咖啡空間

Open Now

Now Closed

放飯時間利到公司附近的城市花園商場找個地方食午餐，行過有間《Coffee+Space》咖啡空間位於商場一樓，吸引我的當然是咖啡，它曷自家炒豆有自己house blend ,產生主要來自哥倫比亞、瓜地馬拉及埃塞俄比亞，起初我都以為果酸重 ，不過就是相反，飲落厚醇帶朱古力感，微苦中後有微微果酸的餘韻，感覺都舒適。地方空間都寬敞，原來這裡有 live band, 點餐要到水吧落單付款，我選擇了一份午餐$60，另加杯long black$12,價錢都算中位，店員給我一個等候鐘，響起時客人自行到水吧拎食物。午餐包了一碗餐湯，是日餐湯是甘筍湯，溫度就晤夠熱，味道都淡，主食選擇蒜辣清酒海鮮意粉，辣度都適中，海鮮有蜆肉、魷魚、蝦米，意粉都煙韌嚼勁，對我這位咖啡控，最緊要是一杯好咖啡飲

間唔中都會黎coffee space食lunch 因為覺得$60有餐湯+主食+飲品 幾抵~~今次黎到覺得人流多左 我估係因為多左手足支持💛講下今次食左咩啦💁🏽‍♀️香草牛油忌廉汁配吉列龍脷柳飯 sauce非常之濃稠 諗住等埋同事個餐先食 見證個source越黎越’杰’🤣香草牛油忌廉汁呢個名有d冗長 我覺得用白汁就概括到呢個sauce🤭蕃茄忌廉汁海鮮意粉🍝海鮮有魷魚🦑 蜆肉等等平日鍾意食白汁意粉多d既同事覺得呢個sauce調得幾好 蕃茄sauce有忌廉既加乘 有微微酸味又掛到上意粉🍝一入店就覺得名符其實 聞到濃濃咖啡味 而我既飯腳同事係咖啡愛好者 就忍唔住叫左杯🤭手沖咖啡☕️ Honduras (主食+咖啡: $120)頭5分鐘聞到木瓜味 飲到酸酸地既味道隔一陣之後既味道比較nutty d 苦澀d~~最後一啖係有陣百香果味! 如果好似我咁 唔飲得咖啡 就可以揀佢既花茶 (+$0)花茶都有得揀冷/熱架!是日花茶👉🏼 山楂菊花茶 山楂味比較重 有種消膩既感覺😌整體黎講💁🏽‍♀️食物中規中矩 人流多時 等侯食物既時間會比較耐雖然手沖咖啡需要再等多d既時間 但係好野係要等既!感受到呢度既咖啣非常有誠意

同朋友想搵d平靚正嘅地方食餐飯、傾下計，最想就係唔會比人趕走。經IG見到有人講呢間樓上cafe，見到好似都幾正就試下呢間cafe係自助形式嘅，自己去櫃枱落單、拎野食就得。Cafe環境都幾大，坐得好舒服而且cafe有同埋d藝術團體有份合作，將唔同作品展出販賣，所以都幾岩真文青黎打卡架～餐廳空間大及配有藝術作品展出同朋友一人一個餐，包餐飲、餐湯，咁多野包晒先$60蚊一個餐，真係抵到爛我地叫左個香草忌廉雜菌意粉同埋日式金菇肥蛋飯。個香草忌廉雜菌意粉黎到，望落個樣都幾吸引，不過佢似蕃茄汁多過忌廉汁。個意粉都多汁，而且都掛汁，雜菌份量都唔算少，所以都中規中矩香草忌廉海鮮意粉餐至於個日式金菇肥牛飯就味道比較遜色。佢個汁比較甜，似日式燒汁味，但由於太多汁，所以搞到個汁多過飯。肥牛咬落又比較韌，所以只係值三粒星日式金菇肥牛飯餐不過cafe環境真係一流，坐左幾個鐘都冇比人趕其實cafe係港島位置，都仲收咁平已經好難得，最難得係仲要有得任坐！所以就算正餐味道還好，我都會再比多次機會佢而且見到d cake好似都幾ok，所以下次黎都可以叫cake試下Cafe出售多款甜品Cafe drink menu

