咖啡空間

Open Now

Now Closed

星期日2 點幾遲左起身， 諗住去砲台山龍門食個tea..點知好多人排隊。 gum算la, 過對面飲coffee食cake.... 叫左個伯爵茶蛋糕和black coffee. 兩樣嘢都有水準。 蛋糕夠moist且有茶香，coffee教得好balanced, 送甜野恰到好處。每次飲到好嘅coffee都會諗起ex, 一個曾經一齊遊遍local cafe嘅人。

運動前搵個地方輕鬆下，食飽飽做運動。原來炮台山有間咁特別既餐廳。與其話呢間係餐廳，不如話係一個俾人黎hea下既地方。睇餐廳有咁多關於咖啡既用具，店主應該真係好鍾意整咖啡。今次有少少失望飲唔到咖啡，原來最好中午時間幫襯就飲到咖啡店喇。星期五六都有live band 黎表演。原來牆上有相展。廚房細細，但廚師煮得好認真。中東米沙律配栗米湯。栗米湯非常自家製，有粒粒栗米，唔係忌廉開水。香草忌廉海鮮意粉，非常creamy，意粉彈牙。呢間餐廳好有 heart希望下次可以飲到佢地既咖啡啦！

香港原本就地少人多，呢排仲要咁壓迫想抖下氣都唔得，同朋友聚舊搵到嚟呢間咖啡空間，let’s have a coffee time!藍藍天空高掛我的夢～好似星期五六仲有live band供應嘅餐食簡而精，咖啡就有好多選擇叫咗兩個晚餐香草忌廉海鮮意粉$60真心正，忌廉汁creamy得嚟唔膩，意粉硬度剛好，仲有啲菇、帶子、魷魚、蜆等有口感葡式照燒雞皇溫泉蛋飯$60雞好嫩滑，加埋個葡汁冇得輸，好夠飽跟餐有埋湯同嘢飲好抵食，空間夠大可以好舒服咁hea下傾下計，聽講咖啡豆仲係佢地自己炒，下次再嚟試下先得

［炮台山］Coffee + Space.炮台山又有新餐廳近近地就lunch去食吓60$有湯有飯有野飲好似幾ok.日式金菇燒汁肥牛飯食剩指數：0/100 唔好睇錯做金菇肥牛卷😂(我認我睇錯)味道ok既汁唔會太咸同埋都唔會好乾但係金菇就比較少~抵讚係有隻半熟蛋～撈飯唔錯.而最驚喜係個湯好香南瓜味甜甜地好香濃好creamy.至於餐飲就有花茶檸檬茶揀檸檬茶味道幾清新唔同茶餐廳果種.總結黎講係唔錯既不過提提大家lunch比較多人等候上菜時間較長

收工之後約咗朋友去北角食野本來想食日本野但咁啱冇開朋友話之前黎過都唔錯所以上黎hea下啦反正其實每次見面都係講多過食既環境以小店黎講算唔錯有空間感唔太迫最重要係你買一杯野飲又或者叫份餐就可以慢慢係度坐想傾幾耐就幾傾耐想係度做嘢做幾耐就做幾耐冇時間既束縛如果好彩仲會有d人係度用樂器聽下歌食下野幾有feel搵到個位出去落order一有得拎就會有部機叫你出去拎㗎啦每日既menu都唔同㗎我同朋友叫咗一個03一個05每人都要咗一個set咁就包埋湯同埋野飲海鮮喇沙米線喇沙就一向都係我既最愛喇沙湯底就好濃其實配料都算多既蛋蝦魷魚豆腐卜但係蜆同青口呢2樣我最鐘意既海鮮佢芽菜都好多 又係我平時會要求要多d既米線份量正常女仔食就會啱啱好我就跟餐要咗杯蘋果玫瑰茶朋友就要咗奶蓋台式茶就跟餐照原價減5蚊卡邦尼意粉濃濃既芝士味意粉煮得剛剛好 夠哂爽哂又唔會太碎食落唔方便回頭度:7/10

