Cosmos Restaurant & Bar (Closed)

在openrice 搜尋尖沙咀，一定好易就見到呢間好評如潮的餐廳，一直都有興趣想搵機會黎食下，今次飛雲黎喇！我想講，呢個炸雞手指係極極極好味！認真！炸漿不是很脆的那一款但脆度剛好不熱氣，裡面雞肉醃得很入味、肉質勁嫩，一口咬下去是肉汁保留得很好。平時外面食通常雞肉無咁入味，都只是靠個沙律醬墊底，但呢個完全唔係果回事，堅好味！好適合配飲品一齊享用。鹹豬手蜜糖芥末籽豬手的皮稍為過硬，火喉大左少少，但肉質非常嫩滑咸味適中而不會過於乾身，自家製芥末籽屬於稍甜的口味，同鹹豬手的咸味好夾。沙律菜亦算新鮮，通常薯角係一件好易被忽略的配角，但今次係覺得好唔錯，本身已有調味，炸的時間剛剛好。師傅手勢好！呢款卡邦尼意粉外貌上睇已好乎合我我基本要求。1.意粉麵質要偏硬身；2.白汁要偏杰身稍稍掛麵而不會太膩；3.芝士粉選用幼身款，不會影響整體口感。整體來說，蛋黃醬好出，同芝士的比例得到平衡，不錯。左邊是Peach sunrise,右邊是Kiwi sparkling 我喜歡右邊果杯的清新味道，我老公就喜歡左邊果杯的濃郁果味，各有千秋。

平均$200 一個main course, 但食物正常,分量唔算多以前去過都冇咁貴 好似最近加咗價。星期六日反而有七折，我星期五晚去，冇得嗌saet 所以有啲貴環境一般 張枱有啲迫 喺個POS機下面 成日有人黎入機

下午經過尖沙咀順道食個lunch😋, 呢間Cosmos restaurant & bar lunch menu 唔貴又多食物選擇，mocktail亦好飲💛💛💛。🥘海鮮意大利飯: 非常好食， 意大利飯用正宗al dente嘅煮法制作加上香濃嘅蕃茄湯汁， 米粒較有質感🤤，粒粒分明。 帶子煎得剛剛好， 表面呈金黃色，裏面滑嫩彈牙。🥧 朱古力軟心布甸: 女人總係有兩個胃🙉， 所以餐後甜品少不了， 朱古力味香濃嘅甜品作為一個午餐嘅 finishing真不錯😀🍹Tropical Girl: 清清地嘅水果味，有d似fruit punch嘅味道，唔錯。~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$150⏪回頭率：80%~~~~~📍Cosmos Restaurant & Bar尖沙咀寶勒巷27號東滙商業大厦地舖~~~~~

週末下午茶，帶媽媽來到尖沙嘴寶勒巷呢帶，就唸住食好d食個西餐下午茶。我們來到cosmos 呢間西餐廳，點了呢度好正好出名的傳統水牛芝士蕃茄薄餅及芝士牛油焗波士頓龍蝦🦞，呢兩樣都係係呢間餐廳我最鍾意食的，個水牛芝士薄餅係勁厚芝士的，而且餅皮又脆又薄，拿起塊薄餅有芝士拉絲超正。而芝士牛油焗龍蝦的龍蝦超新鮮，能夠吃得出蝦肉十分厚嫩，加上芝士及牛油一起焗，真係好香好知味，媽媽都吃到讚不絕口，話我識食帶佢來食好野。我們點了兩杯喝的，這些都是特別飲品，一杯叫peach sunrise,另一杯係summer fruit tea, 兩杯都大大杯，吃完濃郁的薄餅和龍蝦，飲返杯甜絲絲的飲品，味道簡直令人心曠神怡。這裡環境舒適，食物質素也好好，我同媽媽邊吃邊聊，真係一個好好的約會下午茶的地方。

