Coffeeholic (Closed)

跟朋友一起下午茶，他開車帶我走他平常最喜歡的小店--COFFEEHOLIC by Smith Group Taipei, 餐廳位於蘇杭街地鋪。餐廳2層，座位不算多，主要做早餐，午餐和下午茶，晚上六點就關門。餐廳佈置很溫馨，但有點迫，沒辦法，香港租金確實貴。Pink Himalayan Sea Salted Caramel Latte拉花圖案漂亮，咖啡入口香濃幼滑，帶有少少鹹味，很特別。All day brunch , 竹碳麵包外脆內軟，黑松露薯蓉好突出，最正的是炸薯塊，書快成波浪厚片，外脆內糯，怕熱氣的我也忍不住把它吃光了😋😋😋

朋友在網上團購見到 Coffeeholic 做下午茶二人套餐，問我有否興趣，之前光顧過這裡的午餐印象不錯，所以便購買了。星期日兩時多下層依舊滿座，職員安排了我們坐樓上，感覺清靜一點。一盤食物端上，大部分都普普通通，牛角包是凍的，較吸引的是黑松露醬薯仔。團購下午茶餐包兩杯35元的飲品，我選了cappuccino, 看上去好像很不錯，怎知喝下去其奶泡很薄，本來奶泡薄的cappuccino也可以好喝，但其 espresso 底沒有一點香氣，不至於苦澀但令人失望。整體的感覺是團購餐的食物飲品沒有誠意，這個水準平均每人還要100元，CP值頗低。

During holiday went to walk around in Sheung Wan with mum, since it was a public holiday, not much shops open so we finally chose to try this cafe.The atmosphere and decoration of the cafe is nice, when the drinks and food are served, can tell they have put some effort with the dining service and I like the setting. The service and food are all good, but honestly the price was a bit expensive, maybe can try it occasionally.

上環實在太多咖啡店🤔，你想試曬咁多間都要比D時間及心機先得,但咖啡店要特圍要好比心機（香港做生意係比較難）係事實⋯⋯⋯朋友介紹這間咖啡店😏，食物及咖啡唔錯，聽聞這間是台灣過來嘅，就過來試一試但⋯⋯大家自己心態先調整一下，因為一般人覺得台灣咖啡店，會好有台灣feel，係唔會完全有嘅！香港地方小唔會太大地方,所以商戶已經在小店盡量做到親切感，這間店禮貎是很好的！不過有一些細節店鋪可以改善的！當天中午大約兩點幾，下層每一張枱也有人，我是兩位的，我朋友係未到嘅！詢問可否坐樓上，店員説樓上關閉！之後店員引領我坐在一張四人枱，我旁邊是一位女仕，當然我覺得冇問題，地方小同枱是正常！但當又有兩位新客入來時，又是樓上關閉！店員叫與我同枱嘅女仕可否調枱，個女仕已經很不開心地說，我柸咖啡改拿走！(當然之後再有第三對客，係有開放到架😑)為什麼這女仕不愉快呢！因為他點嘅食品，點左先知沒有！我坐下時店員又跟女仕講要搭枱（搭枱係正常，女仕沒有不快，因是4人枱）😊😊😊😊但又有新客入來時，為什麼又不開放樓上呢？😒要這女仕調枱呢？她只是想來喝咖啡休息下，但太多問題發生啦！佢為有走我這邊由兩個人轉三人，詢問可否轉上層，因為

上環近排開左好多cafe，lunch hour間間都話要訂檯先有得食，唔訂連等位既機會都無，呢間cafe店名寫明係「by Taipei」，講真，隊長對台灣cafe認識少，所以唔知係咪台北出名的cafe，只係上次食唔到，唔憤氣，要訂檯試下！見到有食評話環境好，事實係環境好⋯⋯細就真，我地一行6人，樓下無大檯，安排上樓上閣樓坐，其實都幾迫，同埋都幾熱，坐近牆邊既同事，差d被掛牆塊鐵造車牌裝飾揼親個頭，好彩果刻佢無挨後坐！飲品我當然揀飲咖啡啦，揀左杯mocha，有同事揀左rose latte、蝶豆花，其實對杯mocha有d失望，話晒都叫coffeeholic，咖啡唔算差，不過味道唔夠rich，朱古力味都唔香濃，同一部靚少少既即磨咖啡機沖出黎既味道差唔多，至於同事杯蝶豆花⋯⋯我地形容為一杯有顏色既水，雖然知道蝶豆花本身係無味，不過真係淡到同水係無分別😓食物款式唔算多，由於隊長果日都比較肚餓，所以叫左個慢煮雞意粉，有同事就叫個all day breakfast、牛肋條，我個意粉就普通啦，無特別，反而同事個牛肋條幾好味，炆得幾入味，牛肋條唔駛點𡁻都已經食到，同埋佢唔係太咸，配灑左少少鹽既薯條就岩岩