因為鐘意咖啡，因為鐘意文青 feel，因為鐘意悠閒既氣氛，無論番大陸、喺香港、去日本，我都好鐘意去小店。今次呢間 咖啡空間，絕對係超出左我既期望 😍 無論喺食物質素、價錢上，都令人喜出望外，好值得一而再咁黎幫襯 🙆🏼‍♀️一個 dinner set $60，開頭以為間 cafe 主打咖啡，食物質素會好 hea 下。但見個廚師好有心機喺度煮野食，到啲食物上碟時，先唔講主菜，個甘荀湯已經好正😋 至於主菜，我地叫左 蕃茄忌廉汁海鮮意粉 同 香草牛油忌廉汁配吉列龍脷柳飯。兩個主菜都整得好食，味道濃郁，個吉列又整得恰到好處，新鮮又唔肥膩，連個飯，都加左半隻半熟蛋，同埋有濃稠適中、鮮滑既香草牛油忌廉汁，好味 😄👍🏻今晚有 live performance，一路食飯一路欣賞表演，好 chill 🥰 下次去開炮台山，一定要再黎呢度，試埋其他 set，同埋個自家烘焙黑咖啡 ☕️🎉

我由細到大都好鍾意飲咖啡，近幾年開始學習咖啡各類型資訊，產地，沖調方法，來源等等，偶次見到Facebook有coffee Tasting嘅分享，不多考慮就參加了，喺短短1小時之內，體會到也學到了很多咖啡的資訊，很大的收穫呢！這次品嚐了三款來自洪都拉斯的咖啡豆，由起初的咖啡豆，到磨成粉末，到沖調為一杯咖啡，整個過程也參與到，過程中導師會分享如何判斷及如何分別他們不同之處，例如憑味覺，口感，after taste，酸度，平均等等各種因素，也準備了一份講解可以參照，令我在咖啡的知識層面上得到認知。特別稱讚導師的專業，詳細的講解，與每一位參與者的互動，由於我不是很專業，舌頭也不是很靈光，也經常答錯問題，哈哈，感謝導師的體諒！整體而言，像我這些初學者非常適合，市面上很難找到這些小班課程或分享會，可以逐一品嘗及回答我的 “小學生”問題，環境也很適合，播着背景音樂，很chill，如果有更多同類型的活動便好了。

朋友話去城市花園商場食野，點知上到商場1樓都唔見有呢間餐廳，原來我去錯地方，城市花園仲有另一個商場，入口係馬會投注站對面，入到商場電梯上一層就到了，平時都好少留意到呢個商場添，唔知原來呢度有野食！一上到1樓，就見到咖啡空間，好spacious，牆上掛了好多畫，仲有一個area擺左成set鼓係度，原來呢度逢星期五六晚上會有音樂聽～一份套餐有野食、湯、普通飲料都係$60，晚餐黎講算好抵喇，跟餐既南瓜湯好大碗，個人覺得濃度剛好。友人叫左日式咖哩豬排飯配溫泉蛋，豬排煎得好脆，啲飯係日本珍珠米，好煙韌，咖喱汁好多，啱曬撈飯食，仲有好入味既粒粒薯仔添。我叫左香草牛油忌廉汁配吉列龍利柳飯，同樣都係好多汁！龍利柳肉質好嫩，欣賞佢只有一層薄薄的炸粉包著龍利柳。沒想到呢個飯都有半隻溫泉蛋，食到軟軟的蛋黃感覺好幸福喔。我叫左芝士奶蓋綠毛尖茶，一啲都唔漏，芝士奶蓋加呢隻茶，好清新的感覺，唔經唔覺就飲曬。沖繩黑糖奶蓋手工咖啡，呢杯飲品好creamy，黑糖甜度適中，能喝到香濃的手工咖啡味，友人表示好好飲！我都好surprise呢度啲飲品好飲過街頭飲品店嗰啲！食完飯食埋個甜品就perfect喇，原來每日有2款甜品，

