好煮意

Open Now

Now Closed

一年間無再幫襯，原來已經轉左去新舖，光猛咗闊落咗當然坐得舒服唔會擠逼。主打當然係一直以來嘅藥膳雞湯🐔，招牌菜就唔駛諗係必食之選☺️———————————————————————————🥢招牌藥膳醉雞米線🍜💬紅棗、雲耳，配上雞件浸在充滿藥材濃郁味道嘅湯底之中，滋補而且養生，非常暖身☺️.🥢鮮蝦雲吞雞湯米線💬如果唔喜歡食藥膳嘅味道，可以選擇其他嘅食物，今次試埋鮮蝦雲吞，都幾飽滿，蝦肉爽口彈牙，配有雞湯，如果有埋雞嘅話更開心☺️

每次黎到上水覺得好似冇咩野食，朋友就推介話有間米線店都唔錯，就入左黎啦。小店既枱櫈都算坐得舒服，同埋唔止食米線架，有唔同麵底同飯底選擇。*招牌藥膳醉雞米 $55 +加配牛肚 $10*見呢個係招牌就點左呢個☺️，配料有木耳、紅棗等等，而湯底都真係幾重紅棗味，主角醉雞件有酒味之餘、仲係大大舊，唔怪之得係招牌啦👍🏻*鮮蝦雲吞雞湯米線(5粒) $42 +手撕雞 $9*雲吞總共有5粒，覺得湯底都幾健康喎，雞湯底食落唔會好多油，而米線較為淋身、好易入口，加配既手撕雞份量都唔少😸。

食米線都可以養生，作為米線控嘅我唔會錯過啦！朋友帶我去到上水馬會道嘅一間專門食米線同火鍋店，裝潢簡潔同座位寬敞，坐得舒服。用QR Code 落單，點了一碗藥材熬製藥膳湯雞米線、同埋一碗雞湯雲吞米線，湯底最少熬四小時，上枱即傳來陣陣雞湯嘅香氣。藥膳醉雞湯米線以真材實料配料製作而成，有當歸、紅棗、木耳，仲加入花雕酒味。藥材熬製藥膳湯，雞件嫩滑，咁養生下次經過都食返碗米線。雪吞米線，有幾粒大雪吞，雪吞包住爽脆嘅蝦仁同豬肉，食落好juicy。飲品：百香果茶同柑桔蜜，感覺好滋潤。好煮意 地址：上水馬會道180號地舖

上水馬會道有間食米線，知道餐廳用新鮮食材烹調，所以經過都去食碗米線。最鍾意食米線，自認喺米線控，好煮意藥膳醉雞湯米線好補氣，而且真材實料，回頭率極高藥膳湯有當歸、紅棗、木耳，仲加入花雕酒味，聞到香噴噴，飲埋湯底就成個人暖笠笠。麵食可轉米粉、河粉、油麵等，食材新鮮，雞皮爽嫩，雞肉有花雕酒嘅香味，大碗又抵食。飲品跟餐都喺加$10。好煮意 上水馬會道180號地舖#好煮意 #藥膳醉雞 #藥膳 #藥膳養生 #藥膳湯 #上水美食

依間好煮意出名食藥膳醉雞湯麵位置係上水馬會道 好容易就搵到晚市時間原來有得食火鍋 見到隔離枱都幾豐富 但我今晚都係想食返佢招牌菜先🐔招牌藥膳醉雞湯麵 $55藥膳湯底味道好香 上枱時熱辣辣湯頭飲落好甘甜 帶點藥膳味 配料俾到足 雞件份量都幾多 雞肉肉質嫩滑 食到酒香味今次食到我最愛嘅雞翼添 想再重口味一定要點埋辣椒豉油 食落辣辣地 更惹味 配料仲有雲耳同紅棗 雲耳超大塊又爽口 仲有女士最愛紅棗米線偏幼身 感覺更易掛湯 軟硬適中 口感不錯🥤凍柑桔蜜味道香甜 酸酸甜甜夠醒胃 夠哂滋潤

經過疫情封關既洗禮, 以家既上水同之前既面貌真係唔同左好多病態式咁開藥房, 無左水貨客既支持就多間陸續結業少左零售業, 條街少左人.但就有唔小鋪頭換左血.多左唔少食肆今日食呢間餐廳係馬會道, 附近都有唔少屋苑街坊客想介紹番今日呢碗令我食完想寫篇好評讚下佢貨真價實既招牌藥膳醉雞麵湯底味道濃郁, 紅棗同黨參既湯料都有唔少雞件入味而且好滑除左雞仲有雲耳, 非常養生一邊食麵一邊飲湯真係好味到連湯都飲晒涷菠蘿青檸蜜唔甜, 而且幾清爽下次決定番黎試埋佢既餃子

