Cocolo Tokyo Cake Factory (利東街)

Open Now

Now Closed

媽咪一向鍾意食蘋果批，經朋友介紹灣仔利東街地庫商場，有一家由日本直送嘅青森蘋果批非常美味，放工就約埋阿媽一齊去食蘋果批😋。店舖係地庫商場，都好容易搵倒，店鋪有一個專門放批嘅專櫃，另一邊就係放精美嘅蛋糕櫃，一冷一熱分配得好好😆⋯⋯門口仲有一個飲品凍櫃，對面放左兩張小圓枱，可以供客人即時享用食物。😋日本直送青森蘋果批 - 係酥皮批黎，正到爆，酥皮層層疊疊，互相交疊，一口咬落去，清脆聲即時係耳旁響起😆，可見非常鬆脆😋，入邊酸酸甜甜嘅青森蘋果粒同吉士奶油係口腔互相交融，整體味道balance得非常出色。😋純朱古力蛋糕 - 濃郁嘅朱古力味道，非常鍾意，配搭上鬆軟嘅海綿蛋糕，唔太甜。😋梳乎厘芝士蛋糕 - 梳乎厘同芝士蛋糕混合體😆，平時食梳乎厘總覺得似食左陣風咁😂，呢款就有番啲質感，入口濕潤，芝士味濃，呢款都係非常出色👍🏻。

Cocolo開在利東街B1，地鐵Exit出兩分鐘就可到達他們一直都在做買五送一的優惠。買五個蘋果批就送一個別款口味的批，除返開都不用$30一個別款的我選了日本甜薯批，味道也是還不錯的，能吃到蕃薯蓉，外皮塗了蜜糖讓批更甜更脆，不過個人覺得有點膩相較之下主打的蘋果批還是較出色，裏面的蘋果很香很新鮮，吉士醬也令批更香甜。放隔天再烤熱，外皮依然很鬆脆總體也喜歡他們的批，個人十分推介蘋果批，值得一試

Happy Friday 食完Lunch想食甜品，就去利街地庫睇睇。未行到舖頭已經聞到陣陣的蘋果香味啦！🍎🍏現場有兩張high table可選擇堂食，但可能因為我們撞正Lunch hour，所以店面都擠滿了人，我們還是外賣。兩大個廚櫃，放滿了各式各樣的批和蛋糕，🍰🍮🍨🧁其中有一款蒙布朗系列的蛋糕好靚呀！揀咗好耐終於商量好點2款甜品，當然有Signature的青森蘋果批，同埋榛子摩卡蛋糕。服務員好細心將蛋糕放在獨立的盒仔，所以唔怕一路行一路撞爛個蛋糕。回到公司已經急不及待拆開，青森蘋果批重熱辣辣，打開紙袋蘋果味衝出來，果然跟招牌上的形容一樣，外皮鬆脆，內餡是帶有點點酸的粒粒蘋果肉和吉士醬超級夾，唔會好甜，口感仲好清新！半個係唔夠LOL！！🥰🥰由於青森蘋果批帶比我們的驚喜實在太大，所以再嘗榛子摩卡蛋糕時就沒有十分興奮，但蛋糕是十分鬆軟，榛子摩卡夾層不會太甜。🤤

青森蘋果批好清新啊🍎1. 蘋果批 $33個餡係幾fresh 好有蘋果味 應該用左富士蘋果整 所以幾清甜 佢應該冇點落肉桂粉 唔算好重肉桂味 反而有吉士醬 所以甜甜地 個皮都幾酥脆 牛油味香 唔錯2. 紅茶奶油蛋糕 $25紅茶味幾濃幾出幾好味 仲有啲茶葉點點見到 證明真材實料 不過味道偏甜 口感比較乾身 好在面頭有啲開心果碎碎增加口感 幾好 呢個價錢 細細件咁食個tea都唔錯Overall推介指數：4/5店鋪都幾多唔同批同蛋糕嘅選擇 如果食tea 路過想試下呢到嘅甜品 都係品錯嘅選擇

平日行過呢間位於地下街嘅日式甜點店都聞到香噴噴。舖面感覺簡約好日系，放晒啲蛋糕同批，好吸引。今日終於有機會買個招牌青森蘋果批同埋香橙芝士蛋糕做下午茶。原來蛋糕都有好多款式！青森蘋果批$33 拎上手暖烘烘，聞到好香，酥皮幾脆，內餡有蘋果同吉士醬，咬入口酸酸甜甜，唔錯！如果即場食應該仲好味！香橙芝士蛋糕$38有點出乎意料，原來係雪喺冰格，食入口有橙香，芝士味淡少少，但口感好特別，有啲沙冰感覺，好清新。下次經過會encore蘋果批！

