Cosmos Restaurant & Bar (Closed)

香煎鵝肝拼牛柳＄198鵝肝火候控制剛好，外層煎至微脆，咬下去油香四溢，外脆內軟，質感嫩滑細緻，入口綿化，鵝肝油花齒頰留香。牛柳五成成熟，用刀切下，淺粉紅色，肉汁緩緩流出，香口惹味，沒有肥膩的感覺，牛柳配上燒汁，非常搭配。午市套餐：香煎銀鰽魚柳配意粉＄98外表煎至金黃帶脆，魚油四溢，脆皮酥化，魚肉輕輕一叉便散開， 味道鮮嫰，著實不錯。伴碟有鮮甜蕃茄仔、翠玉瓜，十分健康，配上奶滑薯蓉，黏稠吸引，啖啖窩心。蘑菇忌廉湯配脆法包片 剛由焗爐拿出來的法包，熱辣香脆，浸在蘑菇忌廉湯內，別有一番滋味。焗蘑菇田螺$78平底鍋有六隻田螺，上枱時熱呼呼，令人垂涎。田螺細細隻，配上新鮮蘑菇，一口size，十分鮮味，口感豐富。驚喜是墊底的薯蓉，吸收了田螺鮮味，加上香滑的牛油，津津回味。cosmos night tea $65菠蘿、熱情果及蝶豆花 ，十分協調，熱情果蜜甜香郁，拌勻後，帶出水果的香甜，更加誘人。 summer fruit tea $65香甜的蜜桃、芒果、橙汁特飲，入口酸甜怡人，冰涼清爽，有趣地，濃郁的芒果香，慢慢沁出清新的蜜桃香， 三者混合一起，啖啖吸引。

朋友生日，事前同定餐廳講係甜品上碟寫字，但餐廳回應因為冇甜品師傅駐場，所以辦不到，但同時又有甜品供應，不禁懷疑甜品來源...🧐上網見呢間餐廳之前有得食蠔同埋pizza就諗住試下，點知一坐低，發現menu好似唔同左，少左好多選擇，問店員先知，原來餐廳兩星期會轉一次menu，同埋已經冇蠔供應，有點失望...－－－－－－1. 炸魚薯條 2/5兩樣野食得出唔係即叫即炸，有點放入微波爐叮熱既感覺，炸魚有雪藏味，薯條完全唔香脆，淡而無味😕好冇誠意既一道菜，說真有點差2. 野菌松露醬蝦球意粉 3.8/5這道菜相對比較好，大蝦有3隻，都幾爽口彈牙，意粉韌度幾好，同埋松露醬都多，整體味道不錯3. 特級美國肉眼扒 3/5下單時店員冇問我地幾成熟，我地都覺得有點出奇，牛扒來到切開發現，唔同部分既生熟程度都唔同，3-7成既部分都有，筋比較多，牛味唔濃郁，同埋有點un，完全唔值$298呢個價錢😖

尖沙咀美食多，今日lunch就去咗尖沙咀寶勒巷嘅 Cosmo restaurant and bar 😋😋lunch time都幾多人，原來呢度嘅午市套餐好平好抵食， 58蚊起，免加一仲有85折，所以lunch time真係全院滿座。朋友點咗特級加拿大肉眼扒嘅午市set，我試咗少少，牛扒好好食唔會硬，又夠肉味。我就食主餐牌嘅銀鱈魚拼蝦球，加38蚊可以升級做套餐，有是日餐湯同雜菜沙律。好鍾意個雜菜沙律好新鮮，芝麻醬又夠多，啱曬我。銀鱈魚煎得好嫩滑，墊底嘅薯蓉又好幼滑，好飽肚。鍾意佢每碟主菜都配有烤紅蘿蔔同埋翠玉瓜，夠健康。另外仲嗌咗杯summer fruit tea, 水果茶味道好清新解渴💞🍵是日甜品係朱古力餅，朱古力味道超級濃郁，好大件，兩個人share都夠食。

