小店

Open Now

Now Closed

點咗一個好垃圾既牛扒意粉，未入口見到碟野已經唔吸引，心諗都知中伏。牛扮又UN又硬、意粉好似隔夜咁、什豆又唔新鮮、唔知咩汁係淡而無味，少少鹽同味精都無。總括成個餐都好垃圾，唔知食咗咩，仲要係唔滿足，最後我要返屋企食咗包薯片去彌補我味覺既損失。如果老闆有睇食評，真心執咗間舖都唔可惜，你咁無要求啫，都唔好影響人哋胃口。永遠唔幫襯呢間野，各位街坊都唔好嘥錢入去食。

🧀芝士蘑菇酥皮角Baked cheese and mushroom in puff pastry $118🍫Chocolate lava cake +$33 with dinner set🍮Crème brûlée +$28 with dinner set-好有心機嘅小店💓 Dinner set包埋香草餐包、湯、飲品。主菜我揀左芝士蘑菇酥皮角，個酥皮有好多層而且好脆每層都好分明。甜品嘅擺碟好靚! 會畫好得意嘅公仔仲要個個唔同😍 心太軟我覺得石以焗耐少少，焦糖燉蛋好好味個面夠薄夠脆！-🍴7/10

大熱天時，中午在九龍城食飯，見店舖都幾多人，而且裝修看來是一間不錯的西餐廳。等了大概5分鐘就有位。餐牌有特價午餐和精選午餐兩種選擇，大部份人都會嗌$47嘅特價午餐,分別係牛扒，豬扒，雞扒和焗意粉。我們叫了兩個精選午餐，每款$78。煙三文魚黑松露意粉，紅酒會牛尾意粉煙三文魚本以為有兩至三塊，出來食物，是一片三文魚碎上! 意粉一般，好過茶餐廳紅酒牛尾，只有骨無肉，有色無味！每款餐都可媲美大學飯堂的$15蚊餐，差！ 食到嬲嬲地，不得不去留言

每次去完九龍城食晚飯都一定會係個區食埋甜品，今次就試了一間做西式甜品的餐廳。其實這間餐廳不是只做甜品的，它有其他西式晚餐，但由於我們的目的是甜品，就没有留意佢嘅晚餐了。我哋一行五人，叫了五款不同的甜品：香蕉船、檸檬批、蘋果批、芝士批同Brownie。其中我最鍾意的是檸檬批、Brownie 及蘋果批。這個檸檬批好開胃，不會很膩。甜品師傅特地繪畫了一隻跳皮嘅比卡超，好cute呢！Brownie 很軟熟，甜味跟朱古力的濃度剛剛好！蘋果批是我叫給自己的，上面的酥皮很香，甜甜嘅蘋果餡再配一球芒果雪葩，好滿足。另外，我好鍾意西餅師傅畫俾我嘅熊啤啤🥰餘下的香蕉船同芝士批我就無試到，但每一碟都有西餅師傅繪畫嘅公仔，好有心機！同佢做嘅每一件甜品一樣，都好有心。餐廳內嘅環境好舒服，播住柔和嘅音樂，配合紅色嘅磚牆，令你係一個好relax 嘅氣氛中享受你嘅甜點。而每一份甜品都只是四十幾蚊，這樣嘅環境，這樣嘅食物質素，這樣有心嘅西餅師傅，可以係邊度搵？！

喺九龍城食飯選擇好多，但係成日都會花多眼亂，隨時行左幾條街都唔知食乜好，今日嚟到修路修咗幾年嘅呢條街，原本諗住食嘅泰國菜已經唔見咗，唯有睇吓有啲乜嘢新口味食，行過呢一間睇落去平平無奇嘅餐廳，原本見到價錢非常貼地，但係竟然做到有好多人full house不停出入, 一於入去試吓，見到好多人都叫咗肉眼扒old school燒汁，就跟住叫咗一份薯菜，有一種舊式扒房嘅感覺，因為而家出面嘅牛扒通常都係美國牛/和牛，燒汁已經變成黑椒汁或者洋蔥汁，粗薯條已經變成焗薯或者薯角，菜已經變成紅蘿蔔或者西蘭花，如果想搵返集體回憶，建議大家嚟試吓

