Cooley Oysters ® The Fine Restaurant

Open Now

Now Closed

最近去左呢間餐廳，就遇到了一連串令人失望的事情。首先，開12隻生蠔竟然用左將近45分鐘，（間餐廳坐位唔係特別多亦唔見有人點好多生蠔）。雖然生蠔的新鮮程度值得稱讚，始終是cooley oysters，一定有保證，但考慮到整體體驗和價錢，一定唔係物有超所值。主菜都係非常普通，因為唔係貴，所以都冇咩期望，食得落口當快餐就算。肉眼牛扒味道都ok，但大家樂塊扒應該厚過佢，豬斧頭扒就真係大鑊，近三分之一都是脂肪，我就真係食唔落。有圖有真相。最爆既係埋單時既drama。第一張賬單上竟然出現了$688/6隻生蠔的費用，遠遠超過菜單上最貴生蠔的單價（$98/隻）。當我地問侍應時，佢係一副愛理不理，唔該你快啲比錢既模樣。埋單差唔多$2000蚊。之後，改左第二張單再比我地睇就話我們點了兩款共12隻生蠔，但只有同一款點12隻才能享受優惠。事實係菜單上明確標示「歡迎混合點選」和「每隻單價」。另外，由於特大愛爾蘭生蠔缺貨，侍應建議用南非或者Coffin Bay的生蠔替代。之後原來呢啲替換品又冇折扣。（可能我中文同理解能力弱，比張圖大家睇下我既解讀係咪正確）咁做其實（我覺得）極度混淆客人（菜單誤導），仲會質疑餐廳的

第一次去希慎新food court覓食，被一間愛爾蘭餐廳吸引😍可以見到廚師即整意粉，好香🤣🍝香煎帶子配三文魚籽及海膽醬意大利粉 $128海膽汁都幾creamy, 夠晒撈意粉食。帶子好嫩，加上三文魚籽，更添鹹香味❣️🦪餐湯、生蠔、甜品（跟餐+ $78）份量比想像中都細😂可以唔洗加😂餐湯得一啖，生蠔比睇相細，食落都creamy。甜品最好食，伯爵茶味嘅布甸🍮📍 Cooley Oysters ® The Fine Restaurant (銅鑼灣)銅鑼灣軒尼詩道500號希慎廣場URBANHOOD B2樓B215號舖

整啤啤既日子又係去希慎食完lunch先去上次因為姑媽腳痛要介口無食到今次就等我去試下叫咗兩個set另外叫咗生蠔。生蠔🦪佢有分左唔同月數（大細）不過因為本身對生好冇特別好多嘅研究，所以我都係叫佢推薦 今次試呢啲海水味偏重我自己個人口味係鍾意食偏甜嘅🤐所以我覺得還可以 但唔係我杯茶🫣。大蝦沙律🥗味道中規中矩冇乜特別 佢係open kitchen睇住佢煎嗰個蝦 係幾開心嘅😂。是日餐湯南瓜忌廉湯 奶味好重 味道還可以。香煎肉眼牛扒🐮牛扒望住佢喺個鐵板嗰度煎香咗牛肉味都有嘅 唔會太硬 熟到啱啱好我覺得唔錯。龍蝦🦞扁意粉佢個扁意粉都係用龍蝦汁嚟煮 成個味道都濃嘅 但係就女仔而言食起上嚟就麻煩啲，會整污咗隻手先食到個龍蝦。 自家製甜品（有驚喜！）是日係咖啡味嘅布甸，唔係太甜口感 滑嘟嘟，作為跟餐甜品嚟講我會俾9/10分我覺得服務同埋食物質素都幾好性價比嚟講算係唔錯 一路食見到人哋叫嘅都係戰斧烤豬佐 我諗我下次會試下整體嚟講我覺得呢間餐廳有8/10分#belle推介餐廳 #辛苦搵黎志在食 #foodie #food #hkfoodie #cwbfood #cwb #希慎廣場 #銅鑼灣美食 #銅鑼灣 #

