好煮意 (Moved) New Location

20170521(星期六)，是日到上水，在街上閒逛找晩餐開飯地點，行至好煮意，門口開了幾枱客人，加上有人潮在等位，因本著人氣店應該會有保證的心態，而且又有雞又有火鍋吃，所以決定在此用餐，侍應問我們想坐店外還是店內，剛好有個門口死角二人桌子，不用等侯，我們接受入座了。此店店子面積很少，所以在鄰鋪擴足了一個小位置，地方狹窄，有大約五張桌子，坐滿客人後，真是窄上加窄，椅子全是圓型沒椅背款色。我坐在面口的死角四方桌子，有兩邊貼牆，另外我和家人一人坐一邊，我的背部就是開門的出出入入位置，為了美食，大排檔、茶餐廳環境，我都可以接受的，暫且把舒適度放輕。點餐，先點湯底-上湯藥材花雕雞鍋湯底($45)，忘了影相，印象中沒有太多材料，也沒有令人印象深刻的味道:農場鮮雞-小($75)--點餐單位不是用一隻或半隻，而是用大/小，小份的份量感覺比半隻還要小。味道平平無奇，因農場鮮雞這個名字，有了相應的期望，連一點點雞味也沒有，失望。脆鯇腩-($48)--5小件，烚熟脆口，算是貨真價實的脆肉鯇。新鮮魚鰾--($38)上桌傳來一股腥味，魚鰾數量一眼數完，還沒吃已評分不高，味道也真是普通不過。牛筋丸--($28)-

星期六諗起上次食好煮意的喇沙湯麵,新出左醉雞米,就想去食了。車仔麵有4款湯底(喇沙湯底,蕃茄濃湯湯底,日式豬骨湯底,鮮雞湯底)差d點錯鮮雞湯底以為系醉雞添,仲簡埋配料,比左order紙先睇到牆貼左*養生醉香湯雞米$48,原來點錯左呀!我地一碗米粉一碗公仔面(唔洗加錢)好香濃的雞油充滿花鵰酒味,酒精在烹調時已渾發,除非在食用時加上花鵰酒,否則唔會有酒精的強烈味道,超足料有8件大雞件,雞件剛好熟且沒有血,如果把雞件放在小碟上,食的時候放上湯會更好,保持嫩滑,還有木耳,10粒切半的紅棗,紅棗好像零食那種甜,令湯底有份外甜味,$48好抵食呀,跟麵加$8有飲品,叫了最愛凍檸茶!又有電視睇,食完唔會收哂d野趕人走,可以慢慢坐。

見平時食開果間多人，就試下啦。叫左個藥膳雞煲，豬肋條，本地手切肥牛，黑豚肉片，手打墨魚丸等。等了又等...d野食到了，忍不住爆粗，$108碟牛，薄薄一碟舖係面，加埋有冇10片呢？手打墨魚丸$60得6粒，最最最過份係碟豬肋條，$128蚊碟，短過隻手指尾仲要得幾條，西班牙呀？哈。依個價錢一定有更好選擇，成班人食要叫勁多碟，又唔係成枱海鮮喎。大角Xx煲皇仲抵又好味。落完野食已經要吹幾獲，見到個似老版娘負責收錢，食到反胃一吐氣。

見d人講話幾好食~於是就黎試下~湯底選左醬油~本人覺得一般~唔太吸引~可能佢出名係其他湯底~我朋友就加麻辣少辣~都覺得一般~唔算香~有d失望~我叫左墨丸腐竹米線~墨丸都ok彈~腐竹就普通~米線都ok~湯底就一般~不過佢唔小心加多左豆卜俾我~

