Corner 18 (Closed)

諗住平平地過下自助癮，點知海鮮同主食都唔係任食，已經難回本，仲要所有野質素都好差，要3折就差唔多。先講海鮮，按人數而比，都係得蟹腳6隻，細隻無肉青口數隻，蜆及蝦一人一隻。蟹腳死鹹，好似放左成啖鹽入口，蜆蝦無味。食巴馬火腿配蜜瓜，火腿唔香，蜜瓜無味。西湯同茶記咁上下。主食只限每人叫兩份，魚柳煮到好柴，即使配汁食都無味。西冷死鹹，肉眼無肉味。蘋果金寶似木糠布甸加蘋果金寶。雪糕最正常侍應態度麻麻，兩份汁黎到唔會話你知叫咩名，要自己估。整體出餐較慢。同埋頭頭比你個麵包好似大陸三星酒店早餐啲包，難食。除左橙汁咖啡任飲，真係無咩特別出色既野。

早前在荃灣如心酒店品嚐過相當划算的半自助餐，以差不多是普通餐廳的價錢，帶來酒店式的質素，實在是疫市中的亮點。其實，如心酒店集團旗下另一酒店亦有提供「任點任食」晚市套餐，地點同樣就腳，只要係地鐵天后站英皇道出口一出，就係正對面馬路，非常方便。同Cafe Circle一樣，Corner 18原先亦是有自助餐供應，但在疫情下，都先後改成半自助餐，而餐單亦有些少差異。餐廳以 Fine Dining 包裝菜色，的確令人有驚艷的感覺。同集團其他餐廳一樣，桌上早已擺好消毒搓手液，非常細心。餐前送上的蕃茄包，拎上手仍帶餘溫，非常討好。刺身合盛或冰鎮海鮮(按人數而定） 刺身有三文魚、八爪魚、吞拿魚及鯛魚，論質素及賣相似乎是更勝一籌。而海鮮是長腳蟹爪、大海蝦、翡翠螺、海蜆及青口，食完是可以隨時再添的。 前菜|沙律雖然是任食，感覺上跟Fine Dining 是不遑多讓。意大利雜菜沙律配黑醋汁選料吃得出的新鮮，澆點黑醋汁更醒胃。巴馬火腿配蜜瓜蜜瓜的香甜，跟火腿的咸香可說是絕配。自家醃製三文魚茴香沙律三文魚帶煙燻香氣，而沙律食落清新。菠菜巴馬臣芝士溫泉蛋口感豐腴又滑溜。是日中湯是菜乾豬骨湯，好夠火喉

見到OpenRice $328 Lunch buffet有五五折。剛好休假，就訂咗試下。環境幾好，服務也到位。但只有四種前菜沙律和甜品任點任食，魚生只能兩人一小份，主菜只限定兩款～牛扒薄薄的三小片，鱈魚扒唔夠一寸寬，剛好一口😓。第一次品嚐吃不飽的「任點任食」😓😓😓以$214價錢的自助午餐我不會再回頭了。最後還有職員面帶笑容地請我們寫好評！也是長見識了😅😅😅

屋企人生日，通常喜歡食自助餐，因為大食量 因為疫情關係，好多地方都取消咗自助餐。見到 All you can eat，評價不錯，加上開飯有55折 coupon, 就訂位試吓。先睇一下 menu。All you can eat 前菜，沙律，湯和甜品是任食。先來香草味餐包。如果稍為烘熱一點，應該可以提升一下口感和香味 頭盤係刺身或者冰鎮海鮮，二選一。我地每樣點兩客。刺生正常，冰鎮海鮮尚算新鮮。頭盤 沙律 湯 我地各點一款，打算想試左好味才再叫。餐湯係椰菜花忌廉湯和節瓜章魚湯。我覺得湯要比較熱上枱才好飲。頭盤和沙律各樣叫了一客。Main course 每人可以點兩個，因為可以點兩個，所以portion 比較少。炒蜆無貨，所以轉左炒魷魚意大利飯比較好食 ，因為夠熱。最後係甜品大合照。雪糕係 H 牌，一人食番3杯才走人。總括來說，份量適合大食量人士

