十字冰室 (淘大商場) (Closed)

真係不得了！今日先發現原來入戲院可以食茶記！😂港女我除左shopping，真係好少去睇戲！🙈十字冰室係淘大開左分店，我唔洗去海洋公園咁遠都可以食到椒鹽燒賣喇！今次係餐廳食仲要用籠仔上，別具風味呀！哈哈😄未食已經聞到椒鹽辣椒🌶️既香味，正到呢🤤🤤🤤（$38@8粒）Well...冰鎮奶茶❣️重中之重❣️❣️❣️茶味香濃，入口香順，飲完勁醒神！沙嗲牛肉炒滑蛋菠蘿包配搭很創新！滑蛋用些十字牌鮮奶去炒製，真係好嫩滑！蝦多士炸得金黃香脆，入口不太油膩。蜜糖黑椒雞髀配沙律絕對係必食！！雞牌非常大隻，啖啖肉！雞皮充斥蜜糖甜味，同時食到黑椒既辣勁，超級誘人，忍唔住食哂雞皮呀！茶記都有全日早餐啊！！全日早餐有：多士、雞扒、煙肉、茄汁豆、腸仔及炒蛋，超豐富！雞扒比手心仲要大件！好抵食呀！炸鮮奶用籠仔上，即叫即炸，夠哂香港地道特色！炸鮮奶一咬落口爽爽聲，勁脆！嫩鮮夠香滑，但奶味唔重！

期待已久喺九龍灣淘大戲院終於裝修完，果然煥然一新改左UA院線,仲同十字冰室合作開咗間冰室喺戲院地下，方便戲迷可攜帶部分食物和飲料進場，一邊睇戲又可一邊嘆食物，最啱打工一族嘅戲迷忙裏偷閒relax 吓。冰室厨房係開放式，廚房寛闊，感覺衛生，燈光柔和佈置有懷舊feel。見meun有個皇牌餐係用蕃茄牛尾湯底煑通粉，鋪咗兩件大大舊牛尾和雜菜係面，通粉爽滑彈牙雜菜健康，連湯底都飲清光，配上黑松露炒蛋好貴；蛋嫩滑，多士香脆。早晨全餐重豐富，有雞扒、茄豆、蕃茄扒、牛奶炒滑蛋、煙肉同多士。鎮店之寶十字奶燉蛋，入口嫩滑牛奶味濃郁😋十字士多啤梨奶昔清甜芳香。見隔離枱焗飯大大砵，香噴噴，有機會要試試。

今晚難得有一晚可以準時走約左best friend 去睇戲。frd 子話去淘大新開番個間戲院睇戲，真係俾外面平d!佢有間戲院餐廳，係用十字牌牛奶整野食嫁！佢仲可以帶佢d 野食入戲院食。入面裝修到old 冰室甘，有玻璃汽水樽。哩度d 食物係走懷舊路線，好吸引！有set lunch 同dinner, $60 左右包飲品， 都算reasonable!佢平日仲有下午茶嫁，樣樣都好吸引呀！美祿山底層用十字牌鮮奶，上層有美祿，美祿粉同胚芽。唔甜，味道剛好，十字奶好滑，成杯飲品好有咬口！飲到一半已經有d 飽蝦多士入面有三隻大蝦，多士炸到剛剛好，配埋他他醬好親好開胃咸牛肉芝士厚多士西多士厚牛油好邪惡但超好味，芝士係中間半溶，好正呀常餐豬骨濃湯底湯意粉，金寶厚豬扒，滑炒蛋，牛油多士湯底好濃，我都飲左半碗。塊豬扒厚切，同煎到剛剛好，如果下次可以分上就仲好呀。重點係佢個炒蛋，超滑，佢用左十字牌奶去炒，半熟蛋，又唔乾，熱辣辣，放埋落牛油多士度一齊食好正難得有燉奶，都係用鮮奶整，好滑。成餐食左好多野，食到好飽甘等睇戲！

