聰嫂私房甜品 (Closed)

幾日公眾假期日食夜食，今晚食完晚飯再戰樓下聰嫂!呢個龍眼椰果冰入口左凍之外，佢嘅味道係好得意，一入口龍眼味唔多覺，但係回味果陣就開始食到，清清淡淡好舒服榴槤黑糯米，2種格格不入嘅食物，原來一齊食又幾特別，榴櫣我就食唔到係咩來頭，但總算係啖啖榴櫣漂香，黑糯米都係預期咁正常賽果，全碗野都幾飽肚實而不華嘅甜品店不過真係要等好耐，但又值得等嘅

夜宵覓食時間經過新都城的聰嫂，好多人在排隊。一定得嘗一個。楊枝甘露豆腐花，很有創意。入口即化，豆腐花的味道和傳統楊枝甘露很好的混合在一起。第二碗熱乎乎的椰汁芋頭西米露。椰汁香滑，芋頭不是普遍的切成小方塊那種，而是大小不一的橢圓小球形，入味又細膩，除了有些略甜，這道傳統甜點做的簡直讚！榴槤班戟的班戟皮做得不錯，第三道甜點略微遜色。總體糖水體驗五星👍

由幾年前開始,經常同班FDS一齊去寶琳食糖水當宵夜而我最中意食就係忘果豆腐花.我D FDS就叫其他黎食唔知係咪錯覺. 份量比幾年前好似少左,好快食晒雖然好似少左,但我都覺得好低食一個人都係2X蚊賣單 一款甜品都唔洗30 就有得食呢日係中秋節補日 所以都排好長整體都滿意

寶琳分店係聰嫂第一鋪 晚晚滿坐決定買外賣返屋企慢慢嘆可惜 好一般士多啤梨豆腐花士多啤梨同冰打埋一齊 似沙冰 士多啤梨味淡 冰同糖漿太多豆腐花好滑 冇咩豆味 似百福豆腐花蜜瓜涼粉唔知係咪太好生意 蜜瓜粒同涼粉未解凍 硬過我個頭等佢溶左先食到

我地一行三人黎到聰嫂，叫左南北杏雪耳燉木瓜-唔錯，唔會太甜，清清地好滋潤。榴連黑糯米，正！好好食！仲有叫左個芒果涼粉黑珍珠，正！好正！芒果大大粒，涼粉又爽口！會再返黎！

趁住七一放假，我就去遠啲試吓唔同嘅嘢食。是晚嚟到聞名已久嘅聰嫂甜品，果然名不虛傳門口人頭湧湧，我哋都大約等左半個鐘先入得。叫咗芒果燉奶同埋士多啤梨豆腐花。士多啤梨豆腐花豆味超級濃又滑，上面類似士多啤梨雪糕頗甜，士多啤梨味好香，而且凍冰冰食落口感一流。食過一口芒果燉奶亦都係好香滑，奶味香。每樣野都只係20幾蚊，好味又平唔怪得咁多人排隊

夏天咁熱 食個冰凍既糖水真係冇得彈今次就去左食聰嫂叫左個龍眼棷果冰第一啖食落去好有好甜既眼龍味 但不會過甜入面仲有西米同棷果啲西米同啲冰一齊食個口感好好棷果就比較硬少少 都係有少少甜味但幾樣野加埋一齊食都好好味味道清清地 夏天啱晒

我地全部都住沙田 / 馬鞍山，有部份人有車，就因為有人話要食聰嫂，就 16 人浩浩蕩蕩由馬鞍山揸車去將軍澳食糖水。上次我喺東京時，佢地已經試過一次，仲係咁放啲相出黎，忍死我了😫於是今次幾大都要嗌個榴槤水晶珠食！榴槤味好重，啱晒我呢啲勁鍾意食榴槤嘅人！夏天食更正，凍冰冰咁拎出黎。唯一略嫌不足嘅係啲榴槤雪得太凍，有少少結冰，破壞左啲榴槤嘅質感