尖沙咀酒吧區一帶原來中午都好多嘢食，今日黎到Cosmos，外面用左茶色玻璃令入面好有神秘感，入到去發現座無虛席，我咁啱得到最後一張枱。今日就揀左玫瑰鹽燒挪威三文魚柳 （$148）。三文魚比我想像中正！切開仲係夠曬水份，片片魚肉分明，好滑，而且好大塊，厚度有3cm! 頓時覺得自己吸收左好多奧米加-3。忌廉餐湯、雜菜沙律 ($38)係大家熟悉嘅白湯，有啲火腿同蘑菇係入面，入口順滑又唔係太結。沙律夠胡麻醬，食落唔乾，口感又爽脆。叫多左個前菜蘑菇焗田螺（$78），黎到熱辣辣，仲滾緊。下面有超creamy嘅薯蓉，粒粒田螺放入大大粒又juicy嘅蘑菇入面。Kiwi Sparkling ($65)，清清地，唔會好甜，主要就係奇異果汁加蘇打水，味道都幾自然。呢餐食得好飽，而且作為Bar & restaurant，呢度食物質素絕對夠高。

今日食既呢間cosmo係位於尖沙咀既西餐廳呢度主打既特色就係性價比高lunch呢排仲做緊現金埋單有折價錢更加吸引！今次點左既係慢煮脆皮咸豬手由於即點即製既關係，店員都提醒左我要等大約25分鐘因為唔趕時間既關係，所以都冇所謂首先來到既係餐湯+餐包呢度既餐湯好香濃！同個餐包好match餐包脆脆的十分吸引沙律好新鮮，夠哂爽脆！等多大約15分鐘咸豬手就送上來了超大的一隻，而且廚師已經好好的已經切開一份份吃肉質好鮮嫩加埋honey mustard醬，超yummy!!!包埋餐飲的點了個凍奶茶🥤好味道！

通常嚟到寶勒巷呢邊，都係夜晚想搵間bar chill下，今日就比較特別，我地中午已經係呢邊做野，搵到呢間Cosmos座位舒服寬闊，燈光柔和，適合傾計撐枱腳，食下lunch同樣夠relax。★★★★香煎鵝肝拼牛柳 $198呢個上到嚟賣相都唔錯，牛柳勁厚大大塊，上面疊住一舊鵝肝，相當吸引，食落夠晒肥美濃郁牛柳選擇咗５成，生熟度控制得OK，亦保持肉質鮮嫩，好juicy★★★★香燒加拿大豬架 $198切開啖啖肉，而且肉質相當嫩滑，份量都夠多佢地配菜個薯蓉做得好綿滑，另外仲有一整個蕃茄同一個口感似翠玉瓜嘅黃色蔬菜，口感幾新鮮★★★甜品係焦糖拖肥cheese cake，拖肥味濃厚，甜度就偏重★★★餐湯&雜菜沙律&凍檸茶 +$58Main Course可加錢轉個套餐，湯係忌廉粟米蓉湯，幾creamy沙律同野飲就正正常常啦★★★Peach Sunrise $65有少少漸變色幾好睇味道香香甜甜帶清新口感Cosmos Restaurant & Bar整體評分★★★地理環境★★★服務★★★食物★★★★價位＄＄＄

一向都喜歡酒吧的氣氛，有一種令人放鬆的感覺，還有這些色彩繽紛的特色飲品，感覺很治癒，但我不好飲酒，所以喜歡光顧酒吧餐廳，既有酒吧氣氛，又可以品嘗西餐廳的食物。Cosmos Restaurant & Bar ，位於尖沙咀寶勒巷，午餐最平$58，配咖啡或茶，價錢相當實惠。朋友點了午餐D燒美國豬柳配巨人菇$78，+$5配Cranberry Juice Set，我就點了香煎銀雪魚拼蝦球$198，$65 Mocktail -Summer Fruit Tea，二人各加配了一件是日甜品（朱古力蛋糕），跟餐便宜很多，只需$28，因為我點的不是套餐，所以甜品單點要$60。講到味道，朋友的豬柳和菇都燒得很香，豬柳大件又有肉汁，但係就鞋咗少少。我的銀雪魚好滑好香，蝦好彈牙，加上芝麻葉和醬汁的香草氣味，味道好清新，加埋薯蓉，份量剛好。飲品方面，兩杯飲品都同樣靚仔，個樣同味道都很好，尤其是我果杯Summer Fruit Tea，有芒果+桃+橙味，真係有樣有內涵。最後，亦都係我最期待嘅甜品時間，蛋糕充滿香濃朱古力味道，配埋薄荷葉和芝麻嘅清香，舒服嘅環境，服務員有禮貌嘅款待，今日嘅午餐，感覺滿足｡

