Cossi (Closed)

2018年最後一個晚餐～因爲想吃西餐但又想找個CP值夠的餐廳，就找到這間了！本身訂了7點，但我們6:30就到了，這時我們是第3枱客，然後陸續看到很多客人入座，大概7點多已滿座了，所以如果想吃這間的話，要不就早點來，要不就訂座～而這裡有限時 1.5小時要交枱喔～跟餐有湯和沙律龍蝦湯和蘑菇湯跟餐升級cocktail ～炸魷魚圈還好啦計算錯誤，點錯了沙律，結果今晚吃了很多菜牛扒還不錯的，就是份量有點少... 不夠一個男生的胃口呀我自己蠻喜歡這個意粉，軟硬度適中！因為不夠飽，所以男友又點了一個漢堡... 吃完這個剛好1.5小時整體感覺還不錯

荃灣多嘢食就係人都知，今次收工搭西鐵入到嚟，近近哋喺荃灣廣場呢面搵嘢食。見到有間門面幾正嘅西餐就入咗去試吓。因為都仲係七點鐘，所以餐廳唔太多人。入面分咗兩層，下層有Bar檯，因為想座得舒服D，所以店員安排咗我哋座上層。環境都幾闊落幾舒服~落咗單無耐已經有嘢食！！原來係附送嘅生蠔，雖然係送嘅，但食落堅有蠔味！然後就到前菜：香煎北海道帶子配黑松露忌廉沙律。帶子煎到好香口，黑松露忌廉汁食落幾特別，撈埋沙律菜食好正！！然後就係黑松露法式薯條。望落只係薯條加茄汁但原來我錯了..上菜時已經聞到好香黑松露味~食落仲脆卜卜！！主菜就係新鮮嘅龍蝦西班牙海鮮燴飯，雖然餐牌寫咗會辣，不過對於我呢個嚐辣一族，就覺得一般辣，龍蝦食到係鮮嘅~個汁好濃海鮮味，令成個飯加分不少。多個主菜叫香煎挪威三文魚配粟米蟹肉餅、同有機粟米Puree~初頭仲怕粟米汁唔夾，但原來食落都幾好食。三文魚皮仲煎到脆卜卜。最後嘅甜品叫咗個Apple Crumble，焗嘢係要等耐少少，不過都值的~面頭脆卜卜，一粒一粒蘋果唔會太過甜。Overall Cossi 都幾啱我口味，環境幾有情調，我鐘意！

聖誕假期，和男朋友決定到南豐紗廠逛逛，午餐亦打算在附近解決。事前沒有搜尋過附近有什麼好餐廳，隨意走了一兩條街，便看見這間COSSI，大大個招牌十分吸睛，Menu也感覺對口味，就它吧！餐廳分為上下兩層，單層面層不大，裝潢以溫暖的木系設計為主，也掛滿了應節的裝飾。侍應一開始安排了我們坐到近廚房的高檯位置，剛坐下來便聞到一陣怪味，待了幾分鐘後最終也忍不住要求調位。侍應幫我們調到近門口的二人位，由於該位置背後有柱位，靠牆位置稍為迫狹但仍可接受，而且侍應亦有事先知會該位置或會有少許迫逼，問我們是否介意後才幫忙調位。另外，一入座時他們也拿了儲物籃給我們擺放袋子，感覺服務是體貼而細心的。假日的Brunch餐牌，男友選了E餐「炭烤安格斯牛扒蜜糖芥末脆法包配薯條」，而我選了H餐「香焗法國鵝肝、黑松露、炒蛋、芝士脆軟包配薯條」。兩款價錢均是$65+10%。其實一開始看見H餐我以為會像all day breakfast一樣散件上的 ，即是鵝肝還鵝肝，黑松露炒蛋還黑松露炒蛋，軟包還軟包。幸好點餐前有上來看看圖片，發現原來H餐是一個包，鵝肝、黑松露和炒蛋是配料，不然就誤會大了Brunch餐點附送的一小杯鮮橙汁，

星期六 下午我們一家三口嚟咗呢度午餐, 星期六係冇set lunch的, 餐牌係brunch, 其實只係將平時set lunch的餐湯轉做鮮橙汁一杯, 價錢同平時都差唔多。我哋今日叫咗一份C餐阿拉斯加蟹肉、鮮蝦粉紅汁意大利粉， 上枱時熱辣辣，個粉紅汁唔知係用咩做？但係超級好好味， 另外叫咗個D餐係星加坡黑胡椒蟹肉意大利粉， 好香的黑胡椒蟹肉新鮮甜美配黑胡椒汁， 簡直係 絕配我自己就叫咗個E餐碳烤安格斯牛扒 蜜糖芥末脆法包配薯條， 上檯已聞到好香的炭燒牛扒味， 法包香脆可口， 薯條炸得香脆入味， 真係好食到停唔到口。飲品我們分別點了熱咖啡 、凍奶茶及凍檸茶全部都是水準之上， 廚師水準一流，值得一去再去！