Cafe係商場入面，位置有少少偏僻店面不太起眼令人毫不留意地經過，但實質內有乾坤環境寬敞舒適，裝修展示了很多藝術作品，有部黑膠碟機、咖啡用品手工藝畫區，定期舉辦文化活動、Live music show🤟🏻 係北角繁忙的十字路口上一間隱世文藝咖啡店，好適合同朋友靜靜地嘆咖啡聊天，甚至坐低睇書溫書。💛黃店認證：8.5、11.11、11.13罷市。✨跟餐配送是日餐湯及紅茶～ 供應時間：1130-1430 & 1730-2030如果想抵啲食三文治蛋糕，可以選擇下午茶🥣餐湯-西蘭花忌廉湯重西蘭花味不過唔夠忌廉，加得太多水稀稀地唔夠濃郁creamy。👓卡邦尼意粉 跟餐$60多煙肉蘑菇和有半隻真係流心嘅溏心蛋，滿滿嘅忌廉同加咗芝士，個醬汁好creamy同稠身，明顯比較重忌廉奶味，味道都幾濃郁少少漏，不過係好食！意粉量適中唔算好多，不過偏漏、有餐湯飲品食完都飽嘅，但大食啲嘅人同男人可能未必會真係太飽。評分：7.5/10👓黑毛豬配溫泉蛋飯約五塊黑毛豬切片，有厚度唔會太薄，明顯見到一層瘦肉一層脂肪，肉質淋唔韌唔羶，配上半隻溏心蛋和洋蔥日式燒汁，撈飯正，不過份量唔算好多係剛好。評分：7.5/10👓花果茶 跟

以我認知，如果要搵間大小小嘅coffee shop可能要岀灣仔西環嗰面。估唔到係北角竟然都有空間比較大嘅coffee shop😨 真係啱哂可能要傾project或者要趕assignment嘅人。 我地當日嚟座無虛席（後尾坐晏咗😂），再加埋假日夜晚嚟仲有歌手表演live，幾好氣氛。 有幾part文靑嘅area，有得睇下精品同欣賞下藝術品，同推廣緊一啲活動。估唔到嚟食野都咁多野睇同玩，好似去咗活動中心咁😂😀 開放式廚房，顯得空間好大。同因為餐廳重點promote 咖啡，所以一面沖，咖啡嘅香氣就會佈滿整間餐廳～ 主餐食得唔多，叫咗一個法式煙鴨胸沙律配日式柚子醋。雖然係沙律，但係分量算多，其實好飽肚。食材好fresh，再加柚子醋好醒胃。啱哂要溫書但唔想食主食嗰時試。 另外主要想試試咖啡，叫咗一杯flat white😛 拉花好靚呀，飲落充滿滿嘅奶香。夜晚試啲soft啲，聽聞咖啡師識沖啲特別小小嘅咖啡，下次再嚟試。

一入到去就揀個位先🧐🧐，自己serve自己，lunch set $60包主菜 餐湯 同餐飲。我揀左新加坡海鮮喇沙米線。喇沙味道正常，可以再濃啲就好了。花茶好夠香，水夠熱。不過冷氣大，放耐左會涼晒好難飲😭😭😭揀呢間餐廳最主要係想有個安靜啲嘅環境休息下😌😌。據說晚上會有live band,朋友說不太好聽，應該是初出道的band。lunch 冇band嘅時候，可以同朋友食完傾下計,有種慢活嘅感覺。整體而言，餐廳空間感幾大，客人多左都冇覺得好逼。好似都係後生仔後幫襯居多😂😂😂

放假又想喝杯優質咖啡，立刻諗起近近地的咖啡空間。來到差不多二時，不用同人爭位，而且餐廳都算多位，人流少些，食得也安心一點吧！set lunch $60,包餐湯及飲品，價錢屬中價。飲品可選花茶，菊花萍果花都幾特別呢！like 餐廳的FB 網頁仲可獲得空氣草呢！美美的曲奇呢！香草牛油忌廉汁配吉列魚柳飯，餐湯是南瓜湯。魚柳很大片，忌廉汁的稀杰剛好，還有半隻烚蛋，烚得剛剛好，入口軟綿綿呢！還有新鮮的沙律菜，感覺健康一點呢！我選的是新加坡海鮮喇沙米線，望落都幾足料呢！喇沙帶少少微辣,米線軟硬適中，不過略嫌湯底不夠惹味，味道中規中舉啦！菊花萍果花茶花茶味道芳芬，清清的又沒有苦澀，喝了讓人感到輕鬆。加錢點了杯latte, 泡沫香滑，咖啡入口香濃幼滑，真令人回味啊！

