粥麵館 (Changed Hand) New Restaurant

去完書展個日我地去阿爺到食，之後既係咁易烚下菜，用埋走雪櫃野之後又唔想煮XD 我男人就黎接我放工再係鰂魚涌食... 諗左幾間，就決定去呢間!菜遠蝦子撈麵 $45我並唔係因為佢平，而係我真係好鍾意食呢個撈麵，但其實每次都想食下其他野XD 不過... 我最後都係.... 炸醬片頭撈 $68男人想試，我都知佢為左我叫片頭俾我食架啦XD 又真係幾好食，好食過一尐潮式魚旦粉店煎魚餅 $30又係我男人話想試，其實又係叫俾我食既，呵呵~呢個都彈牙，又煎得幾香下!豉油王炒腸粉 $23呢個都係平時食粥時都叫既，無咩特別啦，不過不失咁BTW, 我地要辣椒油，開頭仲問我地要大定細，我地話細啦，唔夠再叫，點知真係再叫，有個姐姐好細心話，要俾渣，香港人食辣油食得既都會鍾意渣，我地點可以唔俾個like佢XD

730pm到，一坐下一位長捲髮有口音的女員工就過來吹我們落單，說明8pm截單。她送食物來的時候，非常心急粗魯，將整碟豉油倒了，弄到我腳也濕了。815pm她走過沒有問就收走碗碟食物。我說等等，小朋友還有少少沒食完。她大聲〈吓〉了一聲。我再說我們還沒食完，你這樣很無禮貌，她繼續大聲不停地說他們830pm要立即關門。很失望。粥麵館有如此員工，真倒米。

粥麵館係米之蓮推介嘅舖頭之一，今日又有機會喺度食午餐。由於我於一年多前喺度食過粥，所以今日一於試吓佢嘅煲仔蒸飯香菇滑雞煲仔蒸飯，餸菜鋪滿成個飯面，冬菇好香好入味，雞件大大件又好滑食煲仔飯或者蒸飯又點少得煲仔飯豉油呢？舖頭好細心，鼓油係另上的，用碗仔裝起，豉油份量由你自己添加同控制。煲仔飯中的飯是放係砂煲中煮熟的，並不是一般那樣將煮好飯菜放進去，而且味道確實很好

午餐時在店員指示坐下後並且落單，之後發現該位置很大風，所以向左移了一個位，當時店員示意見到，但没有改單號，之後有另外一個客人坐我原來的位置落單後，另一個店員就破口大罵我私自調位，弄亂了單，並警告我以後不要自行調位，否則唔畀位我坐🤬我一面食野一面被罵, 一心以為米芝蓮食肆,食物和店員態度應該很好,可惜今次的經歷令我極之失望😩, 我不想動氣也不想當眾與店員對罵，所以選擇沉默，但不表示我認同該食肆的待客方式食店食物水平一般，店員態度極之惡劣， 根本不配米芝蓮食肆之名👎👎👎

有位中年朋友介紹我哋嚟試呢間米之蓮推介嘅粥麵館，我哋並沒有order好貴嘅鮑魚鹹雞粥、蟹黃粥，只係order最Basic嘅老火粥餐，有皮蛋肉碎粥、炸油條、布拉白腸粉，油炸鬼真係新鮮炸出嚟、夠香脆，碗粥都有好多皮蛋同肉碎，不過碗粥沒有綿的口感、似屋企煲的，布拉白腸粉絕對不是他們的強項，非常乾身仲有少少硬，似超級市場買回家自己蒸完再攤凍

經常在旁邊的富嘉閣食飯，去停車場的電梯旁邊，就看見這粥麵店。今午想吃粥麵，就到這裹試試。牛肉魚片粥ok，份量還可以。加一份皮蛋，冇味冇溏心。牛腩麵就好騷，量少，太咸，一条菜都没有。叫的是下午茶麵餐，12元加灼菜，叫了蠔油菜遠，埋單的時候話，多了蠔油，要算單點，點菜的時候，冇人提示過，跟他们理論，他们豪不在意。店在二樓，價錢不算便宜，又掛着米芝蓮推荐的光環，却不懂得顧客至上，這樣的店铺，以后不用再光顧了。

