小店

Open Now

Now Closed

上星期日大約12:00去呢間店食野,老公先去攞位，但店內疑似老闆嘅男人就話要齊人先可以入，老公話佢地係門口，但個男人堅持要我老公出返去，要見到哂人先俾入座，老公唯有行出黎再同我地行入去，坐底後叫食物，因為女兒唔太鍾意食汁，所以問職員可唔可以汁分開上，職員話無架喎，最多放埋一邊，咁我話好啦，同埋小汁，個職員話盡量啦，叫餐飲，就只得奶茶，咖啡，檸茶，檸水，連小朋友最基本嘅華田，好立克都無，最後餐黎到d汁係無小到亦都無放埋一邊，啱啱放底刀叉就黎收碟，餐茶都未飲，見到有人係門口等時個女人就話，等一等呀，指住我地話佢地食完就走架啦，跟住就埋黎執枱抹枱，同攞單俾我地。呢間小店樣樣都唔得，野又唔好食，唔明點解咁多人食

今日去吃午餐叫了金沙骨，凍o茶少冰。金沙骨的肉和汁都不好吃，另外凍o茶很多冰，向穿圍裙的阿姐反映，她竟説我們没有少冰的，真是很可惡！跟着見很多人都叫了少冰飲品，更另我不快！

今日收工嚟到九龍城搵嘢食經過依間叫小店嘅餐廳裝修幾靚氣氛唔錯同女朋友入咗去試吓 香草焗乳鴿配鮮什菌意大利飯 Staff建議我地乳鴿八成熟上食得出比較Juicy 味道正正常常冇好surprise而意大利飯配汁好香濃 口感岩岩好米粒好飽滿 算係中上嘅質素海蝦龍蝦汁雜菌意大利飯龍蝦汁有啲咸食落最後少少口渴值得一讚係餐前嘅南瓜湯濃郁幼滑飲得出氣足料南瓜打蓉嘅聽聞依度最出色係甜品搵日要再試吓

和家人在九龍塘醫院睇完報。 一心想去再嚐嚐這家店晚餐。 回想已差不多十年冇來了。。。 之前都試過兩三次。 以我所知， 這店已開業很久， 當年看過專欄作者介， 就去試了。 印象中， 當年我好鐘意佢嘅白酒煮青口。講返今次， 我們三人。 煙三文魚沙律， 份不算太大， 但味適中，最合開胃。今次對我來講算係豪。。。 叫了個肉眼扒 $358。原來餐牌寫的是 美國肉眼扒。 但店員因怕我介意告知， 換了阿根廷頂級肉眼扒。。。 (其實我真係唔係好有研究架， 不過公司附近都有好多阿根廷牛扒餐廳。。。 又聽過同事講阿根廷嘅牛肉好食)Order時 店員問要幾成熟， 我好糾結。。。 因我想食生啲， 但家人想食熟啲。。。 當時就order 5成熟。 最後店員走過來同我講， 廚師幫我們將兩件， 一件 5成熟， 一件7 成熟。 (大讚！) 這個牛肉， 好香， 好好食， 我只加了一點鹽。 雖然我唔係好分到 5成 同 7 成的分別， 但好有肉香。 跟上啲薯仔， 是我喜歡的， 不是薯蓉。 是將薯仔煮熟， 切片， 再涂上牛油。蒜香 火腿， 蕃茄乾意大利粉。 店員細心，告知他們的意粉比較硬， 問需唔需要意粉煮耐啲。。。 (

九龍城想當年未有地鐵，要坐巴士小巴先去到，十分唔方便。不過其實有好多臥虎藏龍嘅餐廳係到。依間餐廳主打一定係食d 甜品，因為佢好似藝術品咁幫你畫公仔。有特別野想畫，記得早一日打去留位時講低。羊肉西餐，不過不失份量ok, 味道唔錯，食材唔差，廚師唔hea 出貨比食客友人介紹我黎食乳鴿，可是我唔太好。不過係幾特別，朋友都話唔錯肉味好重，唔overcook,易咬全晚嘅主角-甜品心太軟都幾好食，不過係個碟先係重點慶祝特別日子一流，又畫又寫字，一定可以打卡

