Coffee Break (TKO Gateway東翼)

Open Now

Now Closed

南瓜湯帶來了濃郁的秋季風情。湯的質地綿密，口感絲滑，搭配著南瓜香氣的散發，讓人彷彿置身於金黃的秋日森林中。每一口都能感受到南瓜的自然甜味，心曠神怡。白酒蕃茄煮青口配香草包，新鮮的青口搭配著豐富的蕃茄湯汁，散發出誘人的香氣。香草包更是提升了整道菜的層次感，能品味到香草的香氣和青口的鮮甜，回味無窮。香煎紐西蘭羊架經過精心的處理和煎烤，肉質鮮嫩多汁，外皮則煎炙出了金黃的色澤和香氣。每一口入口都帶來濃厚的肉香和微妙的香料風味，難以抗拒。龍蝦汁海蝦忌廉意大利粉令人驚艷。鮮嫩多汁的海蝦搭配著濃郁的龍蝦汁，與忌廉意大利粉完美融合。每一口都能感受到龍蝦的鮮甜和忌廉的滑順口感。火焰雪山為這頓盛宴畫上了完美的句點。巧妙的火焰表演在雪山上綻放，彷彿是一幅藝術品。入口後，舌尖瞬間被柔滑的冰淇淋和蛋糕所包圍，帶來甜蜜和煙燻的交織風味。

二訪Coffee Break, 抵吃晚市二人套餐將軍澳之友, 無飯情侶, 近近地又再次光臨$368有扒有意粉, 仲有前菜, 餐湯, 甜品及飲品你話係咪超值丫, 自己煮都唔止呢個價, 仲要用好多時間去準備同洗碗!所以2個人出去食係有著數咁啱坐咗起冷氣位, 有d凍, 所以點咗杯藍莓果粒茶平時鐘意飲d帶甜味嘅花果茶, 雖然味道帶甜, 但飲落口係無甜味, 不過店主都好貼心, 附上一小杯蜜糖來迎口大家口味!記得上次都係點"二人晚餐", 今次menu已經轉咗少少餐湯是南瓜茸湯, 先來個熱身, 湯是杰身, 是真材實料 (不過忘了影相)然後點返上次也吃過的前菜 羅馬生菜配煙三文魚依然都係好大份及擺盆精美, 半棵羅馬生菜上面仲有煙三文魚, 流心蛋, 車厘茄, 面包粒, 勁豐富如果我一個人食哂呢份都飽咗男友無牛無肉不歡, 所以扒類會以牛為先 美國安格斯肉眼扒唔好以為二人餐咁嘅價, 會比d劣質貨客人, 大家睇相就知有賣相都有質數, 看看旁邊的伴菜, 一點都不求其, 是有排序過的, 看似一束花, 很精緻!外邊帶點焦脆, 肉質夠腍嫩松子仁青醬帶子意粉一上檯就傳出好香嘅羅勒草氣味我鐘意食呢度嘅意粉, 佢唔係求其起

今次我食咗個Burger，真係好遺憾之前錯過咗咁多次！佢應該係我人生嘅美味西式快餐嘅好味之選！話你知，今次叫咗漢堡包，佢應該用咗靚嘅牛肉，肉質Juicy到爆，一咬落去，流晒啲美味嘅肉汁出嚟！同埋佢嘅醬汁，唔好小看佢啊，配埋牛肉，就係一對無敵組合！真係食到我嘅舌頭舞翻天，肚腹都係開心跳舞！總括而言，呢個Burger真係好好味，收埋喺領匯商場入面，好容易會走漏眼，大家唔好錯過啦，食完就有啲靚靚嘅回憶，下次再試吓其他美食

今晚約了友人坑口晚飯，友人係嚟一帶地頭蟲，當然識得去搵食。帶我去了一間文青餐廳，裝潢設計時尚，有輕歌妙韻，環境好舒服。晚市套餐有很多選擇， 一向喜歡食肉類，點了安格斯肉眼扒餐。餐湯係磨菇忌廉湯，質感濃稠，濃香菇味。主菜肉眼扒上埸了，那脂香樸鼻而來，另人唾涎。肉質軟腍，肉汁滿溢，啖啖肉香。伴碟雜菜色彩鮮艷，有營健康。水蜜桃果乾茶茶香飄來，特別醒神。喜歡的話可加少許蜜糖，但我個人喜歡原汁原味，清香好飲。