我好鍾意去食自助餐，因為看到琳瑯滿目的美食，想喜歡吃甚麼就拿甚麼，好興奮﹗想不到隨著疫情影響下，我可以用一個Dinner set的價錢，就享用到一頓如Fine Dining的自助晚餐，除了擺盤悅目外，美味升級，更可以安坐在座位上慢慢享用。這晚來到corner 18享用｢海陸任點任食｣盛宴，甫踏入入酒店，先探熱及搓洗手液，每枱之間亦有充足的距離，改用落單紙挑選美食，做好防疫措施，大家都安心放心。先看看菜單，由前菜到飲品，有無人猜到是那國家的菜式？先來刺身盛合及冰鎮海鮮 (數量按人數而定)，三文魚及吞拿魚口感柔軟鮮甜，赤蝦刺身黏黏的，八爪魚亦屬爽口易咀嚼，美味啊﹗別錯過精選麵包，這晚是意大利蕃茄香草包，熱哄哄的，外脆內軟，惹味﹗巴馬火腿配蜜瓜，清甜又吃得舒服的前菜。我就好欣賞這碟自家醃製三文魚茴香沙律，用上原條三文魚肉，加上以檸檬汁先處理，油潤肥美又鮮味。菠菜巴馬臣芝士溫泉蛋，面層是好鹹香的巴馬臣芝士泡沫，下面是滑溜的溫泉蛋菠菜，滿口都是芝士香與蛋黃香。主菜的肉類，雞豬牛魚都不缺，每碟都有擺盤，比平日的自助餐更用心。意式烤乳豬，皮脆肉嫩，最喜歡皮下沒有太多的脂肪，香口惹味﹗。朋友點的炭燒肉

因為有個生日會員優惠，今個月尾到期要用，所以訂了今晚的任點晚餐。首先麵包系番茄芝士包，烘到脆脆地，十分美味。刺身及凍海鮮普普通通，前菜溫泉旦溫度溫溫吞吞怪怪的，三文魚沙律好濕潤，主菜肉眼、西冷嫩口好香炭燒味，香煎春雞皮脆肉嫩，有骨豬扒時間控制得啱啱好肉色粉嫩，意大利飯和芝士忌廉意粉嘅芝士略多，比較杰身，烤乳豬就因為凍左所以d皮有d奀。甜品水準略為一般，芝麻糊吾夠甜，蘋果金寶賣相古怪。主菜擺盤精緻，侍應有禮親切，可以再次到訪。

近個多月由於疫情關係，很多酒店均由自助餐改為任點任食的all you can eat。但若侍應及㕑房未能作出適當配合，不但未能達成預期效果，更只會令客人怨聲載道。本人就是偶然間發現corner 18午市是 all you can eat，價錢合理，食物亦算吸引 (但原來主菜是每位客人只能揀選兩款，之前致電餐廳向職員資詢及whatsapp來的資料均沒有提及，有點被騙的感覺)。說回食物，其實整體是較自助餐精緻及美味，但除去每位兩款主菜後，每枱附送一客海鮮盤或魚生，就只有四款沙律、中、西湯各一，数款甜品，選擇其實不多，相對折後連加一要$250又不特別吸引。而且上菜十分緩慢，只見到每張枱不停催、侍應們又只能不停道歉，最後就連結帳也催了三次才完事，實在有"中伏"之感，好難會再回頭。

酒店任點任食的晚市套餐大行其道，似乎已經成為潮流。朋友叫我去吃的Corner 18，佢試過一次，佢話佢嘅任點任食就好似平日喺酒店食A la crate咁精美。於是，在未有限聚令之前的晚上，來了吃餐簡單的晚飯。最欣賞呢個Group嘅酒店全部餐廳都會送洗手液，就算係政府有規定之前都已經做緊，令人安心。先來精選麵包，W小姐力推，不過我就沒有興趣，唔想嘥位，不了。刺身合盛或冰鎮海鮮做熱身，按人數而定，今晚的刺身和海鮮都不錯，回本當然係食蟹腳同勁大粒嘅翡翠螺。刺身有幾種，都是較為普通的例如三文魚、吞拿魚、墨魚等單唔係太貴嘅價錢，我要求也不會太高。前菜和沙律有多種選擇，意大利雜菜沙律配黑醋汁、巴馬火腿配蜜瓜、自家醃製三文魚茴香沙律和菠菜巴馬臣芝士溫泉蛋，每樣都不錯，而且真心精美，款又靚，最好係唔使攞你，要點幾多就攞幾多係你面前。中湯西湯各有喜好，我較喜歡今日嘅蘑菇湯。主菜就有好多選擇，肉眼扒、西冷扒、意式烤乳豬、燒美國豬、燒春雞、香煎鱸魚柳。醬汁選擇有黑松露醬、黑椒汁、紅酒汁、蒜香忌廉汁和香草檸檬汁，不同嘅扒配上唔同嘅醬汁，你可以有幾十種唔同嘅食法，好有實驗性。飯和意粉類就有煙肉芝士忌廉意粉和雜菌

因疫情關係，已1個多月沒有同朋友飯聚，朋友食過推介抵食的海陸任點任食晚餐，今晚相約一齊食，地方不大，但很舒適，因朋友已食過2次又是細食之人，故前菜每樣點了1份大家share, 最喜歡是自家醃製三文魚茴香沙律及巴馬火腿配蜜瓜，encore 了2次，Grilled Rib Eye Steak 肉眼扒 及Grilled Striploin Steak 西冷扒也很美味，甜品Tiramisu 意大利芝士布甸是我的至愛，不太甜又沒有油膩感，這個晚餐真超值，平民價錢高級享受。

