Container Factory Restaurant & Bar (Closed)

感激一班朋友愛護知我喜歡啲裝修特別嘅餐廳，見到有就會約我去湊熱鬧呢間韓國餐廳係打造到成個貨櫃咁但真實去到其實無相咁特別，無型格 feel啲檯仲有少少油膩，抹唔乾淨咁炸雞普通，但未至於難食奶油麵包炸雞就幾好點完炸雞之後，個奶油麵包都好食不過成個都比較滯芝士 ribs 睇就幾靚個 ribs 好嚡，唔好食豬手啲肉有少少實咗啲味道係 OK 嘅我不嬲都覺得部隊鍋唔洗出街食不過朋友喜歡呢味 😂 咁都幾大鍋嘅味道都係即食食品咁囉～服務我都覺得有啲差已經唔多客，啲侍應匿埋一二邊傾偈無咩 service 可言

I've never had fried chicken that seriously taste so mediocre. Crispy outside but also taste lumpy dough inside. It's comparable to a persons first time attempt at deep frying a chicken. Seriously disappointed. I can't even finish half of it and I will go next door for better fried chicken.

炸雞又油又難食叫左個半焗半炸雞點個焗既勁多油得果兩舊炸既炸到甩晒啲炸粉出黎又係得果兩舊從未試過咁難食既炸雞比kfc 更難食水冷面一舊舊咁好失望服務又慢啲服務呆下呆下咁

呢間係我食過最垃圾既餐廳入到去都冇侍應帶位 自己自出自入咁想叫野食果陣 叫左成五分鐘左右都冇人理之後見到有個好似韓國既老闆落黎佢見到我 想叫野食都唔招呼我反而招呼佢d朋友 佢就好大聲咁叫d員工其實果陣都好忙 d員工都招呼梗其他客人但佢都唔理 完全唔係親力親為咁仲要係佢成浸煙味 都好影響我地既食慾果到既環境都冇食評講到咁靚 仲要d燈勁暗我同我d朋友 要開閃光燈先叫到野食你估呢到係鬼屋咩 攪到咁黑 扮有氣氛咁好辛苦咁叫左野食 之後俾左一碟所謂既前菜俾你等下咁 但唔講唔知以為俾狗食 d薯片散到呢 完全似狗糧多d 之後黎左碟三文魚salad 三文魚就得果幾塊 生菜就成碟都係 咁就要百幾蚊 之後到黎左個奶油麵包炸雞 睇個款真係好多舊雞 以為執到寶 嘩食落去成口粉咁 d肉仲要好鞋 俾咁多舊都冇用啦 最離譜既係 仲有碟奶油蝦等左成個幾鐘都未有 野飲都飲晒都仲未有得食 你估我而家係你等咖咩 果陣都已經好伏 到真係黎左碟野 果然不出我所料 真係成pat醬係蝦上面咁 完全唔入味同埋好林 個感覺唔講唔知以為食梗屎 真係真係唔好為左影相而黎 完全唔值呢個價錢 根本係俾錢買難受 第一次食d咁垃圾既野 完全唔明d

韓風停不了，今晚來到新開張又大人氣的貨櫃裝修的韓國菜餐館，餐廳還算濶落，一家大細推埋bb車都得。裝修看得出是有心思的，不知是否某韓劇的場景？！沒追開就不得而知了。真的有在工場中的感覺，大概因天氣太熱，室內有點少焗。看餐牌其間送上小食 - 薯片數塊，sour cream & onion味，這個小食頭盤真係無乜誠意……韓國菜一般都很濃味，所以飲品一定要叫，要了兩杯coke，一杯blueberry，一杯blue lemonade。coke是汽水機斟出來的，好像不太夠汽，味道不像可樂，想應是百氏吧，隨杯奉上檸檬一片，這杯檸樂索價三十元。blueberry特飲則是雪碧底加入藍莓醬混成，甜甜酸酸的，blue lemonade是有汽檸檬水，酸酸的好解渴，兩杯特飲索價五十元。食韓國野一定會叫炸雞，太多肉唔係幾好嘅，叫個沙律平均下，呢個House salad $110，很大盤，但用料普通，只有西生菜，紅椰菜，白洋蔥，兩粒蕃茄仔同少許麵包糠，而salad dressing只是白醋 真是行貨到不能想像……味道就是酸酸的新鮮蔬菜味了。韓式炒年糕加炸魷魚 $240，年糕放滿盤子一層，上面有兩條魷魚鬚。年糕吸了

