十字冰室 (恆陞大樓)

Open Now

Now Closed

有個好朋友出咗bonus，所以梗係要帶佢食番一餐好食嘅，咁就比俾我哋靜靜地傾吓計😋所以就特登搵咗呢間餐廳食飯，就咁望落去成間餐廳嘅佈置都好好，十分舒適可以好好咁休息吓都幾好，💯咖喱牛腩飯上枱香噴噴，質地相當鮮嫩，吃起來有肉汁，相當香嫩惹味，真係好正❤️

點解會係十字步？ 因為真係要用腳骨力步行上呢個斜路先去到😂😂今次已經係第二次黎食，兩次都係食下午茶！上一次食生炸雞髀拼薯條覺得唔錯，今次再嚟試吓！今次就例牌叫生炸雞髀拼黑松露薯條，正確來講係扭紋薯條配黑松露醬！另外見今次有新Menu，窩蛋麻辣櫻花蝦撈麵併瑞士汁雞翼！ 另外再加一個凍鮮奶同埋凍檸茶！首先講咗個山炸雞髀拼薯條先！雞髀依然出色，冇炸過火，唔鞋，就算炸左都唔覺得好熱氣！好食！薯條就正常，有薯仔味！另外就到新野窩蛋麻辣櫻花蝦撈麵併瑞士汁雞翼，因為本人比較鍾意食偏硬既麵質！特意提醒侍應因為之前食嘅蔥油雞扒撈丁好淋，但結果上台都一樣係淋！唔夠爽！最敗筆係個醬汁！ 麻辣唔香唔麻，得個辣味但唔辣，唔知點解會有浸甜味！真係唔好食！反而兩隻瑞士汁雞翼就ok！夠入味！ 凍鮮奶都有啲失望因為以為係樽仔鮮奶點知原來只係紙盒仲要另加10蚊！總結係下次所有嘅撈丁都唔會再叫！唔掂！反而炸嘢OK

路過突然想食個下午茶，見哩間舖裝修幾懷舊，MENU好似又幾吸引就入左去。入到去見到好多用十字牌牛奶嘅嘢食覺得好得意。生炸雞脾配黑松露醬薯條 $46生炸脾好有驚喜，炸到個皮好脆但肉係嫩幼多汁，薯條都炸得好食，唔係返炸薯條，黑松露醬就覺得黑松露味唔夠多，有啲失望。有骨豬扒蔥油撈丁 $52 加鮮奶炒滑蛋 $8豬扒唔算好大塊，COVER左麵嘅一半，上面有啲蔥油咁，以為會好重口味，但又冇，丁麵覺得佢煮得淋過頭，撈埋蔥油食都唔係好夠味，建議重口味人士唔好嗌哩個，煎豬扒都冇乜特別，唔係特別好食，期望啲邊位會香口但冇，可能俾啲蔥油整到濕左。因為見人人都加炒滑蛋所以我地又試下，炒蛋好好食，好香蛋同牛奶味，又好嫩，但一啲都唔油，再黎一定會再食滑蛋！

疫情前回大學上課，常常會和朋友在上課前或者放學後到處逛逛，不時都會經過這間冰室。想念和朋友一齊返學的日子🥲❤️❤️❤️「十字冰室」門口呈黑色的格局，以「十字牌」牛奶為主角，牆壁掛上茶餐廳經典的手寫餐牌，給人一種懷舊的感覺。-👑皇牌餐👑🔸香濃番茄牛尾湯通粉🔸配黑松露炒滑蛋🔸牛油方包🔸奶茶紅豆冰每次來到這裡，我好像都是點同一個餐，而且一定要嘗嘗這裡的奶茶紅豆冰（因為不是每間茶餐廳都有）。🤣🤣🤣-🍅🥩番茄牛尾湯通粉湯底以新鮮番茄和雜菜打成，一件件的牛尾甚有咬口，味道十分鮮甜。🧋奶茶紅豆冰的奶茶茶味香濃，紅豆份量很多，每次上課前喝些奶茶甚為醒神！整體來說味道覺得不錯！-≡※≡※≡※≡※≡※≡※≡※≡※≡※≡※≡※≡※≡※≡※≡※十字冰室西環西營盤高街48-78號恆陞大樓地下12號舖≡※≡※≡※≡※≡※≡※≡※≡※≡※≡※≡※≡※≡※≡※≡※

網上外賣平台外賣48$ 只有3隻雞翼！….. 嚇死我以為 外賣小哥偷吃！明白平台收取費用 但$48/3隻重要唔特別好食實在貴得太恐怖了 ….. 以後唔會幫襯…. 其他野譬如焗豬扒飯係OK既 但 $85一個唔OK就好有問題…… 價錢同份量有待改善…….