係上環附近做完野 行過蘇杭街 見有間好特別既cafe 叫coffeeholic 究竟有幾鍾意Coffee先會變coffeeholic😆入面座位唔多 但非常舒服 裝潢好靚一入門口就見到呢個小角落 用巴黎鐵塔做既枱同櫈 好有心思令我對呢個角落特別喜歡食物都好有水準 燉牛助骨溫泉蛋配薯角再加麵包牛肋骨燉得好入味 好軟身 個汁加埋溫泉蛋同脆脆既麵包一齊食 非常夾 玫瑰奶茶 見到係推介已經好想飲飲落茶味香濃 再加上淡淡既玫瑰味 好香大蝦意粉 見到有咁多火箭菜已經好開心 再加上 隻蝦好大隻 意粉煮得岩岩好 簡單一餐Lunch 但每樣菜都好有特色 令我身心舒暢😀

同朋友想搵啲cafe 食嘢，search 到呢間，一去到門口，見入面坐滿人，位置俾所想少，後尾先知原來有樓上。叫咗慢煮雞脾意粉同西班牙豬仔骨一齊食。飲品要咗salted caramel latte,個拉花好靚。等咗一陣啲嘢食先嚟，個豬仔骨好少，得一舊仔。味道唔錯。食完等咗陣，就到個意粉，佢話係慢煮，但個雞比所想韌，無味，同好細塊。。計埋飲品，埋單每人不不多2百蚊，而食完好像唔飽咁…不過staff幾nice的。同埋當日打卡送匙羹，隻羹都幾靚。

自問不是咖啡狂迷，只要是有綠茶latte同佢既甜品我都會一試的。咖啡店比人感覺寧靜，分樓上樓下，我就坐樓上，雖然環境也不大，但是當天人客不太多，可以好好享受一下我的午餐我去呢間就係為左試下杯靜岡手工抹茶，除此之外，我仲試左無骨雞腿意大利粉配蕃茄醬，等左冇耐，杯抹茶送上，顔色頗深，看似很有抹茶味，上層奶泡很多而且打得綿滑，我好著重抹茶係要有甘澀的味道，呢杯不多亦不少，有奶味亦有抹茶味的，調配得很好好，佢仲有小杯黑糖比你調味的，我加左少少再飲，感覺又不同左之前就比較淡，只是飲到芳香抺茶味，加左黑糖就有輕微的甜度，一樣咁好飲，一杯野飲兩種味道的享受至於意粉雞腿嫩滑，意粉粉量超多，煮得洽到好處，有咬囗， 仲有配菜如小粟米，爽脆新鮮，蕃茄味不太濃而且不油膩，清淡之選，濃D會更加好，最後我還是叫左舊綠茶brownie, 夠細舊，好期待，碟幾特別，有刀叉圖案，但是很失望，因爲冇綠茶味, 得個甜字，食左一小口，再也無法吃下去

經朋友介紹來到這裡，食物味道十分好，尤其係意粉，份量算中等，兩個女生點了意粉加牛兩個主菜絕對夠食，還吃剩薯條。但男生可能未必夠，因為牛的份量不太多，除非吃掉所有薯條🤣.由於飲品選擇眾多，只好煩店員推介，店員介紹熱門嘅salt caramel coffee。真係好好味，咖啡味好厚，喊喊地不多不少，再加caramel 岀奇地配合，味道配得剛好。如果拉花拉得再美一點，興奮度會大大提高，不過其實已經好好！👍🏻應該會再來，因為還有多款美食同咖啡想試喔！店員服務態度也好好，仲有就係唔會吹你交枱，雖然我哋都係一小時半左右就走。但係座低無吹你叫野，亦無急住收野，係香港已變得難能可貴。