有格調的，撐枱腳也不錯，在門外已看到差不多沒位置，原來裡面有個閣樓。因為一早已訂位，直接坐在閣樓進餐的，有一驚喜侍應說是餐館送的小食，薄脆上放了炸魚柳，配沙律醬，不錯！法國鵝肝配安格斯牛柳大推，牛柳要左7成熟，肉質滑，重牛味，鐘意食牛的你，值得一試。炭燒美國牛肩扒 $148。牛肉味加上炭燒的香味，分量不大，美味夠腍，因我點的是八成熟，咬下也腍不韌，沒有血水，蘸上薯蓉及醬汁食，配上釀焗鮮冬菇，粟米仔，甜酸蕃茄仔，味道配合得不錯餐湯係南瓜湯，好飲，南瓜打成蓉好滑個湯，好甜，中意飲。沙律落左d柚子同生果粒，甜甜地幾特別！凱薩沙律分量超多，只是唔夠醬，真係可以食菜飽！炭燒黑毛豬柳伴脆香蕃薯條蘋果蓉：黑毛豬肩上有炭燒過格仔紋，配蕃薯條同大菇伴菜有豬味的豬肩柳，肉腍且有煙燻香味，有丁點肥筋，加上香，脆，甜的芋頭條，薯條也脆口，好味

今晚剛巧和同事到荃灣區辦事，由於佢家住荃灣，間唔中都會到Cossi食飯，順理成章今晚就Cossi la餐廳既舒適又寫意，令人心情放鬆很適合三五知己，良朋歡聚，或放工後在bar枱位飲番杯beer, 人生一樂也Menu都有好多選擇，分前菜或小食，湯，特色頭盤，Pasta & Risotto, 意大利黑松露系列和自家製安格斯漢堡今晚order左2個set dinner, 因為包沙律，湯，Main Course 和Drink, 百多元一個set, 好抵食呀沙律~沙律菜好新鮮，配上柚子蜜做dressing, 酸酸甜甜好開胃南瓜湯~打成蓉的南瓜湯好綿好滑南瓜味甜而濃加$20就可以飲到黑松露蘑菇湯，黑松露味好香好濃。蘑菇湯好滑，仲飲到粒粒蘑菇，美味好驚喜！竟然有starter送炸魚外脆內軟，炸漿好薄，一D都唔油腻, 同事話每晚每枱客人都會有小食送，不一定是炸魚，或會轉其他小食脆香干蔥蜜糖雞翼~雞翼外層好脆好香口，有D似吉列的做法，入面肉質嫩滑juicy, 加埋沙律醬一起吃更惹味Main Course: 炭燒黑毛豬扒伴脆香薯條蘋果蓉~炭燒味好濃，黑毛豬肉質細腻又彈牙，肉味濃郁，吃起來非常香口配合酸酸甜

約左朋友去荃灣廣場睇戲，睇戲前緊係要醫肚，係大壩街咁多間餐廳，唯獨呢間與別不同既型格西餐廳，加上見到入面裝潢幾靚所以決定試試脆香干蔥蜜糖雞翼雞翼面層好脆好香口，入面肉質超嫩，加埋沙律醬一點都不油膩，仲更加好食香炸法國鵝肝配蘋果醬見佢鵝肝份量都幾多，仲擔心食得多會好滯，但佢配蘋果醬好夾，好清新，唔會有食滯感覺，仲會想食多幾件新鮮龍蝦香濃龍蝦汁意粉（加晚餐湯+沙律）龍蝦汁好濃郁好香，龍蝦燒得好香口，肉質鮮甜味美，口感爽彈餐湯係蕃茄湯，蕃茄好濃唔淡，岩哂鍾意食蕃茄既我！炭烤美國牛肩肉牛肩肉叫左7成熟，肉質完全唔韌，口感軟嫩唔會肥膩，仲要滿滿肉汁，側邊仲會配埋薯蓉同蘑菇，唔會食得咁dry餐廳仲贈送左兩碟小食

今日去開荃灣廣場睇戲，見到呢間好似裝修幾特別咁就入去試下新野原來佢有上下兩層 上面好似閣樓咁我地就坐左上層喇落完單 就俾左湯同沙律 湯好夠熱 沙律仲有一塊ham係上面講下個飯先 又幾creamy 都幾有味 個飯煮得岩岩好 不太硬 個帶子又幾有咬口豬手 好大份啊 佢用左慢烤 d肉依然咁juicy 個皮又好夠脆 好好食啊最後黎左個鵝肝牛柳 五成熟 佢都真係整得岩岩好 個牛都好淋 好有肉味 鵝肝配牛柳又幾特別 好有鵝肝味啊食左咁多都係600蚊到 其實都幾抵食 可以再去☺️

