Coti the Bistro (五芳街)

Open Now

Now Closed

新蒲崗工業區內小清新咖啡店，晚市供應扒類、意粉及小食，咖啡選擇多樣化而且幾高質，環境舒適，係個悠悠閒閒食晚餐嘅好地方🎈煙三文魚藜麥沙律沙律份量比預期多，色彩繽紛🥗新鮮沙律菜加上煙三文魚、溏心蛋及藜麥，健康滿分小驚喜係配有黑松露醬，令整體味道更提昇🎈燒美國豬鞍配芥末汁豬鞍帶點點肥肉，肉香油香兼備，肉質鮮嫩，醬汁調味適中，芥末味唔會太搶配上香脆薯條🍟及沙律，成個感覺好豐富🎈鰻魚蛋包飯大大條鰻魚好吸引，醬汁甜甜哋真係好好送飯，炒滑蛋亦有水準，滑溜有蛋香，配搭得好好🎈Flat White咖啡味香濃，最重要係夠熱，好加分

朋友約咗我去呢間穩世小店Coti the Bistro試試西餐！結果……因為個門口唔明顯，經過咗幾次之後終於搵到門口……炸魚薯條，食落一啲都唔普通，啲薯條竟然係炸到鬆脆唔乾身，岩岩炸起熱辣辣咁食停唔到口🤪炸魚肉身好厚啖啖肉！pasta揀左個香港少見既貓耳朵粉，好特別！本身個粉既形狀好易掛到汁，配合明太子非常好食！仲有帶子添！最後叫左份十安士既西冷+薯條。一開始口快快講左七成熟，都擔心會唔會over cook，點知食起上黎完成冇問題，啖啖嫩肉仲好juicy🤩如果叫返五成熟應該會更好食😫最後食完再點左兩杯清新小小既餐飲，蘋果新鮮又冰凍，可以緩解返油膩感！完滿！

媽咪想食西餐就帶佢嚟到新蒲崗一間工廈，之前自己嚟食過覺得不錯，今次就帶埋媽咪嚟試其他菜式。烤美國西冷10安配燒汁配薯條西冷牛排點了七成熟，外焦內嫩，肉質鮮嫩多汁。薯條炸得好香脆可口，煙三文魚藜麥沙律沙律清新可口，煙三文魚的濃郁風味與藜麥配搭得好既健康又滿足，加入麻醬一齊食，食唔停口。鰻魚蛋包飯蛋包飯口感滑順，鰻魚的外皮燒得微脆，蛋皮包裹著香滑的米飯，淋上特製的醬汁，味道非常出色。冷壓蘋果汁冷壓蘋果汁清新可口，保留了蘋果的天然糖分和營養。每一口都充滿果香。提拉米蘇和咖啡提拉米蘇口感輕盈，咖啡香氣與提拉米蘇層次分明配上濃郁的咖啡，可以一次過品嚐甜品同咖啡，超滿足。

呢間新蒲崗嘅西餐廳好有驚喜😍 位置好近鑽石山地鐵站，約朋友都好方便～餐廳環境大，坐到好多人，適合聚餐，氣氛一流🥰🍽️腐乳蒙古羊鞍選用新鮮的羊肉，羊膻味道剛剛好，煎得好有水準，肉質鮮嫩有咬口，醬汁鹹香惹味 風味十足！仲有大量薯條做伴菜，好飽肚啊🍽️鰻魚蛋包飯推薦😚 大大條鰻魚好吸引呀！以柔滑的蛋皮包裹著香噴噴的日本米飯，口感豐富😋 鰻魚色澤誘人，仲香噴噴，見到都流口水🍽️酥炸單骨雞翼外皮金黃酥脆，內裡肉質鮮嫩，好適合作為開胃菜或分享小食～🍵抹茶鮮奶帶有濃郁的抹茶香氣，口感滑順，微甜的味道剛剛好💚☕️鮮奶咖啡咖啡香濃順滑，咖啡的苦味與鮮奶的香甜相互平衡🤎