焗芝士五花肉 ($170)蜜糖牛油焗雞($160)Cold soup noodle ($95)裝修用首爾common ground做主題 好特別😍個人認為五花肉最令人驚喜 五花肉唔會太肥 肥瘦均衡 加上燒汁同芝士 唔錯😋而焗雞既牛油味好濃好香 下次要試埋炸雞先😁飲品方面 blueberry yogert 味道酸酸甜甜 幾開胃👍🏻

門面用上大貨櫃做特式主題🚚餐廳內都用上大量地盤擺設👀裝潢夠哂吸睛<魷魚豬腩肉鍋> 🔥$270魷魚豬腩肉已一早煮熟，只係放上大鐵板加埋雜菜跟韓醬再用明火一直去煮混♻️豬腩肉肥瘦平均，而魷魚都新鮮彈牙😋味道就好靠個微辣帶甜嘅韓醬帶起，鐵板邊還有蛋漿、粟米，仲有2款不同層次芝士去伴食

又有新炸雞加入戰團，鍾意試新嘢一於去食先Smoersby Rita，雖然已經飲慣飲熟，不過真係睇得又飲得朋友由於健康問題話唔想食炸雞，咁惟有順朋友意啦好彩menu都有好多吸引嘅菜式烤肉芝士Pan Cheeze Pizza，同平時嘅Pizza底完全唔同，呢個係用薯蓉代替所以對於我呢個薯仔控真係難以抵抗嘅誘惑芝士薯蓉再加埋其實配料認真滋味焗芝士五花肉，芝士控見到芝士又要試不過呢款比較失望，完全感覺唔到芝士只有賣相不算討好嘅五花肉味道都不俗嘅Cheeze Pizza真係特別又好食，嚟到呢度真係要試吓

今日同老豬去Container Factory Restaurant & Bar食飯對上一次嚟呢個位置係一間韓式烤肉，話咁快又轉咗另一間韓式餐廳嚕Blue Lemonade，對藍色飲品真係有種情意結，清清甜甜好解渴奶油麵包炸雞，店員介紹呢款炸雞由於食炸雞嘅經驗都係好大碟，加埋呢個有奶油麵包所以淨係嗌咗一款嘢食可能我哋細食，一碟已經勁晒雞肉嫩滑而且鬆脆又Juicy特別鍾意個包，外脆內軟，加埋啲汁真係好味食炸雞真一要搵多幾個朋友開心share，咁就可以再點多幾款嘢食嚕

某日經過 見到個咁sharp嘅貨櫃 就知係韓國餐廳見到裏面都幾爆場 所以決定好左朋友生日就黎食我地一早book左6:30pm (Sunday)原來呢度Stella & hoggardens 有HR (到7:30)比正常價相差$20 朋友嗌hoggardens rosee...但黎左正常hoggardens 炸雞的種類有好多, 最後我們4個決定要招牌菜, 面包炸雞上菜嘅時候, 侍應B細心的話比我地影左相先. (因為佢要剪開個包)炸雞的份量相當多, 大約12件, 旁邊放上一個超脆的面包有骨炸雞, 除左肉質嫩滑, 亦有雞骨令雞味特別濃郁多汁 其實感覺似食緊美國快餐連鎖店嘅炸雞上脾不過! 配上醬汁就個特色番晒黎! 全碟底都係醬汁醬汁似係千島醬加cream, 質地較稀, 可以容易沾滿雞件 醬汁唔會搶去雞嘅味道, 又唔會有食醬嘅情況出現 面包就似新鮮出爐嘅法式面包, 外脆內軟亦配醬汁食, 連唔鍾意食包嘅我, 都會再吃一口 由於怕食炸雞會很漏, 所以叫左份沙律.本來係想叫夏威夷沙律 (TUNA)可惜今日無..唯有揀三文魚沙律侍應今天一放低就走左, 但我地發現實物跟圖不乎怕係送錯枱,