Coffee break晚市有一個超抵食嘅$368二人餐，真係好抵又好味！呢個套餐包括一款前菜、一款主菜、一款意粉或燴飯、兩個甜品同埋兩杯飲品。套餐我哋自選咗以下幾款：Starter: 烤羅馬生菜配煙三文魚Main: 香煎美國安格斯肉眼扒Pasta: 龍蝦汁海蝦意粉Desserts: Tiramisu Drinks : Mocha☕️ / 青蘋果綠茶🍏烤羅馬生菜配煙三文魚好大份，烤棵羅馬生菜🥬清脆口感同三文魚嘅鮮味相融合，食落好開胃。然後，主菜我哋揀咗香煎美國安格斯肉眼扒5成熟。美國安格斯肉眼扒係一道經典菜式，肉質有香烤味。幾juicy ，煎得恰到好處。另外，我哋揀咗龍蝦汁海蝦意粉。意粉吸收咗微微龍蝦汁嘅風味，幾香。是日甜品係Tiramisu。幾香滑。飲品方面我哋揀咗Mocha同青蘋果綠茶。Mocha有濃郁嘅咖啡香氣同朱古力味道，而青蘋果綠茶好大杯，清新又解渴。

👧🏻😋👅🍽✨Take a good break😌-Coffee Break🇭🇰 將軍澳坑口常寧路2號TKO Gateway東翼1樓E169-E170號舖 🇭🇰 -🍽領展商場餐廳性價比極高, 但裝修同時超靚, 紅磚木牆配雲石枱, 地方都好大, 仲有少量外面位置更開揚🍽二人/四人餐超抵食, 另外都有好多選擇既a la carte menu; 雖然當晚都多客, 但收碟加水都好勤快!-🍱Set for Two $368✔️Starter 三選一✔️Daily Soup 兩份✔️Main Course 三選一✔️Pasta / Risotto 一款✔️Daily Dessert 兩份✔️$30飲品兩杯 (可補差額選特飲)-🥗意大利火腿拼凍肉拚盤💯比我想像中大份好多, 三款凍肉都有三四塊, 另配鬆脆蕃茄麵包同新鮮沙律菜-🎃 南瓜湯✨香甜濃稠, 有南瓜肉, 仲有蒜蓉包粒, 乾食同浸左湯濕食都好味-🥩 香煎美國安格斯肉眼扒💯五成熟肉質鮮嫩又夠重油脂, 配上焗蒜同岩鹽更加滋味-🍲酥炸雞球蕃茄燴意大利飯✨雞球炸粉夠薄身, 燴飯充滿芝士碎, 香菇同蕃茄好鮮甜-🍹特飲💯Chocolate Smoothie可以揀一款糖漿,

📍Coffee Break🇭🇰 將軍澳常寧路2號TKO Gateway東翼1樓E169-E170號舖好少見到商場有可以室內帶狗狗去食嘅餐廳咁狗狗當然係要坐車唔可以落地但都已經好好 夏天唔洗熱🤣同埋佢食物質素都唔錯所以我同屋企人成日都會嚟😆😆😋 Set for four $688呢個set都幾抵勁多嘢食好飽！Starter- 烤羅馬生菜 配煙三文魚呢個幾好食！好豐富- 烤腸拼盤 配薯蓉酸菜呢個一般 啲火腿有啲餡- 白酒蕃茄青口 配香草包呢個好食！青口大大隻啲麵點啲白酒番茄醬好好食- 精選餐湯磨菇忌廉湯 幾濃Main Course- 香煎西班牙橡果級黑毛豬煎得好香～都幾大塊肥瘦適中！好味！Pasta & Risotto & Pizza- 蜂蜜芥末烤雞芝士薄餅呢個冇乜特別 啲醬有啲甜 少少漏- 松子仁青醬帶子意粉呢個係好食嘅青醬！！帶子都好食Dessert- 精選甜品有朱古力蛋糕同埋佢新出嘅叫水上明珠🤣🤣都幾好食 佢係大菜糕？無味啫喱狀嘅物體配咗黃豆粉同埋黑糖汁朱古力蛋糕就正常嘅味道 冇特別Drinks- 香蕉乳酪呢個幾好 足料- 抹香奶茶- 抹茶拿鐵呢兩個就偏淡