坦白講，呢餐真係完全唔掂同行三人友人話試過呢間既打邊爐覺得不錯🥘就跟她去吃點知一入到去老闆娘一點禮貌都無🗣對我地呼呼喝喝💦我已經開始不滿😡諗住咁寸咀啲野應該超好食啦點知......啲牛肉得個肥字，無乜牛味🐄脆肉鯇唔脆，又多骨🐟有骨魚皮脆就脆，但太大陣油益味🐠蝦滑墨魚滑無乜味，又唔滑🦐唯一係生菜好少少，算新鮮🥗至於個湯底話就話醉雞湯底啲🐔無酒味🥃失望至極唔知點解咁多人食😖😩😫😡😡😡😡😡

我本身無想寫食評，所以個“手打”墨汁墨丸無影，，，個安格斯牛98蚊，，嘩，多到呢。。個手打墨丸，，直頭要打去商品說明條列，真係唔知係邊個隻手打，，同其他任何地方一樣，明顯係叫貨個隻，60蚊6粒！我以為自己去左酒店，，啲野吹九次都未到，叫左個醉雞煲，，啲雞唔入味，重有小小雪味，又嚡，，最攪笑係有大煲細煲，，問佢大煲係咪一隻雞，，佢話唔係，無手，無腳，，，都唔知係咩雞，，街邊檯就多過鋪頭，晚晚成6，7張檯唔洗交租，都貴到嘔，唔知點解有人話好食，係咪打手，，，雖然好唔好食係好個人，但個墨汁丸擺明係吹水唔會係佢地自己手打，而且去邊間食都唔會60蚊得6粒，，個牛真係小到嚇死人，，佢有兩樣野好，，啤酒夠晒凍，烏冬長形18蚊都好抵架喇，，隔離檯都吹左兩次，野飲又無，野食又無，，我地啲野飲都叫左幾次，，啲侍應，叫佢去洗碗都驚佢打爛晒，寫一樣野食都寫好耐，真係一世都唔會再去！4個人，連啤酒一人172蚊，

同死黨食親飯一定係黎呢度食 已經黎左無數次行親呢條街已經聞到陣陣雞煲味呢度最出名係藥膳醉雞煲 入面有紅棗 龍眼 杞子等材料仲好香花雕酒味架我地五個人叫左一隻雞份量 豉油一定要叫辣仲有每次必飲既青檸梳打蟹子丸魚皮餃牛筋丸冬菇手打烏東金菇食哂雞同丸 就食烏東同紅薯粉索哂啲汁 飲埋湯呢度既人都好有禮貌 收野前後都會講聲唔該 或者唔好意思今日叫得比較少野食 剛剛好夠飽全單609蚊 咁岩今日爆哂人 要開埋出面幾枱食雞煲不過下次都會寧願揀翻入去 涼冷氣食喇香港實在太熱喇😩😭😭

無啦啦腸胃炎瀉左兩日，成個瘦晒 ﹗梗係要補返?啦，又黎藥膳雞煲，叫定指天椒豉油等食。上等藥材花雕雞窩湯底細，跟返 menu 打先，一向求其叫做藥膳雞煲或醉雞窩算架喇。雞件賣相唔錯，等個湯滾起就掉晒落去搞掂。雞件無醃過，聞唔到任何味道，酒味亦都無。上等藥材花雕雞窩湯底細，開呀 ﹗香氣撲鼻，花雕、藥材、紅棗及鮮雞味道非常 balance，唔會偏甜唔會帶澀味！淺淺酒香夾雜藥材紅棗甜味，好味道！雞件雖然略肥，雞味又稍淡，皮又較厚，好采食落都唔係太差，湯底搭夠，而且大滾後熄火，慢慢浸熟雞件，肉質嫰滑，又保存到肉汁，好幸福啊 ﹗推介上水首選藥膳醉雞鍋，香濃味美，越烚越濃郁，我淨係今晚都飲左四小碗呀！雖然佢地係上水一，但我都係覺得我煮既醉雞窩好味好多 ﹗因為自己食可以不計成本，用最靚既新鮮走地雞、靚藥材加靚陳年花雕麻，哈哈 ﹗澳洲和牛展，今次唔食普通肥牛喇，試試牛展啦。烚一烚 5 成熟即啪入口，味道不過不失，有牛味亦好軟棉，唔係話特別好食，一該無妨，合格。同香港食開好結實、有咬口既牛展完全唔同。手打墨汁墨魚丸，必食 ﹗保持高質數，勁鮮勁彈勁多汁，仲有墨魚肉一粒粒添！正正正！墨魚汁超香甜，非一般既鮮甜