因為買咗飛喺淘大新開嘅戲院睇八點鐘場，臨急臨忙未諗到去邊度食，就索性喺戲院隔離嘅呢間冰室到食完飯先，其中一個吸引我哋嘅地方就係呢度嘅嘢食係可以帶入戲院嘅，所以我哋即使食唔晒，都可以打包拎埋入戲院一路睇戲一路食呢度嘅嘢食款式同一般冰室大同小異，價錢亦都好實惠，不過有個特色就係佢哋主打十字牌鮮奶，好多嘢食例如炒蛋，或者係好多嘢飲都會用到十字牌鮮奶叫完嘢食之後我哋就坐低慢慢等佢哋準備我叫咗個吉列豬扒拉麵，豬扒啱啱炸起好香脆，而且亦都唔會話太肥另外仲有一個豬扒湯意粉，配埋黑松露炒蛋同多士。炒蛋除咗加入左黑松露令到佢嘅味道好吸引之外，仲用咗十字牌鮮奶黎炒，所以好香滑飲品有忌廉溝鮮奶，因為真係自己溝出嚟所以可以控制鮮奶同埋忌廉嘅份量，我哋落嘅鮮奶份量比較多，所以感受到好濃郁嘅奶味另外兩杯嘢飲分別係朱古力奶昔同埋美祿山，美祿山嘅鮮奶味會重少少，因為佢主要係鮮奶再加啲美祿粉係面，而朱古力奶昔嘅朱古力味同埋奶味就一半一半話晒之後都要去睇戲當然唔少得帶幾款小食走啦，我哋揀咗呢幾款嘅味道都OK，薯條本身調味唔太重所以要配埋黑松露蛋黃醬先好食，而椒鹽燒賣帶有小小辣味，炸鮮奶嘅味道就偏甜，但係依然食得出嗰種香濃

淘大好多嘢食選擇，十字冰室未試過，今次就去試試兩個人一齊去食，我叫了全日早餐，跟一份早餐分別不大，蛋係滑不過冇味 ，雞扒還可以，煙肉同腸仔普通，跟家中凍肉舖買回家煮的相同，厚多士烘得不夠，同一塊面包差不多，我配了士多啤梨奶昔，但比麥當勞的還要差我朋友叫了晚餐，卡邦尼意粉，這是我一直喜歡的意粉，我試了少許，但在這裏食完全食唔到卡邦尼的味道，唯一值得一讚，冰鎮濃滑奶茶，茶真的夠濃味我們還叫了十字燉奶，燉奶夠滑但奶味不夠，完全失去了十字的味道今餐有點失望

去淘大戲院睇戲，戲院門外冰室可以買啲特別小食入場邊食邊睇戲，我買了懷舊蝦多士，椒鹽籠仔燒賣。真的中伏了， 蝦多士，完全食唔出任何味道，只係炸得香口。椒鹽籠仔燒賣，用了普通街邊小食嘅燒賣，除了少許辣味之外，完全食不到椒鹽的味道我還買了一杯冰室奶茶， 奶茶尚可以接受不過一定沒有下次，又貴又唔好食， 下次睇戲，都係汽水，爆谷夠穩陣。

一直想試淘大商場的十字冰室，但每次經過都好多人排隊，今日行過見人不多終於可以入去試一試，太多嘢食想試了，最後選擇了店舖推介的“懷舊蝦多士”“籠仔椒鹽燒賣 ”另外我點選了“全日早餐”配十字士多啤梨奶昔，朋友點了一份晚餐“卡邦尼式焗意粉”飲品配了“冰鎮濃骨奶茶”最後我們還點了兩個甜品“十字燉奶”先講“懷舊蝦多士”好大件 炸得好香好脆口“籠仔椒鹽燒賣”好夠辣夠曬嘢味“全日早餐”內有雞扒，腸仔，煙肉，蕃茄扒，茄汁豆及最正的十字鮮奶炒滑蛋，還有厚多士，十字鮮奶炒滑蛋，鮮奶勁香蛋炒得好滑，十字士多啤梨奶昔內的士多啤梨味濃厚，但又不會蓋過了十字奶的香味朋友的晚餐“卡邦尼式意粉 ”汁多味香濃，冰鎮濃骨奶茶茶味香濃奶味濃郁芳香 值得推介最後的“十字奶燉奶”不用多講了，奶香又滑，真想食多碗最後要講的，十字冰室真正做到十字奶的味道，正