 香港人最缺的就是空間 一個放空的好地方好多香港人對生活要求其實好簡單一個周末睡到醒,起身吃個美味的餐點就滿意連買一個空間都咁困難原因係租金實在太貴最近有網友介紹一間位於北角區既小店約埋朋友就過去看看,順便吃個晚餐地點就在城市花園酒店旁的小型商店內走上1樓就會見到不一樣的空間飲杯咖啡坐一個下午都只要也只要$20起有多款唔同既特色咖啡連最高級既單品手沖咖啡這裡都有提供也有跟潮流既黑糖系列,芝士奶蓋茶 先來一杯台式特飲 沖繩黑糖手工牛奶咖啡飲落似日式既牛奶咖啡,濃郁牛奶香味淡淡咖啡味,好易入口拌勻帶點焦糖香既黑糖漿,味道更濃郁甜蜜 也提供輕食套餐 只要$60有6款,不定期轉換菜式今天選了日式咖哩配豬排沙律米飯爽身,加上甜口既日式咖哩汁與蔬菜粒食起來清爽,豬扒脆口,簡單但好吃加上是日餐湯,$60就能吃飽飽好滿足是日餐湯質感幼滑,味道清新 花茶一杯,食完濃味既咖哩飯,可以清新一下 玫瑰蘋果花茶有緩和情緒，平衡內分泌，調理肝胃，消除疲勞之效 日式咖哩  同白飯係最佳既配搭  加上半隻半熟雞蛋,味道更為豐富  卡邦尼意粉  卡邦尼每個人既煮法都唔同 要煮得好食也有難度想不到主廚手藝出色,好吃! 卡

雖然炮台山最近唔太平安，皆因有福建幫，不過大胃無懼惡勢力，照樣下山覓食，因為真係好唔醒神，餓到謝。估唔到有間cafe會開喺咁社區嘅地方，喺頹頹地嘅商場入面入面格局闊落，好寫意，大胃真係好想彈吓結他呢碟卡邦尼真係誠意滿滿，醬料十足，意粉火候拿捏得宜加$5就可以轉餐，有湯有特飲，價錢非常益街坊湯好好飲，面頭灑咗啲香草，加上湯嘅甜味，飲完曉飛意粉份量唔錯，兩個人食都食咗好耐咖啡超好飲，加上靚靚拉花，這個下午不會差仲有日日唔同嘅自家製蛋糕，又靚又好食如果大胃樓下都有咁嘅cafe就好喇

在香港,現在想搵個寧靜舒服既地方,食D野,休息下真係唔容易。好多店鋪,搵到位坐,但都會覺得好逼,或者因為太多人,所以好嘈。想有個空間,靜靜地做下自己野或者睇本書,由朋友介紹,黎到咖啡空間呢度。鋪頭既地址唔容易搵,位於北角城市花園商場內,可說是隱世小店。不過空間卻相當大,感覺好舒服。叫左個香草牛油忌廉汁配吉列龍脷柳飯,大大塊和炸得幾好,唔多粉,不過就稍為淡味左少少。另外就有南瓜湯,飲到了一點點顆粒,蠻清甜,不會太"杰"。hea左一個下午,感覺很不錯,有機會會再來。聽說星期六日或會有人來音樂表演,可先到店鋪的facebook查看。

傍晚時分黎左咖啡空間同朋友聚舊，飲杯咖啡食個早晚餐。呢到係採用共享空間的concept，除左有野食，仲有啲唔同嘅野係到擺賣，幾得意。坐低睇完menu後，需要自己出去叫野食同先比錢，之後店員就會比個取餐通知器。我地分別叫左carbonara 同冬蔭公海鮮意粉。意粉質地岩岩好，無過淋。Carbonara做得唔錯，有好濃的奶味同蛋香，正。之後我地再分別叫左一杯Flat White and Latte。我地飲完一啖都覺得，咖啡好好飲！烘培味香，飲到果仁既香味。細問之下，原來店入面嘅咖啡係由佢地自己炒嘅咖啡豆沖出黎，唔怪得咁香。