無啦啦腸胃炎瀉左兩日，成個瘦晒 ﹗梗係要補補去啦，又黎藥膳雞煲，叫定指天椒豉油等食。上等藥材花雕雞窩湯底細，跟返 menu 打先，一向求其叫做藥膳雞煲或醉雞窩算架喇。雞件賣相唔錯，等個湯滾起就掉晒落去搞掂。雞件無醃過，聞唔到任何味道，酒味亦都無。上等藥材花雕雞窩湯底細，開呀 ﹗香氣撲鼻，花雕、藥材、紅棗及鮮雞味道非常 balance，唔會偏甜唔會帶澀味！淺淺酒香夾雜藥材紅棗甜味，好味道！雞件雖然略肥，雞味又稍淡，皮又較厚，好采食落都唔係太差，湯底搭夠，而且大滾後熄火，慢慢浸熟雞件，肉質嫰滑，又保存到肉汁，好幸福啊 ﹗推介上水首選藥膳醉雞鍋，香濃味美，越烚越濃郁，我淨係今晚都飲左四小碗呀！雖然佢地係上水一，但我都係覺得我煮既醉雞窩好味好多 ﹗因為自己食可以不計成本，用最靚既新鮮走地雞、靚藥材加靚陳年花雕麻，哈哈 ﹗澳洲和牛展，今次唔食普通肥牛喇，試試牛展啦。烚一烚 5 成熟即啪入口，味道不過不失，有牛味亦好軟棉，唔係話特別好食，一該無妨，合格。同香港食開好結實、有咬口既牛展完全唔同。手打墨汁墨魚丸，必食 ﹗保持高質數，勁鮮勁彈勁多汁，仲有墨魚肉一粒粒添！正正正！墨魚汁超香甜，非一般既鮮甜

七夕梗係要食足七餐賀吓佢啦！早餐燦記三餸巨形三文治、午餐蔡潤記魚蛋粉加底、下什茶林記排骨飯，依家晚飯到好煮意醉雞煲，已經好飽啊 ﹗化悲奮為食慾，下星期先減啦 ﹗食過翻尋味 ﹗第二次黎幫襯。有過上次既經驗，今次堅持等主舖，乾淨光猛舒服又清靜好多。 藥膳雞煲細，唔洗叫咁多雞，兩個人食碗細夠啦，要留肚試其他野麻。雖則雞件未到新鮮雞咁好食，不過都食得出有淡淡雞味。雖則略肥，不過都唔會成煲油。肉質滑溜有咬勁，薄薄一層皮，肥膏唔會太多，加上香濃又唔會過甜既醉雞湯底，滿意既。如果多一點酒香，又多一點孳材，而少一點甜就更正喇。大火滾起就落雞，再大火滾起就熄火浸到雞熟為止，咁雞肉就夠晒嫩滑喇，美味 ﹗湯底香濃，甜味、藥材味都好平均，好好飲啊。活九孔鮑，仲識郁架喎，今日啱啱返啦。生坳坳成隻掉落湯度，幾分鐘食得。搣走食道同個咀就可以成隻啪入口，肉質非常彈呀啊 ﹗千奇唔好掉左我最愛既內臟呀，我全家都掙住食依舊似潤既部份，精華所在 ﹗味道甘香，質感同雞潤差不多，不過更軟棉更多汁，而且帶海鮮既鮮味，正呀 ﹗手切本地新鮮肥牛，雖然無上次咁肥美油潤，不過都一樣美味 ﹗滑中帶咬口、濃味中帶鮮甜，新鮮最緊要，好食啊 ﹗今