餐廳要求客人喺門口排隊等入座，安排得好嘅話係OK，大家公平地按先後次序入座。 平時等得耐， 都預左。餐廳開業咁耐一直有幫襯，想支持街坊小店。今日黎到，有三四枱客等入坐。 排隊等左大約十五分鐘。 女侍應就出黎門口，當然唔係安排我地入座， 而係迎接喺舖頭外2位，完全冇排隊，施施然直接行入餐廳既「客人」。 2位「客人」同女侍應係大門口寒暄兩句就直接入座，過程冇核對預約名稱電話，明顯係認識既「留位」，而唔係正式既「預約」。排隊等候既人都目睹情況，最前兩枱客直接走。喺咁多客等緊既情況都可以俾朋友打尖入座。好心餐廳冇心做街客生意就唔好要人浪費時間排隊， 直接做私人會所只招待朋友咪算。

星期六下晝同咗朋友去坑口分店食下午茶，嗰間分店烏蠅問題好嚴重，初初有一兩隻都算都忍受到，但後嚟發現有5 6隻不停圍住我地啲袋、食物、我地個人。最離譜係不下兩三次痴係小朋友同食物到，我地仲拍死咗一隻喺枱之後即刻同啲staff講。但我地覺得啲staff聽到之後完全唔驚訝，話幫我地轉枱同換過碟食物，但碟食物出到嚟除咗啲菜之外其他原封不動冇郁過另外，我以前去食嘢嗌嘢飲都會嗌走甜，出嚟嘅份量都正常，但今次同朋友嗌走甜嘅嘢飲出到嚟好似俾人飲咗一啖咁。同staff反映返，結果得出嚟嘅答案係話走甜嘅話出嚟嘅份量相對係會少啲，但講緊嘅少啲係少成寸嘢飲(?)😹😹我覺得如果我係嗌少冰就話啫，嗌走甜都要少成寸份量？好可惜我同朋友當時都嬲嬲地冇影低到，如果唔係你地可以睇到有幾誇張🙂以前好中意去旺角嗰間分店食嘢，我本身住坑口，知道坑口開咗分店我都好開心。可惜嘅係坑呢間分店體驗好差，一次衰過一次，最失望嘅係啲staff處理投訴嘅手法拎到我地都覺得唔會想再嚟幫襯評分嘅服務，衛生真係一粒星都唔想俾！

之前都嚟呢間食過4-5次，覺得環境唔錯嘢食okay價錢又唔貴，但不嬲都無咩服務，通常都係自己搵位坐低，不過靜靜地坐下係唔錯既。好啦，噚晚同呀女老公去食，因為揀咗角落頭位置，坐低好耐都無人行埋嚟落單，呀女就大聲嗌”唔該”，都係大聲咗少少既，我都即刻笑笑口講”唔好意思，想落單”，然後我哋各自講自己食既嘢，好快我同我老公食既飲既都嚟哂，慢慢食咗大半呀女個意粉都未到，就請另一個侍應幫忙睇吓有無落漏單，佢check完轉頭過嚟有啲尷尬咁問係咪蜆肉意粉，我話係呀，佢就話廚房而家整，然後又等左10分鐘，附近幾檯遲過我哋嚟既嘢食都上哂，我哋又再問個侍應係咪無落單，個侍應好驚咁話問下先，但係無返轉頭答我哋既，再等咗10分鐘碟意粉終於到喇，呀女已經無哂mood但都要食啦，佢話啲蜆味道怪怪，所以淨係食晒啲意粉一粒蜆都無食，我亦唔想同佢哋嘈，漏咗單又好，有其他原因又好，都解釋下點解要等咁耐丫，我哋食完即刻行出去埋單，呀女都有再問收錢個哥哥仔係咪漏咗單定點，佢求其答話部機short咗，唔知點解佢碟意粉出唔到單，但我哋追咗兩次喎。以後都唔會再幫襯！

見呢間餐廳好評咁多, 裝修環境又唔錯, 平日6點就去食, 當時餐廳都係得兩三台客, 上菜時間竟然用半個鐘先上第一碟🤯後來見客人開始多, 遲黎既客人都已經陸續上菜, 留意到叫set dinner既都好快上菜, 難道散叫廚房就冇預備? 咁menu就只拎set dinner出黎就夠😡而且除左梳乎厘班戟好食之前, 其餘食物都好一般。蜂蜜芥末烤雞芝士薄餅 $96等左咁耐上既第一碟, 應該都係剛焗好熱辣辣, 但竟然係得少少暖, 蜂蜜芥末醬味道唔錯, 雞肉都唔鞋, 唯獨係溫度問題😩酥炸雞球蕃茄燴意大利飯 $79炸雞球炸到好乾, 味道有D似急凍雞球⁉️而意大利飯好濕, 米亦唔似係意大利米, 味道食落蕃茄味偏酸, 似食緊中式湯飯。原味梳乎厘班戟 $62食完正餐, 呢個甜品又得左廿幾分鐘, 全餐最滿意既食物。蛋香味好濃, 入口即化🥞加上牛油同楓糖經典配搭已經好好食。

