十分開胃🧡純朱古力蛋糕$25身為朱古力控的我一定不會錯過吃朱古力蛋糕的機會朱古力味十分濃郁中間的朱古力夾心香滑絕不會死甜蛋糕又濕潤十分好吃忍不住一口接一口總結：還有一款焦糖蛋糕我也想試試📍 Cocolo Tokyo Cake Factory (利東街) (灣仔)灣仔皇后大道東200號利東街地庫1樓B36號舖#外賣 #蛋糕控 #甜品必食 #食好西 #外賣唔該 #朱古力蛋糕 #灣仔美食 #美食達人 #foodie #hkfoodie #wanchai

灣仔有很多不同類型的食店，是慍食的好地方! 今次試一下日本甜品Cocolo Tokyo Cake，位置於利東街地庫，連著地鐵站利東街出口，很方便。青森蘋果批 HKD33 - 我是外賣回家吃的，拿著走的時候有點微溫，回家吃的時候已經不熱了，建議可以翻熱應該會比較香脆。吃下去酥皮很香，酥皮甜甜的，有很多層增加口感，蘋果粒甜帶點酸，和酥皮味道很夾，不會過分油的感覺，是出色的蘋果批。朱古力蛋糕 HKD25 - 蛋糕對比之下不驚喜，是一款正常水準的朱古力蛋糕，看到其他口味很特別如焦糖堅果奶油蛋糕和梳乎里芝士蛋糕，下次可以一試。兩款比較之下，個人比較推薦青森蘋果批，買來做下午茶配上紅茶也不錯，其他口味蛋糕也十分有特色。店內也有供應幾款飲品，有兩枱位置可以供客人即場吃。

今日去利東街行街時，經過見到有間鋪頭寫住係日本直送的甜品店，門面都幾靚，而且鋪頭裡面的甜品的賣相都幾吸引😍忍唔住走入去望下，發覺原來裡面無論係批定係蛋糕，都有很多選擇，我樣樣都想好想食，係心大心細之下，最終揀了以下兩款：檸檬忌廉芝士批($35）外皮很鬆脆，裡面一咬落去時啖啖檸檬香，加上忌廉和濃郁的芝士餡，味道很夾。😍焦糖堅果奶油蛋糕($25）咬第一啖時已經覺得蛋糕好鬆軟，而且聞落去好有焦糖既香味，蛋糕上面加咗d堅果，食落去時變得好有口感，雖然裡面有奶油，但食完都唔會覺得膩，好岩女士們😍 個人覺得呢間甜品店既性價比高，而且店員態度都很友善好值得推介，下次再同屋企人試下唔同味道既批同埋蛋糕先😊

這日在灣仔利東街附近行街，發現商場內有一間小小嘅餅店。佢哋售賣嘅餅款式唔係好多，但係好吸引😊😊😊欣賞這間店堅持使用日本原材料做佢哋嘅蛋糕及批😊橫掂行街都行得耐，我哋就點左兩個甜品，坐低一邊食一邊休息一下🐒🐒先講熱食嘅朱古力批，外皮好香脆，但係又唔會太油膩，裏面嘅餡料有香濃嘅朱古力，同埋卜卜脆嘅杏仁粒。趁熱食嘅時候好好味。之後我哋也叫咗榛子摩卡蛋糕。榛子味道香濃，朱古力同埋咖啡嘅味道啱啱好，此味道配搭組合唔錯。店內也有好多唔同嘅飲品可選擇另外間店都好窩心，為慶祝香港運動員獲得獎牌，佢哋都有唔同嘅優惠坐低食嘢嘅時候，都見到好多人外買佢哋嘅蘋果批！蘋果批出爐嘅時候真係好吸引，好香，我哋下次都要過嚟試吓先😊

早排行過利東街已經發現呢間主打青森蘋果批店，仲係日本直送，當時已經好想試，今日難得再出灣仔終於可以試下佢！店舖面積唔大，主打take away,但都有一張枱可以食下野，甜品除左有主打既青森蘋果批外，仲有幾款cake揀同飲品揀，價錢相宜。試一試佢主打青森蘋果批，雖然唔係現場食但都仲係微暖， 個批皮仲好脆，至於餡料部份，好fresh, 有一粒粒蘋果再配吉士醬，味道好夾，最欣賞佢甜而不漏，食多幾件都仲得。至於佢mocha榛子蛋糕比起蘋果批就比較遜色，mocha味唔算好突出，下次可以試埋佢其他味道！