好多時去開鑽石山MIKIKI都無咩餐廳選擇，原來喺呢邊都有Coti the Bistro，之前食過九龍灣嗰間今晚經過就搵到佢。環境好寬敞空間充裕，番工一班同事嚟一齊聚餐多幾個人都夠，餐點選擇好多，唔同嘅肉肉，意大利粉同飯類都有，咁我哋今日揀咗佢嘅烤美國西冷10安士配燒汁，鰻魚蛋包飯，酥炸單骨雞翼。份量嚟講都好足夠，西冷扒烤熟度適中，配埋薯條同沙律無論Lunch Dinner 嚟講都好夠。另一款係鰻魚蛋包飯，半熟蛋上面原條鰻魚，撈埋鰻魚汁食夠豐富滿足。酥炸單骨雞翼炸到香脆可口，而且做法食起上嚟唔會好輪盡。飲品方面選擇都好多，咖啡類茶類都有，佢哋嘅拉花技巧都好好㗎，夠哂賞心悅目

最近我有機會品嚐了一系列獨特的菜式，讓我對餐廳的創意印象深刻。首先，🥗 煙三文魚藜麥沙律 🥗，不僅色彩繽紛，還充滿了健康的元素。煙三文魚的鮮味與藜麥的堅果香氣相得益彰，搭配新鮮的蔬菜，令人回味無窮。特別是那一抹酸酸的醬汁，為整道菜增添了層次感。接著是🍖 腐乳蒙古羊鞁 🍖，這道菜讓我驚艷。羊肉的鮮嫩結合了腐乳的濃郁風味，令人一試成主顧。配上香脆的薯條，簡直是完美的搭配，讓人忍不住多吃幾口。飲品方面，我選擇了 🍫 朱古力咖啡 🍫 和 ☕️ 泡未咖啡 ☕。前者的濃郁巧克力香味讓我心情愉悅，而後者則是清新提神的選擇，兩者都各有千秋，適合不同的口味需求。最後，🐟 鰻魚蛋包飯 🍚，是一道充滿日本風味的佳作。柔軟的蛋包包裹著香氣四溢的鰻魚，口感滑順，令人滿足。這道菜不僅好看，味道更是讓人驚喜。總的來說，這頓餐讓我感受到食材的多樣性與創意，實在是一場味蕾的盛宴！

📍Coti the Bistro (五芳街) 新蒲崗五芳街31-33號永顯工廠大廈地下C號舖新蒲崗有好多cafe ,今次呢位於永顯大廈地下，門口比較隱蔽，要細心留意，內裏五臟俱全，文青簡約裝修，坐得舒適，適合朋友聚會的好地方☺️☁️烤美國西冷10安士配燒汁$198西冷七成熟，肉質柔軟粉嫩，口感嫩滑，厚度適中，切開中間微微粉紅色，配上燒汁，旁邊有大量粗薯條，炸得香脆。沙律可以平衡返西冷油脂，好食☁️明太子三文魚籽貓耳朵粉$108好鍾意食貓耳朵意粉，煙靭有口感，加上大量三文魚籽和明太子醬，食到舔舔脷，有兩粒厚身香煎帶子，適合同朋友分享，好快清晒☁️酥炸單骨雞翼（5隻）$78即叫即做，熱辣辣，雞肉嫩滑，店員好細心已將雞翼切成單邊，方便小朋友食用這間cafe 飲品非常吸引，好飲又特別，外表打卡able ☁️有汽檸檬咖啡（凍）$42Espresso 會另上，倒入去檸檬soda 入面，口感好特別，檸檬微酸，咖啡不苦，兩者加埋好夾☁️提拉米蘇咖啡$48賣相好吸引，表面灑上厚厚的可可粉，中間Tiramisu 忌廉好好厚實，不會太甜甜，手指餅脆口，加上咖啡濃郁，好似食緊甜品 ，雙重享受#新蒲崗#新蒲崗美食#香港#h