牛油果墨西哥辣椒醬芝士安格斯牛肉漢堡配薯條這道菜品擁有豐富的口感和層次，煎熟的漢堡肉餅口感鮮嫩多汁，牛油果和墨西哥辣椒醬提供了酸甜和微辣的味道，芝士和洋蔥為它們增添了豐富的口感。薯條是絕佳的配菜，可以增添一些額外的口感和酥脆的口感。

#旺角美食 #油麻地美食Do you need a @coffeebreak_hk ☕️食飽又想同朋友搵個地方坐低傾下 就入咗呢間 #coffeeshop 環境都好舒服我哋嗌咗杯#latte 同#水蜜桃 果粒茶 latte個#拉花 好靚呀💮果茶浸咗陣非常入味！又唔會太甜🍑📍 Coffee Break旺角通菜街2Q-2Z號鴻輝大廈地下4號舖將軍澳常寧路2號TKO Gateway東翼1樓E169-E170號舖#hkig #hkfoodpics #hkfoodie #hkfood #hkfoodblogger #cafe #coffeeholic #tea #teatime #chill #chillvibes #旺角美食推介 #油麻地美食推介 #旺角食極唔肥 #油麻地食極唔肥 #將軍澳美食 #將軍澳美食推介 #將軍澳食極唔肥

我地兩個都好鍾意去啲cafe hea下，飲杯咖啡傾下計，互相同大家講下呢個禮拜嘅趣事同煩惱🤍見到呢間叫Coffee Break好似可以take個break🤭就入左去試試🥰🌶️蒜香辣椒雞肉意粉 ($76)蒜味好香，辣味都好夠，好開胃🤤諗起都想食😍意粉軟硬適中😊雞肉就有少許嚡，但係可接受😬🦞龍蝦汁海蝦忌廉意粉 ($96)第一啖食落已經食到龍蝦味🤩但食食下就覺得蕃茄味有少少搶左龍蝦味😂汁好creamy，意粉軟硬適中，蝦都有4-5隻，爽口彈牙☺️🍟黑松露薯條 ($32)薯條份量都好多架，粗幼中等，坊間有兩款size 大家應該都食過，呢度就介乎二者之間😬黑松露醬都好正😍仲有黑松露粉添🤭☕️Cappuccino (餐+$8/$12 ➡️熱/凍)Lunch set包一杯$30嘅飲品，其他就再加錢😬我地兩個都叫左Cappucino，無論凍定熱，咖啡味都偏淡，不過拉花好靚🤍總括嚟講，呢間Cafe嘅價錢比起其他算親民，想坐底簡單食下或者傾下計，都係好選擇☺️👀題外話；餐廳嘅歌幾好聽，有周興哲有林俊傑，但係播得都幾大聲🤣如果想搵個好安靜嘅環境就未必適合啦😎♿️♿️坑口站A1出口地面，過對面馬路就係TKO Gateway，

今次帶咗午餐餐牌嘅套餐，個lunch set都叫抵，加$30會送埋一杯嘢飲（特飲就補返差額）雖然個商場唔吸引，但入到間餐廳好似去咗第二個地方咁，紅磚牆身🧱、雲石紋餐檯，再加埋啲黑白色嘅cushion，有一份Chill得黎又有一份休閒感。Wraps煙三文魚配、牛油果、番茄、羅馬生菜、香草醬呢句wraps又意料之外嘅好食，多菜無肉少carbs。最適合啲健康ol/港女。Burgers牛油果墨西哥辣椒醬芝士安格斯牛肉漢堡配薯條本身諗住佢係Cafe形式，對個burger都無咩特別期望，但係點知嚟到都有surprise，好大個，如果細食嘅女仔真係要share。仲要未計啲薯條。Yogurt drink 雜莓乳酪個雜莓乳酪好fresh，雖然係沙冰咁樣但都唔會話成個感覺好冰。