※本文以用餐當日的環境、服務和食物質素為準，口味亦因人而異，文章只作參考之用。-炎熱的星期六又走去覓食，地點又係充滿美食的中上環一帶。揀左想去好耐的台灣過江龍Coffeehoilc，看到''台灣''兩字就會好想試！其實小妹都有去過一次，只係急急腳咁飲左杯有靚靚女孩拉花的Flat White，始終無點鹹食覺得未夠盡慶。星期六中午就一於再訪，咖啡店環境不大，步進店內前方已是數張二人枱，右手邊是半開放式廚房。店裡有樓上雅座，上次坐樓上感覺闊落一點點，今次被安排坐下層是真的較為迫狹呢，而且冷氣不太夠啊，談不上舒適。不過店員態度親切，服務不錯!現在到Coffeeholic Pacebook Page簽到，仲會送一枝日式咖啡小匙，小匙有羅馬時鐘、櫻花、梅花等造型，美觀又可愛!咖啡店標旁用上來自台灣烘焙的得獎咖啡豆，有多款咖啡供應，最特別莫過於有「甜」、「酸」、「苦」、「辣」和「鹹」五款沖擊味覺旅程的咖啡！可惜今次小妹只點了抹茶拿鐵，真的想試試辣味咖啡是什麼味道，可能要再來一次嚕。雖然主打咖啡，也有茶、果茶、可可、消暑特飲等供應，連IG打卡一流的紫薯和玫瑰味Latte都有，款式花多眼亂。食物有分頭盤

早陣子的夏季流感高峰期盛行，公家醫院淪陷，醫護人員工作量倍增，搞到學廣告話齋「晚晚OT，食無定時，挨到胃痛」連日OT都未抖過的小妹，決定今天要補鐘早走，放鬆一下心情，休息就是要走更遠的路。由朋友帶到一間位於蘇坑街的咖啡店---COFFEEHOLIC by Smith Group Taipei，看到最後寫上「Taipei」兩個字，才知道是由台灣過江龍而來的咖啡店，餐廳在台北、台中、馬來西亞及廈門都設有分店，至於上環店是香港首間分店。餐廳的裝修遊走歐洲工業風，牆身除了掛上黑膠唱片、街邊消防水喉筒，特別是每張椅子底部都有像巴黎鐵塔設計，十分型格，輕帶歐陸復古格調，讓人彷如置身在悠閒時光。餐廳分有上、下兩層，廁所位於樓上，若不是剛好問過洗手間在哪裏，才不知原來樓上同樣也有這麼精緻的裝潢。揭開餐牌，有近兩、三頁紙都在賣餐廳的飲品，當中令人最矚目的，莫過於有香港獨家的5款甜、酸、苦、辣及咸味咖啡的Taste of Journey，和七色彩虹飲品的Rainbows of life，日日可以依據自己的心情和狀態喝一杯相應的咖啡或特飲，正代表人生就是一場充滿五味和彩虹多變的旅程。日本靜岡手工抹茶牛奶佐沖

今日放假去做body check，上午已完成，因喝了大量水，不太有餓感，直到下午三點，來到上環這間收藏已久的小店，獨享一個人的美妙時光，平日有空來就最好了，餐廳在下午六時關門，放工去也吃不到呢，星期六雖有營業，但應該好多人吧。而坐下來聽到，很多來客平日下午應較靜的時段也是預約前來呢，可見這cafe多受歡迎。一早訂立我的目標是all day breakfast，配上一杯飲品就perfect了。檸檬遇上鳳梨$68炎炎夏日，在街上走一回，已令人汗流不停，叫了這杯飲品，它就是檸檬鳳梨炭酸飲品，味道非常清新，不會太濃，無負擔，令人由內至外掃走悶熱感覺。All Day Breakfast $118選料和製作都非常用心，有黑松露馬鈴薯配溫泉蛋、果仁綜合沙律菜、牛油果沙律佐墨汁麵包、旋風薯，雖然無是全素無肉，因每樣都是精選製作，都令人有豐富的感覺。墨汁麵包有微微脆身和咸香味，頗特別，可配合牛油果沙律食，牛油果沙律新鮮滿果仁香，加上松子仁增添口感。溫泉蛋以小杯盛載，賣相精美，睇得出火喉控制得好，未食就知道滑嘟嘟，官方說溫泉蛋是配黑松露馬鈴薯食，但我覺得配沙律菜食更夾，沙律菜中夾了菠蘿乾、蕃茄乾等，增添果