大推！大推！大推！荃灣平靚正西餐廳!!!!!朋友生日一齊黎左呢間餐廳慶祝，真心大推！味道，分量，價錢都❤️❤️❤️❤️叫左2個set個湯好大碗但個南瓜湯偏淡叫左個凱薩沙律分量超多，係多到唔夠醬，真係可以食菜飽，哈哈間店送左個炸魚比我地食超級正外脆內軟，零腥味，唔會剩係得炸粉，真心估佢唔到，唔使錢都咁好味！黑毛豬配番薯條蘋果蓉呢個一定要試好正個肉一d都唔鞋口番薯條脆卜卜甜甜地個味道好得意法國鵝肝配安格斯牛柳大推個牛柳7成熟都好滑，重牛味，鐘意食牛架你要會一會佢！是日朋友生日店舖完全唔收切餅費就算我哋冇叫甜品都好都幫我地用碟好好咁樣放好晒啲cake仲問我地邊件係邊個嘅，超好服務！但呢一點，我都會再次幫襯！

今日行開荃灣廣場，見到後面街有咁多餐廳，就揀咗呢間西餐廳。入面都幾多人，都等左一陣位。兩個人叫咗兩個餐同埋一個小食。白酒煮蜆，蜆肉一啲都唔細粒，啖啖肉，抵食有餐包送仲有餐前小食送添，今日係炸芝士條，有拉絲效果餐湯係西蘭花忌廉湯，口感豐富又有沙律食，配咗啲酸醋更開胃主菜係香煎法國鵝肝配美國安格斯牛柳，五成熟，賣相唔錯，配埋薯蓉creamy。醬汁係蒜蓉汁，不過個人比較鍾意配鹽另一個主菜係香焗法國鵝肝黑松露巴馬臣芝士忌廉意粉，呢個就比較一般，黑松露味唔夠，鵝肝亦都焗得比較腍身，仲有少少腥。如果配返煎鵝肝會好好多

一行六人的西餐，每人$160，CP值高，環境舒服，唯一是份量太少。意粉，意大利飯較驚喜。豬肋排和羊膝也入味軟腍。甘荀湯不錯，雞排沙律的雞排較硬，是比較遜色的一道菜。

姐姐本來訂了位約四哥哥與我食晚餐，但她臨時有事來不到，這間餐館是這一帶比較有格調的，撐枱腳也不錯，在門外已看到差不多沒位置，原來裡面有個閣樓，我兩便是坐在閣樓進餐的，餐牌上寫了可以包場，應該是指這個自成一角的閣樓。當我進入餐館，巧遇舊同事正與他另一間公司的舊同事在聚餐，我們還即時再交換了電話，           Whatsapp say Hi！再來另一驚喜，侍應說是餐館送的小食，薄脆上放了炸魚柳，沙律醬，OK。炭燒美國牛肩扒 $148。牛肉味加上炭燒的香味，分量不大，美味夠腍，因我點的是八成熟，咬下也腍不韌，沒有血水，蘸上薯蓉及醬汁食，配上釀焗鮮冬菇，粟米仔，甜酸蕃茄仔，味道配合得不錯。加38元，變成了一份完整晚餐，再加20元，變了龍蝦湯；龍蝦湯蝦味濃，內有一隻蝦，味道OK。 桃子柚子沙律，菜新鮮加上黑醋橄欖油，酸酸咪咪的。炭燒黑毛豬柳伴脆香蕃薯條蘋果蓉 $148有豬味的豬肩柳，肉腍且有煙燻香味，有丁點肥筋，加上香，脆，甜的芋頭條，薯條也脆口，好味。蕃茄蓉湯，有粒粒蕃茄蓉在湯內，也做得不錯。焗玉桂菠蘿金寶伴雪糕 $52焗餅很香牛油味，熱辣辣脆香甜美，中間有菠蘿及葡萄乾，加上士多啤梨酸

準時收工7pm去到cossi,可能星期二所以都有好多空枱。兩個人叫左兩個dinner set,一個德國鹹豬手，另一個叫鵝肝配牛柳。加$38蚊可轉成set,有湯，蒜蓉包同飲品。兩個main course 都好好食，猶其係個牛，五成熟火喉控制得好好，肉質好好食，牛肉又唔會好似其他餐廳咁整到好硬，值得推介。唯一美中不足係個份量唔多，我地本身都算細食都係得六成飽。

原本諗住試附近另一間餐廳，點知無開所以重遊呢間食生日飯，價錢合理，所有野都好好味，不過份量唔多，所以叫左D小食，紫薯條真係喜出望外既小食！！去到一定要叫黎食呀！

其實都食過好多次 今次打食評真係讚下cossi 幫襯過咁多次 依然keep到高水準 平時食下午茶多既 因為5x蚊就食到個巨型安格斯再加薯條 真係幾抵 件牛仲要係好食好重牛味。 又有時同朋友黎食晚餐 兩個人埋單都係4百幾 食物質素高 氣氛好 坐得又舒服 服務態度非常好 講真出面食起碼5舊水一個人先有呢種質素 希望cossi長做長有啦！