早排TVB介紹左呢間以Factory做主題既餐廳, 今晚我終於食到喇! 入到去好似置身係工場咁, 牆壁更裝飾成貨櫃一樣…亦有安全帽,地盤工衣等提供比我地影相! ------------------------------【春川辣炒雞排】星期二特價HK$220 (原價HK$270) 呢度每個weekday都會有指定特價菜式, 今晚就食左呢個春川辣炒雞排. 雞排已經預先炒好, 係穫中間只需再稍為炒一下就OK! 旁邊有粟米粒, 兩色芝士同蛋漿…係火爐上, 兩色芝士慢慢熱溶, 而蛋漿慢慢礙固. 首先食左穫中間既雞排先, 雞排已被切成一小塊, 漿汁好夠辣, 如果點少少芝士, 可以中和少少辣既味道. 除左雞排外, 仲有蘿蔔同少訐韓國年糕, 亦非常入味~ 食得辣既朋友, 應該幾中意呢個辣炒雞排~ 旁邊已礙固既蛋, 可以切件咁吉黎, 好香滑同埋有淡淡既蛋香味.【Seafood Pan Cheese 海鮮芝士】HK$150 平時食Pizza都會揀食厚批, 薄批或者有新口味既餅底. 但呢度既Pizza餅底你係冇得揀!!! 因為係冇餅底既PIZZA, PIZZA上面放左兩件蒜蓉包, 剛剛焗起都幾脆身,

朋友介紹，一心去試好嘢，點知失望而回，蜜塘炸雞翅，完全唔熱。服務態度不行，服務員問非所答，其他食品如芝士骨，味道一殷，D芝士唔係一絲絲，係好似一粒溶咗㗎糖，D蛋液加咗粉，加熱後，很硬，完全無蛋味。

炸雞係韓國就食得多 係香港賣成百幾二百蚊份真係唔捨得食見哩間鋪頭最近推廣20蚊炸雞 所以特登book位黎試下😜本身都怕野有伏加上見七八點食飯時間行入鋪頭都係得三成客左右心底實在係有啲不安😐土來水掩 嗌左先算!😌等左一陣 炸雞登場一上枱 見賣相唔差 同餐牌擺出黎個樣一樣即刻開心左一半拿拿臨夾舊雞翼黎試下一咬 不得了😍炸粉唔會過多過厚 熱辣辣脆卜卜調味剛好雞肉好嫩好滑 (食到雞胸個時另計...😂)牛油味香 點埋啲蜜糖汁真係好好食👍哩個鐵板pizza對比落就失色左啲一開始見好大個pan被個份量嚇一嚇面頭一層芝士下面係一層薄薄既薯蓉 最底鋪左啲洋蔥配料就有青紅椒橄欖煙肉用蒜蓉包配薯蓉咁食係幾特別 整體味道無嘜驚喜 不過味道係唔錯既😁食物質素係唔差既 環境佈置好有特色可惜張鐵櫈坐得耐實在唔係太舒服坐得耐起身個下patpat都真係有少少痛😂哩外佢定價比起坊間一般既韓式餐廳既又貴左啲雖然話百貨應百客但成街都係韓國菜 哩個價錢既吸引力實在係唔太高

上星期去，因為想食奶油麵包炸雞，近近地就去左哩間。哩度嘅裝修好靚，好吸引，另外waiter 個個成個韓國人咁，完來都係香港人。我地坐低就叫左個奶油麵包炸雞，想睇下份量有幾大先再叫其他野食。一見到，份量係大嘅，不過個奶油麵包嘅汁吸乾晒，唔係平時見到好多，多到瀉咁，忍唔住叫佢加返d汁，佢地都肯嘅。不過我期待有芝士焗面，但原來係冇嘅，可能我睇相誤會左。味道方面，個包的確係好鬆軟同脆，好味！因為唔夠汁，又唔熱，配埋一齊就普通。炸雞，第一啖都香同脆，但食多幾啖，就會發覺仲係脆皮面，食勁都冇咩肉，而佢個脆皮唔係平時炸雞果d脆皮，好大舊粉獎咁。食一件都會覺得ok, 食多兩件，就覺得有陣油「益」味，食左3、4件後，完全唔想再食。😖由於哩個招牌菜都麻麻，我地就冇叫其他野食，寧願出去搵野食。😣

一行 6 人慶祝朋友生日 , 點左蜜糖雞 , 魚生沙律,芝士排骨 ,蜜糖雞有炸 / 焗選擇 , 我地揀左炸,十五分鐘後出現嘅係一碟蜜糖焗雞 , 向員工詢問, 員工好肯定我地點嘅係焗雞 , 後來查單有換番炸嘅俾我地, 轉頭見到員工們在談論我地點嘅係焗雞, 態度非常惡劣結帳時,點左嘅菜員工話無落單 , 但出現喺單據上雖然呢間嘅蜜糖炸雞嘅外皮香脆 , 沙律亦很有特色但員工嘅惡劣服務態度,相信不會再光顧