Couch CLUB

Open Now

Now Closed

餐廳位於銅鑼灣鬧市中嘅一個商業大廈，有仿Glamping嘅梳化位，亦都有露天嘅座位，自成一角，感覺休閒。❤️午市自選便當今次嚟呢度主要試吓佢嘅午市自選便當，一份便當128蚊起，主食、肉同菜都可以自己揀，睇餐牌全部都做得好精緻。⭐️桂花漬番茄呢個係期間限定小食，原隻去皮番茄，凍凍地，桂花味好清香，加埋番茄本身酸酸甜甜嘅味道，係好開胃嘅小菜。⭐️山葵山藥漬wasabi有少少攻鼻但係唔太辣，我覺得份量啱啱好，淮山系有少少脆嘅，裡面粉粉地，加埋木魚絲喺面，鮮味提升。⭐️麻醬菠菜穩陣嘅前菜，菠菜分量唔少，煮成碧綠色，加咗好香嘅日本芝麻醬，系一定好食嘅。⭐️芝心漢堡呢個係期間限定嘅肉食，漢堡圓碌碌好厚肉，熱辣辣，肉汁多，入面嘅芝士有少少拉絲，系日本食到嘅漢堡味道。⭐️手打雞肉餅配香蒜日式菇汁呢個雞肉餅我好鍾意食，肉餅質感有住家嘅感覺，出面煎得香脆，入面嘅菇粒好香，口感好豐富。⭐️紫蘇醬油醋蕎麥麵平時紫蘇雞肉就食得多，紫蘇蕎麥麵都係第一次食。紫蘇嘅味道真係好香好特別，同蕎麥麵好夾。而蕎麥麵本身就係比較硬身嘅，係我鍾意嘅軟硬度，凍凍地加埋wasabi好開胃。❤️辣白味噌本菇義大利麵配香煎帶子及大蝦呢個係西日式整法嘅意

熱鬧既銅鑼灣，想搵個位忙裡偷閒，呢度係一個唔錯既選擇。Tower 535 裡面，樓底高又有自然光，感覺寬敞舒適。中午套餐主打係自選便當 ，賣點唔係大碟，係多碟。1個價錢5樣嘢，1主 2肉 2菜，仲可以追加。自選便當芝心漢堡扒係期間限定，切開有漢堡扒有芝士流出。椒鹽玉子豆腐，外脆內嫩，椒鹽惹味。唐揚炸雞配自家製他他醬，香脆又惹味。山葵餃子，餃子配山葵，食法創新，亦有和風口味。溏心蛋配日本珍珠米，簡單又好食。自選便當桂花糖漬蕃茄係期間限定，酸酸甜甜，開胃好食。明太子日式蛋卷，蛋卷軟熟，中間仲有明太子，味道突出。味噌比目魚，皮香肉嫩。烤牛肩胛，肉嫩多汁。柚子雞翼，單骨雞翼有柚子醬，甜甜地滿有滋味。木魚湯烏冬，魚湯鮮香，烏冬軟滑。鯛魚燒芭菲鯛魚燒搶眼，中間有軟滑忌廉，配上清新口味的抹茶雪糕和其他口感豐富的食材，令人難以抗拒。靜岡焙茶復活節前夕，有兔仔同復活蛋拉花應節，幾有心思。髒咖啡咁好既環境，食飽最岩飲番杯dirty，refresh 一下。