前排發現呢個新開嘅food court，某日有人想食生蠔就諗起呢間Cooley Oyster 🦪 今晚叫左香煎頂級肉眼牛排配芬芳迷迭香醬汁，牛扒好粉嫩，但唔會太多血水，烤蒜頭好甜好甜香煎虎蝦配龍蝦汁意大利粉🍝，意粉軟硬度適中，虎蝦頗大隻，肉質彈牙，龍蝦汁味濃👍🏻+$78 升級套餐，有一隻Cooley Gold生蠔、湯和甜品，生蠔🦪好鮮甜，南瓜湯好濃郁，可惜份量唔多甜品penne cotta，奶味好濃，甜度適中，唔會太膩整體食物質素幾高，不過唔知係咪因為新開張，所以運作有啲混亂，會漏咗隻生蠔，上菜嘅次序又錯咗😅但係我相信我哋會再食，因為味道確實唔錯👍🏻

最新裝修的Hysan food court 原來咁有質素！同友人食鱸魚，我試了一淡，味道淡淡的，但魚皮煎得好香脆！有水準！擺盤仲整到好似fine dining 咁，128就食到類似fine dine真心唔錯，高質。我自己叫的一款就普通Cabonara ，好多芝士碎，幾濃郁。餐廳有新鮮生蠔供應，如果食套餐可以加78就有蠔，湯同甜品。下次會再來吃魚！！！

因為food court冇位坐就入咗呢間餐廳 (準確嚟講係吧檯)兩個人食唔太飽不過唔係特別好食 就冇再加嗌咗兩個推介嘅意粉卡邦尼意粉好食個醬夠厚好濃芝士同cream味意粉啱個人口味偏硬整體幾好食不過啲意粉唔太掛醬食到最後會淨好多醬龍蝦意粉搞唔掂有半邊龍蝦一隻鉗龍蝦肉尚算紮實龍蝦膏腥到傻咗啲汁冇乜味整體嚟講非常淡侍應手忙腳亂同一時間得四台客都唔係太處理到不如scan code落order啦連畀錢都要等好耐望住三個廚師一個侍應喺咁少嘅空間逼嚟逼去有啲無奈咁嘅價錢有好多其他餐廳嘅選擇

Happy Friday同朋友一齊行希慎廣場，係food court見呢間餐廳好似好chill咁，一人一杯香檳配生蠔，原來佢地做緊promotion，叫一杯野飲就可以以6折換購生蠔。當日淨返南非生蠔，生蠔新鮮而美味，口感鮮嫩，帶有咸咸嘅海水味。我叫咗一杯香檳（$68）價錢唔貴仲可以6折換購生蠔，性價比高。負責洗生蠔嘅廚師一直洗到無停手。另外仲叫咗一個龍蝦意粉（$148）係佢地嘅招牌菜，雖然龍蝦的質感很棒，彈牙又鮮嫩，但整體的汁味道卻不夠濃厚。意粉的味道相對淡薄，希望餐廳能夠加強調味，讓意粉的風味更加豐富，與龍蝦的口感相襯。我仲點咗一份肉眼扒（$168）。然而，這道菜讓我有些失望。肉眼扒的切片非常薄，雖然我點的是5成熟，但送上桌時已達到9成熟。餐廳好好咁更換咗另一份，但係都係唔夠鮮嫩。