近來很多新冰室開張用懷舊名多，今次來到高街，不是食西餐、pizza而係試下十字冰室的早餐。早餐至11:30am完，來到叫了個牛肉通粉羅宋湯底，連多士炒蛋加杯奶茶共$45元。店内佈置典型茶記格局，座位相隔濶寬因疫情關係，用具都懷舊的。牛通粉都算份量大，生肉軟淋滑，惜唔係好熱，羅湯味濃但可惜偏甜，多士一般般啦，都係微温啦，奶茶ok啦，微温的又唔係難飲。整體上可以接受的，唔係好突出，又唔係差個隻。$45個早餐今時今日好似貴咗D但係份量搭夠啦！

十字牛奶細細個已經開始飲, 奶味又香濃又夠滑, 有十字牌冰室梗係要去食喇!🥰之前食過佢地既沙嗲牛肉米粉, 唔係講笑, 真係好好食, 奶白色湯底 + 惹味沙嗲牛肉 + 極有口感既米粉, 非常好食! 雖然好食, 但今日要試下其他款式!😅今次都係去今早餐, 叫左蘿宋湯鮮牛肉通粉 + 火腿炒蛋多士!😋 蘿宋湯超濃, 又多渣, 鮮牛肉好腍唔鞋口, 又大舊, 啖啖肉, 口感極豐富!😋 炒蛋又香又滑, 都好食, 唯獨多士硬左啲啲! 呢度既檸檬菜蜜仲要唔駛加錢, 超正!

今日突然好想食蕃茄湯, 諗起上次去十字冰室仲未食到佢嘅皇牌餐, 今日趁住去西營盤做嘢嘅機會, 去食個午餐<十字皇牌餐>大食妹嗌左份十字皇牌餐十字皇牌餐包括一碗香濃鮮茄燴牛肋條湯通粉、黑松露炒滑蛋、牛油多士, 仲有一杯嘢飲, 非常豐盛香濃鮮茄燴牛肋條湯通粉嘅蕃茄湯底非常濃郁, 味道甜甜地, 裏面混合左少量雜菜, 有啲似羅宋湯, 但唔辣嘅通粉軟硬適中, 混合濃郁嘅蕃茄湯一齊食, 非常唔錯牛肋條都有完整三舊, 口感軟身, 但同樣入味黑松露炒滑蛋又香又滑, 啖啖都食到黑松露, 而且充滿蛋汁牛油多士亦都夠熱, 牛油分開另上, 想落幾多自己話事嘢飲方面大食妹就嗌左凍咖啡少甜少冰, 雖然咖啡口感幾順滑, 但大食妹依然覺得有少少過甜

在開飯網上找到這間老字號「十字冰室」，購買如下食品：1. 冰火菠蘿油好難食，好似隔晚麵包，一拿上手D菠蘿包的表面個層70%跌落，都唔知咩叫做「冰火」，係咪隔咗幾晚，莫名其妙？？？2. 生炸雞脾配薯條雞脾炸到過火，有點硬，只係食咗小小，可為生炸。薯條無跟茄汁，比咗沙律醬。3. 十字滑奶茶 - 好淡味，好似一杯分兩杯再加冰無法想像會係如此難食， 結果只食到30%。以為老字號，應該好食，點知係唔得，唔好花錢去購票，請勿嘗試！希望佢地識得改善。

環境：冷氣好唔夠，特別大熱天時。Bar枱唔好坐，但唔係bar枱d人又食得好慢，下午茶時間等差唔多超過15分鐘。服務：真好笑，個男職員唔知咩叫扭紋薯條😑因為我多嘢都想食，所以確保係扭紋薯條先叫，如果唔係就叫奶油豬，所以特登問個男職員「係唔係扭紋薯條」，佢好似唔明，答我「長真粗薯條」，所以搞到我冇叫。點知見到其他人有扭紋薯條，簡直反白眼，啤一聲。食物：普通，冇乜特別，不值一提。又再啤一聲嘅，叫朱古力奶，以為係樽裝，點知俾個盒裝我，完全冇咗個港式嘅特式，冇咗個feel，失去左黎呢度嘅意思。黎呢度都係想食個「港式風味」，唔會係你d野食好味囉。黎係因為見Openrice d相有扭紋薯條，同樽裝奶，點知全部失望而回。最不知所謂個職員唔知乜嘢係扭紋薯條。

