混亂 STEAK (Closed)

同事喺網上見到逐Gram計的牛扒，好似好抵食，所以Lunch去試下去到12點幾，已經有十人排隊3個人，食2個餐，(每位顧客只可以買一個餐)揀左400g 牛柳，師傅切到436g另一個，揀左最貴的西冷，都係揀400g，師傅切到368g加$18轉set，4揀3，飯、味噌湯、沙律、汽水如果無特別要求，肉係Regular同事八卦問師傅，知道今日嘅牛柳係來自紐西蘭，西柳係來自巴西西冷跟左洋葱油，剛剛好，唔會太濃太搶味牛柳跟蒜油，但蒜太重味，掩蓋左牛肉本身的肉味3個人食大約800g~ 好足夠~ 啱晒鐘意食肉嘅朋友~不過把餐刀就鈍左d... 切到手軟...埋單三百幾蚊，每人百零蚊就有牛扒食~另外，雖然係food court，但環境同通風都唔錯，唔會一入去就有濃烈的味道~

晏晝整完甜品，就專登搭車岀去食呢間牛扒，聽聞牛扒性價比高，我地就一試究竟五點去到，見員工仲準備緊，佢話六點先開，見佢係牛柳貼左sold out ,就問多一句一會兒會不會冇牛柳(因為我淨係想試牛柳), 佢話會有，咁仲有一個鐘，就去坐陣先。五點二十五分已有人排隊喇，所以我地都去排，前面已經有差唔多十人六點35分左右先排到，就order 左380g 嘅牛柳再加汽水，沙律同飯兩份食。師傅徒手咁切380 g ，準呀上到枱嘅時候已差唔多七點餓死了。牛扒賣相不錯，蒜容好多好香。牛扒熱辣辣，肉質並沒有所講嘅切唔到，食唔到，雖然未去到好嫩，但還是可以的。冇乜牛肉味，真係靠個汁攞返啲味。如果以這個價錢黎講，還是可以一試

見Facebook各大專頁都介紹呢間「叫幾多切幾多」牛排專門店，梗係試一試佢喇！當晚十分大雨但無損我既熱情！夜晚６點去到。見到條隊排排排排，排到上樓梯仲未完，再兜個靚灣終於見到龍尾。職員好友善同我講排7x個原來夜晚限賣80份，第80個會係ＬＵＣＫＹ　ＳＴＡＲ 免費升級SET (換來既係... 拎住個牌話俾人知我係龍尾賣哂喇!)我等了又等，經過個半鐘既洗禮，見到佢寫住話每人限買一份!問個職員都話係，即刻叫即將餓死既女朋友放棄張枱，過黎一齊買點知前面個男士，一個人...買到兩份...叫左300G肉眼SET + 300G牛柳SET即切，當然佢無勁切到岩岩300G喇所以埋單240蚊左右等多10分鐘左右終於有得食！Ｄ味好香！餓鬼上身，本來食乜都好味...點知個肉眼扒咬呀咬... 咬呀咬...  大佬呀! 我想吞呀! 靭到不得了...  牛柳較好，建議食牛柳或西冷總結:  肉眼扒300G都係78蚊，出面都好難食到，將價就貨喇但如果要排個半鐘去將價就貨...　自己諗喇！

最近網上宣傳呢間新餐廳d報導好多，引起左我既注意。趁今日放假決定約埋朋友一齊去試下。我地醒目地提早到所以未太需要排隊就買到啦😬幾得意既係店員會根據你要300g/400g去即場切塊牛出黎去磅，然後根據重量去收費。🥩我點左牛柳我覺得質素都ok，當然唔可以同平時幾百蚊一塊果d做比較，不過都唔會話好差，所以我覺得性價比都幾高。可以單點牛排，亦可以加$18就等於成個set，有埋飯、湯、飲品，就算係男士都絕對食得飽。

看到雜誌介紹一行三人中午到來捧場，前面有六、七個人排隊，到我點餐時因為冇晒牛柳，所以叫了兩客肉眼及一客西冷(兩客跟餐大約$450)。首先發覺秤牛同收錢是同一人(應該是老細)，因為只收現金，可以想像佢戴住膠手套切生肉、砰肉之後就咁收錢、找錢，衛生角度上是何等倒人胃口！！因為人多等了大約四十分鐘可以用餐，但食落兩種牛肉都無甚口感，肉本身應該唔止五成熟，冇肉汁，靠附送醬汁都冇用；加上肉在熱鐵板上越吃越韌，三個人都覺得真的十分難吃，概嘆今次真的中伏了！！走時有段小插曲，見到鄰座有人吃剩大約一半便走，其水準相信不言而喻，不會回頭了！！