同男朋友慶祝生日，食豪啲。經朋友介紹，話有酒店Chef黎咗，咁就訂位試吓啦。黎到原來係food hall，可以揀坐吧枱或餐枱，梗係餐枱啦，可以情深深，仲可以睇到廚師煮餐。男朋友係龍蝦痴，先黎個龍蝦湯，試吓掂唔掂先。嘩，好足味，係自家用殼煲，正。黎蠔吧一定再食蠔啦，6折優惠，大中小各2，原來愛爾蘭蠔都好好味，有海水味但唔太咸，愈大隻愈creamy。主菜男朋友都係叫龍蝦，有成半隻。聞落已經好香濃，靚意粉掛晒汁。Grilled Half Lobster Linguine in Lobster Reduction Sauce 碳燒半隻龍蝦配龍蝦汁扁意粉我就食牛扒，澳洲草飼牛，味濃，燒得剛好，冇雪味。侍應靚女話要食埋另一邊龍蝦，要成雙成對，推介升級魚湯，好啦，試吓，不得了，超正，男朋友話係食過最好味的西餐。Classic Bouillabaisse with Fresh Seafood Medley 經典法式馬賽魚湯(升級龍蝦)餐飲都好好味荔枝同奇異果甜品食蛋，燉蛋，有蛋殼的。試業期間優惠，晚餐有9折呀！

今日無無聊聊經過希慎廣場，見佢地庫裝修完咁就落去睇吓有咩食咁啱見到新開張食lunch 有八折就試下你先！ 見佢話加 $68 可以upgrade 做set. 有蠔 或 鴨干多士再加湯同埋甜品都幾抵🤣鴨干即叫即煎 ，好好食 🤤擺盤都好有心思今日係 忌廉蘑菇湯， 有少少黑松露油 本身自己唔太好食魚，不過新開既店質素應該唔會差得去邊掛！ 所以就試試佢。 鱸魚煎得好香口， 芹菜蓉好好食😝但甘筍仔可以再淋多少少，切落去比較硬😅最後仲有 Panna Cotta ，脆脆好好食，擺碟好有心思總結係，員工有禮貌，上菜速度都快但美中不足係商場抽風系統比較差，廚師一煎野，油煙味比較重 如果之後有得揀野飲應該更加好😆

CP值高呀補返之前情人節啲相先話說無啦啦行過希慎見到間嘢grand grand 哋, 個套餐又唔貴, 咪試吓囉.先黎, 頭盤係魚子/mousse/生蠔, 好得意, 未試過, 幾好味, Chef話要食埋花😆.再黎, 藩茄水牛芝士, 質素高的, 加埋黑醋, 好味.三上, 磨菇湯, 濃度咸度適中, 夠滑順喉.四盤, 係一定要食的煙三文魚紅菜頭蝴蝶粉, 好好好味.主菜再上, 揀咗牛扒同魚扒, 食得出係酒店水準. 同經理傾偈先知全部員工都係酒店出身🤩甜品係奶凍, 好味, 滑溜.餐飲一杯紅卜卜橙色的, 較甜. 另一杯係情人節特飲, 荔枝什莓, 好好飲, 有果肉, 我叫佢要加埋menu😍一道比一道好, 但上菜時間耐咗啲, 情人節就無所謂.試業仲有生蠔做緊6折!!!價錢同CP值高呀, 有驚喜!

見銅鑼灣希慎Hysan Place地庫新開food court就去試吓，蠔吧西餐廳。店長同廚房都係做開酒店西餐，好nice同好熟啲菜。揀咗set lunch，前菜有生蠔， 好新鮮，個盤好match,或鵝肝多士，好多好滑好脆，擺盤勁靚。餐湯係黑松露雜菌湯配cream cheese mousse，溫度啱啱好，賣相又靚又好味。主菜要咗牛同魚，牛7成熟啱啱好，肉質滑有肉味，點鹽食最正。魚好滑，個皮煎香，脆卜卜。甜品升級咗panna cotta，vanilla味好香好creamy，同士多啤梨蕉糖燉蛋，隻蛋外相一流，酸甜度非常夾，仲有士多啤梨粒粒。餐飲升級咁kiwi lemon，好fresh，酸酸甜甜同strawberry pina colada，好滑好香，一定要飲，好好味。結論：賣相勁靚又好味，價錢合理。