真心好食既，湯底濃味，但雞好鞋，上菜極慢，等左半粒鐘吹單先話漏單。仲要唔只我一枱漏。好心做唔到咁多客就唔好開樓上比人坐，完全晒晒d 時間係到等，次次食都要等咁耐，鳳鳴居5分鐘就出到菜，我去排鳳鳴居好過。

今日去到上水探朋友,到黃昏就走去搵食, 朋友提到有間電視節目介紹過的藥膳雞煲似乎幾正, 決定過去試下這家位於上水馬會道叫"好煮意"的小店, 店內光猛寬敞, 座位舒適, 每張枱已經暗藏電磁爐在裡面, 顯得特別乾淨企理而且安全, 除了火鍋外,店舖亦提供了一些藥膳湯底的粉麵餐, 縱觀八成以上客人都是點粉麵餐, 相信他們大多是街坊熟客, 我們既然是衝著藥膳雞煲火鍋過來,我們便點了一份上等藥材花雕湯底再加一份細的農場鮮雞, 另外再加了幾個火鍋配料及飲品。上等藥材花雕湯底配農場鮮雞, 湯底十分足料,有黨參, 杞子及大量的紅棗及龍眼肉, 湯底唔會話過重藥味好難飲,反而十分鮮甜美味,雞肉十分嫩滑, 店員更窩心地主動過來介紹雞肉的建議烹調時間及協助把雞件放進鍋裏, 以確保客人可以食到最嫩滑最好味的農場鮮雞。芹菜木耳豬肉餃, 大大隻脹卜卜的餃子,裏面好足料, 豬肉不會好肥, 餃子皮唔會好厚,湯底能容易滲入裏面的餡料, 吃起來十分鮮甜。魚腐,相較市面上見到的魚腐,特別大件和厚身, 咬落啖啖肉,十分滿足。韓國紅薯粉， 有咁靚嘅湯底， 必需要點這類容易掛湯吸味的食材， 紅薯粉盡吸湯汁的精華， 完全唔使點豉油都已

去開上水，見到呢間「好煮意」新裝修，所以入去試吓，環境都幾舒服，而且有空間感。呢間食店係掃 QR Code 落單，我叫咗「手工鮮蝦雲吞雞湯麵」+「招牌藥膳醉雞麵」。「手工鮮蝦雲吞米線」有5粒雲吞，米線軟硬度適中，湯底幾惹味。雲吞內無咩肥肉，而且幾多蝦肉，口感彈牙。「招牌藥膳醉雞米線🍜」湯底有香濃酒味，醉雞件都幾多，肉質嫩滑，而且好焦用，米線亦係軟硬適中，不錯！飲品方面點咗熱柚子蜜 + 熱柑桔蜜。下次可以再嚟！

冬天帶來冰冷嘅感覺，朋友帶我去好煮意食藥膳雞米線，滋補養生，上水鐵路站落車後行5分鐘左右就到餐廳。餐廳裝潢簡約，座位寬敞，感覺舒適。藥膳雞米線嘅湯底加入藥材、黃酒、紹興酒烹調，熱騰騰放上枱時已聞到香濃嘅酒味，浸住嫩滑嘅雞肉，暖身驅寒。朋友點了新加坡喇沙油麵，有豬腩肉同雲吞，豬腩肉脂肪方佈均勻，食落有肉汁，雲吞皮薄又足料。飲品洛神花蜜：花香味道，清新口感柑桔蜜：清甜、滋潤喉嚨好煮意上水馬會道180號地舖

過開上水食好野梗係去好煮意啦~叫埋老公一齊去補一補食番個藥膳雞火鍋~ 店員好好會有提示最佳食用時間，服務好好笑容一流呀~個種友善係隔住個口罩都feel 到呀~~冇誇張~~服務真係好緊要~~會想又再返黎食~~我地今次叫左小份雞，雲吞，鮮蝦滑同生菜~雞好嫩滑~~時間真係要岩~好值得推介~~~雲吞大大粒好香豬肉同蝦味~~蝦滑好彈牙好新鮮~~所有野食就咁食已經好有味道~是油都冇用~有好香濃既藥材味加食物既味道~簡直就係一路食一路補~~野飲我地叫左個超級大檸7同凍柚子蜜~~杯大檸七真係冇誇張~真係好大好大杯~~要黎影相真係一流~~柚子蜜就甜度適中~~食完雞肉飲啖滋潤番喉嚨好唔錯~~唔知係咪而家舖大左~~好開揚坐位間隔都好開~~就算當晚我地個邊全部人都係打邊爐都覺得好通風好舒服~~唔會覺焗促~~打都打得舒服~~