我之前去西貢行既時候，有途徑Cocolo Tokyo Cake Factory，個時已經想食蘋果批，但因為某啲原因無食到。最近知道原來佢係灣仔有分店，今日去開灣仔，一於順道去幫襯下。店舖環境舒適，有兩個座位可以買完即場食，或者外賣都得，我就外賣啦。除左蘋果批，仲有其它批類、蛋糕、飲品賣。我外賣左蘋果批，再揀多件蛋糕當下午茶食。青森蘋果批$33一個，望落好似唔大個，但食落其實一個都幾大，因為入面充滿蘋果粒粒同吉士醬，每咬一啖，吉士醬就會滿瀉出黎。酥皮夠酥脆，內餡甜度適中，蘋果粒粒酸酸甜甜，幾好食。榛子摩卡蛋糕$25一個，唔算大件，但作為下午茶就好足夠。蛋糕口感鬆軟而且濕潤，忌廉亦好輕盈，呢個價錢有呢種質素相當唔錯。

有日喺囍帖街內超級市場閒逛後，突然聞到一陣好香好香嘅蘋果味🍎 即刻周圍搵吓係由邊度傳出嚟先！見到大大個綠色招牌，就被蘋果香味吸咗入去🙈嘩！好多甜品，仲要係日本直送！唔理啦，一定要叫兩件回憶下日本嘅味道🤤酥皮批同西式甜點都有好多選擇，花多眼亂😅舖頭入面仲有兩個立食位置，可以即叫即食，我哋梗係選擇即場嘆啦😌青森蘋果批($33) 拎上手係熱辣辣，超超超香蘋果味，咬落去酥皮係少少甜脆卜卜🤤批入邊仲有好多清甜嘅蘋果肉，加埋秘制custard，食一個真係唔夠喉🙈🙈同行朋友係朱古力控，店員極力推介朱古力蛋糕🍰朋友話超正，係生朱古力嘅質感，軟綿綿又香濃，如果唔係怕肥一定叫多件呀🙈依家仲有優惠，帶返公司happy share都好抵呀！

Passed by this shop and tried their signature apple pies as they promote their apples are from Aomori, which is most famous places in Japan for their apples. The pastry was hot and flaky and there was plenty of apple. However, I find their custard a bit too sweet and overpowered the sweetness of the apple. Other than that, it was quite good.

今日行經灣仔利東街，發現地庫有間來自日本東京既日式甜點店，店舖細細間，除了有主打批外，都有日式蛋糕同咖啡賣，滿足甜品控。堂食得一張枱，所以建議外賣返去就可以慢慢享受。難得泥到點都要食呢度主打招牌青森蘋果批，佢岩岩岀爐仲熱哄哄，酥皮香脆，入口鬆化，一層一層，層次分明，內裏餡料豐富，唔會好油膩，有滿滿吉士醬，甜度剛好，再特別用上青森蘋果粒，清甜不膩，果然係大師級製作！蛋糕都有好多款，真係花多眼亂，最後我要左梳乎厘芝士蛋糕，日本芝士蛋糕嘅賣相，都係較輕盈，蛋糕入口軟滑，好似食緊梳乎厘咁，同食到淡淡芝士味，果然日本甜點係信心保證，食完嘆返杯咖啡剛剛好。

經過呢度，成日都想試呢間。通常啲蛋糕店，佢哋都會Sell佢哋嘅蛋糕，但係呢一度係蘋果批，好特別，除咗蘋果批之外原來仲有其他批，而我就試咗甜薯批，同一個清新嘅蛋糕。佢有蘋果批， $33 ，都有甜薯批、朱古力批等嘅其他批， $35。仲有蛋糕，都係由日本空運直送過嚟，每件size唔大，作為甜品一份量都岩岩好。佢仲有一個五年保存期嘅蛋糕，都好想試呀。入面都有簡單嘅位置可以坐同叉電。除咗蛋糕之外仲有咖啡㗎。佢仲有其他嘅set，不過我今次淨係買蛋糕同批。（1）甜薯批， $35。你會見到佢嘅酥皮一層層鬆軟脆口，最外圍都係有啲糖粉，個皮其實有啲似蝴蝶酥，裏面嘅甜番薯，係橙色薯，勁香甜。（2）香橙芝士蛋糕， $38 ，賣相非常吸引，外面嘅橙色皮薄薄地，裏面係芝士慕絲嘅輕柔質感，重重嘅芝士忌廉味。食嘅時候，芝士部份好快就熔喺口入面，而你咀嚼嘅時候香橙片就會瀰漫着果香，所以係一個清新嘅蛋糕啊。總括來講，個批同蛋糕係好食嘅嘅，酥嘅份量大大嚿，蛋糕偏細，價錢包日本直送，所以偏貴，但一次半次嘅話，可以試吓。性價比我會畀7/10。

