咖啡空間

Open Now

Now Closed

香港寸金尺土，食飯想坐得舒服小小、坐耐少少都未必係一件易事。今日比我發掘到位於城市花園既咖啡空間。店如其名，餐廳既空間感十足，一d壓迫感都冇，仲有一個位置係逢星期五六比live brand演出，係香港真係十分難得👍🏻聽下音樂慢慢食個飯，為繁忙既香港人提供一個喘息既機會。是日餐湯係西蘭花菠菜湯，將蔬菜打碎成濃湯，有少少西蘭花既粒粒，順滑得黎有口感。香草忌廉海鮮意粉🍝意粉軟硬度適中，配料都唔少，有菇、蜆、墨魚、帶子，忌廉汁既味道調得好好，夠creamy，沾滿每條意粉。日式金菇鯖魚溫泉蛋飯以甜甜地既醬汁配上鯖魚，配搭新穎，同平時食鯖魚既感覺截然不同，可以一試。最後當然要試下佢地既咖啡，我地+$25 叫左杯cappuccino，拉花拉得好好，打卡之選👍🏻

老實講城市花園商場真係冇咩嘢好行，所以冇諗過有餐廳。🤪 雖然餐廳裝修比較簡單，不過環境幾闊落。--🍝 香草忌廉海鮮意粉 配湯 飲品HK$60香草味道幾重，忌廉唔會太重好溜嘅感覺。 是日餐湯係番茄湯，味道比較濃。而是日花茶係菊花蘋果茶，有少少菊花甜味，相對清淡。.🍛 葡式照燒雞王溫泉蛋飯 配湯 飲品HK$60葡汁醬整體味道比較淡，不過好嘅就係食起黎無咁鹹。.🍎 肉桂蘋果蛋糕 HK$35蛋糕幾厚實，面頭有啲肉桂粉同蘋果，整體唔會甜。--📌 不定期更換餐單

聽說城市花園14座1樓商場有間不錯的咖啡室，放工後就去走走。城市花園14座地下商場並不顯眼，經扶手電梯上1樓，果然別有洞天，咖啡空間就在眼前。咖啡空間地方十分寬敞，佈置簡單優雅。咖啡空間有多種特色咖啡生豆，可供烘焙和沖調，非常適合咖啡愛好者。咖啡廳更有多種功能，可作音樂表演、藝術展覽、私人派對、商務會議等等。餐廳食物款式選擇不算多，採自助形式，先買單，再到服務台取餐。坐下就叫了葡式照燒雞王溫泉蛋飯和新加坡海鮮喇沙米線，跟餐配餐湯及飲品都是60大元而已，十分抵食。綠色的例湯有豐富蔬菜和豆味，熱辣辣，很健康。燒雞雞肉嫩滑，外皮焦脆，加上溫泉蛋和沙律菜，再配香濃葡汁，開胃好味。新加坡海鮮喇沙米線，湯汁濃稠適中，滲出陣陣蝦膏香氣，帶點咖喱微辣餘韻，而且湯頭的平衡做得相當出色，喇沙醬香氣十足，入口辣味剛好，配料還有溫泉蛋、蝦米、扇貝柱、牙菜和冬菇絲等。意猶未盡，最後再來甜品伯爵茶蛋糕。蛋糕輕軟微甜而不膩，鬆軟帶茶香，面頭還有薄薄糖霜點綴一下。咖啡空間環境舒適，給人在鬧市中一種閒情逸致的感覺，而且不定時有現場音樂表演，又可品嘗不同款式咖啡，其他套餐價錢也十分經濟，果然別有洞天。

完全想不到在這個小商場中有如此煥然一新的咖啡空間，地方很大，環境舒適，加上有live演唱。能感受到在座的人都在品嘗桌上的食物，悠閑地跟朋友在享受舒適的時光。南瓜湯料很足，稠得好吃菊花山渣茶有點酸，同時很開胃卡邦尼意粉的麵條較硬，有咬口，是我喜歡的粗硬度西西里汁吞拿魚意大利粉很juicy，跟平常食的不同，具自己特色Earl grey 味蛋糕很鬆軟，有淡淡的伯爵茶香味，不會喧賓奪主，恰到好處在此一邊吃飯，一邊跟朋友聊天，一邊聽藉live歌唱表演，過了個寫意的星期五晚上

