聰嫂私房甜品 (Closed)

由開業至今一向棒場，今天一如以往叫龍眼椰果冰加涼粉這個配搭，平常喜歡加黃糖上涼粉的我，今天也叫服務員給我少許，結果她轉頭回來說:一向不可以俾，我:每次問親，你們同事肯給我的，她:係邊個俾？我:吓…我點會記住…每次個個同事都肯俾嫁wo……。(*白砂糖分店沒有，要少少黃糖也不過份吧…？好像平時食茶餐廳，有D人鐘意食辣，都會加辣椒油喺湯粉入面啦……)最失望的是跟在身後的老闆娘(印象中)全程黑面看著(穿著黑衫企收銀的)，好像我得罪了她似的，其實我從頭到尾也沒惡意，之後那位服務員便說:沒有黃糖就不要啦！便拿走我枱面上的涼粉……以前一開業時，老闆娘會在店舖內笑面迎人，問客人甜品意見，有時仲問有咩想試，送給我們試，我們還說不用，留返下次再幫襯試……感覺她很親民有善經過今日整個過程，加上這個疑似老闆娘的人的黑面態度，以及拿走了枱面上的涼粉，之後還一聲不發拿走枱面的單、改單、其後收錢，完全零說話零眼神交流的老闆娘(疑似)，我徹底地失望+傷心……

嚟得聰嫂必食嘅就一定係龍眼冰，龍眼冰裏面有椰果，所以食落好有口感。不過我今次決定試吓新野，就叫咗楊枝甘露試吓。楊枝甘露味道唔錯，好香奶香味同芒果味，不過再食落就有少少夾，可能係因為柚子嘅關係，不過整體來講都幾香滑。

昨天下午出席活動，途經聰嫂私房甜品，當然要試一試啦1.呢個椰汁芒果黑糯米，講真評分3/5一黎下面無汁，只有椰汁在面，可能原意係想近似泰式果類，但因為這裡糯米粘性較強，所以無汁底下，較粘口，食落好飽肚芒果奶昔雙皮奶。評分4/5。必食推介上面有一重芒果+芒果沙冰，下面就係雙皮奶味道非常之夾，芒果沙冰甜而不留，芒果沙冰同雙皮奶味道互相帶出，芒果非常熟好甜，令下面雙皮奶慢慢淡出奶味，又能有芒果嘅果甜味，配合得非常好

連1個5毫都唔收. 服務態度又差, 啲甜品又唔係好食. 如果唔係見少人, 我都唔會去. 成班店員坐係到冇野做, 淨係serve一兩枱, 但啲service 都甘差,一定唔會再去.

食完晚餐一心諗住買個糖水返屋企食，點知一打開就係成灘水，完全無凝固。食左一啖都有薑味，但感覺似飲緊薑水。蛋白算係正常，但都唔想食，成碗野太稀，薑水撈蛋白，見到都唔開胃！！D燉蛋未ready就唔應該賣。

一行人等左五分鐘有得入座，冷氣都舒服叫左4碗甜品，黎左3碗之後等極都未黎齊，問左佢一聲有冇入單，之後佢話有，然後一行人繼續等，等到食哂3碗都未黎第4碗，直接埋單走人！食左一碗蜜瓜椰果冰，夠涷，蜜瓜就普普通通，奶味都係一般般，仲有蜜瓜豆腐花同芒果黑糯米，同街邊賣緊$1x蚊一碗果D完全無分別，俾成$30蚊食佢都係貪個冷氣。埋單又話唔收2個5毫子，又話咩公司規定，我真係唔知應該跟公司規定還是香港法例好D！一肚火，食物質素普通，又漏單，又拒收錢！

🍋芒果椰果冰 $32🍋呢個係聰嫂必食 不過芒果粒愈黎愈少芒果又唔凍 雪凍個芒果真係咁難咩🙄👀龍眼椰果冰 $36👀呢個都係聰嫂名物之一龍眼味好重 唔假 唔易溶 好好食略嫌貴左啲👀

今日同朋友行完山後去左聰嫂食甜品，有好款式的甜品都非常吸引，最後點了一個特別推薦的龍眼椰果冰。龍眼清甜而且同椰果非常夾，食落去仲有種清新的感覺，口感同味道都一流，而且非常消暑，的確係夏日炎炎的精選。