以前食過兩次，對甜品碟上的公仔尤為印象深刻。今次好肚餓，但又唔想食太多野，想起小店。忘記了位置，於是上open rice找地址，誰知見到好幾篇差評，覺得奇怪，更決定要再試。疫情關係，店員量好體溫才給你進來。枱距離設置妥當。另外提供熱水給你洗餐具，態度也很好。唔想食太多，得set dinner無飯無意粉，所以選set dinner。食完已經好飽，所以可惜無加甜品。我認為小店質素無怎樣變過，所以下次會繼續光臨。

A big surprise for the desserts!  For me and most ladies in Hong Kong, we all love desserts!  Not only because of the happiness brought by the sweetness from the desserts, but also the visual effects by their sophisticated presentations.  I enjoyed the desserts here because there were lovely and cute drawings next to the desserts on the plates.  For instance, there was a strawberry drawing on the side of the Panna Cotta, and a funny cartoon drawing with the Caramel Creme Brulee that we ordered. 

老人家帶三歲BB女早上11點吃午餐，當時店內只有幾位客人，老人家點了一個午餐47元，店老闆說不行，二人必須要點兩份午餐，老人家說三歲孫女只吃少許，吃不到整份午餐，老闆堅持必須點兩份午餐，或點價錢最高的餐(接近100元)，老人家有點生氣，最後跟老闆理論，旁邊食客也幫口說最低消費不應用在三歲BB身上，最後老闆屈服，不情願地跟兩嘛孫下單。我本人不會再幫襯這樣的餐廳。

I always go to this restaurant because the food is good for its price. Today I brought my 3 month old baby with us to have lunch.As we went into the restaurant, not only did they give us a tiny spot when there are plenty of other spaces, they also didn’t allow us to open up our baby stroller and said that it would block their movement.Another pair of diners just finished eating and that spot had a lot of space for us to open up a stroller. We kindly asked if we could switch over to open up our s

第一次光顧小店午餐是因為裝修環境吸引！其實看到餐牌都知道不是有什麼特別！但值得一讚是餐湯～～蕃茄濃湯！濃郁的蕃茄味及忌廉的香滑！反而主菜一般！之後發現牆角位置擺放了有蛋糕訂製的黑版！（2天前預訂）正因為有家人生日，當日特別到九龍城想訂製蛋糕！見到價錢比出邊便宜，所以向侍應了解！查詢有沒有樣板可以先看！侍應指沒有樣版！侍應是在手機上找圖片給我！之後再告訴我蛋糕沒有特定裝飾！每一個都是當日師傅設計！我選購的是芒果芝士餅，這個價錢值得一試！兩日後我終於到小店取回訂製的蛋糕！看到設計對得起這個價錢！之後跟家人吃完晚飯後享用這個蛋糕！家人大讚非常好吃！芒果非常甜，而且芝士非常香滑！士多啤梨亦很新鮮！第一次買生日蛋糕是沒有食剩的！出奇地一間餐廳主要是吃西餐，反而蛋糕更是出色！要不是我看到黑板就不會吃到這個蛋糕！推介

小店 失分啦 價錢貴咗 質量差咗未搬之前 環境好舒服 食物有質素但而家小店 地方細咗 枱枱唔算齊整擺放細細枱面 放倒2個餐 但放咗3張櫈 (都怕㗎… 搭個唔識嘅人相睇咁食飯😱)還好冇發生 ……店面好緊張咁 但又唔係出好多餸😅老闆 老闆娘(應該係) 負責帶位落單後者非常緊張 騰嚟騰去 冇笑容慘慘豬2個女侍 齋傳菜 執枱慢1個識做 1個生手慢動作 …… 應該係安排上 新人未上手 (估吓勿插)關我咩事呢 …… 關㗎 連我哋都緊張埋小食店質素 速食 快快食埋就埋單 下次要嚟都要睇環境先 … (有待改善)牛扒餐 + 忌廉湯 + 冷/熱飲品 $47 學生優惠 $42牛扒~薄身細塊 全熟 乾 嚡 韌白飯靚 牛扒汁少 可追加雞扒意粉 餐 $47雞扒~ 2細件 煎燶咗皮 肉嚡意粉完全冇調味 又韌頂心 靠個汁但汁唔夠再order汁到 等咗超過5mins忌廉湯 ~ 味重 脪 還好有幾粒火腿凍奶茶 凍咖啡 夠大杯 味香濃