朋友話有好多人介紹呢間餐廳，都係話佢抵食夾大件，而且質素唔差，所以就走過來試吓。一去到就見到有好多人排隊同埋佢都幾香嘅鐵板牛嘅味道，所以就覺得應該都幾好食。再加上排隊嘅時候見到有好多人拎嘅牛扒賣相都幾好睇所以就更加大期望。排隊大約排左一個鐘左右，當然都冇乜所謂嘅因為收銀嗰個係即叫即磅牛扒，所以都算幾均真，用重量計算價錢。但係呢塊牛扒真係太差了！！！！我自己唔算係一啲好揀飲擇食嘅人，亦都唔算係啲好識食嘅人，所以一般我自己好少會形容牛扒好難食，多數只係好好食同埋都幾好食😂但係呢塊牛扒真係太差了，先唔講味道，佢嘅口感真係太硬！！明明已經係有少少血我諗應該七成熟左右，但係真係差唔多每一啖都咬唔到，完全吞唔到落肚😂真係唔知點解，佢嘅味道其實算OK但係每一啖都吞唔到😂咁樣都好難飽喎所以整體而言真係好差排隊有排都好耐，食又食唔到😏真係太失望

俾朋友捉黎試呢間新餐廳，話係食平價牛排。我地諗住6點到應該都算早，點知去到已經見到大排長龍😱，真係好誇張，我地排左足足一個鐘先到我地order。原來店員係會即場係一塊超大牛排切客人要的份量然後計算重量收錢，唔怪得要排咁耐啦。平時都係食肉眼多，所以今次都係點肉眼，我點300g其實都幾大份，坦白講肉質就真係好一般，無咩肉味，而且好難切開，我覺得朋友點的牛柳好食d，起碼唔會好難切好難咬。不過$100都唔使都幾抵既～

我同朋友早左大概5點幾就已經到，間野係位於一間酒店地庫層，全層感覺有d似food court，有好多間小餐廳，無各自餐廳座位，而係統一客人自己搵位坐，座位都算多，唔會好難搵。餐廳6點正式開賣但係見到5:30左右就開始有人排隊，未夠6點已經排左廿幾個人。見到咁多人排，即刻覺得應該會幾好食。但係真心講句，真係有d失望😕 雖然真係好平，幾十蚊就有塊牛排，加$18仲有埋飯、湯、沙律、烏龍茶4揀3，埋單$100都唔使。不過牛排個質素真係好一般，無咩牛味，並無一種好嫩滑的感覺。我覺得花園XX的牛排好似仲好食少少，價錢亦都相差不大。

呢間牛排店好隱蔽，係間酒店的地庫層。我地搵到間牛排店，職員話6點先開始賣，但係5點半左右就已經開始排隊😱好誇張！一路沿着樓梯向上排，好慶幸我哋早左到，大概排第10個。但係由6點開始賣到排到我地落order我地都排左起碼40分鐘。落order的時候話俾店員知你要邊款牛，同埋300g定400g，之後店員會即場係客人面前切牛然後磅重量，完全都係根據重量收錢，之前坐低等啦。前前後後差唔多1個鐘先食到。不過因為始終都係平價牛排，所以肉質麻麻，牛味亦唔濃，我點果份肉眼明明都唔係全熟但係好難切同咬，不過以呢個價錢都唔可以要求太多。建議食牛柳，好食d。

朋友話上網見到喺佐敦一間酒店裏面有間新開的平價牛排🥩，於是就搵埋我一齊去食。六點鐘去到已經見到大排長龍，目測應該有二，三十個人排緊隊，好彩有職員一路維持秩序，所以唔會混亂。到底呢間牛扒有咩魅力，可以排咁長條人龍😱原來呢間牛扒係以重量計算價錢，有300g同400g選擇，可以選擇肉眼，牛柳、西冷。如果用300g肉眼計算，都係$78咋！仲可以加$18有飯、湯、沙律、烏龍茶4揀3。所以我個餐加埋都唔使$100😂不過牛排質素當然就好一般啦～