又黎到早餐星期一啦，整個豐富早餐先番工Happy Blue Monday啦。 黎到位於西營盤嘅十字冰室，係成條充滿著西餐廳嘅高街少數嘅港式茶餐廳 餐廳嘅裝修懷舊得黎又新派 早餐選擇都好豐富，比較多人叫蕃茄濃湯通粉，今日就試試佢！============================== 濃蕃茄湯牛肉湯通粉 配火腿 多士 炒蛋 $48 48蚊早餐真係唔平，似乎人工追唔到通脹越黎越明顯～炒蛋黎講一睇賣相便知龍與鳳，十字炒蛋夠金黃唔會過熟。多士牛油自己搽，搽多少豐儉由人 驚喜嘅真係招牌蕃茄湯通粉，蕃茄湯非常濃郁，牛肉亦有口感證明新鮮用新鮮牛肉。 食完整杯凍奶茶少甜啱啱好！有人情味嘅地方係侍應會記得哂d熟人幾位同食咩~十字冰室 (西營盤)📍西環西營盤高街48-78號恆陞大樓地下12號舖

It’s a rainy Sunday, just want something quick and nice.This Cha Chang Teng is located at the high street, several nice restaurants around.The food comes with good portions and the staff is friendly.They have their own branding of milk which is quite popular. You can drink there or buy in big retail stores. The restaurant only does wholesale at the moment.

今日放假，去咗西環周圍逛逛，好耐都冇嚟過呢區，發覺周圍嘅建築已經唔同曬，依度已經有地鐵站，十分方便。行到咁上下開始肚餓，所以想搵間茶餐廳食個下午茶，見到有間十字冰室, 望落間茶餐廳都乾淨企理，咁就入咗去試食啦。呢度個餐牌寫住焗豬扒飯好出名，咁就order咗一個嚟試下，個豬扒飯賣相一流睇到都想食, 豬扒肉質好鬆軟，醬汁美濃，加埋炒飯一齊食，非常好食。另外仲叫左生炸雞髀薯條，雞脾剛炸好熱辣辣，雞皮炸得好脆，但肉質仲keep住嫩滑，保留住肉汁，好正👍

假日又四出探險，本身想去海味街買少少臘腸回家食，但到埗後覺得肚餓就決定食左午餐先行。🐽懷舊鮮茄足半吋豬扒焗飯 $65哩個焗豬扒飯賣相的確吸引，隨有香濃茄汁外仲有融化左嘅芝士。醬汁味道有茄香味但不會酸，甜甜地幾送飯架。豬扒份量亦好大方，除左有一塊面咁大嘅豬扒外，下面仲收埋左一塊豬柳添啊！豬扒非常腍身好切，入口又夠肉味。雖然焗豬並無用到炒飯底，但仍不減美味！🐣十字營養常餐 $65湯底選用牛奶豬骨湯，味道香濃配通粉一流。豬扒雖然無焗豬咁多，但份量仍然保持大大塊。最最最滿意係佢塊多士，每邊都烘到好脆，配上牛油真係食整都唔夠喉。🥯火腿爆蛋菠蘿包 $28到哩個重頭戲啦，我地都估唔到菠蘿包可以配火腿太陽蛋仲要咁好味，甜甜嘅麵包配上蛋汁同火腿，鹹鹹甜甜嘅味道好有層次，認真好味道！#西營盤美食 #伏遊西營盤 📍十字冰室 (西營盤) (西環)西環西營盤高街48-78號恆陞大樓地下12號舖

三點三 最岩食下午茶！卜卜脆雞皮遇上香口雞皮邊爆汁脆嫩好juicy!!! 斧頭巨人炸雞髀餐 拼辣肉醬薯條🍟$44輕盈版既 仲可以揀拼雜果沙律/牛油粟米條減少罪惡感😈-📍十字冰室 (西營盤)Cross Cafe (High Street)地址: 西環西營盤高街48-78號恆陞大樓地下12號舖Shop 12, G/F, Hang Sing Mansion, 48-78 High Street, Sai Ying Pun, Western District