約咗朋友喺灣仔dinner，我太早到咗灣仔，唯有自己周圍行吓，行行吓見到呢間寫住青森蘋果批，鍾意食蘋果批嘅我覺得好吸引，就買咗一件批同一件蛋糕試吓啦。青森蘋果批$33蘋果批嘅外皮好鬆脆，入面有好多一粒粒嘅蘋果肉，食落好清甜，仲有啲custard喺入面，味道豐富，好好食。坐喺度食嗰陣，望到佢寫住係喺日本人手製造再日本直送過嚟，難怪咁好食。疏乎厘芝士蛋糕$33我鍾意食疏乎厘，又鍾意食cheesecake，但呢兩樣甜品變成一件甜品就未試過。呢個cheesecake比起普通嘅芝士蛋糕濕潤同埋鬆軟好多，有啲似疏乎厘嘅口感，再有芝士嘅香氣，幾好食。

聽朋友講係灣仔利東一帶有日本直送既蘋果批，口感好又好味，今日放工得閒就去睇睇啦批既口味都唔單調～蘋果批閃閃發亮日本青森直送既蘋果批蘋果派：外皮香脆既程度同牛角包一樣，一咬就輕易分離。派裡面既蘋果內餡酸酸甜甜好開胃，太好味兩口就食完成個派都好有內涵，唔會好似出面既側重肉桂味而係食到蘋果自然既酸甜味道朋友就揀咗朱古力蛋糕：蛋糕忌廉同蛋糕既比例合適，入口蛋糕好輕身同滑口既忌廉做到豐盈既效果，甜度都岩岩好，朱古力味濃，岩曬朱古力甜魔。如果可以大件少少就好

每日經過灣仔利東地鐵站，總是被那種酥皮味吸引，香氣撲鼻，而且裝潢簡潔。店內有兩個櫃，一邊是各款蛋糕，一邊是必試的青森縣蘋果批，還有飲品櫃。花多眼亂，於是選擇一件批，兩件蛋糕外賣帶回家中與家人分享。蘋果批 $33青森縣蘋果批是日本製造及直送，大小如手掌一般，切開一半是滿滿青森蘋果及吉士醬，外皮鬆脆，甜甜地之餘不油膩。純朱古力蛋糕 $25香純朱古力配上軟綿綿的蛋糕，感覺很幸福。喜歡它有種少少苦澀。榛子摩卡蛋糕 $25榛子味很濃郁，加有咖啡香，配埋一杯茶，感覺置身如high tea一樣。

個日去利東街附近行下，點知突然落雨，即刻落basement避下，竟然俾我發現呢間cake shop有「青蘋果批」！🤩🤩🤩蘋果批一直都係我嘅至愛，今次仲要係酥皮面，點可以唔試？！🤪🤪 佢哋好窩心，一直熱佐d批，拎上手仲係熱熱地，好期待呀！！由於約咗好姊妹見面，我買多佐一件士多啤梨cheese cake 俾佢。🥰店長好好人，見我買佐一件凍、一件熱既餅，分開兩個盒俾我，仲加個手挽紙袋等我拎得方便d添！so nice 😘👏🏻👍🏻 by the way, 睇下個「青蘋果批」外賣包裝，仲有專用貼紙，wow wow wow🥳🥳🥳 個批皮好鬆脆，雖然係酥皮，但入口又唔覺得油淋淋👍🏻裡面既custard 同蘋果蓉實在太match啦，食一個好似唔夠喉添😂😂😂😂oh, 我姊妹話個strawberry cheese cake 好清新，唔會好heavy, nice pick wor 😎😎😎仲有好多款餅，下次試下唔同款先！😜

之前呢係西貢已經食過呢間嘅蘋果批，知道佢大名響噹噹！！標榜啲蘋果係來自青森県咁啱呢幾日屋企有人生日，身為日本迷嘅我， 我想食日本嘅甜品，平時喺灣仔返工經過呢度， 成日聞到佢啲酥皮嘅香味， 已經心思思想食！！！咁今日嚟到就買咗佢嘅招牌蘋果批！😆一拎上手熱辣辣， 佢間鋪頭細細， 但仍然擺咗兩張小檯子， 方便畀乘客即場品嚐， 真係一個好好嘅設計一聞落去好清香， 酥皮好脆， 拎上手熱辣辣， 完全唔會有 擺凍咗而產生嘅肥膩感覺， 係愈食愈想食！！蘋果亦都唔會有死甜， 完全係好天然嘅味道！除咗呢樣，我亦都賣咗佢梳乎厘芝士蛋糕， 我不嬲都好鍾意周圍去食芝士蛋糕，佢個芝士味好濃又大啲creamy, 入口好順滑份量又適中! 今次我係外賣嘅, 如果下次堂食呢，我會試埋咖啡， 簡直就一流