Coffeeholic (Closed)

「All day breakfast 」佐墨汁麵包、旋風薯、溫泉蛋好食。感覺上相片份量多啲，不過對一位普通女士而言，分量剛剛好。「熱香橙朱古力咖啡」賣相吸引，甜味可因應食客要求加減。橙香無預期濃烈，整體感覺及味道正常。「慢煮雞腿無骨意大利粉配新鮮秘制蕃茄醬」雞腿冇想像中那麼嫩滑，但味道不錯。新鮮秘製番茄醬都好味，整體感覺良好。「忌廉粟米湯」好精緻的一「杯」小湯，夠晒熱。味道不錯，好強嘅粟米味，不過份量少了一點。

琴日再來coffeeholic呢間coffee cafe店食lunch， 發覺比之前好食左好多好多。 得知原來最近換左廚師，係個好有型的大廚老闆佢親自下廚。我地2個人點左個慢煮雞扒意粉同埋大蝦意粉。 我最愛食嘅大蝦，佢地真係比好大隻嘅蝦仲要打孖上。 雞扒好入味又滑又juicy。 配合埋一杯Flat White一杯Mocha，剩睇賣相都覺得好吸引喇，味道好好。 呢餐lunch 的確好好食好滿足，一定有下次會再來。

今日公司食中秋團年飯一行八人，地下只有8-10人座位，但留上較多座位。留上裝飾是英倫風但感覺有點亂.服務員態度很好還推介左野飲俾我地中午有set lunch menu , 有兩個是素菜的，一個湯一個main course 杯普通飲品.要飲特別既咖啡就要加錢.雖然係要加錢但係我覺得都要試一試因為每位同事飲完都覺得好飲.之前食過一次係食all day breakfast , 都係素都好食大致上都可以，建議星期六日同朋友一起來

今日放假，去左上環搵嘢食，見到呢間cafe好似幾靚所以入左去食。當時都就兩點，過左lunch hour所以好快有位坐。店內啲台凳好靚呀！有一set巴黎鐵塔造型既台凳超級靚！因為我都幾晏去，去到啲雞賣哂lu，所以揀左All day breakfast～個沙律好好味！沙律醬唔係普通千島醬或者黑醋，酸酸甜甜，仲有啲腰果，好咬口。麵包烤脆左，自己搽左啲薯仔沙律上去，超正！仲有牛油果落左啲松子仁落去，唔會只係一pat pat! 餐飲揀左海鹽焦糖朱古力加mochi，好得意呀～～～有一粒粒好咬口閂六點好早呀！如果做埋夜市就好了

我都未見過一間咖啡店既職員啲態度好似呢間鋪頭咁惡劣🤬🤬🤬🤬🤬🤬🤬🤬🤬🤬首先我同朋友滿心歡喜黎到哩間咖啡店，一入到去就問嗰職員:唔好意思呀，可唔可以上樓上座喔？職員就話我哋就黎夠鐘啦喎！但係嗰陣時先係下午四點，距離你哋關門嘅時間係下午六點，足足有兩個鐘！我唔明點解我唔可以上去座？🤔🤔🤔🤔🤔🤔不過既然唔安排我上樓上座，咁我唯有乖乖地合作坐返樓下位置。我同朋友飲咗杯咖啡一半都無，我就開始覺肚痛😥😥😥😥😥😥咁我就問問職員廁所喺邊？個職員就答我，樓上嗰層清潔緊，一係你用住隔離麥當勞先啦😲😲😲😲😲😲然後我話我真係好唔舒服呀，可唔可以俾我去一去廁所先？職員見我唔耐煩就安排左我去廁所啦，但係我上到去都冇人清潔緊，點解唔俾我用廁所呢？🤥🤥🤥🤥🤥我又唔係無幫襯你哋喎？在場既職員都竊竊私語，有啲仲黑面，這是什麼態度？咖啡店應該係俾人一種好舒服嘅感覺，但係反而我今日你要黎受氣咯，一定無下次囉！