每次當工作繁忙，希望極速完成午餐必定會到這裡來。雖然這裡名為粥麵館，但本人很少吃粥及麵，因為它們的粥新鮮滾熱辣，要吃完一大碗比較費時而麵則一般般，尤其是蛋麵，麵條比較硬身，有點噎胃而這裡最出色的便是金針雲耳蒸雞飯，可惜通常中午十二時半左右就會售罄唯有退而求其次，點了北菰蒸滑雞飯！北菰十分入味，雞件也很滑嫩，本人通常會將一點辣椒油及大量豉油倒進飯𥚃，重口味非常！為甚麼說是速食呢？悠記得曾經要求加茶，侍應正要將茶倒進杯子之時被一名管理層制止，要他們先翻枱，加茶要在人潮過後才可以進行，所以即使排隊等位的人龍有多長也會可以很快可以就座

每次嚟到鰂魚涌，都必定會嚟嘉里中心入面嘅粥麵館食肉餅飯。蜜桃小丸子一直覺得鰂魚涌無乜野特別好食，所以每次嚟上堂都情願去個乾乾淨淨又近課室嘅地方食返餐安落茶飯，而嘉里中心就係首選。粥麵館每次午飯時間都會排長龍，自己一個人就唔使等好耐。正如舖頭名一樣，有粥有麵有飯有小食比你揀，都幾多選擇。蜜桃小丸子就獨沽一味，鍾意食佢嘅肉餅飯。啲飯用瓦煲載住，熱辣辣，大大塊肉餅差不多遮住哂啲飯。最正係上面有好多好多嘅炸菜，淋上甜豉油，有點咸香又甜甜地。肉質都幾結實，但唔會太肥膩，有豬肉香，半吋厚到，同埋啲飯一齊食，好飽！價錢方面，五十元左右，都幾經濟實惠，坐得舒服乾乾淨淨，會再嚟食。

呢排天氣差個個都好似病病地咁樣就建議試吓去食呢間米之蓮推介嘅粥麵館...呢個北菇蒸雞飯d餸都算唔錯，不過鍾意食飯焦嘅朋友仔就有啲失望啦，因為佢係冇飯焦嘅，而且冇咩煲仔飯嘅飯香。食魚片粥同艇仔粥既朋友仔就係今餐食得最滿足嘅2位。魚片有粗骨，唔會見唔到，唔驚哽親。魚肉鮮甜份量多。艇仔粥都一樣，夠足料！不過佢哋叫咗個油炸鬼我唔記得咗影相，味度正常新鮮脆口，但係界外一般會有兩條完整黐埋做一條嘅油炸鬼，呢一到得條半，其實慳咗個半條，但係做到咁醜樣又何必呢...而我...叫咗個豬潤粥加皮蛋..豬膶份量多口感爽脆，但係有押味，一開頭我仲以為係因為我食咗皮蛋所以口有果種味...而個皮蛋...中間黃色嗰部份係同一般雞蛋蛋黃味道一樣..完全冇皮蛋蛋心既味..究竟係點先至會做到好似佢咁架呢？又有咩驅使到佢哋咁有勇氣，切開咗見到咁樣嘅皮蛋都攞出黎比客人呢？重有個雲吞撈麵，雖然佢擺到好似細蓉，將雲吞墊底麵放面，但朋友仔表示雲吞好細粒而且唔好食..