難得的假期，百無聊賴的在你家中看着Facebook，無端端看到有一段片段宣傳一款令人心動的牛扒。於是我便跟朋友約了立即到佐敦的逸東酒店去嘗試一下這個看起來很吸引的牛扒。本來想問一問有沒有免費泊車，因為一般在酒店吃飯是可以有免費泊車的，但原來逸東酒店並沒有這個服務哈哈哈，每1小時泊車要$50。我們五點便到了餐廳門口，但是他說六點才開始可以吃，於是我們便排隊等候。沒過多久便開始越來越多人排隊。坦白說，這個牛扒賣相的確不錯，我點選的是300g肉眼扒，但我吃了一口，便已經覺得他除了便宜之外什麼都沒有。牛扒太硬太難咬，真的太硬，好好的牛扒我不知道是什麼會變成這個軟硬度。當然她只是$78 ，也不應該有太大的期望。如果只是想試一試它的特色，我覺得可以試吓，但對這塊牛扒的味道有太大的期望便可。

星期日下奏，在網上面睇到傳媒嘅介紹，話$78 有肉眼扒食。咁抵? 同金翠差唔多，便山長水遠捱住肚餓咁由天水圍搭車來試試。大概四點來到時，只見收銀處個牌寫住：今天所有牛肉已經售罄 !!! 果一刻心諗，有冇搞錯呀，咁早就售罄!! 但又見到佢個雪櫃有好多貨喎，應該係聽日的牛扒有得睇冇得食。food hall 其他嘅選擇並唔吸引: 靠得住/越南粉/茶餐廳，等等。。如果想試下呢個$78牛扒，可能真係要一至五再走一趟先食到了。

同朋友見到網上報導之後就決定去試下友人同我都叫左一份肉眼（300g)店員的服務態度友善 比完錢之後會提你大約10-15分鐘就可以拎得 值得一讚價錢十分親民 食完都覺得抵食 大約100多啲就有一個set 但係整體發現牛排整得老左 同太多筋 明白價錢唔貴 質素唔會好似其他食牛扒既餐廳一樣咁好食 但都好希望佢可以解決喱個問題 因為太多筋 塊牛排好多都食唔到

今日我想講下呢間Confusion Steak，我見在昨日這群組內亦有第二個貼講關於佢，話佢係谷飼牛Grade C Cow Meat，以後都唔會幫襯！其實我唔識Met Chan，但我幫襯過佢深水埗和大角咀的牛肉館和丼屋，兩間我都覺得物有所值，經常去幫襯添。我唔鍾意在外面食西餐，主要原因是香港鋪租和人工都貴，加埋老闆利潤和裝修，食物成本往往是賣價的三成。所以如果一個套餐賣二三百蚊，你塊排的成本都係一百蚊左右。咁我不如買塊二百蚊的牛排🥩回家煮，烹調對我絕無難度。講番呢間食肆，佢標明每款牛的價錢，呢個價好接近成本，而且佢講明係安格斯牛肉，成舊牛係你面前切和磅，童叟無欺。當然如果你食開 Prime，Choice ，澳洲和牛Wagya 或 Angus grade 的人，呢度絕對唔啱你食。他開在food court裡面，鋪租已係最平，工作人員得佢同廚師，收銀同切肉都係老闆做埋，在香港真係絕無僅有！他將成本、鋪租和人工降至最低，同我買肉回來煮都差不多，點解我唔去支持下本土食肆呢？我食完都有同他反映一下我的意見，如果有得選擇，我不喜愛用鐵板上，原本我塊牛是五成熟，但食到一半已變全熟，這是我最不滿的。我

最近逸東酒店開左food court ，呢個做法都幾好，可以吸引多啲人又多啲唔同野食今次試左呢間鐵板牛扒。佢有三款牛可以揀，肉眼、牛柳、西冷。但係我已經平日六點左右去到，牛柳已經賣哂，真係有啲失望最後揀左400g肉眼300g西冷因為都係徒手切，所以都唔係好準，多除少補啦揀完肉之後就揀要咩味，有蔥油，洋蔥油，蒜油，仲可以揀份量之後可以選加$18，要飯，湯，沙律，汽水(四選三)一般無特別要求會係5成熟。等候15-25分鐘就拎得喇整體我覺得肉眼平啲，而且淋啲