呢間餐廳地點其實都算隱蔽，係一棟寫字樓入面既其中一層既一個角落😂雖然地方吾係好大，不過勝在坐得舒服，人少少，餐廳用左日本渡假村文為主題，擺飾裝修都幾有feel，重點係佢係動物友好餐廳，呢間都有兩枱客人帶埋狗狗一齊食lunch，岩哂主子們🤭.👁‍🗨Bento mix & match (7.5/10）💲128起.➰同朋友一人叫左一個bento set，主菜可以揀一款，肉同菜各揀兩款🤭主食分別叫左木魚湯烏冬同埋要加$15既紫蘇醬油醋蕎麥麵😇前者就正正常常，分量吾算多，後者相對特別，坊間好似未見過呢個味道既蕎麥麵🤔酸酸地幾開胃.➰肉類其實好多款都好吸引😂比較推介手打雞肉餅配香蒜日式菇汁🌟 烤牛肩胛🌟雞肉餅食落真係有好濃郁既菇味，幾juicy😎牛肩胛好香口，牛味突出，咬落都吾會太韌身，不過就要加$18先有🥲另外都加左$18試下季節限定既三文魚沙律，每一啖都係三文魚肉，好足料，不過食果時就要小心啲，有機會會有一兩條骨😬.➰菜類推介加$15既明太子日式蛋卷🌟蛋卷好厚實，明太子份量又慷慨，呢$15加得好值得😂椒鹽玉子豆腐既椒鹽味都好好食，如果豆腐可以大舊啲啲更好.👁‍🗨抹茶柚子梳打(7/10）💲45.

原來喺銅鑼灣有間幾得意嘅西日式Cafe，本身餐廳嘅裝飾都好得意，仲可以帶狗狗一齊嚟㖭 🐶 佢有個𝘽.𝙔.𝙊.𝘽. 𝘽𝙪𝙞𝙡𝙙 𝙔𝙤𝙪𝙧 𝙊𝙬𝙣 𝘽𝙚𝙣𝙩𝙤 自選便當都幾特別，見都好多人揀，好有日式便當嘅感覺，每人可以揀兩款野菜、兩款肉類同埋一款主食🤗 我同朋友就每人叫咗一set自選便當，每人都叫咗唔同嘅小食全部可以試吓🤗🥬 野菜 ▫️明太子日式蛋卷▫️桂花糖漬蕃茄▫️麻醬菠菜▫️椒鹽玉子豆腐🍗 肉類▫️唐揚炸雞配自家製他他醬▫️芝心漢堡扒▫️手打雞肉餅配牛油香蒜日式菇汁▫️烤牛肩胛🍚 主食▫️日本珍珠米▫️木魚湯烏冬黑糖烤奶 ☕️飲品方面就要分開叫啦，見到呢個都幾特別，黑糖會比較甜啲，都幾好飲🍯靜岡焙茶🍵叫咗一杯焙茶拿鐵，拉花好精緻😌 係一隻熊啤啤 🐻 宇治抹茶牛角窩夫 🧇 試咗佢嘅抹茶牛角窩夫甜品，真係好適合兩個人分享😊 熱辣辣嘅牛角窩夫，再配埋抹茶雪糕，同埋抹茶醬汁超好食😍

餐廳係銅鑼灣一座商業大廈入面，真係好少會行過發掘到呢間餐廳，但入到去個下OMG，點解會有一間咁適合打卡嘅cafe🤣🤣 環境係美式復古風格，有置身國外感覺！⭐️Bento Mix & Match $128up食物主打自選日式便當，亦都有少量西式主食！基本可以選擇兩款蔬菜同兩款肉類！我哋揀咗嘅每一款無論蔬菜定肉類都好好食，份量充足，雖然都係大家預期中嘅味道，但係充滿日式感覺！⭐️唐揚炸雞配他他醬⭐️味噌比目魚⭐️日式洋蔥炒牛肉⭐️手打雞肉餅⭐️椒鹽玉子豆腐⭐️明太子日式蛋捲⭐️山葵山藥漬⭐️日式糖心蛋甜品同飲品都揀咗含有Baileys嘅Tiramisu同咖啡，特別係Tiramisu，同Baileys特別夾！