週末相約好友食個late lunch，放鬆心情Chill一下, 嚟到寶勒巷呢間 Bar and Restaurant，裝修型格有品味，情調唔錯 啱曬我哋傾下偈！嚟到酒吧梗要飲杯嘢，日頭唔飲酒，就點咗兩杯mocktail。Peach Sunrise同 Summer Fruit Tea 兩杯都冇酒精，果味清新怡人，味道偏甜，色彩斑斕夢幻，滿足我打卡癮！ 咸豬手蜜糖芥末籽即叫即做熱辣辣，咸豬手炸得外皮卜卜脆，皮肉之間有一層薄脂肪，油脂甘香， 內裏肉質嫩滑，份量十足啖啖肉，大快朵頤！海鮮意大利飯海鮮材料豐富，有蝦、蜆、青口和帶子 ， 清甜新鮮，爽滑彈牙。意大利飯軟熟綿綿，吸收海鮮湯汁精華，香口惹味，令人愈食愈想食！

今日中午，天氣非常好，打算出去尖沙咀逛逛，吸收一下新鮮陽光。行到近尖沙咀海傍附近，打算先食個中午飯，於是就在寶勒巷找找餐廳。附近有部份餐廳都暫時暫停營業，行前少少，看到一間「Cosmos Restaurant & Bar」，因為餐廳門口的標語，我們就被此吸引入內。Cosmos 是一家西式餐廳，門面整潔有序，並一如門口所示，餐廳亦會提供酒精搓手液予食客使用，十分衞生。做完「餐前準備」後，我們就可以開始看看餐牌，準備點餐。⤞ 1.芝士忌廉汁焗田螺中午都不是很餓，我們先點了一份小食，比較少見的焗田螺。田螺共有五粒，而且每顆都有着非常濃厚的芝士，味道調製得相當濃味。⤞ 2. 凱撒沙律配煙三文魚一份小食之後，之後就點了一個清新的沙律。味精不錯，不過我就認為份量可以稍作增加，兩個人share 可能未必足夠，因而會出現爭食的情況。⤞ 3. 卡邦尼意粉兩個人點了一個意粉共食。卡邦尼比起街外其他餐廳更加好食，很有忌廉的味道，而且意粉內的乾肉粒亦豐有鹹味，值得一讚。⤞ 4. 鹽味芝士餅食到最後，朋友忽然口痕想order 多一份甜點，於是就點了一個鹽味芝士餅作為結尾。芝士餅雖是略帶點鹽味，但整體而言仍是極具

無所事事最好就係食好西。餓餓地入咗<Cosmos>食個early dinner 😝鐵板牛舌👅～厚厚的。口感一流👍🏻👍🏻👍🏻。為食妹👧🏻平時食開嘅牛👅都係薄in in 。食咗都唔知係乜東東。巴馬火腿薄餅🍕～個pizza係薄批。香脆。巴馬火腿鹹鹹香香。好惹味黑松露野菌意大利飯～愛食risotto 。全因愛上那如膠似漆卻又粒粒分明的口感。🤪食咗d heavy food 。order咗Tea balance番😎

【告急黃店💛】餐廳有參與「黃親國斥」嘅計劃會定期捐錢比媒體同埋反送中組織💛-依段時間大家都少咗出街食飯如果會出街食飯嘅記得優先幫襯黃店‼️依間餐廳氣氛唔錯最啱同朋友靜靜地傾下計食下飯🥳而且服務唔錯 埋單之後仲會攞支酒精搓手液比大家清潔-#德國鹹豬手配蜜糖芥茉籽汁 $268豬手比較細隻 有部分外皮有啲韌🙁肉質幾嫩唔會乾 鹹鹹地嘅豬手再點蜜糖芥茉醬好惹味😆而且配菜嘅炸薯角都好脆好食過焗芝士薯條🤪評分：7/10-#傳統水牛芝士蕃茄薄餅 $148Pizza係薄批 而且邊位好脆🤤水牛芝士份量好多食完都唔會覺得膩評分：7/10-#黑松露野菌意大利飯 $168超推薦大家食意大利飯野菌味好濃郁🥰而且飯質煙韌評分：8/10-#焗芝士薯條 $88唔太建議大家食依樣只有上層嘅薯條可以連芝士食而且芝士有啲硬 做唔到拉絲嘅效果同埋薯條冇乜味道☹️評分：2/10-#SummerFruitTea $65#PeachSunrise $65