一入到去我地本身諗住搵位坐，個侍應生第一句就話一定要8點鐘交檯，都覺得態度麻麻不過當時6:45現場還有好多吉檯，我地覺得都夠時間所以決定食。因為我地兩大一手抱bb,要求要bb椅但前後問了兩次先安排到。到點餐，我先生order黑毛豬但問要幾成熟...Order哂個侍應好細聲問：前菜係咪一齊上？心諗：咩一齊上呀？問了3次先聽得明個意思原來係個頭盤個湯同主菜係咪可以一齊上?其實你又限人時間我都無得要求d咩架啦😅食完後還比甜品menu, 即使食吾飽但因時間有限沒有order就走了。總括來說，食物質素還可以但份量很少，魚柳既薯菜得3舊薯仔兩棵西蘭花，男士應該食吾飽但價錢不是很便宜，服務奇差先係趕客原因！

個日我同男朋友難得放假諗住去九龍城食好西 因為唔想食泰國野 所以周圍行下 行行下經過呢間鋪頭 見到好多人食 價錢又好平民 所以行多左陣間 就返左轉頭食 我地入座既時候岩岩完左繁忙時間 諗住終於可以輕輕鬆鬆食一餐 點知中曬伏。。。 個個菜湯除左個湯綠色呃到人之外 冇一啖個味似菜湯 我剩係飲到罐頭忌廉湯味 .... 我男朋友叫左個肉眼扒 我叫左個意式雞塊 都係配薯條 我地原本以為要等好耐先有 點知10分鐘左右我男朋友個扒竟然先過我個雞塊到睇到呢到一定會有人話 “出餐快都投訴?’’我唔係想投訴 我只係覺得呢間餐廳既食物唔夠誠意.... 如果真係有用心處理餐牌上既食物手腳再快 都唔應該係咁快出到餐 我諗如果唔係我地個薯條要炸 應該仲快出到餐因為我見到隔離枱叫左同我地一樣既野但係配飯同意粉 好快有得食當刻我都仲覺得唔怪得咁多人支持啦 又平又快 點知食落口先係惡夢...牛扒過熟 雞塊好鞋口 配菜係三色豆😱牛扒同雞塊好似係浸左係d熱既汁到好耐 所以肉質好老我以為自己食緊小學飯盒😱😱😱超 難 受 就算係賣得平都唔應該係比呢d貨色人我真係好想問老闆一句 你出呢種質素既餐 對得住你自己架啦？希望你地能多比

入門口時，已講明兩個大人加兩個BB，一個仲要係坐BB車無佔座位的。咁店員就直接指示我地去埋邊坐一張4人table（目測到1點幾成間茶餐廳都唔full大把口淨既）。到order野食時，我地就order兩個lunch set，落order個叔叔突然大叫，人頭收min charge唔理你食定唔食都要叫既🙄，佢見我地皺晒皮先手指指個牌，d字又細又密真你要貼埋去先睇到每個人頭收$42 min charge，我同店員講BB自己食唔到一個set浪費晒食物gor wor，店員答唔理得你啦，你地坐左張4人table，總之一定要跟人頭叫餐！我指下張BB車，我話個BB叫左都食唔到wor，而佢係無坐到你張chair既，如果係咁係換左3人table俾我啦！有坐位既我會每人order一個set既！呢個時候個店員先死死地氣話：咁BB車呢個無計啦，唔使佢order lor🤬最後就叫左2份牛扒+1份魚柳，食物真係好差，個湯叫菠菜忌廉湯，實質只係菜蓉+水混合煲埋既湯😒牛扒+魚柳個汁，稀到好似水咁，係有味有顏色既液體，個人唔認同佢個d叫做汁lor。整體感覺勁差，服務差、食物更差，真係可一不可再，大家想試佢之前，真係要三思🧐

店門口採用落地玻璃門，店內佈置簡約，樓底高，相當開揚。閒日中午時分，有很多附近學生光顧呢！菜花忌亷湯，湯熱唔太傑，味道ok。肉眼扒燒汁配意粉，肉眼扒雖是薄切，約半吋厚，但都幾大塊，有肉味唔靱，雖全熟也很容易切開。燒汁調得剛好，深色且濃味但不算太鹹。意粉煑得軟韌度適中，而且份量也不少，叫咗多燒汁，咁可保證意粉有足夠醬汁，唔怕意粉乾住來吃，好味好多的。選凍檸茶，是在炎炎夏日中，坐在冷氣房飲係特別爽的。