呢到嘅心太軟，我已經特登出九龍城為左食佢呢個心太軟唔止5次了。真係真係好值得我為佢寫篇好評。餐廳一直都係九龍城，近兩年搬左舖。之前係有一間懷舊裝修嘅餐廳，另外有一間舖專做甜品。現已集合於在同一間餐廳內。呢度嘅心太軟食過一次之後，令我印象非常深刻難忘，一想食甜野，就算幾遠都特登黎食佢屯馬開通真的很興奮～宋皇台B3出口 向左邊行多一個街口就到「小店」了。我嗌左個煙三文魚意粉🍝轉餐。 是日西餐係南瓜忌廉，好濃一啲都唔稀，飲到底仲係無稀但又唔會話好「潔」！ 個意粉就正正常常，煙三文魚係切碎 唔係一塊塊，我揀左忌廉汁，成個意見份量剛好，食哂都無「好漏」嘅感覺。 呢個set 同價錢我覺得成正比例吧。其實個意粉好唔好食我都唔理佢，因為我main course 先係心太軟 等左15-20分鐘，就有得食喇！ 呢度嘅心太軟係無雪糕伴，但係個cake就落足料 絕對夠你飽。 我食心太軟就有個習慣係由頭殼頭 切一個窿仔，再慢慢bug 啲朱古力槳出來， 一打開個頭殼頂，就會見到入面滿滿朱古槳。 （如果你有玩ig, 建議可拍ig story 影住bug啲朱古槳出黎再流返落去個動態畫面好正）💓 暖暖的朱古槳擺真係好

星期日晚上入咗嚟九龍城行吓，誤打誤撞地walk-in試咗小店呢間西餐廳。入門口餐廳俾我第一個感覺係好簡單，隨和樸素，而地方亦都好乾淨。坐低再睇一睇餐牌，發現不論前菜，湯，主菜，飲品或甜品，價格都非常親民合理。我和女友點了鴨肝多士，焗田螺，羅宋湯，鮮蝦濃湯同埋海鮮扁意粉，再加兩杯嘢飲。首先不得不讚服務員非常專業細心，上菜節奏會配合我哋用餐速度，享用完前菜先嚟個湯，飲埋湯先上主菜，唔會太急又唔會慢。再談味道，我哋對叫咗嗰幾味餸都非常滿意，好食得嚟味道適中，唔會過重或者太淡。每一碟熱盤到嘅時候都好夠熱，好明顯係啱啱煮好，唔會等咗一輪先至送過來。地方坐得舒服，又好食又抵食嘅西餐真係買少見少，所以我臨近埋單嘅時候上Openrice 望一望八卦下其他人點睇。點知一打開好驚訝地發現網上評價好一般，同我今晚嘅感受有好大嘅落差。我用左OpenRice十幾年以來好似都淨係寫過一次兩次食評，一啲都唔專業，希望大家體諒。今次寫嘅原因，都只係希望分享俾多啲人知道呢間餐廳做得好好，而自己都一定會再返嚟。本身就冇諗住寫食評，所以遺憾冇影相⋯ 最後埋單兩位$438，叫咗以上咁多樣嘢食嚟講，真係唔算好貴。