之前，喺coffee+space嘅fb見到呢個Specialty Coffee tasting foundation嘅體驗。⁣😯⁣呢個體驗由RedMeowCoffee主辦，而且由佢嘅主理人直接擔任導師。👨🏻‍🏫 而佢亦係CQI國際咖啡品質鑑定學會認證杯測鑑定師同COE卓越杯認證國際評委，夠晒專業。😎 喺呢個體驗入面，主要目的就係初步認識精品咖啡嘅世界。🌎當中由導師初步介紹何謂請問咖啡同埋杯測(cupping)，杯測嘅方法，仲有得親嚐頂尖貴價咖啡豆沖嘅精品咖啡。⁣😋⁣如果想認識更多關於精品咖啡嘅嘢，可以多啲留意RedMeowCoffee嘅社交媒體喎。⁣😬⁣

-卡邦尼-晚餐嘅套餐好抵食 大約55到$60就會有餐湯同埋嘢飲 今次試咗個好簡單嘅意粉 仲有南瓜湯 意粉嘅份量雖然唔算好多 但係食得出佢哋嘅調味落個苦工 忌廉味好重 而且意粉嘅軟硬適中 可以一試.-海鮮意粉-佢哋用咗番茄汁去襯托成個意粉 食得出係用咗新鮮嘅蕃茄炮製 鮮味濃郁 再者佢哋用咗吞拿魚肉 依個就真係視乎大家對吞拿魚嘅喜愛程度 但係我覺得都幾夾 非常有新意.-肯亞咖啡-講明係咖啡空間 就一定要試吓佢哋嘅咖啡 佢哋咖啡嘅選擇滿一版 鍾意飲咖啡嘅你真係唔好錯過 今次試咗肯亞咖啡佢飲唔同味嘅選擇 包括左果香味花香味 我就選擇咗果香味 飲嘅方式都好特別 就係先聞佢哋嘅咖啡粉 再飲咖啡 將成個飲咖啡嘅體驗提升 非常享受

地點方面，唔熟悉呢區既係有少許難搵既係城市花園酒店對面既小商場門口餐廳內環境個人覺得算係文青風，再配live band表演，由搵位到拎餐執枱都係全自助。食幾耐睇live band坐幾耐都冇壓力。點餐counter旁邊仲有蛋糕，每日唔同花茶，仲有live band schedule話比你知幾時有咩performers 好喇，重點喇西西里汁吞拿魚意粉，今日餐湯係菠菜忌廉湯味道不過不失，10分我比7分，可以有進步空間但係$60個餐我覺得非常不錯卡邦尼意粉個人真係好like呢個，味道真係好味既，9分啦，1分進步空間但係同我認知既卡邦尼有少少出入，佢係冇芝士，蛋都唔係撈落個汁煮係烚蛋。可能係佢既style啦，都好好食。不過叫煙肉蘑菇白汁意粉+烚蛋會貼切啲啲囉。兩個意粉缺點都係汁多左少少，睇張相都見到個卡邦尼好似湯浸咁，個汁可以再杰啲咁就perfect池喇。（不過卡邦尼個汁真係好好味😽，令人好矛盾）本來都想試下蛋糕，個樣真係幾吸引，但係食完正餐已經好飽。要下次再黎先試到喇。Tea time可以黎試下蛋糕set整體黎講，$60個餐絕對物有所值，個人最愛個卡邦尼意粉，個白汁真係飽都令人想食哂佢，仲有得