記得阿仔說過他很喜歡有live music的餐廳， 聽住在北角的朋友介紹，在城市花園商場有一間這樣的隱世小餐廳， 今天趁爸爸不回家吃晚飯，特別慕名而來一試。餐廳的所在地其實很隱蔽， 如果不是朋友告訴我 ，或是住在附近，是很難知道有這樣一家餐廳的。餐廳的出入口一點也不起眼， 十分普通。但是一入到餐廳，便會一下子 覺得這裏面別有洞天， 十分吸引！首先映入眼簾的，就是一系列的陶瓷手造藝術品。 咦！！😍😍竟然還看見一只奶白色的福福郎🦉 ！！！ 如果不是價錢太貴，真的很想把牠帶回家！！店主的黑膠珍藏：在餐廳的正中央有一個小舞臺，上面有兩位音樂人在台上表演！ 雖然演出帶有些清澀味，但很有個性，演唱的是香港的歷年流行曲經典。 能夠在吃飯的時候，順道欣賞一下香港新晉樂音樂人的表演， 感覺挺好的！有時候。。。回憶！！還是昨日的美好！餐廳的另一面就是開放式廚房， 看到 在靠近表演台的一邊整齊地排放了一列蛋糕盤， 蛋糕看來全部都是homemade的， 十分吸引！由於福郎今晚十分肚餓，所以快快便叫了他們的特餐來醫肚。 一個晚餐才60元！很是化算！！我叫的是新加坡海鮮喇沙米線套餐 ， 米線的海鮮用料頗為豐富，

早前去咗間cafe😎雖然響商場入面🙈但店內環境寬敞舒適😉有board game玩♟而且定期仲有現場Music Show🎼可以一邊進餐，一邊欣賞表演😇日式咖喱豬排飯配溫泉蛋🍛$60跟餐配送是日餐湯及餐茶☺️豬扒大大塊，咖喱夠香濃😋仲有沙律伴碟𠻹🥗卡邦尼意粉🍝$60卡邦尼好惹味同香滑，用料十足😋有好多煙肉，仲有香濃芝士味😛Green Tea Latte🍵跟餐+$30綠茶味道濃厚😋牛奶味重，入口細滑😛咖啡空間 (北角)北角電氣道233號城市花園商場14座1樓95-96號舖

星期六放假天來到炮台山購物，行到有點肚餓又攰攰的，在附近看看有什麼餐廳，竟然發現了一間有live band 的餐廳。呢間餐廳叫咖啡空間。位置係炮台山城市花園商場，座位都幾多，環境好舒服，選好座位睇下餐牌，選好心水就到收銀櫃點餐，點左一個咖啡空間套餐：蕃茄忌廉汁海鮮意粉，飲品方面係有好多不同款式的咖啡供選擇，咖啡迷必定喜歡，而我不是咖啡控，亦有其他飲品可選擇，包括有花茶或檸檬茶等⋯我就選了一杯凍抹茶鮮奶，跟套餐點會便宜一些，而且價錢好經濟呢！適逢當天是星期六有live band現場音樂伴食，實在好驚喜蕃茄忌廉汁海鮮意粉好好味，蕃茄忌廉汁味濃郁，海鮮有八爪魚仔丶小元貝等，意粉軟硬適中，有驚喜，另外，抹茶鮮奶味濃且香，非常推薦，加上重點是可以邊吃邊欣賞美妙的音樂，好滿足，這餐廳真是一個令人放鬆的空間，是非常適合香港人來放空一下的好地方。

今日去左炮台山食dinner，係城市花園商場，舖位好大，係自助形式，order 完會有個響鬧裝置通知你可以取餐，都幾方便。咖啡空間套餐 coffee + space set $60，一啲都唔貴，跟餐配送是日餐湯及紅茶、檸檬茶、花果茶。我叫左新加坡海鮮喇沙米線，配熱花果茶係菊花蘋果花。喇沙既湯底唔算濃郁，淡淡的喇沙味，餸有菇絲、蜆肉、魷魚、貝柱同半隻蛋，米線好多，食到好飽。花果茶清清地，不錯。另一份叫左日式咖哩豬排飯配溫泉蛋，日式咖哩汁配豬扒，豬扒不是炸是煎的，朋友更適合，溫泉蛋是半熟那款。湯係蕃茄紅蘿蔔湯好濃，好味！另外檸檬茶的茶包不是平時的茶包，更香茶味。