Cosmos係位於尖沙咀既黃店西餐廳，餐廳出面貼上唔少反送中既標語同埋餐廳內部有一個小型既連濃牆。入到去環境燈光暗暗地幾有情調，係適合情侶拍拖食飯既好地點。-✨香煎鵝肝配牛柳 ($198) (⭐⭐⭐⭐/5🌟)我除左係漢堡fans之外亦都係一個鵝肝愛好者，見到餐牌上有煎鵝肝當然唔會輕易放過~上碟時鵝肝放左係牛柳既上面，令到鵝肝油可以慢慢滲透係牛柳之中，增加香味。鵝肝煎得好香、入口即溶，非常滿足。牛柳五成熟，恰到好處，係最多汁既程度，唯一不足既地方係有少許根。-✨龍蝦汁海鮮意粉 ($198) (⭐⭐⭐✨/5🌟)龍蝦汁既味道好濃郁，而海鮮意粉比較乾身同爽口，同平時食開既creamy意粉有d分別。海鮮個份量好足料，有大蝦、青口、原隻帶子、等等既貴價海鮮，大蝦好新鮮同彈牙，帶子大大隻啖啖肉~~-✨炸魚薯條 ($88) (⭐⭐⭐✨/5🌟)Cosmos係用炸魚手指黎做呢份菜式，炸到外脆內軟，薯條炸得金黃色好鬆脆，即叫即炸~-✨ Cosmos Night ($65) (⭐⭐⭐⭐✨/5🌟) & Green Apple Soda ($48) (⭐⭐⭐⭐/5🌟)因為唔太喜愛飲酒既關係，我點左Mocktail

呢間bar兼西餐廳午市好抵食，set lunch價錢由$58起，仲有8折，星期六日一樣有set menu，環境同服務都好好，見到有連儂牆同播now新聞，大家要多多支持真香港人小店呀💛香煎鵝肝拼牛柳($198)配餐湯同沙律(+$38)鵝肝兩邊煎香，口感細膩軟滑，牛柳肉質軟腍唔肥膩，肉味香濃，伴碟仲有薯角、翠玉瓜同蕃茄，可以中和下油膩感野菌松露醬蝦球意粉($168)好creamy滑溜仲帶有蘑菇香，意粉軟硬適中，松露香氣都幾濃郁，蝦球煎香過好爽脆鮮甜Lunch唔太想飲酒就叫咗兩杯cocktail, orange & cranberry spritz ($65)同埋summer fruit tea ($65)，味道清甜解渴，好fresh呀

Cosmos restaurant and bar平日下午同朋友喺尖沙咀做完運動，周圍行吓搵嘢食。見到附近有一間環境都幾好嘅餐廳就走左入去食啦。因為太肚餓嘅關係，我哋每人叫咗一個意粉加沙律加嘢飲仲有湯😆😆😆😆😆係餐黎的(+$38)沙律加咗芝士同埋有啲麵包都好香我的野菌松露將蝦球意粉($198)最鍾意食黑松露嘅味道！而佢哋呢一隻意粉嘅黑松露味都好香好濃，但又唔係好膩嗰隻，唔會覺得食咗之後好制住制住甘。我朋友的龍蝦汁海鮮意粉($168)都係好足料，啲蝦其實都幾大隻，都彈牙我試咗一啖，覺得好有鮮味👍🏻👍🏻👍🏻嘢飲係Green apple sodaPassion fruit soda飲落去都係清新，唔係藥水味嗰隻總括嚟講佢哋嘅意粉真係唔錯，而且好大碟！我同我朋友都表示好似食極都食唔晒咁！唔係難食到食極都食唔晒，而係真係好大碟😂😂

又輪到Happy Friday，經同事介紹之下去咗試呢間西餐廳，真係冇介紹錯，午餐超級抵食，由$58至$148價錢不等，會包餐湯及飲品，餐湯仲要唔係普通的羅宋湯或忌廉湯，係好有心機整的龍蝦湯仲配塊熱辣辣的麵包，成件事好有heart！ 輪到主菜，我叫咗雞扒配意粉，同事就要左羊扒配飯，都好有水準！同老闆傾偈之後得悉原來呢間餐廳的廚師曾在酒店做過，唔怪得知咁有水準啦！而家疫情關係之下食仲有八五折，又唔使加一，抵食到冇人有！我地以後又多咗個飯堂了😆😆😆