朋友約我去食飯，話俾個驚喜我，叫我喺城市花園酒店門口等佢， 我話酒店食飯有乜驚喜呀？佢答唔係呢度，過對面商場啦 。吓？ 全部都係地產舖，邊有食肆呀？！佢指住扶手梯，話搭上去就知啦。嘩！ 一樓果然別有洞天，原來呢度有一間幾大嘅餐廳！🤩餐廳地方濶落，好有空間感， 裝修行簡約風，文青feel！ 我哋比較早食飯，餐廳未算太多人。趁客未多，我同靚女咖啡師傾吓偈。唉，我個朋友冇做足功課，原來凡星期五晚有 live music， 今晚走鷄 🐤🐤……冇得聽！😢靚女話餐廳支持本地音樂，每次表演嘉賓都唔同，主要係俾啲有潛質嘅後生仔表演。哈哈，隨時我哋有緣見証到未來天王天后嘅生！😻傾咗陣都開始肚餓喇 ，我朋友話呢度嘅晚餐係街坊價，60蚊有齊餐湯、主菜同飲品，仲要唔加一噃！🔸️餐湯 : 紅蘿蔔湯 🥕🥕夠哂高纖， 我鍾意有粒粒口感， 如果薑味再重啲就更加正！🔸️ 主菜1 : 日式咖哩雞扒飯平日喺街食飯， 好難食到蔬菜， 我鍾意呢個咖哩飯，有菜沙律伴碟， 新鮮到索索聲！橙紅色嘅溏心蛋唔單止令個飯賣相加分，仲好好味， 煮溏心蛋要識得掌握時間， 太少時間會變咗溫泉蛋，太耐時間就變咗熟蛋。🥚雞塊先煎香外殼， 放埋紅蘿蔔薯

平日晚飯, 都是去到哪裡吃到哪裡, 今天來這邊工作,  找到了一間特別的小餐廳, 及在附近工作的朋友, 一同晚餐。小商場內的餐廳, 比我想像中地方大, 小清新的感覺, 文青風, 有時星期五六還有LIVE BAND演出, 幾吸引。日式咖喱雞排飯$60雖然是文青風, 食物價錢出奇的低, 茶餐廳可能比它還貴, 看來北角是一個好地方。 選了一個味道濃郁的咖哩雞排飯, 咖喱香甜, 很是下飯, 雞肉大大件, 已經煎過, 有點香口, 配上少許洋蔥蘿蔔等配料, 還有半隻流心蛋。湯是蔬菜湯帶點薯蓉微粒的質感, 味道很好, 最後還有一杯菊花茶, 很清香也有解毒作用。日晨薯仔煙肉沙律$60朋友不想吃太多, 就選了薯仔煙肉沙律, 其實份量也不少, 一個女生是足夠飽的, 薯仔煮到軟腍剛好, 還拌著一些爽甜的蘋果粒, 加上煙肉的咸香, 也是蠻討好的組合。食物選擇偏向健康, 很舒服的一餐, 不像吃茶餐廳的多油多鹽那麼大負擔。菜式亦見誠意, 下次再來吃其他。

有時簡簡單單嘅一餐，喺餐廳入邊聽下音樂，都係一件好賞心樂事嘅事情，今次小編同女朋友就嚟到呢一間位於北角城市花園14座廣場入邊嘅一間咖啡小店，現場有駐場歌手唱歌助興，小編進入餐廳內馬上獲安排座位就坐，是日晚上有六款晚餐可以比大家選擇，小編就order左一份日式咖喱雞飯同埋海鮮喇沙米線，兩款嘅食物都煮得相當入味，當一邊食飯，一邊享受餐廳內的歌手悅耳嘅歌聲，真係相當享受，大家有機會不妨嚟呢間咖啡小店試吓啦。

聽朋友介紹炮台山有一間幾抵食嘅餐廳，套餐大概$60，仲會有駐場音樂人，於是就決定過嚟試一試。餐廳門口好簡單咁樣由落地玻璃而成，感覺空間感十足。我哋先叫咗兩個套餐，首先會係cabonara 意粉, 跟餐有一碗南瓜湯，同埋一杯野飲。南瓜湯煲得好綿密，龍龍嘅南瓜味仲有好多南瓜蓉，非常好飲。意粉方面佢會有一隻糖心蛋，而且意粉嘅硬度適中，佢個汁忌廉味好重，而且超級多蘑菇同埋煙肉，每一啖都好豐富，呢個價錢值得一試。我仲加錢要左一個Green Tea latte, 比起出面連鎖集團更加好飲，而且拉花絕對係打卡之選！另外仲叫咗一個蕃茄忌廉汁海鮮意粉，覺得都幾驚喜，估唔到吞拿魚同埋意粉可以咁夾，呢個口味都叫做幾獨特！最後話明咖啡空間，當然要試一試靚咖啡。鍾意飲咖啡嘅人絕對覺得係一種享受，佢哋用一個特別嘅方式帶領大家去享受咖啡。今次我哋試咗肯亞咖啡，佢有唔同味道可以挑選，我哋選擇左水果味。除咗有咖啡之外佢哋仲會提供一個杯，入邊有咖啡粉，可以先問咗咖啡嘅香味，再飲番杯咖啡，將成個享受昇華。

