咖啡空間

Open Now

Now Closed

 香港人最缺的就是空間一個放空的好地方好多香港人對生活要求其實好簡單一個周末睡到醒,起身吃個美味的餐點就滿意連買一個空間都咁困難原因係租金實在太貴最近有網友介紹一間位於北角區既小店約埋朋友就過去看看,順便吃個晚餐地點就在城市花園酒店旁的小型商店內走上1樓就會見到不一樣的空間飲杯咖啡坐一個下午都只要也只要$20起有多款唔同既特色咖啡連最高級既單品手沖咖啡這裡都有提供也有跟潮流既黑糖系列,芝士奶蓋茶 先來一杯台式特飲沖繩黑糖手工牛奶咖啡飲落似日式既牛奶咖啡,濃郁牛奶香味淡淡咖啡味,好易入口拌勻帶點焦糖香既黑糖漿,味道更濃郁甜蜜 也提供輕食套餐只要$60有6款,不定期轉換菜式今天選了日式咖哩配豬排沙律米飯爽身,加上甜口既日式咖哩汁與蔬菜粒食起來清爽,豬扒脆口,簡單但好吃加上是日餐湯,$60就能吃飽飽好滿足是日餐湯質感幼滑,味道清新 花茶一杯,食完濃味既咖哩飯,可以清新一下玫瑰蘋果花茶有緩和情緒，平衡內分泌，調理肝胃，消除疲勞之效 日式咖哩 同白飯係最佳既配搭 加上半隻半熟雞蛋,味道更為豐富 卡邦尼意粉 卡邦尼每個人既煮法都唔同要煮得好食也有難度想不到主廚手藝出色,好吃! 卡邦尼醬汁係香港人最

Coffee space in Fortress Hill ☕️☕️做完運動就到呢邊食野，想同男朋友坐多陣就揀左呢間cafe ^^ 主食都有幾款，全部都只係60蚊！如果係附近番工一定會成日嚟食😀😀我地揀左個牛油忌廉汁配炸魚柳飯🐟🐟 個汁都幾creamy ~ 淡左小小，配魚柳食都唔錯的。而個飯底都幾多，仲有只半熟蛋添💪🏻💪🏻另外係叫左番茄海鮮意粉🍝🍝 番茄汁加左洋蔥一齊炒，幾香幾惹味的，係咸左小小，淡d會好d😆😆意粉又幾驚喜，煮得ok有咬口！ 料都多ge，有d小帶子同雜菇🤩叫左杯黑糖鮮奶，又幾重黑糖味，奶味香濃,價錢只需26蚊，算係平價手調啦😹🤤另外自制brownie都好好食，夠朱古力味r😍

今晚嚟到北角城市花園食晚餐，揀左新開一陣嘅咖啡空間😻 餐廳空間都幾大，主食套餐都係60蚊，仲包餐湯同飲品🤤 絕對係傾偈、做野嘅好地方🥴.首先叫左個番茄意大利粉🍝🥫 意粉都煮得幾好，唔會太淋身，入面有d帶子仔，個汁酸酸地，食落幾fresh!! .另一個叫左吉列魚柳飯🥰 魚柳好香脆，又唔會好油，上面有只蛋添！.餐湯係南瓜湯^ ^ 飲得出自家制，南瓜味十足🎃🎃🎃.餐飲叫左黑啡☕️☕️咖啡都幾香，偏nutty~ .仲嗌左件brownie 😍唔會好甜，可可味又夠，仲好濕潤添！.下次可以試下其他手沖咖啡，應該都係good choice!!

今次又係北角區(因為北角真係好多好嘢食), 朋友介紹左我呢間較為低調嘅咖啡店，我起初都以為係新開，後來從靚女老闆娘(我估應該係)口中得知，原來已經開業左差不多1年，因為之前無乜特別做宣傳，所以唔係特別起眼，好多街坊或附近做嘢嘅人(包括我)都唔知有呢間店，老實講，其實位處商場嘅地點一啲都唔隔涉，可能只係响1樓嘅關係，所以無咁起眼。本身餐廳地方好大，可以搞function或一大班人gathering 都無問題。老闆娘其實主力搞咖啡，但因為今日响公司真係已經飲咗好多杯咖啡，所以叫咗兩個set dinner (5号同6号) 跟花茶，都好好味，一日六款晚餐，兩星期換一次menu一間好有誠意嘅咖啡室，好值得介紹俾大家一試