喺利東街地下嘅甜品店，主要外賣，店內只有兩個位比堂食。但係隔離擺埋叉電線比客人用，都幾貼心！☕️🍰榛子摩卡蛋糕（$25）三層嘅咖啡味海綿蛋糕加上三層嘅忌廉，除咗口感上嘅層次分明，味道上都可以做到甜而不膩，忌廉嘅甜味比咖啡味嘅沈穩中和返，整體食落幾和諧。如果話一味死甜嘅朱古力似一班未發育完嘅野蠻𡃁妹，呢件蛋糕就似一個成熟知性而又不失童心嘅OL🍫🫔朱古力杏仁批（$35）外皮酥脆至極，手指一掂，最外層直接黐住咗隻手指，但又神奇地冇普遍糖衣嗰種lup黐黐嘅不適感，係個幾奇妙嘅體驗。味道上啲朱古力餡料份量唔少，啖啖都食到脆口嘅批皮混搭綿軟嘅朱古力————————————————#cocolotokyocakefactory Cocolo Tokyo Cake Factory (利東街) (灣仔)灣仔皇后大道東200號利東街地庫1樓B36號舖

經過咁多次，今日終於有機會試。佢款式選擇幾多，而且仲有咖啡飲。佢有加配優惠其實真係好抵，但今次我唔係糖食所以就冇揀啦。講到最出名就一定係蘋果批。今次當然係必試。見佢啲蛋糕都好吸引，忍唔住嗌多件。另外仲見佢有日本懷舊波子汽水添！雖然舖頭細細，但其實都有堂食。不過今日我就揀左take away。佢嘅蘋果批，分量十足，味道唔會太甜，而且可能係啱啱出爐，所以更加覺得好食。陣陣嘅蘋果香氣，好似去咗日本嘅清心咁樣。感覺好正！本身唔好食蘋果批嘅我都覺得好喜歡，連朋友都話好驚喜。有別於一般嘅蘋果批，唔會得個甜字，餡同酥皮嘅比例剛好。榛子莫卡蛋糕，味道好濃，size 剛好，唔會有too much 嘅感覺。下次有機會一定要再試過其他蛋糕同埋要再食一個蘋果批！

之前聽朋友講過有呢間日本糕餅店，在灣仔站行利東街出去合和行幾次，都對呢間店舖無咩印象，今日難得朋友話嚟我處下午茶，當然就要買些好食的糕點，再加杯靚咖啡嚟吹下水啦！突然記起有呢間店，今次特意留心去行，但都會唔過咗，再行返轉頭先見到，入到的裝修好簡約，兩個櫃⋯⋯一個放蛋糕，另一個就放批，今期有四款批，可惜栗蓉批無咗，轉了做檸檬批，咁就一於一個蘋果批、檸檬批再加兩件切餅啦！但在過程中又俾我見到栗子布朗尼蛋糕，就要多兩件啦！服務員好細心咁幫手入盒，仲會俾我睇下有無問題，幾好！蘋果批熱返之後，酥皮脆卜卜，入面的蘋果蓉唔太甜，配合個吉士粉，真的好好味，好值得再嚟一次！栗子布朗尼就出乎意料的好味！栗子蓉好香，下面的cream又好滑，重點係佢唔太甜，好適合做下午茶的餅，今次無選錯，太好啦！

夏日熱辣辣唔想行出街，所以如果搭地鐵都會行隧道出口，前幾日行過灣仔利東街地底嘅時候見到一間甜品店，見到有呢個日式甜品心喐喐就入咗去，舖面雖小但五臟俱全，有蛋糕亦都有批，而且都有兩個位畀客人坐低喺度食，喺門口見到佢嘅標牌寫住係招牌係日式青森蘋果批($33)所以就嗌咗一個嚟試，除此之外都嗌咗一個梳乎厘芝士蛋糕($25)，見佢都有唔同嘅嘢飲有波子汽水或者都有咖啡，不過就諗住都係食甜品就算，先講梳乎厘芝士蛋糕，凍冰冰嘅濃郁芝士配上軟淋淋海綿蛋糕，甜度適中，確實係消暑良品。然後試一試佢嘅青森蘋果批，佢哋放喺一個電熱爐入面保溫，所以食嘅時候都唔會變得凍冰冰，呢個批嘅酥皮層次好分明，而且好脆口，脆到有唔少碎碎都跌咗落自己件衫度，酥皮表面都係甜甜地，去到戲肉就係佢嘅青森蘋果肉，當中蘋果嘅唔會太甜，而且亦都有酸酸味味，食到真正蘋果味，蘋果亦有爽甜口感，所以食完個批之後唔會覺得好肥膩，除咗入面有青森蘋果肉之外亦都有吉士醬，濃密嘅口感可以加分，三樣嘢加埋都唔會覺得好肥膩，下次再去嘅時候會食下其他嘅蛋糕。