早2天突然想吃沙律就去了公司附近的特色咖啡店但我是不喝咖啡的哈哈就點了個紫薯牛奶紫薯味濃 配上熱牛奶👍🏻賣相也相當的好。店內也有很多不是咖啡的飲料同樣出色的‼️.Parma ham本就很愛吃❤️一看到就二話不說點了沙律還有✅菠蘿乾🍍 ✅溏心蛋✅新鮮蔬菜✅紅菜頭✅果仁✅橄欖營養價值很豐富 而且很好吃醬汁不會過多就剛剛好足夠拌整個沙律🥗我是整個吃光光😋‼️Lunch set 是送一款湯的啊當天的是南瓜🎃濃湯。.如果到中上環玩 不妨去一下尤其是#咖啡控 一定會滿意的💙

座落於上環內街小店, 門口稍稍狹窄,內部坐滿人時還是那種...有點窄但市區中心就是這樣,怪不了誰, 店內裝飾是想帶出點點巴黎風情, 枱櫈的基座都是有點鐵塔的形狀, 咖啡當天只要了杯flat white (S) $36 以這拉花及奶溫, 在該區算係相當有水準, 而太座的紫薯拿鐵則只是一般, 蛋糕品種不多, 要了個外表漂漂亮亮的Raspberry Tartlet w/ Pink Meringue $48撻底是半淋的質地, 但Tartlet不應該是硬脆的嗎? Raspberry 係內裡一層果醬之類的醬, 加上面頭甜甜的"馬令"! 理論上是可行的但手藝所限, 做不出應有的效果, 只得個賣相! ! 反而同場購入的台灣咖啡荳(似乎是得獎的拼配荳) $130/半磅, 飲落又幾順喉, 雖是中度烘焙但香氣非常, 有回甘, 值得推介, 唯一一點是這荳包裝上出了問題, 包裝袋撕去第一下之後剩餘紙口太短無法用手將袋口拉開, 最終要用剪刀剪開, 這問題後來跟台灣生產商反映, 他們說往後跟進改善, 希望如果下次再幫襯時是新一批荳吧!

同朋友經過呢區想搵間coffee shop坐低食下野飲下野，係呢區都食過好幾間，但呢間係我食過最差最唔值得俾錢去食既。我地叫左一份all day breakfast，一件綠茶tart，一杯橙味朱古力咖啡同一杯辣味牛奶咖啡。首先all day breakfast話就話全素，黎到得d薯角，沙律菜，沙律，同包，溫泉蛋，最奇怪係中間有件橙。反而果杯橙味咖啡塊橙就唔見左，所有野都唔需要特別去煮，完全唔值$118去食菜同薯仔全個menu都用同樣食材，完全無選擇無左片橙既橙味朱古力咖啡綠茶tart同辣味咖啡就正常，但價錢都偏貴。tea time坐低食下野都每人$140，伏到唔伏。

成日search上環附近有咩coffee shop呢間曾經搵過，亦留意過有all day breakfast食，今日有時間，又臨近生日，就找個藉口比自己食餐好嘅店面算細，得幾張枱，店員安排了坐最入面的座位，坐低先留意到角落有個位置有條樓梯通往上層，但似乎冇開放由於已鎖定係食all day breakfast，所以就立即叫左，另加一杯cappuccino店員端食物上枱，唔係咩色彩繽紛，但都幾靚，一望落去有別於一般嘅all day breakfast，總會有煙肉呀，腸仔等肉類呢度嘅all day breakfast係冇，如果想食all day breakfast但又唔想咁heavy嘅朋友可以一試(唯一不好嘅地方係店員沒有提供餐具，大概因為我張枱同原本另一張枱分開左，搞到我要自行去攞餐具)咁冇腸仔，煙肉，又d有咩特別嘅食物呀 ?佢嘅all day breakfast只有1款，其實就係有：黑松露薯蓉，旋風薯，果仁沙律菜，溫泉蛋，牛油果沙律，墨汁麵包單係見到個薯蓉有黑松露，旋風薯，同墨汁麵包呢幾樣野，就已經夠晒唔同一般嘅all day breakfast啦旋風薯幾脆口，個黑松露薯蓉幾濃味，唔錯反

今日同事一齊食飯，大家都係叻啡控，於是決定去呢間。入到去上左二樓。地方不大，比較細，但座位仲叫坐下舒服。由於呢度出名係all day breakfast, 我地跟機叫左，每人一份。唔好話悶，只係想睇下signature dish 係點！野食到，外表幾好。Bread 是墨汁，食落帶香。雞蛋不夠半生熟，美中不足。炸薯仔，普通野，太厚了，不好咬口。而沙律是非常普通，汁不出色，菜不是好鮮味。反而薯蓉有點驚喜，因有black truffle 點綴，味道都帶哂出黎，幾好味！而我除左coffee, 還叫了凍chocolate, 都係普通啦。coffee 不錯既。