近年來，香港嘅咖啡店愈開愈多買杯咖啡坐低，跟住無論係睇書，同朋友傾計定係做打開本NOTEBOOK做ASSIGNMENT都可以悠閒咁度過一個下晝但正正係因為咁，咖啡店變得愈黎愈多人亦愈黎愈擠迫，更愈黎愈嘈吵有時更要等位係機緣巧合下知道左呢間「咖啡空間」以咖啡同空間作為賣點面積逾2300至8500呎空間感極強，沒有一絲嘅壓迫感好似一片比人透氣嘅綠洲咁解決左一般COFFEE SHOP都會有嘅問題值得一提嘅係，逢星期五或六都有人黎現場唱LIVE，直至到8:30既有咖啡歎，又有輕食，更有現場LIVE MUSIC真係夠哂RELAX.除左咖啡，仲會提供少量輕食共有六款套餐每份套餐都只係$60包括MAIN+餐湯+黑咖啡就價格而言，真係相當貼地，仲免加一服務費添.香菇忌廉燒汁配香煎豬扒飯燒汁上加點忌廉，令味道更突然入口更順滑豬扒肉質鬆軟又帶肉汁再以香菇，溫泉蛋作拌菜口感豐富.南瓜忌廉湯以南瓜打拌成嘅濃湯稠度軟高味道清甜，入口順滑，不錯.吉列炸蝦溫泉蛋沙律配芝麻醬大蝦炸至金黃色，口感香脆而新鮮爽口嘅沙律菜加上芝士醬，真係絕配.沖繩黑糖奶蓋手工咖啡 竟然將台式飲品同咖啡MIX AND MATCH呢個IDEA

今日去到炮台山探親戚，就順便去附近既商場食晚餐，誤打誤撞咁搵到一間幾特別既餐廳。佢呢度既野食咩都有，有西式、東南亞、中式以致係台式既飲品。呢度逢星期五或者六都有live music,咁岩今晚係星期六，所以有得一邊聽住音樂，一邊嘆美食。我就揀左新加坡海鮮喇沙米線，呢個湯底都幾惹味，入面有幾隻蝦，再加埋有咬口既米線，唔錯。野飲方面，我就點左沖繩黑糖奶蓋手工咖啡，，都幾特別，第一次飲有奶蓋既咖啡，估唔到都幾match。朋友點既香菇忌廉燒汁配香煎豬排飯都唔錯！

自從係炮台山依區短住，發現依家真係好多好野食！😍聽朋友講，有間”隱世”cafe，係美聯地產隔離個小入口上去就係，我行左幾次先發現🤡🤡🤡.咖啡☕️空間，同個店面一樣，想做到二者並存，五六日會有人黎busking！可惜我個晚去無💀而且依度包括左好多元素，有好多咖啡用品、手工藝、甚至連畫都有得買！畫家仲作左首歌去「唱」幅畫出黎，太勁！😱😱😱😱😱😱.🍛日式咖哩雞排飯 $60set (4.5/5)依個價錢，食夜晚，係港島區，都係依個價錢！好平啊！雞排炸到脆而不油，有溫泉蛋，咖哩甜甜地，送飯一流！🤟😍跟餐有濃濃南瓜🎃湯，好creamy正！.🥤奶蓋手工咖啡沖繩黑糖 (5/5)加錢叫左依杯台式特飲，奶蓋茶飲得多，奶蓋咖啡就未試過啦！奶蓋鹹鹹地，creamy得黎又無咁膩，一層咖啡，一層黑糖，一次過享受唔同味道！😍點解唔係我公司附近？.🍝卡邦尼意粉 $60set (4.5/5)份量啱啱好，菇🍄味濃郁，加上滿滿忌廉，正！朋友叫左齋啡，話好好飲，一問之下原來啲豆係咖啡☕️師自己烘培，唔怪得好香同平日西餐街飲個啲唔同！😍.🍰低糖伯爵茶蛋糕 $35 (4/5)茶香又軟嘅蛋糕，配咖啡☕️一流！如果夾雪糕或者cream，會

認識「咖啡空間」都喺偶然嘅事，老實講，城市花園商場呢啲真喺屬於隱世商場，亦可以講喺街坊商場，唔喺附近嘅街坊應該都甚少走入去，因為除有少量食肆，其他都喺街坊店，如賣家品、補習社。叫得「咖啡空間」，就梗喺咖啡喺賣點，空間又喺賣點啦，室內嘅面積頗大，但勝在擺嘅座椅唔會過多，形成空間感極強，唔會有咩壓迫感，令人頗為自在。再走一轉，喺家好個性嘅小店，因為，場內放有唔少大書架，當然，書都有（隨意借閱），仲擺放唔少咖啡及音樂嘅相關物品。此外，更猶如一個小小展覽室，有畫、有陶瓷……等等，唔喺店員講都唔知，有啲畫下附有二維碼，掃一掃就有歌聽，皆因畫家亦喺個歌手嚟。如細心留意嘅話，就連擺設有啲都好有藝術感。但講到最搶眼，相信喺餐廳正中央嘅live band位，不過，並唔喺日日都有人嚟表演，主要都喺星期五、六晚，好似大概7:30pm，有興趣邊食邊聽歌嘅朋友，最好事前打個電話嚟問問就穩陣啲。其實，講咗咁多，倒不如睇睇佢哋張單張，就放晌餐枱上隨便拎，望望就知道餐廳嘅定位。講到食物，午、晚市主要喺套餐，都喺同一個餐牌，可以單售，就$55，而包是日餐湯及指定餐飲，就賣$60，所以，點會唔選後者吖。然而，晚市嘅選擇唔