小店 安心出行/寫紙仔 隔板 最欣賞係小店提供大滾水淥餐具環境舒適 招呼&價錢 質素中庸……午餐 + 餐湯 + 冷/熱飲品 $48 免加10%雜豆依舊 餐加咗1元 配菜多咗幾嚿翠玉瓜 肉眼扒燒汁配意粉~牛扒細件 全熟 嚡 韌燒汁 ~ 好味道 麵撈唔係生粉水打 意粉軟硬適中 但淡口冇味 分量唔多 汁少加汁接受 但上菜依舊 再問有畀嘅扒牛脷洋蔥汁 配飯~ 牛脷3大塊 牛香唔腥 夠淋唔爛 洋蔥汁~微微帶酸味 唔吸引白飯 ~ 過往 超高評價 但今次……飯少 暖 飯有焦 好似食冷飯咁起架婆婆食後覺得唔夠飽 可能大食咗咖哩雞 配薯菜 ~ 大大嚿雞肶肉 肉淋入味薯條大量 脆脆熱熱 咖哩汁~ 香 唔辣

之前同男朋友專誠過黎想試佢地果個流極都流唔完嘅心太軟但兩次都撞正師傅落場食唔到今次專誠book左台終於都食到啦！一人嗌咗杯凍檸茶，咁啱兩個都飲一樣嘅野哈哈， 佢連啲凍檸茶都特別好飲過人好有茶香味， 而且又唔會落好多冰仲有啲糖漿畀你自由調教甜度，好細心！啲餐湯都唔馬虎，係南瓜湯黎湯嘅份量好多，裝到滿曬咁濟而且啲顏色好靚，影相呃like一流飲第一啖已經覺得好好飲，好香甜嘅南瓜味熱騰騰又好暖胃，我係個麻麻地南瓜嘅人但都覺得佢啲湯好好飲，最後全部飲曬佢個餐包 亦都好好味，烘到有點兒燶燶地夠香口，搽塊牛油落去食更加正我嗌左呢個芝士煙肉豬扒配蘋果沙律個賣相望落好高級，好興奮好期待抱住一試嘅心態，點知味道一樣都係好掂啲豬扒煎得啱啱好，絕對唔會韌，腍腍地咁恰到好處，夾住塊鋪滿芝士嘅煙肉一齊食口感好豐富，可以食到豬扒嘅肉香味同時又有煙肉嘅味道＆濃濃嘅芝士香對於我呢啲好鍾意食芝士嘅芝士控嚟講真係食指大動，食多幾件如果覺得有點油膩嘅話，可以食幾塊隔離嘅菜同埋d好爽口嘅蘋果中和一下油膩感男朋友嗌嘅龍脷柳，亦都好有水準 完全係色香味俱全，個賣相真係好靚靚到我第一時間影相打卡啲伴菜有蕃茄仔，西蘭花＆薯仔啲薯仔炸得

服務態度奇差1. 剛進店，約下午5:05，店內有很多足夠空間供客人坐下，目測大概有10-12張桌；客人只有兩桌；店員安排我們坐在另一客人的桌旁邊；因疫情問題，我們希望與其他客人分開一點，但我們重覆了兩次要求，店員卻沒有回應和理會，直接說請坐這裡。2. 我們點了兩個甜品，再加一杯熱飲，一杯凍飲；熱飲是熱情果茶，隔了約三分鐘，店員說沒有熱情果茶，那我們也轉了青蘋果茶，但卻是冷的，店員沒有說換上冷的，也什麼都沒有說，那我們也算了。3. 坐到5:25，店員便說，要付帳，5:30要離開；我們說才剛坐下20分鐘，店員說門外餐牌有寫但我們說我們點餐的餐牌也沒有寫，門外所有字句難道要看清楚才可進來？另外，如果我們5:05才進來，一間小店怎也說一聲5:30要離開也不太過份吧？從進店到離開，漠視客人的要求，店不接受客人要求也唔緊要，但基本禮貌的回應和說聲唔好意思，也可以吧？很差的體驗，以後不再來。店名實在與當下不符。食物和環境尚可，但服務態度我行我素，實在不用貼錢買難受

這間西餐廳位於九龍城，由我中學時期已經成日去幫襯，因為唔算太貴，而且上菜都算快，一個鐘lunch time都唔會食得太趕👍🏻 今次係畢業之後嚟食，佢個意大利飯仲係保持以前嘅水準！😋