位於銅鑼灣謝斐道嘅Couch CLUB主打西、日式融合風味，仲有寵物友善嘅戶外露台，簡直係有毛孩父母嘅福音！餐廳主打嘅「B.Y.O.B」（Build Your Own Bento）靈活組合，食得開心又滿足。Couch CLUB 嘅裝修行Retro Pop復古風，餐廳內部燈光柔和，用咗舊式海報同燈具點綴，感覺好溫馨。主食：日本珍珠米飯：飯粒夠飽滿，煮得好有彈性，香氣四溢。紫蘇醬油醋蕎麥麵：面條爽滑，紫蘇醬油醋嘅味道清香微酸，好醒胃。料理薯仔沙律：滑溜中帶少少咬口，食落好清新。椒鹽玉子豆腐：豆腐炸得金黃酥脆，入面仲係滑嘟嘟，椒鹽嘅鹹香味令整體更突出。手打雞肉餅配牛油香蒜日式菇汁：雞肉餅咬落好Juicy，配埋啲濃郁嘅牛油香蒜菇汁，香氣一流。 醬油漬溫泉蛋：溫泉蛋完美流心，蛋白滑到好似啲布甸咁，入口即溶！明太子日式蛋卷：蛋卷好滑，明太子餡料帶少少鹹鮮味。生薑五花腩片：煎到微焦，夠香口，加埋生薑嘅辛香味平衡咗油膩感，真係幾開胃。烤牛肩胛：肉質嫩滑，帶有淡淡嘅炭烤香氣。火灸辣味吞拿魚：吞拿魚表面輕輕火灸過，魚肉仲保持住鮮嫩口感。飲品：茉莉綠茶黑糖烤奶甜品：宇治抹茶牛角窩夫窩夫外脆內軟，帶住淡淡牛油

今日放假約咗朋友去銅鑼灣呢間餐廳食lunch，地點非常方便，地鐵站行3分鐘就到。嚟到餐廳，樓底好高，裝修有格調，座位好闊落。我坐嘅位置，剛好對住Bar，感覺好Relaxing。呢度主要係食便當，可以自己Mix and match，主食、肉類、菜品，都可以自己任意配搭。我同朋友一人嗌咗一set便當+飲品，再點咗個甜品開心share。主食我哋都揀咗日本珍珠米，因為覺得啲餸口味多多，好啱下飯所有菜式都唔錯，重點係好多小碟，拼埋一齊好靚，好啱打卡。以下係幾款比較喜歡嘅菜式。烤牛肩胛呢個牛肩胛，牛肉質素唔錯，加上七味粉調味，經過火烤，肉味同油脂都非常豐富。日式洋蔥炒牛肉係甜甜嘅日式醬汁味道，洋蔥炒到焦香，超甜好味道。味噌比目魚比目魚好嫩滑，配上日式味噌調味，好好食。流心芝士漢堡扒呢個係佢哋嘅新菜式，一切開芝士就流出嚟，好吸引。明太子日式蛋卷蛋卷比想像中香濃好味道，甜甜嘅玉子，配上鹹香嘅明太子，非常夾。麻醬菠菜菠菜有滿滿嘅纖維，配上日式麻醬同黑白芝麻，健康又美味。飲品點咗焙茶latte同Mocha，熊熊拉花好可愛甜品係鯛魚燒芭菲，鯛魚燒係吉士餡，暖暖哋，再配上凍冰冰嘅雪糕，加上多重口感，好滿足