呢室十字冰室裝修好特別，隨手影都好靚😳同戲院合作嘅冰室好少見，可以有咁多食品選擇拎入戲院嘅更加少見呢啲係可以堂食/拎入戲院睇戲食嘅仲有啲係淨係可以堂食嘅佢叫十字冰室，餐牌都有好多十字牌鮮奶造嘅野食呢到中式西式嘅餐都有，嗌左牛尾湯通粉同卡邦尼意粉(呢個係喺晚餐餐牌到搵到!)呢到兩個小食，蝦多士同椒鹽燒賣都係可以拎入戲院嘅椒鹽燒賣真係超級好食!!!!除左分量少左啲唔夠我食之外佢真係100分！如果去睇戲可以買多兩份😂😂

朝早去淘大睇戲，就係戲院旁的十字冰室食早餐。這間十字冰室特別之處係可以外賣佢d小食入戲院食，例如炸脾、蝦多士、炸燒賣、雪糕等。上次係銅鑼灣果間食過，覺得好好味，印象深刻，所以今次就點返同一款餐回味，點知原來唔同分店，質素都會唔同。而且這間是自助形式，要自己出去counter排隊點餐，之後再自己捧餐拎埋位，所以沒什麼服務可言。多士明顯烘得不夠燶，食落不夠脆。炒蛋唔知係米落得牛奶over左，炒到好水，不過都算食到蛋香味。這個牛奶豬骨湯通粉，同我上次食嘅差好遠！個湯底勁咸！！到底落左幾多匙鹽？？食唔返上次好正個牛奶湯底，好失望呀。

#十字冰室 最近九龍灣淘大新開左一間冰室佢係同UA戲院有合作嘅 啱啱食完就可以去睇戲🤗-👉🏻 吉列豬扒配日式湯拉麵 $54 奉送是日餐湯及餐包 轉凍飲另加$3 其實呢個價錢真係幾抵食 成個餐整體都唔錯 唯獨係個豬扒薄左少少 佢而家做緊個試業優惠憑着張單下次幫襯就有八折 但暫時佢哋冇同戲院有任何優惠-🎯 十字冰室 (九龍灣)九龍灣牛頭角道77號淘大商場三期戲院大樓-

香港總有一群冰室控  之前在網上知道十字冰室開張﹐放工路過更不能錯過想不到星期五的晚上人很少﹐基本上只有一兩桌有人﹐故不需等候座位去食冰室一定要點常餐！今次我點了十字牌豬骨湯意豬骨湯不太 "豬骨" 但帶點奶油香﹐咸咸中帶點Creamy﹐味道OK！意粉煮得剛剛好﹐夠彈牙驚喜的是調味豬扒﹐嫩滑又彈牙﹐也很夠味　基本上整個麵雖然不是我個人最愛的食材﹐但感受到煮得很有誠意！ (當時食客不多)但炒蛋和麵包沒什麼驚喜﹐蛋不夠滑﹐蛋味也普通﹐牛油麵包也很正常奶茶茶味較香濃而不澀﹐口感算滑﹐奶跟茶平衡都很好不過價錢算貴﹐常餐要 $62﹐雖然質素不俗﹐但心理始終要平衡一下啦！ 同場加映朋友點的咖啡﹐是冰震的﹐而且是用經典十字牌玻璃樽盛著﹐很有特色啡味算濃香﹐還有點焦香﹐有一點點像越南的漓濾咖啡