平時成日都行尖沙咀幾個星期冇黎見到間新嘅鋪頭睇落去門面唔錯嘢食亦都唔算貴於是就入去食咗個晏晝啦一入到去我哋已經好口渴但係又唔想飲酒喎於是就叫咗兩杯鋪頭比較有特色嘅mocktailCosmo night $65🥂入面主要係菠蘿熱情果同埋蝴蝶🦋茶顏色藍藍紫紫幾得意 呢杯嘢飲無汽同埋冇酒精嘅所以小朋友都飲得Peach sunrise $65🍹入面主要係檸檬青檸梳打飲落去酸酸地幾開胃覺得呢間酒吧來講嘢飲唔算貴同埋都幾有特色叫做可以試吓鋪頭自己原創嘅嘢飲嘢食方面我哋就叫咗一個辣肉腸pizza $158🍕Pizza細細個份量唔算太多但係啱人少少去share食 pizza 上面鋪滿左芝士 pizza就係薄身嘅咬落去非常之脆 用來做個輕主食就一流啦鹹豬手蜜糖芥末 $258🍗🍖大大隻嘅豬手咬落去脆卜卜 應該係炸過黎 配埋蜜糖醬一啖接一啖真係可惜冇叫到啤酒如果唔係真係世界級 豬手亦都有小小嘅夢條配菜 豬手整體質素唔錯最緊要係個皮幾脆身 幾開胃 都推介大家嚟到可以試吓不過如果真係叫嘅話記住叫返啤酒送！整體來講覺得呢間新開嘅鋪頭質素都唔錯如果下次經過嘅話都會入嚟試吓可以encore！

放假當然要出去食下好野。。。同嘆下啦今日就去左tst 寶勒巷cosmos食tea🥰Order左龍蝦海鮮拼盤🦂🦑😋同埋法式焗薯蓉田螺🐌薯蓉仲有一層脆皮的口感海鮮拼盤有龍蝦🦂,🦑魷魚﹑帶子等。。。亦都有lunch set, 見到有d上班一族都係到食晏😋如果係附近返工或想同朋友飲下野，傾下計都可來呢到呢度除左有唔少的mocktail外。仲有cocktail無論飲唔飲酒都可以揾到岩自己口味的飲品

超級適合情侶談心/慶祝的地方😍餐廳格調非常浪漫也適合一班姊妹閨蜜聚會入面更有電視大銀幕可於晚上直播球賽主菜點了鵝肝伴牛柳 $248五成熟的牛柳並沒有過熟鵝肝近乎入口即溶配上蘆筍等配菜 再點配忌廉蘑菇汁非常滋味帶子牛肝菌意大利飯 $168香煎帶子大大粒超級彈牙意大利飯醬汁香口黏稠係份量比較細🤣餐飲點了coco hill & candy jelly兩杯cocktail Coco hill 比想像中重酒精濃度入口較苦Candy jelly相對比較易入口甜甜的