朋友介紹呢到有間又平又舒適既餐廳，咁岩呢邊收工，就去睇睇。呢到新城市花園，係地產舖林立既入口上電梯就見到，唔算難搵。上到黎見大大個餐牌，$60！仲包湯包野飲，好抵！入到去仲有幾個野飲既餐牌，職員大力推薦飲咖啡，佢話係自己炒既，可惜我地兩個都唔飲咖啡，無緣一試。叫左兩個set餐湯係南瓜湯，好濃又大碗。卡邦尼意粉，好creamy, 配料亦都幾多，最驚喜係佢有半隻糖心蛋而且分量都算大碟。日式咖哩吉烈豬扒飯，豬扒超級新鮮炸起，脆卜卜，咖哩有加薯仔唔會太甜，配上日式珍珠米，咁既價錢真係好值。我地各人叫左是日特飲：玫瑰蘋果水同菊花山楂水。店員話用左特別既水令到飲品更健康，聽完又覺得飲落特別清涼喎🤣特別要提下呢到既共用空間，咁岩我地星期六黎，有歌手係到唱緊live. 除左食野仲可以enjoy music. 呢到仲有畫睇，我見有得賣添呀！最後最後，一定要提及呢到既職員服務真係好好，會為客人介紹食物同傾下計，一定會再黎！

之前聽朋友介紹原來有間cafe係商場一樓，就得閒試吓。我地叫咗牛勒骨飯同沙律，真係好好味，送湯又送咖啡，我朋友就叫咗杯菊花桂花特飲，好掂。買單都係$60，算係咁啦。地方幾幽靜，可以盡情傾偈。

原黎近砲台山附近有一個人隱世商場有一間融合咗咖啡色同埋餐廳嘅地方咁今日就入咗去食啦睇餐牌有六個餸價錢大概有55蚊至60蚊左右跟湯同埋送一杯咖啡咁我今日就叫咗個 西西里汁吞拿魚意大利粉賣相如下睇住佢即叫即煮 好新鮮

行過北角唔知食咩好既時候遇到一間唔錯既鋪頭呢間鋪既空間好大加上正中間有一個位置係比live band 表演有緩緩既音樂 加上 歌聲 就將我吸引左入去睇過餐牌後 就可以係open kitchen 既bar 枱落單同行三人叫左一個卡邦尼意粉，台式鹵肉飯配溫泉蛋意想唔到一間小店內既卡邦尼意粉水準會咁高鹵肉飯好有台式風味 真係有置身台灣既感覺令我喜出望外加上現場既live band令到整個晚餐更加提昇不小下次可以再黎嘗試餐牌其他野食仲可以試下咖啡

之前經過三次，幫親隔離泰式，今日想舒服下，見OpenRice,有食評幾好，所以今日試下。睇左一陣午餐牌，覺得合口味。田園意粉+熱檸茶$57😋雖然店內不多客，等餐花左d時間，好彩我公司近。見到有人試音結他，或者就快有表演，但我要返工啦！遲下再來😬

        住在炮台山，周遭食肆林立，想吃甚麼都有。但欲找一處安靜的地方好好呷一口咖啡，享受一頓下午茶，其實不容易。        偶爾經過城市花園商場內的Coffee+Space, 被她的「氣質」吸引。商場內充斥著補習社、畫室和琴室，Coffee+Space 卻是間個性小店，亦像個小型的展覽室，有書法、有畫、有陶藝手工，不定時擺放不同的藝術品，同時提供餐飲服務，是個值得流連的悠閒之所。        月前，我為朋友籌備一個驚喜派對，祝賀她生日和抗病成功。要找合適的場地，需要配合預算、地點、食物、設施，和Coffee+Space 的店主談過，以上的條件竟然都能符合，便決定一試。        我們需要場地夠寬闊，容得下50人，在享用自助餐之餘，也能於大白幕上播放影像和照片。為了要推高氣氛，我們還一起唱卡拉OK 和玩遊戲，這些，Coffee+Space 都滿足得到。至於食物，一個合理價錢有頭盤、湯、主菜、甜品和飲品，算是十分不錯了。最驚喜的，是特製的蛋糕，水準很好。        我們高高興興的過了三個小時，以這個價錢享有這樣的環境，食物和服務，物有所值！

星期日在這店內飲咗杯叫-混沌 Dirty嘅咖啡，原來係店內自己烘焙的咖啡豆，刻意不撹拌飲咗第一口，係濃濃又帶苦澀的原味咖啡香，飲咗半杯後再撹拌就變咗杯Latte,都幾過癮。現場重有幾位年輕人玩自己的音樂，難得有個咁嘅地方。真係冇人理你在這空間做乜嘢，根本就係一個自由自在嘅地方。有時都怕咗啲過度熱情嘅店員，怕煩反而感覺有份難得的自在。咖啡同環境都幾正。