今日同朋友去咗銅鑼灣Couch Club食飯, 叫左佢哋假日限定的自選便當，第一款我揀咗木魚湯烏冬、椒鹽玉子豆腐、醬油漬溫泉蛋、日式洋蔥炒牛肉同烤牛肩胛。木魚湯烏冬湯底好清香，帶點木魚嘅鮮味，烏冬煮得軟硬適中，唔會太淋。椒鹽玉子豆腐外脆內軟，椒鹽調味夠香但唔過鹹，咬落有啲驚喜。醬油漬溫泉蛋蛋黃流心，醬油味滲入蛋白，簡單但好味。日式洋蔥炒牛肉份量唔多，洋蔥甜甜地同牛肉好夾，牛肉炒得嫩滑，略為有咬口。烤牛肩胛牛味濃但油脂少，非常美味。😋第二款B.Y.O.B.我朋友試咗紫蘇醬油醋蕎麥麵、山葵山藥漬、明太子日式蛋卷、生薑五花腩片同唐揚炸雞配自家製他他醬。紫蘇醬油醋蕎麥麵好清爽，紫蘇味突出，蕎麥麵爽口彈牙，夏天食一流。山葵山藥漬有少少嗆鼻嘅山葵味，山藥黏黏地幾有趣，開胃之餘又唔太重口味。明太子日式蛋卷係亮點，蛋卷軟熟，入面滿滿明太子，鹹香得來唔會死鹹。生薑五花腩片油脂豐富，生薑味解膩，五花腩炆得入味，幾滿足。唐揚炸雞外皮脆卜卜，肉汁鎖得好，自家製他他醬酸酸甜甜，沾一沾更加惹味。🐔飲品我叫咗薑黃拿鐵，入口有薑黃嘅微微辣味同牛奶嘅溫暖，唔係好甜，薑黃味好濃，幾得意。☕朋友叫咗宇治小山園抹茶，濃度啱啱

銅鑼灣Couch Club，有室內及室外座位，仲可以帶埋毛孩一齊嚟輕鬆下。餐牌提供多款日式餐點，日式便當、小食、飲品、甜品，應有盡有。自選便當：可由客人自由配搭一款主食、二款蔬菜或蛋和二款肉食；日本珍珠米加左飯素，鮮味十足，手打雞肉餅配香蒜日式菇汁肉質彈牙，唐揚炸雞配他他醬炸得香脆，溏心蛋有流心效果，薯仔沙律口感豐富。日式全日早餐：食材包括味噌比目魚，薯仔沙律，明太子日式蛋卷，烤多士，大蕃茄，蕎麥沙律菜，賣相吸引，新鮮健康。宇治小山園抹茶：有個可愛圖案，味道不苦澀，獨特而優雅既香氣，喝一口已感到齒頰留香。烏龍茶奶凍配雲哩拿雪糕：入口感覺到甘醇既烏龍茶味，奶凍奶味香濃，口感幼滑，甜度恰到好處。總結，環境優美，食物有質素，係嚟hea下嘆下既不錯之選。

這家店可以辦生日會和聚餐，食物好高質，無論主食還是甜品飲品的味道一流，做法也是獨樹一幟，好開心能偶遇到這麼棒的餐廳，來了香港千萬不要錯過！### Bento自選便當日式的感覺滿滿，好豐富的便當，有木魚湯烏冬、椒鹽玉子豆腐、明太子日式蛋卷、 手打雞肉餅和式洋蔥炒牛肉。椒鹽玉子豆腐輕輕咬下去，外層的脆感立即給予你驚喜，隨後是豆腐的柔滑和細膩，在口腔中融化！明太子日式蛋卷入口滑順柔軟，好有明太子的鮮香美味，讓人瞬間沉醉其中！#### 柚子牛角窩夫牛角窩夫很酥軟，底部淋上了柚子蜜，中間還有一個香甜的雪糕，幾個柚子糯米團軟糯綿密，真是對味蕾的絕妙挑逗！### 鯛魚燒芭菲鯛魚燒造型可愛，內餡令人驚喜連連，內餡是綿密的忌廉，讓人感受到日本甜品的獨特魅力！抹茶清新的茶香融合了淡淡的苦味，奶酪滑順細膩。紅豆增添了甜蜜，餅乾碎增添了酥脆的口感，還有草莓，這道甜品不僅在色彩上吸引眼球，更在味道上給人留下深刻的印象！### 開心果奶蓋士多啤梨奶醇厚的奶蓋上飄著淡淡的開心果香氣，底部則是新鮮的士多啤梨，既有奶香的醇厚，又有士多啤梨的甜蜜！### 烏龍茶奶凍配雲哩拿雪糕奶凍好Q彈，口感滑嫩，淡淡的烏龍茶香氣讓人感