去新蒲崗搵朋友 佢帶咗我嚟呢間cafe☕️話係佢平日嘅lunch飯堂餐牌選擇都幾多 有扒類、意粉飯類、沙律 同埋各款咖啡🌟雞扒藜麥沙律 $88沙律本身已經落左麻醬 撈得好均勻 沙律菜新鮮爽脆 雞扒煎得好 肉質幾嫩滑 仲有隻溫泉蛋🌟烤美國豬鞍配芥末汁 $168豬鞍都幾大份 有啲似斧頭扒 食落肉質就似厚豬扒咁結實 薯條好食 乾身香脆🌟明太子三文魚子貓耳朵粉 $108 貓耳朵粉好煙靭 啖啖充滿明太子味 好creamy🌟提拉米蘇咖啡 $48 推介呢杯👏🏼上面嘅Tiramisu好厚滑 底下咖啡味道fruity 可以撈勻晒成杯飲 又可以用飲筒吸左底層嘅啡 再慢慢食返上面嘅cream 當甜品咁食😂🌟蕎麥茶 $30離遠已經聞到陣米香 解膩一流🌿

空間好大，而且唔會好多人(始終係工廈)所以啱哂一大班人一齊，好似包場咁呀！！中間有張大長枱，坐10個人都得！烤美國豬鞍芥茉汁配薯條 $168大大塊豬鞍，邊位有啲肥，令佢無咁鞋口！芥末汁唔會好嗆，反而有少少似黑椒汁添😂薯條係粗個種😍正呀！！仲有啲沙律菜，成碟都好健康，有唔同營養✨✨明太子三文魚籽貓耳朵粉 $108相對咸咗小小，不過似係明太子嘅咸香味🫶🏻好creamy，再有啲三文魚籽卜卜脆，再多咗種鮮味添！貓耳朵嘅口感好唔同，有啲咬口，而且好方便一舊一舊食，唔怕整污糟件衫👍🏼雞扒藜麥沙律 $88雞扒竟然係全晚嘅highlight!!超嫩，入面咬落去係略略帶啲粉紅🤭外脆內嫩😂仲有塊雞皮係度，唔多肥膏！都健康！！沙律菜好多，有啲藜麥增加口感✨再溝沙律醬🤭好食😋抹茶鮮奶(凍）$42好靚咼賣相！不過里個抹茶相對甜啲嘅，喜歡甜野嘅人一定鐘意！！！鮮忌廉朱古力(凍）超濃呀！！仲有一大層忌廉😍絕對係童年回憶！

新蒲崗有唔少餐廳，今晚同朋友揀咗間西餐咖啡店 Coti the Bristo。估唔到都幾近地鐵站，幾分鐘路程，好方便。7點左右到，一入門已經有幾張枱坐在人，整個空間整潔，裝修簡約。我哋order一份西冷，一份辣蟹肉扁意粉同埋一份小食炸單骨雞翼，叫咗兩杯抹茶latte，一凍一熱。西冷10安士，配薯條。牛扒算係薄身，要求五成熟，有牛肉味有肉汁，邊邊有少少筋，唔差。辣蟹肉扁意粉算幾辣下，見意粉𥚃里有乾辣椒皮，食得辣嘅人應該接受到，味道尚可。查單骨雞翼，size 較細，但係都有五六隻，味道較為清淡。抹茶latte 甜度適中，可能用咗茶底，有一陣淡淡嘅茶香味。

新蒲崗工業隱世cafe，選擇都唔少，地方幾大，可以包場搞party～腐乳蒙古羊鞍 $178好特色嘅fusion菜～醬汁係用腐乳打成，唔會太濃烈，食落係啖啖嘅腐乳味，惹味～羊鞍煎到5成熟，肉質juicy，肉唔算羶，易入口～明太子三文魚籽貓耳朵粉 $108香濃又creamy嘅明太子醬，配埋口感好正嘅貓耳朵粉，非常開胃～仲有香煎帶子粒同三文魚籽做點啜，level up～炸魚手指薯條 $68炸魚好香脆，魚肉滿滿的～薯條係帶皮嘅肥薯條，好中意啊～玫瑰鮮奶咖啡 $42好香嘅rose latte，唔會甜～岩哂唔嗜甜的朋友～提拉米蘇咖啡 $48面層係tiramisu cream，底層係咖啡，先試左一啖cream，甜而不膩～建議可以撈埋一齊飲，飲飲下仲會飲到陣陣嘅rum酒味～