這一陣子，相信每個香港人的心情都很沉重，特別是某些夜晚，更覺傷痛，難以入眠。然而，人總不能被這種低氣壓長期困擾，必須尋找治癒的方法。最近得知炮台山有個秘密基地，是片自由空間，可讓人卸下抑壓著的鬱結，完全得到放鬆。店子並非位於大街大巷，若不是地頭蟲，應該較難發現。幸好之前得到朋友提示，很快便找到它的地點。這裏佔地比預期寬敞，空間感很足，大家可以在此喝杯咖啡、吃個便飯，慢慢hea，享受慢活時光。原來在星期五或六，更有live band表演。踏進店內，你會很自然地四處參觀，因為周遭都放著一些甚具個性的物品，部份擺設、陶瓷、黑膠唱片、咖啡壺、花茶等可供購買，就如小市集般。掛在牆上的畫作，亦是藝術家放著寄賣。晚市時段，店子主要提供六款套餐，選擇說不上多，但從價錢角度而言，確是超級親民。每款套餐包括餐湯、主菜和飲品，只售$60。如果單點主菜，即沙律、意粉、喇沙或飯，則需$55。這兒以自助模式運作，落單、付款及取餐，全由客人包辦。肚子餓了，首先向暖笠笠的南瓜湯進發。此湯質感濃厚，藏著攪碎了的南瓜蓉，真材實材、特別甜美。儘管只是加入點點香草，已散發出幽幽芬芳，並充斥整個口腔，喝罷仍殘留餘韻。此時此刻，

這間店可說是名副其實的隱世小店位於北角城市花園商場內與鬧市大街有一點點距離感覺確實比一般鬧市中的樓上CAFE寧靜店內空間寬敞,餐桌之間不會擠得太近客人傾計抑或學生溫書做功課都有自己空間,感覺好自在牆上四周掛滿畫作,還有其他文創活動的宣傳資料中間位置則放了一組樂器老闆說原來這裡逢星期五,六都會有樂隊演奏大家可以留意他們的某社交平台就知道當日會有哪隊樂隊演出單是這種現場表演已甚有吸引力名字叫得做咖啡空間當然以咖啡做主打啦極力推介要飲的是沖繩黑糖奶蓋手工咖啡店家將咖啡豆即場磨成粉,以現磨現喝的方式沖調咖啡味道特別濃郁醇香,與沖繩黑糖攪拌混合後甜得來又易入口加上香濃奶蓋綿密順滑這杯絕對是來此不可錯過的飲品至於食物方面就以輕食為主5點半前是下午茶時段,之後就是晚市套餐法式煙鴨胸沙律配日式柚子醋最適合細食或想減肥的女生了鴨胸肉嫩滑不會太鞋口柚子醋配沙律可說是集齊甜酸咸的味道令人越食越開胃至於香草牛油忌廉汁配吉列龍脷柳飯亦不錯龍脷柳非常大塊炸粉剛好,不會太厚身仍可以食得到魚香味道沒有被太濃的粉醬或配汁蓋過魚味忌廉汁配飯也不會太膩甜甜的讓人忍不住全都吃完了還有值得一提的是這裡亦有圖書可供借閱安坐於此靜

週六午後與咖啡空間的偶遇緣分剛巧到北角看傢私，網上搜尋到以咖啡及環境出名的咖啡空間。從門面看已經比一般地鋪大，內裡的空間十足，實在是普通咖啡店或餐廳不能比較的！光是這寬敞的空間及簡約的佈置，已經讓人感覺放鬆！下午茶餐絕對適合午後鬆一鬆，份量適中，圖中的公司三文治有別於連鎖快餐或一般茶餐廳的既定材料，是以蔬菜、鮮菇及蛋為主要餡料，配合獨特的味道，清新之餘亦十分美味！另一下午茶餐為迷你喇沙米線，香氣濃郁，附有流心蛋，湯頭不會令人口渴！最後並且是最重要的，咖啡十分好飲！就算單買都只是三十元一杯，而且是自家烘焙，無論咖啡還是奶蓋都絕對比連鎖店優勢！大家經過港島一定要到訪，享受這片刻的寧靜時光！