唔知大家會唔會見到間餐廳係「米芝蓮推介」，就會加強幫襯嘅意欲呢？小秘書就好少理呢啲嘢嘅，尤其係lunch time，最緊要飽肚同唔貴（🤔合理價錢）就可以！上個星期食咗咁多日西餐，呢兩日斯喺香港特別想食中式食物😋 咁多日無見到班同事，梗係要約齊腳聚吓啦😆😄😊☺️ 近office果帶嘅餐廳又細、人流又多，好難容許啲食客坐足一粒鐘，唯有行遠少少去到嘉里中心「粥麵館」食馳名嘅「米芝蓮推介原煲蒸飯」啦！呢度最出名嘅其實係「金針雲耳生魚片蒸飯」，仲要係手快有手慢無果隻😋 所以同事一坐抵就落單先... 怕佢賣哂喎🤣 不過我今日想食濃味啲，所以就叫咗個「鳳爪排骨蒸飯」... 可惜啲排骨肥咗啲，啲飯又唔夠乾身🤔 所以我都話自己唔多信「米芝蓮」㗎啦！😅

端午節帶了女兒到鰂魚涌公司玩，之後想找個地方醫肚， 就記起朋友介紹這間米芝蓮粥鋪；下午二時左右沒見什麼人流，坐底叫了粥和撈麵，， 食品還未到的時間， 可能佢今天沒有管理層睇鋪， 員工們在鋪西大聲交談，又粗口，又馬仔， 真係食龍肉都冇味啦。最後，粥是靚的但真係要擇個良辰吉日先幫襯。

LUNCH 同朋友試下呢間 ~ 呢個時間一定多人食 ~所以都排左15分鐘~ 叫左梅菜肉餅煲仔飯同炸醬魚片頭撈麵 ~ 仲有煎魚餅 ~ -梅菜肉餅飯食落不同平時果D煲仔飯 比較普通一個蒸飯 肉餅就不錯~ -炸醬魚片頭撈麵 麵非常多 麵質還可以 ~ -煎魚餅熱熱的 有很多鯪魚肉不錯很好食~ 食物還可以 份量很多 ~但價錢真的較貴~ 

是否病咗都會揀食清淡d, 尼日，佢對我說：食粥吧，不如...揀來粥麵館一來近d，再加上出面正毛毛雨呢.仲有仲有，佢知道尼度有我喜歡食嘅嘢。魚鲛粥，出面少有。裹面有超多薑絲，可能因為魚鮫特别腥啩，粥本身有乜味，尚算綿魚鮫口感好得意，好似食緊胶糖。尼個糯米雞好失望好彩，我仲有魚皮食，比起炸魚皮，尼種做法我更喜歡，點薑蔥豉油食一流。炒腸粉就好一般啦...心血來潮想飲奶茶，茶味淡又唔够滑。可能粥鋪根本唔應該揀飲奶茶最後埋單時，不太愉快，比起個收銀(男人)d侍應姐姐更有禮貌。

有一段時間無黎過粥麵館，今晚想食清D，就黎食粥今次夜晚黎，真係同下午有天壤之別，下午就座滿人，同好嘈，晚上就好似包場食飯一樣，場內只聽到樓面同廚房師傅高談闊論，同懷舊歌曲雙拼生滾粥魚鰾拼鯪魚球 $52 – 一般般，魚鰾有點腥，鯪魚球都幾彈牙，但味就一般金牌咸雞粥 $50 – 不錯不錯，雞件都幾多，都算滑，粥咸得黎又幾香幾好味迷你牛脷酥 $10 – 真係好迷你, 哈哈~ 舊式粥鋪即炸既好食D油菜全走 $22 – 怕農藥殘留，所以出街食菜，我都唔會食D花，佢菜芯切走晒D花，俾個讚佢

突然心血來潮想食粥，係Open Rice search到粥麵館先識得上黎！個位置有d唔顯眼，入到去地方寬落。可能因為啱啱過左食飯時間，一到就有位。服務員態度良好。我叫左個單拼豬肉丸粥($35)加一碟油炸鬼。 d粥好綿好有味，堅係無加味精！不過碟油炸鬼就認真麻麻，好多油又唔夠鬆脆！男友叫左雙拼滑雞魚腩粥($50), 佢話味道ok,大大碗，佢都食唔哂。