食過幾次聰嫂，榴蓮就兩次，都係喺將軍澳呢間。座落新都城地下大街，地鐵站對面，都好易搵。一如普通甜品店，店仔細細，十張八張枱。我喺星期日下午茶時間去，將軍澳區，人流唔多，得幾張枱有客。今次食榴蓮黑糯米，最面係榴蓮，黑紅色黑糯米，有啲透明水晶珠，再有椰子奶凍（好似係）。都唔錯，不過對滿記榴蓮忘返中毒太深，始終覺得佢先係最好味，直頭滿分。聰嫂大概75分啦。分別係成個唔夠香，奶凍無滿記嘅碎冰海底椰咁冰，食落去先爽。

出嚟做嘢之後，好耐都冇過嚟將軍澳呢邊，今日難得過嚟行街，就梗係要去聰嫂食下回憶啦！隔咗咁耐，仍然係好多人食要等位，不過得2個人都好快就入得喇。個人覺得必食嘅必定係士多啤梨西米冰！(好似以前係叫士多啤梨西米露？！)呢個西米並唔係一般嘅西米，最中意佢係好似刨冰咁嘅質地，夏天行到熱辣辣食真係好消暑。呢碗西米最特別嘅係，佢碗入面會有啲好似西米大小咁嘅爆珠好有口感！而佢嘅西米係另上嘅。以前次次都係食士多啤梨西米冰，今次就試下其他，嗌咗個哈蜜瓜豆腐花。同士多啤梨西米冰一樣好有賣相，望落都已經覺得好味！食落去仲有驚喜，好fresh，隻味好清甜唔係好漏個種，相比起士多啤梨西米冰係冇咁甜，而且濕濕地幾解渴。估唔到今次會搵到新寵，下次一定會encore🍈😋

週末晚飯後最好不過當然是食個糖水啦，今次我地就來到聰嫂吃了龍眼椰果冰、綠茶杏仁豆腐花和蜜瓜涼粉～這裡招牌的龍眼椰果冰是我們最愛之一，清甜冰涼 較少甜品舖有得食，水準一貫的不錯～而綠茶杏仁豆腐花的綠茶是在於綠茶果凍，但果凍的綠茶味不明顯，而杏仁味就像對突出於豆腐花很夾～至於蜜瓜涼粉除了有蜜瓜和涼粉外，還有蜜瓜味雪糕，蜜瓜味很香～欣賞聰嫂在甜品的設計上很花心思，每款甜品都算是特別，而且價錢只是廿令蚊相當便宜，以這個質素來講CP值很高👍🏻

今晚同朋友食完飯適逢星期六晚，又唔想咁早返屋企，當然黎個Happy Ending 食下甜品啦。來到蔥嫂門口已經佈滿等食甜品的人。 等左10 分鐘終於埋位。今日都算熱，緊係要食D消暑甜品，我點了一個西瓜汁同埋一個西瓜西米露。我朋友點了楊枝甘露豆腐花。西瓜汁無溝水， 好香西瓜味同埋有小量的西瓜蓉。至於西瓜西米露就西米比出面的偏硬 ， 但係口感十足。真係好特別。楊枝甘露豆腐花一放入口已有淡淡的豆味， 加上新鮮的柚肉真係無得彈。

🍋芒果椰果冰 $32🍋呢個係聰嫂必食 膽黎架😎不過芒果粒愈黎愈少🙄🍑水蜜桃仙子 $27🍑第一次食呢個 睇相完全估唔到入面係乜😅底有啲啫喱 有啲罐頭蜜桃粒奇怪既係有芒果粒 面既係芒果冰why😐唔難食 不過冇下次😶

🎉開心樂園🎉👆🏻聽落冇乜主題係因為佢係乜都有芒果沙冰 涼粉 水晶珠 椰果 椰汁糕 綠茶蒟蒻 西米等等等等🍧🍨🍬🍭🍫🍦貪心+揸唔定主意既人首選😋其實佢個椰汁有冇得單叫 好好食😍

🍋芒果椰果冰 $32🍋芒果冰濃味到好似食緊真芒果咁😚必食是常識吧😎------------------------------🔴紅豆茸西米冰 $23🔴呢個我第一次食 有驚喜喎 紅豆味勁重啲冰都有沙沙既感覺😍可惜既係 唔知係咪啲本來啲紅豆茸係暖😶溶得勁快又唔凍😔如果凍啲會勁正不過都唔影響我下次返兜佢😎