夜晚收工都成10點，做左成日野精神體力都消磨得七七八八想慰勞下自己，就去左食糖水喇。 我同朋友一齊食左椰汁芒果西米露同埋水蜜桃仙子。椰汁芒果西米露唔太多材料，但勝在芒果多又甜，而且整體唔會heavy。 水蜜桃仙子真係值得推介，材料多又平，啖啖都食到起碼2種材料加上椰汁糕同西米有唔同口感，令成個甜品非常豐富。 整體黎講都算係價廉物美，份量適中而且輪侯時間短，值得一試。

炎炎夏日到聰嫂食下午茶, 點左個楊枝金露豆腐花同龍眼椰果冰。楊枝金露豆腐花- 豆腐花夠滑, 西柚清甜。芒果勁甜, 成個甜品配合都岩岩好!龍眼椰果冰- 好大碗, 食完都真係有D 飽。椰汁同龍眼都係我最愛! 唔知點解覺得新都城呢間係好食D價錢仲要超值, $50幾埋單。去第二D質數冇咁好既都唔止呢個價。希望佢ＫＥＥＰ得住!

我係見到open rice有甘多好評先去食 點g大失所望。原來係因為係open rice俾好評 就可以有優惠。我叫了一個椰汁芋頭西米露 味道太普通 根本不值得那一個價錢。而芒果雙皮奶不但分量少 又太普通 難道這就係好食？糖不甩只不過用紅糖 下次絕不會去呢間。

平時都係食榴連，今日想試試新野。喺諗唔到既情況底下，靚女侍應姐姐就話'試下芒果奶昔雙皮奶啦，幾正架！'為左唔同選擇困難症博鬥，就信左靚姐叫左黎試試。食後感係好感👍🏻芒果甜奶昔香雙皮奶超滑一個字好正！兩個字好鬼死正！熱辣辣底下食佢，無得頂!

之前係CWB見到聰嫂甜品排哂長龍，最終放棄無等位~今次咁晏經過唔太多人，終於第一次食到了!!同朋友分別Order左杏汁芒果豆腐花、芒果涼粉黑珍珠同芒果椰汁黑糯米!杏汁芒果豆腐花杏汁味比較淡，對於中意杏仁味既朋友仔黎講會失望唷!~幸好豆腐花夠滑，加番d分!~另一個芒果黑珍珠涼粉整體都ok，芒果夠甜，配上涼粉既草藥回甘味，兩者味道得到平衡!~再加有黑珍珠，令整道甜品口感更豐富!!至於芒果椰汁黑糯米，淨係賣相已經非常吸引!!!差唔多成個芒果既份量放係黑糯米上，非常吸睛!!黑糯米很黏身，入口煙靱，配上鮮甜既芒果，十分fresh!!~平均黎講每樣甜品$30都唔洗就食到，而且質素同味道都唔錯，好值得一吃再吃呀!!!

行街經過發現出名嘅聰嫂，聽就聽得多，食就未食過，咁當然第一時間衝去食啦士多啤梨涼粉 $24價錢好抵，一黎到士多啤梨蓉好吸引，上面仲有好大粒士多啤梨，一睇就好想食食落士多啤梨酸酸甜甜，好新鮮，士多啤梨蓉酸甜之餘，沙冰不會過多，濃郁士多啤梨香，粉色更令吸引女孩子們，臨尾溝埋涼粉食更，不太甜，士多啤梨味涼粉，甜甜酸酸夏天消暑甜品的確有驚喜，特別係士多啤梨蓉，值得一讚

今日經過聰嫂見到冇乜人就入去食糖水，睇左好耐menu最後都係決定食番最出名果個「龍眼椰果冰」！食第一啖...好冰涼，超正！而且啖啖龍眼肉，吾會有種感覺淨係食冰咁！不過愈食就愈凍佢冷氣又開得大，吹住個頭要篤碎d冰等佢溶咁d先好d... 最後都冇食晒就頂吾順個冷氣就走左...