今天放假, 和女兒去吃,如心銅鑼灣海景酒店,{海陸任點任食}盛宴自助午餐.預早打電話訂位.到達時, 不需要等待入座.座位舒適,地方寬闊, 沒有迫夾的感覺.食物是像放題,在點菜紙上點送餐的時間快速, 不需要等待很久侍應時常為我添加橙汁食物很美味, 特別是煙三文魚,西冷牛扒和肉眼扒老火中湯亦很夠火喉用這價錢,在酒店的餐廳,食到這麼美味的午餐,簡直是超值.下次會再來幫襯.

都幾失望，因為打電話了解時係似放題咁all you can eat，但結果來到發現係似semi buffet囉。刺身/海鮮得一客，main course則叫兩款，其他任點但選擇好少。（隔離桌客人都話，又話有乳豬既。。。可能晚餐才有）食物質素參差：刺身好麻麻，bread最好味，seabass幾好，但牛扒唔得，carbonara好似咖喱味咁唔知點解總之怪怪的。服務質素都係參差：有些侍應見到你但調頭走開，但有些侍應殷勤幫忙跟單。他們都解釋因為比較多單，需要多點時間處理。我地個主菜都等咗45分鐘才有。員工有些都nice，但我覺得呢個午餐即使以semi buffet來講都算係少款式，性價比不高，同埋上菜真係太慢。隔離顧客都話好失望，咩蟹腳都冇一隻，而且大家都不停催單。

因為疫情關係，老父已有三星期足不出戶，見今日是長假期的第一天，便與老父到維園走走。行到有點倦見到天后地鐵對面的酒店，便胆粗粗走上一樓的西餐廳試試它們的任點任食午餐。首先要讚賞服務員的熱誠及細心服務，我們點了橙汁，她們給了一杯微凍近乎室溫的给我老父而且每碟菜都給我們解說講到味道，更要大讚，那個自家制的煙三文魚，真是要點完再點，還有主菜的西冷牛及燒雞簡直無得彈。

從農曆新年過後好耐沒有和太太在外面食飯， 今日收工， 約了太太在天后如心銅鑼灣海景酒店西餐廳食晚飯。 入到酒店，上一樓餐廳， 看見每一張枱的距離夠曬1.5米， 地方相當寬敞， 而家已經沒有自助餐自己出嚟攞，但改成了任點任食。 我本人覺得這樣比較為衛生。 基本上張餐單分開三個部分嘅選擇。 冰鎮海鮮和魚生（送的），第二之四階段就是任點任食 （前菜，主菜和甜品） 誠意推介 前菜 溫泉蛋， 自家醃製三文魚 ，沙律。 主菜 肉眼扒， 意式烤乳豬， 脆皮春雞和意大利飯。 甜品 tiramisu， 蘋果金寶。 因今日我戰力強勁， 所以九成餐單的食物我和太太都已經品嚐過，所以我和太太都覺得值回票價。 下次會再食過

見到呢間做All you can eat 價錢又唔貴諗住同老公試吓，價錢都係大概$300-350左右，好抵食！抱住試吓嘅心態，都唔敢期望太高，點知一試都真係幾surprise，首先食物賣相唔錯，都幾吸引，味道都仲好好，感覺有d似食緊意大利菜feel，但佢d菜式都係fusion，有中有西。特別係其中有個頭盤係三文魚，真係好好食，呢個係必試，個waiter 話係大廚秘製，另外有個芝士水煮蛋好正！其他都好好食，整體來講性價比高，食物質素都好好！值回票價！！

超抵海陸空任點任食。事前無諗過會有任何驚喜, 因為過往經驗呢間都只是好一般, 一向都没有意欲再去返炒。但今次確不同,由食果舊麵包開始、冰鎮海鮮盤至最尾食甜品, 都跟以往好不一樣。冰鎮海鮮, 新鮮鮮味.  推介前菜 - 菠菜巴馬臣芝士溫泉蛋.香滑軟綿, 加左菠菜絕對唔覺得漏.食多幾隻都仲得。三文魚茴香沙律都好正,淡淡的茴香，味道剛剛好。至於主菜, 我個人最喜歡是香煎鱸魚柳, 魚柳塊皮煎得非常脆,但肉質嫰滑,一啲都唔鞋, 其他肉眼扒、 燒美國豬扒、蒸魚、燒春雞及意式烤乳都好正。每款食物上碟都有心思特色. 最後當然食埋好幾款甜品。最可惜系個肚冇空位食意粉同意大利飯, 唯有下次試.