To openrice編輯﹕相片已是原圖酒吧原來而家做埋晏晝行過尖沙嘴search到呢間黃色小店所以入去試試紅酒燴牛膝好值得食嘅一道菜比較少見到有牛膝食配搭薯蓉好配合牛膝肉質軟腍，牛味好濃入口嫩滑，醬汁充份被牛膝肉吸收啖啖肉之餘，亦好Juicy連骨嘅肉同筋亦好味嗰啲位往往係最好食嘅部份另外薯蓉磨得好綿密連埋醬汁食好惹味真係一分錢一分貨呀Carbonara每間餐廳見到有carbonara我諗唔到食咩嘅話都會想試試好食嘅carbonara其實唔易醬汁要調校得好今次蛋汁芝士汁好濃，黏稠感好重黏稠感高低各人喜愛唔同配菜好足料，Bacon好多，好香，只係較硬身Lunch無謂飲酒，所以只叫咗2杯Mocktail飲吓侍應介紹咗招牌Cosmo Night同Summer Fruit Tea俾我哋一杯係花茶味，一杯係果汁味Cosmo Night有菠蘿、熱情果、蝴蝶花茶飲之前要攪勻先飲紫色係蝴蝶花茶，橙黃色係菠蘿溝熱情果花茶味較濃，水果味較輕Summer Fruit Tea有芒果、蜜桃、橙、茶3款水果味混合茶，感覺似水果汁茶味比cosmo tea少不過水果味好香

仲讀緊大學嘅時候同同學嚟呢度食過 直到上個月決定再回味多次我哋大約7.3左右入到去啦 間鋪頭都幾多人 鍾意食飯去啲人多嘅地方 有種熱鬧嘅感覺不過有樣嘢值得讚賞 就係啲cocktail好飲過上一次好多😂😂😂仲記得幾年前同啲同學喺度飲酒覺得麻麻 但係今次就真係好好飲 我見枱枱都會飲酒講下啲嘢食 我哋order左一個小食一個Pizza同埋一個牛扒 我哋食咗煙三文魚pizza 加咗粟米同青瓜會令到成個Pizza感覺冇咁油膩 煙三文魚都係大塊嘅 整體來講幾抵食(iPhone人像功能影相真係唔同啲😂)芝士焗田螺應該係我最鍾意食嘅 芝士非常多 芝士迷必食 上菜嘅時候仲係熱辣辣所以係有芝士拉絲嘅效果最後牛扒 無論係牛扒嘅份量定係配菜嘅份量都非常之多 我哋叫左五成熟 但因為我哋鍾意食血琳琳多啲 睇嚟下次都係叫三成熟會好啲所以如果大家今晚黎尖沙咀又想食西餐嘅話我真係會推薦呢一間

寶勒巷美食好😋又黎尋寶啦 Cosmos restaurant & bar 🍻吸引左我 全室內既bar 定時有直播波睇 我估世界杯時一定爆滿 叫左2個main course安格斯西冷牛扒 🐮 食慣5成熟剛剛好 最能發揮牛本身既質素 今次牛扒肉質好冧而且好重肉味 一切開已經好多肉汁 yummy 🤤 另外有脆卜卜薯角🍟同少量沙律 肉醬千層面🍝 千層面做得好食好難 我自己都整過 而且工序繁複 所以值得出外食 一上枱就超級香 每層都充滿肉醬芝士 一啲都唔吝嗇😍 味道剛好 唔咸但濃郁 旁邊有薯蓉 配埋一齊 真係無得輸👍 不過因為之後有野做 只能快快食完 唯有下次再慢慢享受啦

今日係星期六，又係四年一度嘅2月29，咁特別嘅日子，不如趁機放鬆下心情，來餐邪惡heavy宴啦。Cosmos係尖沙咀嘅一間食西餐嘅黃店，入面燈光昏暗，好有feel，適合同朋友happy Friday同weekend夜晚chill下。炸物拼盤$178🍤入面分別有吉列蝦，炸雞柳，fish fingers各3，仲有啲薯角…除左雞柳有小小乾之外，其他水準都還好鐵板牛舌$128🐂西餐都有小金嘅最愛既牛舌😍，塊塊都好厚切，好有口感，個汁感覺可以再濃味少少😝波士頓龍蝦扁意粉$288🦞龍蝦好大隻好吸引🤩，但唔係唔係好夠香。意粉口感唔錯，個汁都幾有番茄味，幾掛汁香煎美國安格斯西冷牛扒伴燒汁$338🥩舖頭煎出來的確係小金想要嘅5成熟，但肉質一般，牛味亦唔系好夠重