呢間舖頭非常大，有好多位，諗緊午餐食咩好嘅時候見到裏面座無虛席，門口嘅Menu正正常常，價位仲非常抵， $47個餐包湯包嘢飲。成間餐廳好友以前中學食頹飯嘅氣氛，餐湯係有味嘅水，有啲蘿蔔粒同粟米粒，飲咗兩啖就唔想飲。原本我以為龍利柳會係一塊或者一條咁上，點知原來係一粒粒，炸粉都幾厚，三色豆俾得好大方，意粉完全係滾水碌完上碟，軟林林都唔知食緊乜，汁係唔夠嘅，不過你可以問店員攞多啲汁。呢塊牛比較好，都算有牛味，不過就薄得好緊要。$47個餐，都預咗唔會好味得去邊，不過真係頹咗少少。

#小店 西餐廳肥牛 話好耐無食呢間， 掛住d 蝦湯， 生牛肉，意大利飯。 所以book 左呢間 #小店 食晚飯。 我第1次食。 前菜+湯+主菜+甜品， 4人total $ 1300 左右。 食物都幾好食， 服務唔錯， 環境乾淨衛生，坐得都算舒服。 Cp 值唔差，值得一試！ 推薦 青口，蝦湯，乳鴿& 海蝦意大利飯，熱情果茶。 燻鴨肝： 凍食， creamy, 無熱食甘油膩。 生牛肉：調味岩岩好， 有d 洋蔥，有d 酸， 即使生都唔驚腥。 白汁澳洲青口： 鮮嫩滑多汁，白汁 淡淡奶香， 本身麻麻青口都食唔少， 好味， 推薦！ 濃蝦湯： 蝦味濃，creamy, 有d 蝦籽添， 正！ 豬仔骨： 肉嫩， 醮應該有調較過的燒烤醬，淡淡甜味， 唔會好漏。 乳鴿意大利飯： 乳鴿輕炸再煨？ 肉嫩多汁，好味。 可能有香草調味， 似食羊架 😆 飯叫煮軟d, 入口煙un, 飯芯都熟晒， 有拉絲芝士，有d 漏。 海蝦意大利飯：蝦爽口彈牙，調味好好，有蝦湯味， 唔會好似白汁芝士甘漏。 會encore. 酥皮青斑巴拿馬火腿菠菜： 酥皮幾脆， 班肉實爽口。熱情果茶：似英式紅茶底， 滿滿熱情果香， 配搭士多啤梨&

已經係幫襯過好多次呢間小店，由中學開始就食佢地個set lunch！今晚多年後食佢地dinner水準依舊都係好不錯😍2個人dinner叫左個鴨肝多士appetizer，鴨肝凍食好香夾個多士。Main Dish 叫左個Carbonara，同埋一個set dinner 匈牙利牛肉配雜菜。Carbonara個味好出，咁多年都煮得好出色！不過個匈牙利牛就略為普通！最後叫左個house red wine試下🍷，Total $360! 呢個價錢2個人食到呢個水準既西餐都好不錯！今次太飽冇食到個心太軟，不過如果未食過一定要叫嚟試！小店既朱古力心太軟係咁多間算係做得最好，仲要個朱古力味好香濃！

今日個3號餐匈牙利燴牛肉飯唔知發生咩事，就咁拎上黎個外型已經唔係嗰樣嘢，個汁好似現成個d燒汁溝生粉水煮出黎咁樣，同埋係無味。配菜同肉好似用水烚完掉落個汁撈兩撈就上咁，都係無味。意粉唔夠熱，食到麵心有d 粉粉地，上畀客之前都翻一翻熱佢丫起碼，同埋連少少底味都無嘅個意粉。好淡好淡。個菜花忌廉湯正常少少，但溝水太多，比較浠一d。個凍咖啡又係淡到唔知飲緊冰水定飲咖啡。唯一讚下嘅就係會畀兜熱水畀客人洗餐具，等人客可以安心用餐。