食過無數次好煮意，第一次寫番個食評。因為真係值得推介。一個人來嘆，今日天氣好凍，又大風，食番碗暖身。雞件都用上新鮮雞，一碗雞湯入面都有非常多雞件，起碼有6-8 件。另一令人一直都會念念不忘，就是炒香的辣椒豉油，香香辣辣有小小甜。雞湯就不用多說，可以成碗湯飲晒，真材實料的涉湯底，最喜歡當歸味，好暖身，飲完又唔會口乾口渴心。配米線配白飯都好夾，加飲品好抵。另外下次要食雞煲火鍋先，見到好多人推介，一班朋友食最開心。

【暖笠笠藥膳雞米線🍜】社工之日常：一早起身去咗上水嘅小學講講座，新界地區真係再低兩度，完全感受到冬天凍冰冰嘅感覺😩！行入呢間好有文青Feel嘅「好煮意」好有被拯救嘅感覺，藥膳雞米線香濃酒味同藥材味，瞬間滋補暖身，無化妝嘅我都立刻面色好咗。喇沙都好值得推介，邪惡嘅腩肉好好味🤤連少少豬皮，入口即化，好重骨膠原。粉腸同雞翼都勁入味，好食😋食咗啲咩？🐔藥膳雞米線不愧為真店之寶，真係好香藥材味，飲一啖湯都好有暖身同滋潤補身感覺。雞好滑，紅棗勁甜，我本身又鍾意食木耳，成件事好滿足！🐔喇沙油麵（腩肉、粉腸和雞翼）喇沙湯底又香又甜，雞翼好入味！腩肉個口感好好、有少少豬皮位，煙煙韌韌，骨膠原豐富，瘦肉位置又好爽口。好食嘅粉腸唔常見，呢間係其中之一間，夠入味而且無晒內臟「壓」味。🐔菊花薑蜜、洛神花蜜不這過不失，凍冰冰天氣下份外暖心。

呢幾日嘅天氣都好凍，好想食一啲熱辣辣嘅嘢，今次我就去到上水嘅一間主打醉雞鍋米線，有多款不含味精嘅雞湯米線，餐廳內部都比較廣闊，坐得又舒適😋咁次店主就推薦左佢地嘅招牌米線，⭐️ 招牌藥膳醉雞湯麵（米線底）$55湯底飲落去藥香酒香，鮮甜濃濃的，湯帶有味道甘醇濃厚嘅紹興酒🍜，中藥嘅份量岩岩好，鮮明又輕柔，不習慣藥膳嘅人都可以欣然接受👍🏻，湯麵嘅配料都好多，有雞件、黑木耳及紅棗，雞件煮得好入味，帶有淡淡酒香味道🍶，而且雞件食落去嫩滑🐔，唔會好「鞋」👍🏻 覺得唔夠鹹嘅話，可以配埋餐廳的辣椒豉油一齊食都不錯喔！⭐️(跟餐)凍柑桔蜜+$10餐廳嘅凍柑桔物同我平時飲開嘅好唔同，🍹🍹飲落去唔會太甜，而且佢有少少嘅鹹味，超級開胃又生津解渴😋😋

將近聖誕節，天氣轉寒冷💨，最近仲低至10度，手腳都凍冰冰❄️！食碗滋補又暖笠笠嘅湯麵最啱！剛剛經過「好煮意」餐廳，走入去點咗碗米線 - 藥膳醉雞米線。掃QR code 就可落單，非常方便。藥膳醉雞米線上枱時已經聞到濃郁嘅藥材同醉香，配料有鮮雞、紅棗、雲耳，雞肉肥美又嫩滑啖啖雞肉香味。麵嘅湯底都被我飲清，身體有陣暖氣，好滋潤嘅感覺，面色即時帶點紅潤。飲品方面，點了杯熱飲洛神花蜜，清甜味道，而且滋潤喉嚨。好煮意上水馬會道180號地舖