香港人生活忙碌向來是眾所週知的事情，想找一個能夠喘息的空間也是有難度的，壓力一堆積起來便很容易生成病或向身邊的人發洩⋯⋯不說也不知道，原來北角城市花園上有一間小小的咖啡店，絕對可以讓大家緊張的心情能得到一時的放鬆。環境非常偌大，空間感十足，絕對不用怕沒位子啦。近玻璃的各種擺設也令人感到放鬆自在。原來適逢星期五至日，餐廳也會有live band/ 駐場歌手為大家表演，這項我覺得做得十分好的，餐廳本身並不是很大間，但都不介意花錢去聘請表演的人。有時看到一間餐廳的食物價錢很便宜，會覺得那間餐廳很有良心，但同時都會替他們擔心😨賣得那麼便宜，真的能賺到錢嗎？一個套餐大概是這個樣子的，跟餐送餐湯及紅茶/ 檸檬茶或花果茶，餐湯是南瓜湯，南瓜的味道是明顯的，只是略嫌質感有點稀。自己先點了一份日式咖哩雞排飯，賣相看來真的挺好，咖哩有日式的甜味和辣味，尚算正宗，不過以日式咖哩來說好像不夠甜。中間有一隻帶點流心狀態的雞蛋，實在加了分雞排的雞肉易咬，也不會油淋淋的。男朋友點了新加坡海鮮喇沙米線，真的有點兒驚訝了，喇沙的湯底不是稠身的嗎😳不過喝進口感覺到適量的酸辣味，那就ok吧。裡面的海鮮有小帶子、魷魚等等，海

南瓜湯個味都幾濃，同埋會飲到有啲南瓜蓉，味道唔錯，杯茶味道幾清。呢個牛肋筋飯好好味，味道好濃郁，有少少鮮味，肉都好夠肉汁，加埋隻糖心蛋，好正！賣相都唔錯呀係呢個空間都幾寧靜，而且可以有啲畫望下，可以同朋友慢慢食，一齊傾下計，悠閒啲食！

環境好大，可以包場開party, 如果想大班人搵地方聚下玩下，呢到係個唔錯嘅地方，有得玩樂器添。叫左兩個套餐，好抵食，有湯有飲品有主食，都係只需$60，甘有質素又甘平無邊間做到，是日餐湯係南瓜湯，好濃郁，仲有南瓜絲係湯入面，超好飲。海鮮喇沙米線，有足料，芽菜、半隻蛋、冬菇、豆卜、蜆肉、八爪魚，湯底辣辣地。紅酒燴牛肋條飯個汁似係自己整，唔會太咸，牛肋條好軟，好淋。送飯一流，仲有啲沙律菜配搭，有肉又有菜。

今日同老公去炮台山行街，俾我哋發現到呢一間隱世小店，好想推介俾大家葡式照燒雞皇溫泉蛋飯賣相非常吸引，葡汁好惹味，照燒雞肉質幼滑，溫泉蛋真的可以做到流心效果，加上沙律菜和香料，總括來說，性價比很高，跟餐都只係$60 ，同連鎖快餐店價錢差不遠意式雞肉腸黑水欖蕃茄意粉蕃茄酸酸的，可以吃得出是用新鮮蕃茄製造。雞肉腸比一般香腸健康，調味做得剛剛好，不會感到油膩，同樣好抵食跟餐配送餐湯，南瓜湯都唔錯跟餐飲品方面，我哋見到是日花茶係菊花山楂茶，覺得呢個組合幾特別，於是就試一試，果然味道清新，菊花味香之餘，山楂味也很重，呢個配搭幾好另外，由於果日係萬聖節，所以有期間限定蛋糕——南瓜忌廉蛋糕。南瓜蓉香甜，蛋糕鬆軟