位於上環蘇杭街的 COFFEEHOLIC by Smith Group Taipei 距離港鐵上環站 A2 出口十分近，步行約5分鐘就抵達。在等位期間，留意到店方門面的雜誌介紹得知原來是台灣過江Cafe品牌，在馬來西亞、內地也有分店。於上環開店，鋪面走歐洲工業風，枱櫈均是仿鐵塔模樣，冷氣夠大，夏天嘆冷氣一流！餐牌大致分為沙律、意大利粉、全日早餐和傳統意法式菜，並提供早午餐半價優惠。店方採用台灣烘培得奬咖啡豆，祕方是由南非、巴西和哥倫比亞所併湊而成。除了意式Espresso、Romano Lungo，也有店方獨有的五味包裝咖啡，發揮咖啡極致的一面。想接受挑戰，一於展開一趟味覺的旅程，體驗咖啡的甜酸苦辣鹹。面對眾多選擇，店員熱情地向我推介店方新產品，使我不用再猶豫不決！慢煮無骨雞腿意大利粉配新鮮番茄醬 $118慢煮兩個鐘的雞肉看上去會有微紅都是正常，反正就是完全熟透。慢煮將新鮮的一面都緊緊鎖住，愈吃愈突出雞肉鮮嫩多汁的優點。配菜有栗米芯和豆角，拌上足夠又鮮明的蕃茄醬，更覺得這道菜是心思之作！大蝦忌廉汁意大利粉 $138拌碟都是相當美麗，將三隻蝦扭紋起殼，然後均勻地鋪在沾滿忌廉汁的意大利粉上

假日總會與親愛的做一些平日做不到的事情，這才是假日的意義。今天是星期日，所以上環不會像平日繁忙，泊車也方便多了，與親愛的在店前泊好車後，當然是入去品嚐一直未有機會嚐到的coffeeholic by smith group taipei。因為平日只是營業至下午六時，我又不是在附近上班，只有周日的空檔來能悠閒細味。最近都沒吃過牛肋條，看見餐牌力推意大利燴牛肋條，雜菜配溫泉蛋，蘆筍及蕃茄醬，令我眼前一亮。牛肋條紅通通的，很有美感，以雜菌，蘆筍，焗豆與溫泉蛋為伴，別具風味。用蕃茄醬燴製的牛肋條，燉煮很軟爛，而且入味十足，牛肋條一入口，軟綿好嚼，搭上醬汁，雜菜，口感極富層次。牛油果沙律的潤滑，加上堅果，口感很有層次，整個沙律洋溢著夏天的味道，相信連平日不愛吃牛油果的人，都會被這道沙律給征服了。熱騰騰的旋風薯現炸現吃，熱呼呼的外脆內軟旋風薯最棒。酥脆的旋風薯裡還灑上椒鹽，吃起來的風味更獨特，鹹鹹酥酥香香的香氣讓我一下子就把它吃光光。外脆內鬆的墨汁麵包本身就非常美味，加上墨汁不僅為麵包增添香氣，而且黑漆漆的顏色搶眼萬分。我們還選吃慢煮無骨雞腿意大利粉配蕃茄醬，首先品嚐的當然是意粉，麵條濃郁香彈，有著

朋友約lunch，係上環coffeeholic，店舖好細，分樓上樓下，餐牌都只有2頁，選擇唔多。美式咖啡 34港幣好細一杯，我好口渴，2啖KO，我覺得這家店飲料偏貴。廚師沙律配慢煮雞胸肉 118港幣沙律好fresh，沙律汁酸酸的好味，雞胸肉唔老，因為係慢煮所以中間有一點粉紅色，推薦。義大利燴牛肋條 148港幣份量唔大，牛肋條只有細細幾塊，配菜旋風薯好味過主菜，性價比一般。服務唔錯，但之後都唔會特地過來食。