Chill到爆嘅日式Cafe🎉 裝修走美式繽紛Style，打卡位滿分📸，仲有寬敞嘅戶外位，帶埋毛孩一齊出門Tea超方便～🐕💖B.Y.O.B 自選日式便當，配料選擇超多，每樣都好出色！🥢✨紫蘇醬油醋蕎麥麵酸酸涼涼，清爽又開胃！ 明太子日式蛋卷 蛋卷內藏滿滿明太子，口感豐富。 烤牛肩胛牛脂香氣突出，肉質超Juicy！ 朋友試咗：味噌比目魚 魚味濃郁，入口即化。 火灸辣味吞拿魚 鮮味十足，微辣好惹味。 還有溏心蛋＋關東煮 關東煮蘿蔔超級入味，關東煮份量十足，值得加配！跟便當的靜岡焙茶拿鐵 口感順滑，拉花精緻又可愛，竟然係一隻小熊🐻！ 鮮奶咖啡 香氣特別，唔會太苦 很好喝☕。 是日限定甜品：烏龍茶奶凍配雲呢拿雪糕奶凍Q彈，烏龍茶香氣清新，配上一球香甜雪糕，甜度剛剛好，完美Ending～

呢個B.Y.O.B.自選便當真係幾抵食！首先木魚湯烏冬，熱辣辣端上枱，湯底用木魚熬製，鮮味好夠，飲落暖胃。烏冬麵條煮得啱啱好，煙韌彈牙，吸晒湯汁，每啖都好有口感。香草南瓜切成小塊，軟綿綿，帶住南瓜嘅自然甜味同少少香草香氣，食落清甜唔膩。醬油漬溫泉蛋係一個驚喜，蛋黃流心，入口即化，蛋香同醬油味夾得好好。唐揚炸雞炸得金黃，外皮脆卜卜，雞肉嫩滑Juicy，自家製他他醬酸酸甜甜，幾開胃。火灸辣味吞拿魚，表面燒得微微焦，帶點煙燻香，魚肉鮮嫩，食落幾滿足。🍱第二個B.Y.O.B.自選便當都唔錯！椒鹽玉子豆腐外層炸得香脆，內裡滑溜溜，椒鹽調味，食落好惹味又有層次。明太子日式蛋卷有心思，蛋卷軟熟，夾雜明太子嘅鹹香同微微辣味，味道幾特別。手打雞肉餅好Juicy，雞肉嫩滑，香氣撲鼻，菇汁濃郁。烤牛肩胛肉燒得啱啱好，肉質嫩滑，牛味香濃，咬落Juicy，肉食fans應該會鍾意。🍱食完正餐，甜品同飲品都值得一試！宇治抹茶牛角窩夫幾有創意，牛角包嘅酥脆同窩夫嘅軟熟結合，外脆內軟，抹茶味濃但唔會太甜，食落又唔膩。抹茶黑芝麻拿鐵好特別，黑芝麻香味同抹茶嘅苦澀味互相襯托，飲落順滑，幾香濃。Baileys Latte就c