【首次嘗試 #青森蘋果批 】記得朋友曾經介紹這間在西貢的蛋糕店，想不到在灣仔和旺角已經開了分店了。坊間蘋果批的選擇很多，價錢平均$40或以上，剛好經過灣仔這一間來自日本池袋的手工蛋糕店，看到蛋糕5:30之後八折，除了蛋糕，更忍不住買了一件蘋果批呢。根據餐廳的資料，青森蘋果批選用日本青森縣蘋果製成，配上軟滑吉士醬。蘋果批一直放在保暖的玻璃櫃內，放在手中仍然感到微溫，蘋果批來的蘋果不會太酸，、也不會太甜，所以也不算太膩。不過外皮不算太酥脆，口感尚算豐富有層次。

父親節食乜好，帶爸爸食下甜品啦。行街意外發現既cocolo甜品，又幾正㗎。叫左個檸檬忌廉芝士批 Lemon Cream Cheese Pie，微酸嘅檸檬批味道幾清新，口感creamy又唔會太膩，芝士味都幾重㗎，食完好想再食多一個。而另一款純朱古力蛋糕 Pure Chocolate Cake，唔好睇佢外表冇乜特別，又唔算好多cream，但係佢質素都唔錯既，朱古力香醇又唔苦，亦唔會太甜，價錢只係25蚊，所以都幾抵食。

一直都好想去青森縣嘅奧入瀨溪流，同埋食去食當地嘅蘋果。經過呢間甜品鋪，正好可以過下口癮🤤青森蘋果批 $33外層酥脆香口，唔會太油，中間夾滿餡料，有蘋果粒同埋custard，蘋果粒酸酸甜甜，custard就creamy，口感同味道都唔錯👍🏻榛子摩卡蛋糕 $25榛子同摩卡嘅味道都夠香濃，忌廉順滑輕盈，蛋糕濕潤、唔乾身，口感都幾鬆軟spongy，當下午茶或者飯後甜品一流～作為蘋果批嘅fans，我下次會再encore！

日本嘅蛋糕店一向出名高質灣仔喜帖街嘅cocolo售賣日式甜品都幾受歡迎㗎青森蘋果批 Apple Pie 香脆酥皮包住粒粒青森蘋果青森蘋果 果香比較突出甜中帶微酸都幾特別㗎拎到返屋企焗熱嚟食外皮更香更酥脆Tiramisu蛋糕 Tiramisu Cafe Cake意大利芝士凍餅一打開包裝已經聞到咖啡香味咖啡配搭芝士係永遠唔會失手嘅配搭好滿足呀店舖裝修簡約環境都幾舒服㗎店員好有禮貌亦非常貼心食物cp值高值得再黎呀 haha

同友人行下利東街，偶然發現咗呢間日本甜品店，二話不說就入咗去睇！呢到嘅招牌係青森蘋果批，出面已經有大大個廣告牌，諗起出名優質嘅青森蘋果，真係令人流哂口水~青森蘋果批嘅外型好靚，而且金黃酥脆，令人好想咬落去。同朋友share，所以用匙羹but開，頓時一股蘋果嘅清香撲鼻而來，非常清新雅致。新鮮的青森蘋果切粒，混合吉士醬，係非一般嘅清甜，滿滿嘅幸福感湧上心頭！！咁好味都只係$33，真係性價比極高，相信呢款批將會係我少數想返轉頭嘅嘢食之一仲嗌咗個榛子摩卡蛋糕~層榛子cream厚薄適中，軟綿細膩，係高級嘢！蛋糕就係濃郁醇厚嘅咖啡味，完全冇偷工減料，都係唔錯嘅一款cake！

講真呢個日本直送青森蘋果批好多朋友食過都讚不絕口，今次終於到我試下啦😋😋🎈 青森蘋果批 $33比完錢拎上手既時候熱辣辣，酥皮非常鬆脆，手指大力d都會將佢壓碎😂😂酥皮入面包住甜帶少少酸既蘋果肉，仲有少少吉士，肉桂味唔重，簡直就係我最鍾意食嘅蘋果批味道😋🎈栗子蒙布朗 $28店員好貼心，叫我哋要趁熱先食蘋果批，栗子蒙布朗可以放一陣室溫會更加好食😋😋面頭既栗子蓉好夠栗子味，放軟左食更加幼滑👍🏻👍🏻店入面仲有多種口味既波子汽水，平日喺香港比較少見嘅款式。另外，店內仲好貼心提供電話叉電器，唔單止餵飽自己，仲餵飽埋部電話🤣🤣