早排試完人氣旺盛但浪得虛名既永發雞煲後，要再次尋找上水的美味雞煲 ﹗搵搵下發現好煮意喎，見到舖仔細細，但好多 fans 呢 ﹗今次到您啦 ﹗仲要等多三四張枱先到我地，天氣好熱啊。係街邊等等下，嘩 ﹗驚鬼死人咩 ﹗巨強呀，仲要飛添 ﹗同飛行巨強戰鬥完終於入座喇！有主舖位同副舖，今次坐副舖裡面，對面枱強國人一家大細嘈到拆天，好影響食野既情緒。第 1 次幫襯，照慣例細讀 menu 同牆上面既 poster 啦 ﹗食材種類未算好多，一貫雞煲店既做法，不過已經比一般既雞煲店為多，仲有埋新鮮海產食，good ﹗藥膳雞煲細，依度唔係分半隻或一隻，係大雞同細雞既分別。除左胡椒豬肚湯底要預訂多，另外仲有 3 款湯底揀，但見枱枱都係藥膳雞煲囉。妹妹細心指導點食個雞煲，先等湯底滾起，放晒所有雞入湯琴蓋，大滾後熄火，浸約十分鐘就食得喇，咁樣啲雞就會好滑。多謝妹妹提點，其實我細細個已經知道架喇。雞都幾靚，一睇就知唔差啦。個湯底好香喎，酒味連藥材香味，正。滾起就可以放晒啲雞件落湯，再琴蓋焗熟去。大力推介，必試！湯底香甜，酒味藥材味非常 balance，唔會過甜又唔會太濁或有澀味。浸完雞既湯就更美味，雞既精華滲入湯

今日一條冷喺上水搵食,行左半條街都遇唔到心水地方,望到呢間細細間既舖頭, 其實都只係望望下,因為覺得佢好細間,坐位又好迫,D人個樣好唔係咁太善..(純粹個人感覺…我見佢地同D 伙計傾計都有少少笑容)唔係太吸引,突然發現佢有招牌醉鷄,就決定一試…坐落真係好迫..V__V睇左一陣餐牌都冇咩人招呼, 可能佢地唔想打擾人掛,最後點左心水醉鷄米線, 熱檸賓米線同熱檸賓冇咩特別~心諗會唔會入左黑店…不過佢個醉鷄真係令人意外地好味~一拎上枱就聞到陣陣好香的酒味~佢D鷄唔會整得太老,啱啱好~食落好嫩口,唔知佢係浸住酒再放入雪櫃定係拎出黎先加酒~一上枱個樣唔太得,食落真係好正!! 我個人好推介~!!我份人又比較中意食辣, 見佢個湯咁清,就叫佢比少少辣油,點知呢D辣油秘製辣油先係全場焦點~~(我個人認為)好想知佢係用乜野整~好夠辣之餘又唔似出面的辣椒油~一D油既感覺都冇,有好香既剌脷既辣味!可能係薑蒜加指天椒混合而成~中意食辣的人真係要一試~!我仲好叫佢再比多少少TIM~! ^O^早知道佢D醉鷄咁好味~我諗我一個人食半隻都冇問題~!當然唔要佢個米線LA!!!真係正~~睇到原來佢有做埋夜市打邊爐,招牌係佢個

今日我好朋友生日，諗住周圍行下睇下有咩好食... 咁我地一行十人最後揀左食十下十下雞煲=) 老闆好熱心出黎同我地打招呼安排入座...之後坐左無耐食物都一一送上。個煲滾起就聞到陣陣藥材味...店員仲教我地焗雞。五分鐘後，啲雞食得！朋友們都紛紛話好耐無食過咁滑既雞！！！正^ ^ 老闆介紹我地飲杯青檸話梅水，酸酸地幾特別。 成晚大家都食得好開心，雖然地方係細啲但服務幾好，有禮貌(^-^)/我成班朋友都話要再黎！！