一個悠閒的下午遇已經過上環， 看見一間裝修精美的cafe就進了去。 店內座位不多卻環境典雅， 有臺式風味及文青feel。All day breakfast－ 這個為我的至愛幾乎如果餐廳下午茶有all day breakfast我就一定會點， 今次也不例外但今次餐廳的是為 全素的比較健康。 而當中的配搭卻有別於一般的，例如黑松露馬鈴薯配溫泉蛋－ 外型像一球曲奇雪糕， 入口略帶一點鹹再伴隨著溫泉蛋一起，味道異常相襯有驚喜。 其餘的還有牛油果沙律、新鮮水果、 墨汁麵包及食落非常滿中的旋風薯。其菜式配搭新穎清新及健康實在值得推薦。慢煮無骨雞腿意大利粉－ 這道菜實在值得一讚，雞腿以慢煮方式兩個小時，把當中的纖維筋膜全部都溶掉了， 食落肉質非常 軟熟彈牙， 再吃一口新鮮蕃茄醬的意大利粉實在配合得天衣無縫， 令人垂涎三尺。冰玫瑰奶茶－ 以伯爵茶為基礎， 配上少許玫瑰花再加上新鮮牛奶， 味道可謂非常甘香清新， 飲完後終於明白到何謂齒頰留香。總結， 在繁忙的上環，能在這悠閑的小店待上一個下午， 吃一餐豐富的下午茶實在非常滿足。

The chicken pasta is amazing- very juicy and tender with al dente pasta and the sauce is not overpowering. Braised beef is good too but it’s weird that it comes with fries. Drinks are yum. Desserts: matcha brownie and chocolate brownie are small and tasty.

從來都沒有打算發接食評的我想不到第一次發表的竟然是一篇差的評論第一 地方太迫餐廳分二層 上下均放滿了桌椅中間連讓人轉身的空間也沒有冬天 大衣又長又厚 不把外套脫掉 根本入唔到第二 等候時間太耐一個鐘食飯時間竟然用了八個字等還餐唯一可取之處是店員尚算有禮貌解釋因為太多人同一時間落單但。。有幾多個香港人可以有二三個鐘午膳即是廚房根本處理唔到甘多單第三 食物質素order了二份午餐一份是牛助骨一份是雞扒意粉牛助骨是用累似鐵平底鍋上 跟二片黑麵包 加薯塊跟牛油果醬等左甘耐 竟然份餐是唔熱既 只是微溫味道也沒有什麼特別 最好味的竟然是薯仔另外意粉也是沒有什麼特別 店員說雞是slow cook 的但吃下去是淡淡的 肉質也不是特別的滑這個價錢 同我去大家樂食個意粉有咩分別而大家樂應該還座得舒服點第四 價錢二份餐連餐飲要三伯元埋單這個價錢是否deserve better? 最後 try and error 應不會再幫襯

想找個寧靜的地方看書，見COFFEEHOLIC設樓上雅座，打算一試。可惜侍應說樓上不開放，唯有坐在樓下的小角落店子小小，抽風系統也一般，會聞到油煙味。點了一件Matcha brownie $25 和一杯 Spicy latte $32 (tea set優惠 -$10)Brownie size比較小，抹茶味不特出，而且裡面烤太熟，口感較乾Spicy latte面頭撒上花椒碎和肉桂粉，拌勻後飲用不太辣，只有吃到花椒碎時才感覺到辣味。總括而言，環境、食物和飲品都不太特出，雖一是服務員親切友善。

跟朋友一起來到蘇杭街地下的台灣小舖，舖頭雖然細細間，但甚有台灣特色。cappuccino 滑溜，杯子是雙層設計，不怕熨手，非常貼心。Brunch 的黑碳飽，外脆內軟，黑松露薯蓉香味很突出，最讚的是炸薯角，非常出色，溫泉蛋也很用心做。整個Brunch都超正意大利牛肋條，配上干菰，超爽口的干菰，比牛肋條更吸引😁😁，配上薯角和黑碳包，回味無窮。這個Matcha Tart其實味道不錯，但因為太飽，所以吃了兩小口就吃不下去了。