淘大新戲院由UA接手，搵黎十字冰室做招來平時都會見到有少少人排，今次早少少經過無人排就一於試下由於我地係十一點零到，都仲食到早餐早餐既選擇唔算多，同平常茶餐廳都差不多我叫左個港式早餐，火腿通併炒蛋多士$34 唔算貴，不過質素就比較普通，連通粉都是微暖個豬骨湯通粉據說加左十字奶入去但食落同老麥豬骨湯通粉一樣味道，食唔出牛奶味火腿絲同仿鮑片絲都比較碎同少，賣相一般牛油多士的多士無烘，口感像隔夜麵包，韌韌地炒蛋過濕而且太碎，奶味唔濃亦無蛋香，而且唔熱既感覺有少少似番左大學canteen，啲「不」出來既蛋都係咁一場黎到，打算試埋其他小食先走所以叫左炸鮮奶同Nutella厚西多注意炸鮮奶需時較耐，落單計都等左差不多半小時真係買左飛睇戲既記得早啲買定兩塊方包中間搽左層薄薄既榛子醬，但由於太薄，味道好淡甜又不夠甜，榛子味又不夠突出，都係花生醬既配搭較好不過就炸得幾脆，點少少糖漿食都OK既炸鮮奶就麻麻地，炸得唔夠脆身外皮個粉漿做得太厚，而且咬開鮮奶都唔滑加上佢係咸食版既炸鮮奶，比較常見既甜炸鮮奶無咁好食整體來說，十字冰室既基本野做得唔算好好但係我諗佢其他野會幾好，下次有機會都會試下佢既雪糕順帶一提，呢

最近睇到好多報導 得知淘大開左新戲院 兼同十字冰室一齊合作 搞cross over 相約左朋友去淘大睇戲兼試下十字冰室九龍區第一間分店 我之前已經去過西營盤及銅鑼灣分店架啦 我超鍾意吃佢地出品嘅牛尾湯通粉😍 十級推介俾大家 今次嚟到淘大梗係試限定美食啦 黑椒蜜糖巨人燒雞脾 & 脆脆爆谷新地巨人雞脾真係好巨型，有手掌咁大呀！燒得金黃，充滿蜜糖及黑椒香味 值得推介俾大家脆脆爆谷新地夠哂特別 ，戲院嘅爆谷混合牛奶雪糕一齊食，簡直絕配呀我地仲可以拎十字冰室嘅飲品同小食入戲院，一邊嘆住懷舊小吃，一邊睇好戲

自從淘大影藝易手做UA後，該戲院出現大變天。新增的十字冰室，與淘大UA合作，製作有關人們平時看戲的食物。就如當日買戲票，就免費送你一客迷你爆谷新地樂這個新地樂甜甜的，幾有奶味，與爆谷配合得宜常餐：十字奶豬骨湯意粉，配香煎豬扒、牛奶炒滑蛋、牛油多士和十字奶值得一讚，豬扒煎得不俗，夠香口又不會太硬身至於湯底，奶味不濃，反而略為鹹味濃炒蛋方面，奶味出眾，十字牌出品，必屬佳品當然，支十字奶是全個套餐的點題作皇牌餐：香濃蕃茄牛尾湯通粉，配香濃奶茶、黑松露炒滑蛋、牛油多士蕃茄湯底一流，真心夠濃牛尾肉質較林身，口感不俗至於黑松露炒滑蛋，每一粒黑松露都能覆蓋在滑蛋身上，落足料奶茶夠香，奶味不多，反而茶底較濃總結而言，十字冰室較普通，不大驚喜，純為飲支十字奶，可以一試

同朋友特登黎試 之前去銅鑼灣食 九龍灣呢間質數完全比下去 好似係夾硬放入黎 完全失去之前幾間味道質素完全唔得 牛油多士凍的 朋友叫的三文治都係凍冰冰的 建議大家千萬唔好特登黎食