疫情關係，呢排成日都叫外賣返公司食，食到好悶，前日頂唔順，約埋朋友出去呼吸下新鮮空氣。行行下係寶勒巷發現呢間餐廳，門口似酒吧，入到去有幾部大電視，平時應該可以睇波飲酒。可能過左2點，不用等候，店員招待殷勤，我同朋友每人叫了一杯特飲，三款前菜，1份Pasta。 吹左陣水，先上特飲。我地叫左Peach Sunrise同Summer Fruit tea. 兩杯野顏色好靚呀，味道不錯，Peach Sunrise有Lemon lime, Peach同Soda，易入口，唔太甜，清新解渇，而Summer Fruit tea就有Mango, Peach, Orange味嘅茶，幾特別，味道偏甜美前菜都跟住到第一樣係焗蒜蓉包，烤得鬆脆，細細塊最啱細食的人，唔會食多二塊就飽左第二樣前菜係芝士焗西蘭花，西蘭花同芝士係絕配，西蘭花碧綠新鮮加上淡淡的芝士，健康之選第三樣前菜到焗田螺，呢味係朋友至愛，用芝士焗幾香，田螺食落都好入味，焗的時間控制得恰到好處，不會令肉質過硬或者太淋再過多陣，上Pasta，先黎個大蝦闊條面，一試有驚喜，冬陰公調味嘅大蝦闊條面，辣辣地幾惹味，辣的程度連不太吃辣的朋友也接受到，還大讚辣得開胃

7:30pm都爆爆地 建議訂咗位先環境同服務係幾好🥰食物要加把勁👍🏻.🥘扒海鮮拼盤$338🥘費時諗 不如要個咩都有嘅咁多樣海鮮中 最好食係煎三文魚 魷魚第二波士頓龍蝦啲膏都甘甜 但燒得耐咗少少其他就正常啦 建議唔好燒咁耐 普遍肉質偏韌·🍖紅酒燴牛膝頭$288🍖三舊肉 燉得入味嘅 但個汁嘅味正常啦肉質絕對唔乾柴 但又真係可以淋同鬆啲同埋 假如多啲肥肉就正啦下面係牛油薯蓉 正常好味·🥗蟹肉麻醬沙律$80🥗多蟹肉嫁 但太多麻醬 結果有啲膩🤭·

係屋企咁耐 真係忍唔住要出街食餐飯🤣今次去咗尖沙咀一間黃店有野食有野飲 chill chill地咁😼-🍖德國鹹豬手配蜜糖芥末籽汁 $268食肉獸梗係要嗌肉 舊豬手真係好大舊!原本見佢出面好似好脆咁 驚驚地會好硬點知一食落口 係外脆內軟😍入面嘅肉好軟腍 點上蜜糖芥末醬真係一流🍯佢仲配埋好多粗薯 薯仔迷有福了🤣-🍝香辣蕃茄蓉意粉 $148友人係蕃茄意粉愛好者 決定要試吓依味🍅我地嗌咗小辣 酸酸甜甜加辣辣地味道上絕對係惹味👍🏻而佢嘅意粉亦都軟硬適中 唔會比啲醬搞到淋哂🤣友人一個人輕鬆咁ko咗成碟😝-野飲方面我嗌咗summer fruit tea🍹幾香芒果味🥭 漸變嘅顏色好少女心🤣真係食到好飽啊🤤

Lunch time with friend ,同朋友飯聚，是想食翻好少少。約左係寶勒行，算係集中搵食的街道。入來COSMOS個環境好舒服，職員安排我地在卡位。另外BAR枱仲有好特別的牆，我本人就特別鐘意呢到，第一印象好好首先叫左個黑松露意大利飯，味道好好，個意大利飯的口感加埋黑松露及其他菇的融合，仲要加埋夠熱。好快食晒了～好味。另外叫份豬肋肉，本來以為係LUNCH 餐廳會縮水，點知相反黎到好足料，上盤又靚，仲要FEEL到啲薯角的新鮮熱辣。我個朋友食個陣因為太吸引即刻吉舊食，太興奮辣親個咀～但都真係好好食～。師傅醃製時，連內部的內都好入味。這是特讚之處兩杯MOCKTAIL- Orange &Cranberry sprits, Summer Fruits 慢慢食慢慢傾的好地方。