新蒲崗呢個小區 我都幾鍾意去 呢一日 陪老媽子去買即食燕窩 轉場買完貝果 然後食港式西餐-🥗煙三文魚藜麥沙律雜菜爽脆新鮮 藜麥健康低卡 加上我大愛嘅胡麻dressing 好快將佢K.O.😜-🥚雞扒蛋包飯蛋䊢色澤鮮黃有些少流心效果 啱晒撈飯食 雞皮煎得焦香 如果件扒厚身啲 咁就更有口感啦-🥩烤美國西冷西冷有十安士 七成熟 牛味濃郁 燒汁惹味少辣 原來裏面有黑椒碎 薯條係我鍾意嘅粗條型😍-☕️Tiramisu coffee飲得嘅tiramisu😘 仲有原條手指餅俾我浸住食 入口先有可可粉苦澀 跟住係香滑淡芝士味 然後咖啡味漸強 味道豐富👍

講到新蒲崗美食，「Coti the bistro✨」絕對係一個唔可以錯過嘅選擇！餐廳位置方便，但門口唔係好顯眼，真係要細心留意下。佢哋有唔同款式嘅美食，味道好，價錢親民，真係非常抵食！「腐魚蒙古羊鞍」🍖🐑，呢道菜用咗新鮮嘅羊扒，配上特製嘅調味，味道香濃又入味，無論係配飯定薯菜都好好味！「鰻魚蛋包飯」🍚🍳上面有層滑滑嘅蛋包住滿滿既飯，配合鮮嫩嘅鰻魚，加上香醇嘅醬汁，超級滿足。健康之選「煙三文魚藜麥沙律」🥗🐟，呢道沙律用咗健康嘅藜麥，搭配上煙三文魚同新鮮嘅蔬菜，味道清新又健康。飲品方面，不能錯過佢哋嘅「提拉米蘇咖啡」☕🍰，呢杯咖啡上面有香濃嘅提拉米蘇，口感滑順，回味無窮。總之，「Coti the bistro✨」真係一間好味又抵食嘅餐廳，無論係環境、服務定食物質素都非常好。

Coti the Bistro 喺新蒲崗，門面十分低調既西式餐廳。呢度環境舒適，裝潢簡單。我試咗佢哋嘅明太子醬三文魚子貓耳朵粉，呢道嘢貓耳朵粉嘅口感好彈牙，配上微辣明太子醬同算足料嘅三文魚子。係上面嘅香煎帶子，都算鮮嫩，整體味道未算十分出色，ok啦。仲叫左蕃茄牛肋條配珍珠飯。牛肋條肉質好腍嫩，香濃嘅蕃茄醬汁搭配，小朋友都岩食。奶醬咖啡 都係一般水平 但都係唔難飲既！ 是日餐湯係南瓜湯，呢個湯就真係十分一般了，食沙律好過😂總括嚟講，Coti the Bistro 嘅食物同飲品水準普通，不過係區內無太多同類餐廳下，經過附近係可以間唔時食下。

Coti the Bistro👻咁啱去開新蒲崗醒起依間cafe好似幾得就過咗黎食下好野星期六晏就有好野食根本就係返工既動力🫶🏻.🔅烤美國西冷牛扒(10安士) HKD 198午餐嘅扒一啲都唔會Hea有晒伴碟我最愛嘅薯條同沙律五成熟嘅牛扒都煎得幾好加少少黑椒配埋燒汁呢個價錢嚟講好抵食😉🔅明太子三文魚籽貓耳朵粉HKD 108幾creamy嘅貓耳朵粉明太子溶咗入個汁度個煎帶子好嫩好新鮮🔅雞扒藜麥沙律HKD 88好大份嘅沙律加咗好多藜麥好健康塊雞扒又煎得幾靚仲加埋溫泉蛋喺中間成個配搭幾有心思😛🔅提拉米蘇咖啡 HKD48依杯簡直就係甜品同飲品嘅結合底層咖啡味好濃上面就係tiramisu cream仲有塊餅添🫢🔅蜜桃茶HKD 36淡淡既蜜桃味散出黎都幾清新飲落好舒服.整體黎講:豐富午餐 精緻靚啡😚.🎈 Coti the Bistro (五芳街) (新蒲崗)新蒲崗五芳街31-33號永顯工廠大廈地下C號舖