簡潔而衛生的設計散發著濃厚的日本氛圍，令人感到舒適自在。服務非常之有禮貌，親切有禮，讓人倍感關懷。交通便利，地鐵站近在咫尺，非常適合午餐聚會。今日我專程來探朋友，一起品嚐他們的招牌B.Y.O.B（Build Your Own Bento）自選便當午市套餐，這種自由選擇的感覺實在令人開心。B.Y.O.B Build Your Own Bento 自選便當 1. **便當一**：木魚湯烏冬、秋葵醬油漬、溏心蛋、生薑五花腩片、日式洋蔥炒牛肉、山葵餃子（3隻）2. **便當二**：木魚湯烏冬、山葵山藥漬、醬油漬溫泉蛋、唐揚炸雞配自家製他他醬、烤牛肩胛在這兩款便當中，我特別喜愛那顆溏心蛋，柔滑的蛋黃讓人回味無窮。而日式洋蔥炒牛肉，牛肉鮮嫩入味，洋蔥的甜味與肉質完美融合，讓人一口接一口。山葵餃子更是驚喜，外脆內軟的餃子包裹著豐富的肉汁，搭配微微的日本芥辣，瞬間激發你的味蕾。甜品鯛魚燒芭菲精彩嘅永遠都係壓軸最後登場，呢個甜品簡直就係好食到爆炸，層次感非常豐富，而且有好濃郁嘅抹茶味，超讚。搭配的飲品伯爵紅茶熱咖啡紅棗桂圓杞子茶，養生暖胃。配搭咗精彩嘅甜品同飲品，完美結束這頓美好的午餐,我推薦。

經常去銅鑼灣耍樂既me一直都知道Tower 535既存在但同時覺得Tower 535係咪一般的存在 😂因為覺得佢個外型好靚，而裡面好似唔係太多happenings今日下午茶時段係開銅鑼灣做嘢咁就search下附近有咩coffee shop啦，近近地見到呢間 👀完全唔知道Tower 535裡面有個咁別緻既cafe仲要係serve proper餐飲價錢睇落正常，見呢個時間唔多人，就入去坐下！裡面既佈置有少少日系露營風 ⛺️無expect呢個commercial building裡面會有個咁既空間其實幾好，係上面做嘢既人可以落黎放break透下氣好普通地叫左杯熱americano ☕️正常，唔係驚艷但係確實nothing to complain about題外話，用呢種mug裝熱飲有種特別warm同埋舒適既感覺唔知有無人有同感 😊然後叫左個lunch set 🍱食物配搭完全自選，我揀左烏冬、比目魚、雞肉漢堡扒、炸玉子豆腐同埋山藥～比目魚要另外加$8，本身係少少猶疑加唔加好但係turns out都幾好味，豐富魚油香，不過可能就細件左少少 🤏雞肉漢堡扒中規中矩，味道比較健康而炸玉子豆腐（我好似第一次

朋友喺呢頭返工話世貿附近有間好食嘅日式Cafe話我一定會鍾意所以今日我哋就喺呢度食lunch呢幢大廈成日經過 但係冇留意原來入邊係已經有好多餐廳呢度係比較隱蔽少少所以坐得都幾舒服仲有啲日本人嚟食飯佢哋個便當好多選擇一個主食兩肉兩菜好適合我哋呢啲咩都想試吓，但係又食唔到好多嘢嘅人嘢飲方面都有落咗心機設計嘢食好快就嚟到而且擺得好靚我哋叫咗以下嘅嘢食椒鹽玉子豆腐個外皮係真係脆而明太子日式蛋卷都係一個highlight啲料一啲都唔孤寒仲要控制得好好，唔會乾爭爭柚子雞翼會甜多個酸所以鍾意食甜嘢嘅，呢個都可以揀仲有呢個壽喜燒牛脊肉炒烏冬牛肉嘅熟度好啱我而且個烏冬雖然係炒但係醬汁都好夠唔會乾晒水我呢啲鍾意食濕濕地嘅炒烏冬朋友黑糖烤奶少冰係真係有少冰而且個份量真係啱啱好唔會少冰咗之後都好多冰溫度適中朋友話烤嘅焦香同個奶好夾甜度都係適中 可以encore至於海鹽Tiramisu 賣相幾好海鹽味輕輕點綴咗Tiramisu唔會搶咗個味我哋呢個鐘數嚟食唔會好多人所以同朋友出去銅鑼灣傾偈都係一個唔錯嘅選擇地方闊落舒適嘢食都好食👍推薦