喺炮台山城市花園個商場見到咖啡空間嘅banner，同朋友入去坐低食嘢吹水。入到餐廳覺得都幾寛敞，怡與枱之間好多空間，可以坐得舒服啲，唔怕會迫得背脊對背脊咁，唔怪得之叫咖啡空間👍。叫左新加坡海鮮喇沙米線($60)同埋日式金菇鯖魚温泉蛋飯($60)，包埋湯同埋餐飲，而且食物質素都唔差，其實計落都唔算貴。咁啱原來今日呢度有live music，都唱得唔錯，一路食一路有live music 都只喺每人六十蚊，超值。

經過北角城市花園既馬路 見到佢既細商場印滿左coffee+space既標誌 行入去睇下呢個算係半隱世既area 原來有間叫咖啡空間既餐廳 今日既餐湯係西蘭花湯🥦西蘭花湯充滿西蘭花顆粒 每一啖都係西蘭花精華 稀稠度適中 入口幼滑 飲完仲有啲飽肚感選擇左香草忌廉海鮮意粉🍝炒蘑菇 帶子粒意粉醬汁濃郁 足香草忌廉味 意粉軟硬度適中 仲幾彈牙 亦好掛汁 令到意粉同埋醬汁可以完美地融合同埋田園中東米沙律🥗中東小米係小麥既製成品 顆粒幼細吸收酸甜既沙律醋 而且口感煙韌 加埋切粒蕃茄 青瓜 同埋沙律菜 飲品方面要左杯檸檬茶 茶同檸檬既比例適中 微澀 無加到甜糖 所以唔會有一般茶餐廳既甜膩感 Mocha 朱古力同咖啡味道適中 味道香濃 口感順滑呢間cafe 有意粉沙律食 有咖啡飲 最特別既現場仲有音樂表演緊 入到去坐低見佢既set dinner一份只係索價$60 仲要連餐湯 餐飲 同埋原來起12月份 呢間餐廳係有6次好似今晚咁既音樂表演睇 真係個唔錯既地方

2019年12月28日。晴。炮台山。要喺呢個（福建）國度搵嘢食有少少難度呢日喺邊境搵到呢間咖啡店～咖啡店喺商場一樓，商場大部分舖位都係做補習社商場一上電梯就係餐廳喇～連星期六、日都可以嗌套餐！幾好喎～另外仲有多款咖啡選擇～吧台位置仲有其他飲品揀！適逢呢日有live music！仲要係最後一日，真係可遇不可求呀！邊食邊聽歌，好聽又有氣氛～收銀位置仲有是日花茶推介（同埋wifi password！）落單嘅時候店員仲好客氣咁問我哋要唔要認領番一棵空氣草空氣草個名好靚～聽聞好易養～有興趣嘅朋友可以去認領番啲～唔太鍾意植物嘅，可以揀食物！有應節薑餅人！日式金菇鯖魚溫泉蛋飯（$60）＋Cappuccino（$25）首先要一讚個西蘭花湯！綿滑得嚟又會食到西蘭花碎～調味啱啱好，唔覺有味精，非常好味！飯上面嘅溫泉蛋略微過熟，冇乜溏心效果，但係就反而適合同行唔食得生蛋嘅朋友，呵呵！醬汁有啲似燒汁，甜而不膩，配合鯖魚同金菇就恰到好處～咖啡當然都非常滿意～香滑濃郁～新加坡海鮮溂沙米線（$60）＋Mocha（$30）呢個係同行朋友嗌嘅，喇沙微辣，合乎大眾口味～見到海鮮數量勁多！Mocha亦唔會太甜～

日日返工諗食咩lunch真係世紀難題。朋友介紹呢間咖啡空間，係個細商場入面，都幾驚喜，裝修幾靚，價錢實惠，lunch set $60有湯有野飲，係選擇唔多，6個餐我只得1個睇得上眼。但環境係坐得舒服既。希望下次多啲選擇。叫左1號雞飯。雞肉幾嫩，皮有少少脆，葡汁texture同味道都都正常是日湯係西蘭花湯，幾香，好多西蘭花碎，唔錯。花果茶就弱左少少，熱水咁樣，加左幾舊果乾同乾花，聞落有味飲落冇味，朋友叫既凍花茶好少少。